Monitor - 29.03.2012, Blaðsíða 6

6 MONITOR FIMMTUDAGUR 29. MARS 2012
AXEL VALUR
DAVÍÐSSON
DIEGÓ
24 ára frá Reykjavík
Sýnir sirkuskúnstir
Axel er mjög þolinmóður sem
er mikilvægt í sirkusbrans-
anum enda þarf ansi oft að
margendurtaka atriðin áður en
þau takast. Hann elskar sushi,
sirkuslíf, myndlist og dans.
Ekkert óspennandi við það!
STEFÁN MAREL
HAFÞÓRSSON
17 ára frá Akureyri
Syngur Ég vil fá mér kærustu
sem Hjálmar gerðu frægt
Stefán syngur lagið Ég vil fá mér
kærustu í órafmögnuðum búningi.
Þetta er uppáhalds íslenska lagið
hans en hann er þó ekki að auglýsa
eftir konu. Hann er ýmsu vanur en
árið 2009 tók hann þátt í uppfærslu
Lundaskóla á söngleiknum Grease
sem Danny Zuko, sem honum finnst
eftir á að hyggja ekkert sérstaklega
töff.
ARON HANNES
OG SILVÍA RÚN
15 og 29 ára frá Grundarfirði
Syngja Robbie Williams-lagið
Angels með píanóundirspili
Systkinin Silvía og Aron skráðu
sig upphaflega til leiks til að vinna
milljónina og gefa ömmu sinni og
afa peningana fyrir nýjum bíl en
bíl þeirra var stolið í lok síðasta árs.
Bíllinn var þó endurheimtur en var
þá í slæmu ástandi sem þýðir að þau
komast ekki nema rétt á milli húsa
á honum og alls ekki í bæinn að
heimsækja barnabörnin söngelsku.
JÓHANNES
PATREKSSON
11 ára frá Garðabæ
Bítboxar
Jóhannes er hress strákur sem bjó
um tíma með fjölskyldu sinni í
Þýskalandi. Þar lenti hann stundum
í tungumálavanda eins og þegar
hann fór í afmæli hjá bekkjarfélaga
sínum með pakka og óskaði honum
til hamingju með afmælið á þýsku
eftir að hafa lært það sérstaklega í
tilefni dagsins – nema að það var
ekkert afmæli. Jóhannes hlær enn
mikið að því og bítboxar inn á milli.
HELGI ÞORKELL
EYJÓLFSSON
26 ára frá Reykjavík
„Gítartappar“ lagið Airtap
Fyndnasta reynsla Helga var þegar
hann setti sjálfskiptan bíl óvart í
hlutlausan á fleygiferð út á flugvöll
með danskri fyrrverandi kærustu
sinni. Helgi áttaði sig ekki hvað væri
að, opnaði húddið og sagði: „Min bil er
død.” Þá fattaði hann að bíllinn væri í
hlutlausum, smellti í gír og brunaði af
stað. Helgi segist sjá eftir því að hafa
ekki haldið kúlinu, kíkt undir húddið
og sagt: „Jeg har klar det, vi kan gå nu.”
SIGRÚN VALA
VILMUNDAR-
DÓTTIR
23 ára frá Selfossi
Syngur I Will Always Love You
með Whitney Houston
Sigrún elskar lambakjöt en þolir
ekki karlrembu og neikvæðni. Hún
byrjaði að syngja og semja aðeins
fjögurra ára gömul og fór fimm ára
í tónlistarskóla. Hún á níu mánaða
strák sem er strax farinn að raula
með mömmu sinni.
BJARTMAR
ÖRNUSON
23 ára frá Akureyri
Kastar keilum og boltum af
mikilli list
Bjartmari leiðast stjórnmál
en kann að meta hálku sem
er ágætt þegar fólk býr á
Akureyri. Hann hefur nefnilega
tekið eftir því að með því að
ganga í hálku geta orðið til hin
bestu dansspor.
MARÍA
AGNESAR-
DÓTTIR
11 ára frá Mosfellsbæ
Syngur Forget You
með Cee Lo Green
María heldur með Liverpool
og segist vera fljót að læra
nýja hluti. Hún stefnir á að
verða söng- og leikkona en
hennar helsta fyrirmynd er
hin geysivinsæla söngkona
Selena Gomez.
EVA MARGRÉT
EIRÍKSDÓTTIR
19 ára frá Reykholti
í Borgarfirði
Syngur Angels
með Robbie Williams
Eva Margrét elskar útreiðar, að
syngja og elda en hún töfrar fram
unaðslegt pasta þegar hún er í stuði.
Hún segist líta upp til margra en vilji
frekar líkjast sjálfri sér en öðrum, þó
það sé alltaf gott að líkjast mömmu.
SÓLVEIG
STEINUNN
PÁLSDÓTTIR
Setur á svið „pole fit“-sýningu
við lagið Dance Without You
21 árs frá Reykjavík
Sólveg er orkusprengja og finnst
leiðinlegast að vera veik heima.
Hún er jákvæð að eðlisfari og óttast
köngulær. Það fyndnasta sem Sól-
veig hefur lent í er að heyra mömmu
sína reyna að gera sig skiljanlega
við spænskan þjón með því að tala
íslensku með spænskum hreim.