Monitor - 29.03.2012, Blaðsíða 18

18 MONITOR FIMMTUDAGUR 29. MARS 2012
Þeir tóku okkur fagnandi, fannst þetta mjög spennandi
og hrósuðu reyndar þeim snillingum hjá Krínólín sem
hafa hannað Íþróttaálfsbúninginn í öll þessi ár alveg
sérstaklega. Svo var ég bara rifi nn úr og mér skellt í
gipstunnu og búningurinn steyptur eftir því. Það er
náttúrlega frábært að vinna með svona hæfi leika-
mönnum.
Ásamt því að leika Íþróttaálfi nn ert þú líka forstjóri.
Hvernig er því hlutverki best lýst?
Jú, ég er forstjóri hjá Turner og er líklega einn af fáum
forstjórum sem klæðist ofurhetjubúningi. Þegar þú
byrjar á að byggja upp vörumerki eins og Latabæ þá
lendir þú í vandræðum því þú þarft að kenna fólkinu í
kringum þig hugsunarháttinn eða hugsjónina sem þú
ert að boða því það veit enginn hvað þetta er, það hefur
enginn séð þetta áður. Núna er ég svo heppinn að við
erum búin að skapa þennan heim í gegnum bækurnar,
leikritin, útvarpið, sjónvarpsþættina og allt það svo nú
er miklu auðveldara að fá fl eira fólk til að koma að allri
starfseminni. Fyrst um sinn var ég í því að skapa þetta
allt saman með öðru fólki en nú er þetta orðið þannig
að það eru margar deildir innan Latabæjar sem ég kem
ekki nálægt. Aðalhlutverkið mitt er að semja sögurnar
og stýra sköpunardeildinni með tveimur eða þremur
öðrum. Svo tek ég þátt í að kynna fyrirtækið og móta
áætlanir og markmið fyrirtækisins ásamt því að passa
að allir starfsmenn labbi í takt.
Latibær er heimsþekkt vörumerki. Getur þú lýst fyrir
mér hversu þekkt það er?
Latabæjarvörumerkið er eitt þekktasta íslenska
vörumerkið í heiminum fyrr og síðar. 73% manna í tíu
stærstu löndum heims þekkja vörumerkið en mér
skilst að það íslenska vörumerki sem kom á eftir í
sömu könnun hafi skorað 0,03%. Núna er Latibær
kominn út um allan heim í 128 lönd og 500 milljónir
heimila sjá Latabæ. Þátturinn er búinn að vera
í sýningu í rómönsku Ameríku í níu ár en er
enn á topp þremur yfi r áhorfstölur, sem er
mjög óvanalegt. Þar höfum við einnig tekið
þátt í herferðum eða átökum með stjórnvöld-
um í Bretlandi, Spáni, Mexíkó og Kólumbíu.
Þetta hefur skilað árangri, því í Kólumbíu jókst
grænmetisneysla um fl eiri prósent og innfl utn-
ingur á ávöxtum frá Bandaríkjunum til Mexíkó
hefur aldrei verið meiri í sjö ár.
Þetta er skemmtilegt vörumerki með mikla
möguleika og það er líka á skemmtilegum
tímapunkti. Það er búið að slíta barnskónum og
héðan í frá má setja í fi mmta gír.
Af öllum þeim Latabæjarvarningi sem hefur
verið framleiddur, frá tannburstum yfi r í spari-
bauka, hver er þinn uppáhaldsgripur?
Latibær er þannig í þessum efnum að við
segjum eiginlega meira „nei“ heldur en „já“.
Við getum til dæmis ekki tekið þátt í sam-
starfi við skyndibitakeðjur og við getum
ekki verið með í páskaeggjum eða neinu
slíku. Ég myndi segja að ég væri stolt-
astur af því að við höfum komið fram
með nafnið íþróttanammi eða „sports
candy“, eins og það heitir úti í heimi.
Þetta vörumerki eigum við og krakkar
eru farnir að nota þetta orðalag úti um
allan heim. „Íþróttanammi“ er sem sagt
annað nafn yfi r ávexti og grænmeti. Við
höfum verið að keyra herferðir eða átök
úti um allan heim tengd þessari vöru svo
ég myndi segja að hún væri okkar besta.
Myndir þú segja að það styttist í að
Latibær fari að gera tilkall til að vera
kallaður höfuðborg Íslands?
Nei, það held ég ekki (hlær). Það sem er
samt áhugavert er að í Danmörku er Lego
þeirra stolt, í Finnlandi eru það Múmínálf-
arnir og Latibær er íslenskt, það er það sem
við eigum. Latibær fær góða umfjöllun úti
um allan heim og það er mér minnisstætt
þegar BBC sagði til dæmis skömmu eftir
hrun að Latibær væru einu góðu fréttirnar
sem kæmu frá Íslandi á þeim tíma. Ég fi nn
það líka þegar ég hitti Íslendinga í útlöndum,
þá segjast þeir duglegir að segja fólki frá því
að Latibær sé íslenskt fyrirbæri og fólk trúir
þeim varla, það þykir mjög merkilegt.
Á heimsfl akki þínu hefur þú hitt helling af
þjóðhöfðingjum og aðra ráðamenn.
Já, ég hef átt frábæra fundi úti um allan heim. Ég er
búinn að fara mörgum sinnum til Evrópusambandsins
þar sem við erum að reyna að auka grænmetisneyslu
barna í Evrópusambandslöndunum. Mér hefur verið
boðið til forsætis- og heilbrigðisráðherra í nánast
hverju einasta landi sem ég hef komið til. Ég hef farið
á heilbrigðisþing frá stöðum eins og Tromsö í Noregi
yfi r til Mexíkó. Ég hef setið á fundum í Hvíta húsinu
með Michelle Obama en með henni hefur Latibær
tekið þátt í fótboltaátaki í 23 borgum í Bandaríkjunum
og til stendur að setja á laggirnar maraþonhlaup í
samstarfi við hana sem færi fram í 27 borgum þar í
landi. Við höfum unnið náið með David Cameron og
heilbrigðisráðherranum í Bretlandi svo ég hef komið
oft í Downingstræti 10.
Hyggst þú halda áfram að vinna að útbreiðslu
boðskapar Latabæjar fram á elliár?
Já, mig langar að búa til stofnun þar sem ég get unnið
áfram að þessum boðskap sjálfur á einhvern skemmti-
legan hátt, þetta hefur alltaf snúist um það. Svo hef
ég alltaf haft áhuga á svo mörgu öðru. Ég hef mikinn
áhuga á bílum og hef áhuga á því að mála, þótt ég sé
reyndar rosalega lélegur í því en langar til að verða
betri. Mér fi nnst gaman að skíða en Íþróttaálfurinn
hefur hins vegar aldrei mátt fara á skíði svo ég byrjaði
á snjóbretti fyrir nokkrum árum síðan.
Er Íþróttaálfurinn öfl ugur á bretti?
Ég byrjaði að minnsta kosti ekki vel, ég datt svona
sex hundruð sinnum í fjallinu og fólk renndi sér
framhjá og benti: „Þarna er Íþróttaálfurinn, hann getur
ekki neitt!“. Svo langar mig að læra meira í tennis. Að
lokum langar mig að læra meira um hvernig maður á
að byggja upp vörumerki.
Meinar þú þá að setjast á skólabekk?
Já, ég held að það væri gaman. Nú hefur maður svo
mikla reynslu að ég held að það væri gaman að fara í
gegnum slíkt nám. Síðan langar mig að gera bíómyndir
sem eru ekki hugsaðar fyrir börn og er meira að segja
búinn að skrifa þrjár slíkar myndir og er að vinna
í þeim með nokkrum góðum mönnum. Því verður
örugglega hrint í framkvæmd einhvern tímann en
þessa stundina á Latibær hug minn allan.
Ég eyddi með honum
heilum degi og á með-
an var öll fjölskylda stráksins
grátandi að taka upp mynd-
band. Þetta var eitthvað það
alerfi ðasta sem ég hef gert.