Monitor - 29.03.2012, Blaðsíða 4

4 MONITOR FIMMTUDAGUR 29. MARS 2012
ÍSOLD
GUÐLAUGS-
DÓTTIR
21 árs úr Reykjavík
Syngur frumsamið lag með gítar
sem heitir Letting You Go
Ísold vinnur á Café París og notar
frítímann í að semja lög. Hún spilar
bæði á gítar og píanó. Hún hefur
alltaf sungið en er nýbúin að
uppgötva að hún geti gert eitthvað
með það og er því nýfarin að
þora að koma fram eftir áralanga
sturtusöngva og gítarpartí.
MARGRÉT ÝR
AUSTMANN
14 ára úr Reykjavík
Grætur mjólk
Einu sinni lenti Margrét í því að
svelgjast á og vökvinn sem hún
var að drekka kom út um augun á
henni. Síðan þá hefur hún prufað
þetta meðal annars með kók og
slær í gegn hvar sem hún kemur.
Hún drekkur aðeins léttmjólk en
ekki nýmjólk og grætur því aðeins
léttmjólk. Hún segir mjólk vera góða
fyrir augun og þetta vera sársauka-
laust, þótt stundum komi loftbólur.
SÖNGHÓPURINN
AÐ EILÍFU EINAR
15-16 ára úr Reykjavík
Syngja lagið Pricetag
Sönghópurinn Að eilífu Einar
samanstendur af fimm frábærum
stelpum. Ein þeirra spilar á gítar en
hefur aldrei stundað neitt tónlistar-
nám, þrjár þeirra syngja og radda og
ein spilar á hristur til að toppa þetta.
Stelpurnar taka fram að nafn hóps-
ins sé ekki tengt neinum fráföllnum
kærasta eða neitt slíkt heldur sé það
algjört bull.
PALLI JÓJÓ
– Páll Valdimar
Guðmundsson Korka
20 ára frá Hafnarfirði
Leikur listir með jójó
Uppáhaldslitur Palla jójó er
bleikur. Það fyndnasta sem
hann hefur lent í er að slá af
sér gleraugun í miðju atriði á
Evrópumeistaramótinu í jójó.
Hann dreymir um að vera
frægur í jójó-bransanum eða
bara þess fyrir utan.
JÓN STEFÁN
FRIÐRIKSSON
18 ára frá Reykjanesbæ
Flytur rokkútgáfu af Canon
Jón er nýorðinn átján ára og nýtti
sér nýfengið sjálfræði og skráði sig
til leiks. Hann elskar beikon, egg og
Manchester United og stefnir alla
leið. Hann dreymir um að meika
það í Bandaríkjunum þar sem hann
segir tónlistarstefnuna sem hann
aðhyllist ekki njóta sannmælis hér á
landi. Fyrirmyndir hans í tónlist eru
Angus Young, Jason Becker og eldri
bróðir hans.
GUÐBJÖRG
ELÍSA HAF-
STEINSDÓTTIR
27 ára frá Hafnarfirði
Syngur Whitney Houston-lagið
I Will Always Love You
Guðbjörg er söngkona og húsmóðir,
keppti í Idolinu á sínum tíma og
hefur reynt nokkuð fyrir sér sem
söngkona. Hún á tvö börn og elskar
hraðakstur og söng og dreymir um
að eignast mótorhjól. Guðbjörg segir
Jesú Krist og Allah vera fyrirmyndir
sínar sem hafi náð langt í tónlist.
MAGNÚS
ÞORRI SIG-
MUNDSSON
13 ára frá Reykjavík
Sýnir spilagaldur
Magnús er mikill og hæfileika-
ríkur snillingur sem segist vera
fljótur að læra nýja hluti. Hann
er glaðlyndur að eðlisfari en
hann óttast „pop-up“-síður
sem innihalda bregðuatriði
mest í lífinu. Hann stefnir á að
verða atvinnutöframaður.
ELÍSABET
BALDURS-
DÓTTIR
13 ára frá Akureyri
Syngur Halo með Beyoncé
Elísabet er hæfileikarík stúlka sem
kemur sér oft í klandur. Henni finnst
gaman að fara á skíði en ekki alveg
eins gaman að festast í stólalyftunni
og fara aftur niður með henni eins
og hún lenti í um daginn. Elísabet
segir systur sína vera sína helstu
fyrirmynd og hún segist þola gagn-
rýni vel, bróðir hennar sér til þess.
AREA OF
STYLEZ
16-27 ára frá Reykjavík
Dansa breikdans við Omen
með The Prodigy
Area of Stylez eru tíu ferskir strákar
með taktinn í blóðinu. Þeir stefna á
að bæta sig enn frekar í dansinum,
fara að kenna dans og keppa á er-
lendri grundu. Strákarnir hafa verið
vinir í þó nokkurn tíma en ákváðu
að skella sér í breikdans eftir að hafa
horft á kóreska auglýsingu á YouTube
með mögnuðum breikdansi. Eftir það
var ekki aftur snúið.
Monitor hleraði þátttakendur í Hæfileikakeppni
Íslands sem hefst annað kvöld á SkjáEinum.
Hæfileika-
leikarnir
hefjast loks