Monitor - 29.03.2012, Blaðsíða 21

21 FIMMTUDAGUR 29. MARS 2012 MONITOR
Líf sérsveitarmanna er enginn dans
á rósum, enda hvorki dans né rósir
efst í huga þeirra þegar þeir eltast við
síðskeggjaða hryðjuverkamenn um allan
heim. Í leiknum Unit 13 fá leikmenn tækifæri til að
stýra sérsveitarmönnum, en leikurinn er gerður af
höfundum SOCOM-leikjanna.
Söguþráður Unit 13 er álíka þunnur og nörd á mánu-
degi eftir EVE Fanfest, en hann takmarkast við stuttar
lýsingar á hverri herferð fyrir sig. En samtals eru um
það bil 40 herferðir sem leikmenn fá að spreyta sig á
í þessum fyrsta skotleik sem kemur út fyrir Play-
Station Vita-tölvuna. Herferðirnar eru fjölbreyttar og
þurfa leikmenn að fara í gegnum þær á mismunandi
vegu, en sumar ganga út á að klára á sem minnstum
tíma, aðrar að drepa ákveðið skotmark eða aftengja
sprengjur eða aðrar græjur.
Samanburður við þá bestu
Fyrir hverja herferð geta leikmenn valið einn af sex
mismunandi sérsveitarmönnum og hefur hver og
einn þeirra ákveðna hæfi leika til brunns að bera. Til
dæmis er einn sérfræðingur í að læðast um, annar
sérfræðingur í að sprengja allt í loft upp og svo
framvegis. Að velja rétt þarna
skiptir máli og hefur áhrif á
stig og stjörnugjöf sem gefi n
er í lok hverrar herferðar. En
það sem dregur mann helst
í gegnum leikinn er að bæta
stigamet og bera sig saman við
þá bestu í heiminum. Í leiknum
eru öll helstu vopn sem nútíma-
hermenn nota og er raunveruleikastig
leiksins sæmilega hátt. Það þarf til dæmis ekki
nema örfá skot til að drepa og getur það stundum
verið pirrandi. Gervigreind leiksins er ekki að fara
að vinna nein nóbelsverðlaun, en hún er frekar
óútreiknanleg og getur komið manni í vandræði.
Unit 13 er hægt að spila í gegnum netið
í „coop“ við aðra, en það virkar mjög
vel og mæli ég eindregið með að það
sé prófað. Grafíkin er ágæt, en langt
frá því besta sem sést hefur á Vita-
vélinni. Tónlistin keyrir hasarinn
ágætlega upp og heldur krafti í
leiknum, það sama má segja um
talsetningu leiksins sem er í góðu
meðallagi.
Unit 13 er því fínn ferðafélagi
þar sem maður getur fretað
á félagana með öllum helstu
vopnum nútímans.
Fretað
á ferðinni
TÖ LV U L E I K U R
Tegund:
Skotleikur
PEGI merking: 16+
Útgefandi:
Zipper Interactive
Dómar:
Gamespot 7 af 10
IGN 7,5 af 10
Eurogamer 8 af 10
Unit 13
John Rambo situr í fangelsi fyrir að hafa nánast jafnað
bandarískan smábæ við jörðu
í First Blood. Trautman, eini
vinur hans, þjálfari og félagi úr
Víetnam-stríðinu, sækir Rambo
í grjótið til þess að senda hann í
leynilega sendiför til helvítis á
jörðu en Rambo á að fara aftur
til Víetnam, vopnaður
ljósmyndavél, þar sem
honum er ætlað að fi nna
faldar fangabúðir og sanna
með myndum að þar séu
bandarískir stríðsfangar
enn í haldi. Hann á bara
að taka myndir og koma
sér síðan í burtu. Okkar
maður fer vitaskuld ekki
eftir þeim fyrirmælum
og fyrr en varir er hann
byrjaður að stráfella vonda kalla.
Frægðarsól Sylvester Stallone var í hádegisstað á níunda ára-
tugnum í kjölfar vinsælda Rocky-
myndanna og eftir hina fantagóðu
First Blood, þar sem Rambo var
kynntur til sögunnar, kom ekki
annað til greina en að gíra sig upp
fyrir framhald. Útkoman, Rambo:
First Blood Part II, er ótrúlega ólík
forveranum. Þar var Rambo
hundeltur af lögreglu og
þjóðvarðliðum, lengst af
óvopnaður. Hér snýst leik-
urinn við og Rambo ofsækir
rússneska og víetnamska
hermenn og svo virðist sem
hríðskot andstæðinganna
geygi af ótta við kappann.
Stallone virðist hafa stjórnað öllu við gerð
myndarinnar og munar
ekkert um að senda Rambo,
einan síns liðs, til Víetnam
til þess að sigra stríð sem
Bandaríkjamenn höfðu
tapað fyrir allnokkru
síðan. Að sögn þeirra sem
unnu að gerð First Blood II
greip Stallone stöðugt fram
fyrir hendurnar á leikstjóranum
George P. Cosmatos og gleypti
framleiðsluna með húð og hári.
Við handritsgerðina fékk Stallone
sjálfan James Cameron til liðs
við sig en sá var funheitur frá því
að hafa skrifað og leikstýrt The
Terminator. Stallone tók sig síðan
til og endurskrifaði handritið
með þungum gagnrýnistón á
framkomu bandarískra stjórn-
valda í garð hermanna úr
Víetnam-stríðinu.
Stallone er vitaskuld þrælgóður sem Rambo
þegar höggin eru látin
dynja á honum og ekki er
annað hægt en að kaupa
hann í hlutverkinu. Líkamlegir
burðir, hegðun og útlit hans
smellpassa fyrir hlutverk Rambo.
Þegar undirritaður hugsar til þess
þá er Stallone sennilega það besta
við myndina, og ber hana hrein-
lega á breiðum herðum sínum.
Rambo: First Blood Part II virk-aði betur á mig í minningunni
en nú. Almennt séð er myndin
ekkert sérstaklega vel gerð og
handahófskenndar sprengingar,
skotbardagar og efnistök Stallones
fóru dálítið í mig. Áróðursþema
myndarinnar fer Rambo líka illa
þar sem hann er upphafi nn sem
stríðsmaskína sem berst gegn
meðhöndlun Bandaríkjahers á
eigin mönnum á meðan hann
stráfellir hermenn/skæruliða/upp-
reisnarseggi í öðrum löndum.
www.svarthofdi.is
Rambo: First Blood Part II
...gagnrýnir úr bunkanum
HEY RAMBÓ!
RAMBÓ ÍTALÍANÓ
ÓLAFUR ÞÓR
JÓELSSON