Morgunblaðið - 01.03.2012, Qupperneq 12

Svaðbælisá færð
N
Heimild: Framkvæmdafréttir
Önundarhorn
Bakkakotsá
Sv
að
bæ
lis
áÞ
jó
ve
gu
r 1
(Seljavellir)
(Vík)
(Hvolsvöllur)
Leirnavegur (243)
Núvrandi lega
Leirnavegur (243)
Nýtt vegstæði
Svaðbælisá
Nýr farvegur
Loftmyndir ehf.
Svaðbælisá verður færð á tæplega
eins kílómetra kafla neðan hring-
vegar, í landi jarðarinnar Önund-
arhorns. Leirnavegur sem liggur
með ánni verður einnig færður á
kafla.
Ríkissjóður hefur keypt jörðina
Önundarhorn sem varð einna verst
úti í flóðunum eftir gosið í Eyja-
fjallajökli. Tilgangurinn var meðal
annars að búa til nýjan farveg fyrir
Svaðbælisá.
Straumur er lítill í Svaðbælisá,
neðan við brúna á hringveginum,
og sest þar aur og aska sem áin ber
með sér úr fjöllum. Hefur stöðugt
þurft að grafa upp úr farveginum
til að koma í veg fyrir að áin taki
ekki brúna af.
Jafnframt verður settur grjót-
garður á vestanverðan varnargarð-
inn neðan við brúna til að móta bet-
ur farveginn sem þar er kominn.
Bíladrangur ehf. í Vík bauðst til
að færa veg og á fyrir 15 milljónir
króna og tilboð Suðurverks og
Gröfutækni voru litlu hærri. Eru
tilboðin um fimm milljónum undir
áætluðum verktakakostnaði Vega-
gerðarinnar.
Búskap hefur verið hætt á Ön-
undarhorni. „Þessi framkvæmd
sker jörðina ansi illa í sundur en
þegar fram líða stundir verður
hægt að hefja aftur búskap,“ sagði
Sveinn Runólfsson landgræðslu-
stjóri í samtali við Morgunblaðið á
dögunum. helgi@mbl.is
Svaðbælisá færð til
að auka strauminn
12 FRÉTTIRInnlent
MORGUNBLAÐIÐ FIMMTUDAGUR 1. MARS 2012
BAKSVIÐ
Björn Jóhann Björnsson
bjb@mbl.is
Hækkandi eldsneytisverð veldur
miklum áhyggjum innan ferðaþjón-
ustunnar. Óttast menn að haldi
verðið áfram að hækka muni það
hafa veruleg neikvæð áhrif í sumar,
ekki síst á ferðalög Íslendinga inn-
anlands, sem hafa dregist verulega
saman undanfarin ár. Þannig sagð-
ist um þriðjungur aðspurðra í ný-
legri könnun MMR fyrir Ferða-
málastofu eingöngu hafa ferðast
innanlands síðasta sumar, á meðan
hlutfallið var nærri 50% fyrir árið
2009.
Útlitið ekki bjart
Samtök ferðaþjónustunnar (SAF)
sendu einmitt í gær frá sér yfirlýs-
ingu þar sem skorað er „enn einu
sinni“ á ríkisstjórnina að lækka
álögur hins opinbera á eldsneyti.
Benda þau á að t.d. hópbifreiðar
nota um 12 milljón lítra af olíu á ári
sem á ársgrundvelli kosti 3 milljarða
króna. Fær ríkið til sín af þeirri upp-
hæð um 1,5 milljarða og hefur sú
upphæð aukist um 300 milljónir
króna á milli ára, segja samtökin,
eða um 25% á einu ári. „Á síðast-
liðnu sumri fækkaði ferðum Íslend-
inga um landið, sérstaklega á þeim
svæðum sem eru lengst frá stærstu
markaðssvæðum, s.s. höfuðborg-
arsvæðinu. Útlitið er því ekki bjart
fyrir ferðaþjónustufyrirtækin víðs
vegar um landið sem helst þjóna Ís-
lendingum. Lækkun á álögum rík-
isins myndi létta undir með ferða-
þjónustufyrirtækjunum um land allt
og stuðla að auknum ferðum fólks
um landið,“ segir í yfirlýsingu SAF.
Hringurinn á 54 þúsund krónur
Minni áhyggjur eru uppi með um-
ferð erlendra ferðamanna um land-
ið, en komum þeirra til landsins hef-
ur sem kunnugt er fjölgað verulega.
Þó hefur eldsneytisverðið haft þau
áhrif að þeir fara frekar í styttri
dagsferðir en lengri ferðalög um
landið.
Bílaleigur og gististaðir verða
minna vör við þennan samdrátt í
ferðalögum Íslendinga innanlands,
þar sem þeir ferðast flestir með
fellihýsi í eftirdragi eða dvelja í or-
lofshúsum. Hins vegar finna mat-
sölustaðir og verslanir við þjóðveg-
inn meira fyrir þessu; sundlaugar,
bensínstöðvar og aðrir þeir staðir
sem íslenskir ferðamenn versla
helst við.
Það kostar líka orðið skildinginn
fyrir ferðamanninn að aka um land-
ið. Ef aðeins er tekinn hringurinn,
sem er um 1.300 kílómetra langur,
þá yrði rekstrarkostnaður bifreiðar í
meðalstærð, sem eyðir 9 lítrum á
hverjum 100 km, um 54 þúsund
krónur. Er þá innifalið eldsneyti, við-
gerðir og ýmis tilfallandi kostnaður.
Sambærilegur kostnaður, við að
keyra hringveginn eingöngu, var um
48 þúsund krónur á síðasta ári. Ef
sami ferðamaður myndi bæta ýms-
um styttri leiðum út frá hringveg-
inum við þá færi aksturinn fljótt í um
2.000 km. Rekstrarkostnaður öku-
tækis á því ferðalagi yrði um 82 þús-
und krónur. Er þá ótalinn gisti- og
fæðiskostnaður og annar tilfallandi
kostnaður við ferðalag hringinn í
kringum landið.
Eftir því sem lengra er farið frá
suðvesturhorninu eru áhyggjur inn-
an ferðaþjónustunnar meiri. Þannig
liggja Austfirðinga á bæn þessa dag-
ana um gott veður og að bensín-
dropinn taki að lækka í verði. Skúli
Björn Gunnarsson, stjórnar-
formaður Markaðsstofu Austur-
lands, segir síðasta sumar hafa verið
„lítið og lélegt“ í ferðaþjónustunni,
aðallega vegna veðurs, en hækkandi
eldsneytisverð hafi klárlega einnig
sín áhrif. Þar megi ferðaþjónustan
reikna með búsifjum.
„Eldsneytisverð er komið í því-
líkar hæðir að menn hugsa sig tvisv-
ar um áður en þeir aka austur á land
með fellihýsi í eftirdragi. Þessi þróun
hjálpar okkur ekki og ekki heldur
flugfargjöldin, ekki má gleyma því
að þau hafa verið að hækka,“ segir
Skúli Björn.
Þörf á betri dreifingu
Aukin umferð erlendra ferða-
manna hefur verið um Austfirði og
þar hefur ferjan Norræna mikið að
segja. Skúli segir meira um að þeir
eyði síðustu dögunum fyrir brottför
austanlands en Íslendingar séu ekki
í miklum mæli að fara akandi í skipið
til ferðalaga á Norðurlöndum eða í
Evrópu. Frekar að þeir séu þá að
flytja úr landi.
Skúli Björn segir mikilvægt að
dreifa erlendum ferðamönnum betur
um landið og nauðsynlegt að stjórn-
völd hugsi til þess þegar verið er að
veita fjármagn til ferðamannastaða
og upplýsingamiðstöðva ferðamanna
á landsbyggðinni. Suðvesturhorn
landsins og vinsælustu ferðamanna-
staðirnir þoli illa alla þá aukningu
sem spáð er í ferðaþjónustu næstu
árin. Sérstakur starfshópur á vegum
Markaðsstofu Austurlands er að
vinna í því að koma á millilandaflugi
á Egilsstaði og viðræður hafa átt sér
stað við Isavia um að beina erlendum
flugfélögum meira austur á Hérað.
Ódýrara að fara á sólarströnd
Vinsæll áningarstaður við þjóð-
veginn er Staðarskáli í Hrútafirði.
Svanhildur Hlöðversdóttir, stöðv-
arstjóri N1 í Staðarskála, segir um-
ferðina klárlega hafa minnkað og það
sjáist best á vegatalningu um Holta-
vörðuheiðina á síðasta ári, sem lækk-
aði um 10-12%. Veðrið hafi einnig
haft sitt að segja. Nú sé t.d. ekki
lengur verið að aka börnum á skíði
í heilu rútunum til Akureyrar eftir
að snjóþyngra varð sunnan heiða.
„Við sjáum líka minna af hinum
dæmigerða íslenska ferðamanni,
enda er það orðið ódýrara
fyrir fjögurra manna fjöl-
skyldu að fara í viku á
sólarströnd en að
ferðast innanlands,“
segir Svanhildur.
Áhyggjur af eldsneyti og veðri
 Hækkandi eldsneytisverð hefur mikil áhrif á ferðaþjónustu á landsbyggðinni  Austfirðingar
liggja á bæn um gott veður í sumar og lækkandi bensínverð  SAF skora enn á ríkisstjórnina
Morgunblaðið/Árni Sæberg
Ferðalög Verulega hefur dregið úr ferðalögum landsmanna innanlands og óttast ferðaþjónustan enn meiri sam-
drátt þar í sumar haldi eldsneytisverð áfram að hækka. Á sama tíma fjölgar erlendum ferðamönnum.
Bæði Evrópukeppnin í knatt-
spyrnu og Ólympíuleikarnir í
London fara fram í sumar og
ferðaþjónustan hefur jafnan
fundið fyrir áhrifum á umferð
ferðamanna, ekki síst Íslend-
inga, þegar slík stórmót laða
marga að sjónvarpsskjám. EM
stendur yfir í júní og fram í júlí
í sumar og Ólympíuleikarnir
hefjast í ágúst, þar sem m.a.
íslenska handboltalandsliðið
verður meðal keppenda.
Skúli Björn Gunnarsson tek-
ur undir að þessi stórmót
hafi haft nokkur áhrif á
ferðalög fólks, sér í
lagi HM í knatt-
spyrnu. En líklega
verði áhrifin minni nú
með aukinni tækni
þegar hægt er að sjá
útsendingar í full-
komnum farsím-
um, spjaldtölv-
um og öðrum
græjum.
EM og ÓL
hafa áhrif
UMFERÐIN Í SUMAR
Skúli Björn
Gunnarsson
Hvað kostar að keyra hringinn?
Forsendur í jan. 2012 2011 2012
Rekstrarkostnaður pr. km*: 36,46 kr. 40,93 kr.
Bensínverð pr. lítra: 220 kr. 260 kr.
* Innifalið: Eldsneyti, viðhald og viðgerðir, tryggingar, dekk,
skattar og skoðun, bílastæði og þrif. Heimildir: FÍB, Vegagerðin
Sumarið
2012
Sumarið
2011
4
8.
49
2
kr
.
54
.4
37
kr
.
Miðað við
1.330 km
akstur meðalbíls sem
eyðir 9 lítrum á 100 km.
Loftmyndir ehf.