Morgunblaðið - 01.03.2012, Blaðsíða 34

34 MENNING
MORGUNBLAÐIÐ FIMMTUDAGUR 1. MARS 2012
Á ljúfum nótum nefnist ný tón-
leikaröð sem haldin er í Háteigs-
kirkju í hádeginu annan hvern
föstudag, þ.e. milli kl. 12.30-13.00.
„Mig langar sérstaklega til að gefa
ungu tónlistarfólki tækifæri til að
koma fram þó vissulega verði líka
reyndari tónlistarmenn í bland.
Markmiðið er einnig að flytja fjöl-
breytta efnisskrá við allra hæfi,“
segir Lilja Eggertsdóttir, píanó-
leikari og listrænn stjórnandi tón-
leikaraðarinnar, sem mun sjálf
leika á flestöllum tónleikum rað-
arinnar. Segist hún vera búin að
skipuleggja dagskrána nokkuð
fram á sumar.
Að sögn Lilju verður efnisskráin
á tónleikum morgundagsins á róm-
antískum nótum þar sem skiptast á
ljúflingslög, dúettar og aríur. Gest-
ir Lilju verða þau Anna Hugadóttir
víóluleikari og Bjartmar Sigurðsson
tenór. „Meðal laga sem flutt verða
eru Hríslan og lækurinn, Rósin,
Nótt eftir Árna Thorsteinsson og
Jeg elsker dig eftir Grieg,“ segir
Lilja. Þess má að lokum geta að
tónleikarnir eru í samstarfi við Há-
teigskirkju.
Tríó Anna, Bjartmar og Lilja.
Á ljúfum
nótum
 Ný tónleikaröð
í Háteigskirkju
Söngvaskáldin Kristján Pét-
ur Sigurðsson, Guðmundur
Egill Erlendsson, Aðalsteinn
Svanur Sigfússon og Þór-
arinn Hjartarson koma fram
á trúbadorakvöldi annað
kvöld kl. 21 á Populus tre-
mula, sem er menning-
arsmiðja í Listagilinu á Ak-
ureyri.
Þeir félagar munu ýmist
flytja eigin lög og ljóð eða
túlka verk annarra höfunda með sínu nefi. Hús-
ið verður opnað kl. 20:30 og er aðgangur
ókeypis. Skipuleggjendur taka sérstaklega
fram að malpokar séu leyfðir.
Tónlist
Trúbadorar á
Populus tremula
Þórarinn
Hjartarson
Sigurður Guðjónsson ræðir
við gesti í kvöld kl. 20 um
verk sitt Undanfara sem nú
er sýnt í Sverrissal Hafn-
arborgar.
Undanfari er ný mynd-
bandsinnsetning sem sýnir
nakinn karlmann í tómu her-
bergi. Hann notar líkams-
þyngd sína til að framkalla
hljóð frá gólffjölunum og
hlustar þannig á eigin þunga
í gegnum brakið í gólfinu. Nekt líkamans og
stellingar tengja verkið við klassísk anatómísk
viðfangsefni myndlistar en taktur hreyfinganna
minnir á mannlegan frumkraft.
Myndlist
Undanfari rædd-
ur í Hafnarborg
Úr Undanfara,
verki Sigurðar.
Djasshundarnir úr kvart-
ettinum Ferlíki og óp-
eruprakkarinn Jón Svavar Jós-
efsson leiða saman hesta sína á
Café Rósenberg í kvöld kl. 21.
Ferlíki skipa þeir Ásgrímur
Angantýsson á píanó, Jón Óm-
ar Árnason á gítar, Magnús
Tryggvason Eliassen á tromm-
ur og Þórður Högnason á
bassa. Sérstakur gestur
kvöldsins verður Eyjólfur Þor-
leifsson saxófónleikari. Á efnisskránni verða
djasskorn og dægurljóð úr ýmsum áttum. Að sögn
aðstandenda hyggjast þeir skemmta sér við að
skemmta öðrum í dúndurstuði í kvöld.
Tónlist
Ferlíki og Jón
Svavar djassa
Jón Svavar
Jósefsson
Silja Björk Huldudóttir
silja@mbl.is
ÚPS! nefnist nýtt dansleikhúsverk
eftir Íslensku hreyfiþróun-
arsamsteypuna í leikstjórn Víkings
Kristjánssonar sem frumsýnt verð-
ur í Tjarnarbíói í kvöld kl. 20. „Þetta
er þriðja verkið í þríleik þar sem
unnið er með leikrit Shakespeares. Í
sýningunni Shake Me sem sett var
upp 2009 var unnið með harmleiki
skáldsins og í sýningunni Kandíland
sem sett var upp 2010 var unnið með
konungaverkin. Þannig að núna var
aðeins það skemmtilega eftir, þ.e.
gamanleikirnir,“ segir Víkingur.
Tekur hann fram að verk Shake-
speares hafi fyrst og fremst verið
notað hópnum til innblásturs. „Þetta
er því ekki sýning fyrir eldheita
Shakespeare-aðdáendur sem vonast
til að heyra texta skáldsins, því það
er mjög lítill texti í þessari sýningu,“
segir Víkingur.
Godzilla og klósettbursti
„Þegar við lásum gamanleikina
fórum við að velta fyrir okkur hvern-
ig húmorinn hefur breyst í tímans
rás, af hverju grín er grín, hvað nú-
tímaáhorfendum finnst fyndið í
verkum Shakespeares og af hverju.
Við erum þannig að skoða húmor út
frá hinum ýmsu sjónarhornum,“
segir Víkingur og tekur fram að öll
meðul séu nýtt til að kæta leik-
húsgesti, þar á meðal tvíburar, ban-
anar, talandi trúður, godzilla, frysti-
kista, kostulegur asni, glundroði og
klósettbursti. „Mér finnst þessi sýn-
ing á köflum mjög fyndin, en svo er
það auðvitað þannig með húmor að
það sem einum finnst fyndið finnst
öðrum ekkert fyndið. Ég er hins
vegar sannfærður um að það er
manni hollt að velta því fyrir sér af
hverju manni finnst eitt fyndið og
annað ekki.“
Eins og að komast í dótakassa
Víkingur segist hafa heillast upp
úr skónum þegar hann sá uppsetn-
ingu Íslensku hreyfiþróun-
arsamsteypunnar á Dj Hamingju ár-
ið 2008. „Ég heillaðist af kraftinum
og frumleikanum í uppsetningunni. Í
framhaldinu óskaði ég eftir því að
vinna með þeim. Þær eru mjög
djarfar í að prófa allt og þeim er
hreinlega ekkert heilagt. Þær eru
því til í að brjóta allar reglur. Ég er
enginn dansari, en hef mikinn áhuga
á að skoða leikhúsformið. Fyrir mér
sem áhugamanni um leikhús er
þetta því eins og að komast í góðan
dótakassa, vegna þess að þær veita
mér svo mikinn innblástur,“ segir
Víkingur og tekur fram að þó hann
sé titlaður leikstjóri uppsetning-
arinnar þá sé sýningin unnin í náinni
hópvinnu þar sem listræn heild-
arsýn er mótuð af öllum meðlimum
hópsins.
Öll meðul verða nýtt
til að kæta leikhúsgesti
 Húmor til skoð-
unar í dansleik-
húsverkinu ÚPS!
Ljósmynd/Bart Grietens
Innblástur „Þær eru mjög djarfar í að prófa allt og þeim er hreinlega ekkert heilagt,“ segir Víkingur Kristjánsson.
Skvísubækur, sem á ensku kallastgjarnan Chicklit, eru áhugavert ogskemmtilegt fyrirbæri, sem stundumer skilgreint helst til þröngt. Skvísu-
bækur geta nefnilega fjallað um svo margt,
margt fleira heldur en sögur af verslunaróðum
kreditkortaveifandi ungmeyjum og þrítugum
konum sem örvænta af karlmannsleysi ef þær
eru ekki með hring á fingri fyrir þrítugt.
Kristín Ómarsdóttir gaf út sannkallaða
skvísubók fyrir stuttu síðan, þar sem umfjöll-
unarefnið eru tvær helstu skvísur allra tíma;
Marilyn Monroe og Greta Garbo. Er hægt að
biðja um meira?
Bók Kristínar heitir Við tilheyrum sama
myrkrinu. Af vináttu: MM og GG og inniheld-
ur sex smásögur, eitt ljóð og tuttugu og tvær
vatnslita- og blýantsteikningar eftir Kristínu.
Hér segir frá tveimur gyðjum; þeim Marilyn
og Gretu. Þær eru vinkonur, heimsækja hvor
aðra þar sem þær hafa það huggulegt, ferðast,
prjóna, baka brauðsnúða og lesa heims-
bókmenntir. Þess á milli segja þær hvor ann-
arri sögur. Eitursnjallar og orðheppnar, for-
vitnar og kaldhæðnar skiptast þær á
vangaveltum um allt á milli himins og jarðar.
Ekki er gott að segja hvenær sögurnar eiga að
gerast; hvort það á að vera fyrir eða eftir
dauða Marilynar en það skiptir annars litlu
máli.
Áhugavert er að velta fyrir sér hvers vegna
Kristín valdi þessar tvær til að fjalla um í bók-
inni. Kannski er það vegna þess að báðar hurfu
sjónum almennings þegar þær voru 36 ára.
Kannski er það vegna þess að segja má um
báðar að þær hafi orðið fórnarlömb eigin
frægðar, hvor á sinn hátt. Marilyn, sem leik-
soppur karlmanna, meira að segja Bandaríkja-
forseta. Útlitið henni bæði til framdráttar og
vansa og sé eitthvað að marka þær ævisögur
sem skrifaðar hafa verið um hana þótti henni
sárt að gáfur hennar fengu sjaldan að njóta
sín, því útlit hennar skyggði á allt annað. Örlög
hennar eru flestum kunn, en hún lést 36 ára
gömul. Garbo var stórstjarna á árunum 1924-
1941, en var aldrei hrifin af sviðsljósinu. Neit-
aði að veita viðtöl og eiginhandaráritanir og
dró sig síðan í hlé einungis 36 ára að aldri. Ótt-
inn við að eldast fyrir framan kvikmyndatöku-
vélina er sagður hafa átt stóran hluta í þessari
ákvörðun.
Naívar teikningar Kristínar minna svolítið á
það sem unglingar rissa upp þegar þeim leiðist
í tímum. En þær eru svalar og smellpassa við
anda bókarinnar. Skemmtileg, beitt og vissu-
lega allt öðruvísi skvísubók sem gaman er að
lesa og skoða.
Allt öðruvísi skvísubók
Morgunblaðið/Ómar
Beitt Kristín Ómarsdóttir fjallar um þær
Marilyn Monroe og Greta Garbo í bókinni Við
tilheyrum sama myrkrinu.
Smásögur og ljóð
Við tilheyrum sama myrkrinu. Af vináttu:
Marilyn Monroe og Greta Garbo bbbbn
Eftir Kristínu Ómarsdóttur. Stella. 2011. 86 síður
ANNA LILJA
ÞÓRISDÓTTIR
BÆKUR
Áttum okkur á því að
Meat Loaf er
fyrst og síðast skemmti-
kraftur. 37
»
ÚPS! er eftir Íslensku hreyfiþró-
unarsamsteypuna. Leikstjóri er
Víkingur Kristjánsson. Um
dramtúrgíu sér Ásgerður G.
Gunnarsdóttir. Tónlist er í hönd-
um Gísla Galdurs Þorgeirssonar
og leikmynd hannaði Tinna
Ottesen. Flytjendur eru Hannes
Óli Ágústsson, Katrín Gunn-
arsdóttir, Melkorka Sigríður og
Ragnheiður Bjarnarson
ÚPS!
LISTRÆNIR STJÓRNENDUR
Kór Akraneskirkju heldur tónleika
í Fella- og Hólakirkju í kvöld kl. 20.
Á tónleikunum hyggst kórinn með-
al annars flytja kórlagaflokk eftir
djasspíanistann George Shearing.
Með kórnum spila þau Gunnar
Gunnarsson á píanó, Tómas R. Ein-
arsson á kontrabassa og Kristín
Sigurjónsdóttir á fiðlu.
Kórlög eftir
Shearing