Morgunblaðið - 12.04.2012, Blaðsíða 12

12 FRÉTTIRInnlent
MORGUNBLAÐIÐ FIMMTUDAGUR 12. APRÍL 2012
Draghálsi 14 - 16
110 Reykjavík
Sími 4 12 12 00
www.isleifur.is
Skúli Hansen
skulih@mbl.is
Yfirgnæfandi meirihluti lands-
manna, rúmlega 66%, telur það vera
annaðhvort frekar eða mjög óeðli-
legt að stjórnendur umræðuþátta
RÚV stýri umræðum um pólitísk
málefni, sem þeir hafa sjálfir tjáð
sig opinberlega um á öðrum vett-
vangi. Þetta er niðurstaða nýlegrar
skoðanakönnunar sem unnin var á
vegum MMR fyrir hönd Bergþórs
Ólasonar, en hann greindi frá nið-
urstöðu könnunarinnar í aðsendri
grein sem birtist í Morgunblaðinu í
gær.
„Í fyrsta lagi þá þarf kannski
svona niðurstaða ekki að koma á
óvart. Það þarf ekki að koma á óvart
að yfirgnæfandi meirihluti fólks telji
óeðlilegt að þeir sem hafa skyldum
að gegna á vegum Ríkisútvarpsins
láti sínar persónulegar skoðanir í
ljós út og suður,“ segir Birgir Ár-
mannsson, þingmaður Sjálfstæð-
isflokksins, og bætir við: „Það er
eðlilegt vegna þess að á Rík-
isútvarpinu hvílir auðvitað sérstök
hlutleysisskylda, bæði vegna þess
sem kveðið er á um sérstaklega í
lögum og eins vegna stöðu Rík-
isútvarpsins sem hefur þó nokkra
sérstöðu á meðal fjölmiðla.“
Að sögn Birgis verða starfsmenn
ríkisfjölmiðils, sem á hvílir sérstök
hlutleysisskylda, að fara varlega
þegar þeir tjá sig á opinberum vett-
vangi.
„Án þess að ég vilji tjá mig um
einstök dæmi þá er ég þeirrar skoð-
unar að persónulegar skoðanir
starfsmanna RÚV hafi stundum
haft áhrif á umfjöllun,“ segir Birgir,
spurður út í það hvort hlutleysis-
reglur RÚV hafi misst tilgang sinn,
og bætir við að starfsmenn RÚV
verði að sæta því að verk þeirra séu
skoðuð með jafnvel enn gagnrýnni
hætti en verk starfsbræðra þeirra
sem starfa hjá öðrum miðlum.
Spurður hvernig hægt sé að bæta úr
þessu segir Birgir: „Ég held að þeir
sem bera ábyrgð á rekstri RÚV, líkt
og annarra ríkisstofnana, þurfi að
vera betur vakandi fyrir því að þær
reglur sem stofnunin á að starfa eft-
ir séu virtar.“
Segir RÚV hafa brugðist
„Þessi niðurstaða könnunarinnar
gefur fullt tilefni til þess að þessi
mál séu skoðuð innanhúss hjá Ríkis-
útvarpinu,“ segir Gunnar Bragi
Sveinsson, þingflokksformaður
Framsóknarflokksins, um niður-
stöðu könnunarinnar.
Spurður út í það hvernig hægt sé
að bregðast við þessu segir Gunnar:
„Ég held að þetta snúist fyrst og
fremst um það að stjórnendur Rík-
isútvarpsins, útvarpsstjóri, frétta-
stjóri og aðrir, standi ekki í stykk-
inu. Ef þeir fylgja ekki eftir lögum
og reglum um stofnunina þá hljóta
þeir að bera ábyrgð og það hlýtur að
þurfa að skoða málið út frá því.“
Gunnar bendir á að þó svo að fram-
sóknarmenn hafi staðið með RÚV
áratugum saman þá séu þeir margir
farnir að lýjast. „Ef ég á að tala fyr-
ir mig persónulega þá finnst mér
Ríkisútvarpið hafa algjörlega brugð-
ist sem sjálfstæður, eða sem hlut-
laus fjölmiðill þegar kemur að mjög
stórum málefnum á Íslandi,“ segir
Gunnar og bendir á Icesave-málið
og aðildarumsókn Íslands að Evr-
ópusambandinu sem dæmi um slíkt.
Hann telur umræðuna um Ríkis-
útvarpið vera viðkvæma en menn
megi þó ekki vera hræddir við að
gagnrýna. „Hún er alltaf viðkvæm
þessi umræða um fjölmiðla, sér-
staklega um ríkisfjölmiðilinn, því að
um leið og farið er að gagnrýna, er
talið að það séu svona annarleg sjón-
armið á bak við eða eitthvað slíkt, en
menn mega samt ekki vera hræddir
við það,“ segir Gunnar.
Spurður út í það hver eigi að axla
ábyrgð í þessu máli segir Gunnar:
„Menntamálaráðherra er náttúrlega
æðsti yfirmaður Ríkisútvarpsins en
að mínu viti eiga daglegir stjórn-
endur stofnunarinnar að svara fyrir
þetta, því að þeir eiga að sjá til þess
að á hverjum degi sé fylgt eftir þeim
lögum sem gilda um stofnunina og
ef það er þannig að eftir þeim er
ekki farið þá finnst mér að útvarps-
stjóri, og þá yfirmenn þeirra sviða
sem þar um ræðir, eigi að svara fyr-
ir það að hafa ekki fylgt lögum og
reglum.“
Þingmenn gagnrýna Ríkisút-
varpið fyrir hlutdræga umfjöllun
 Gunnar Bragi Sveinsson segir RÚV hafa brugðist sem sjálfstæður fjölmiðill
„Hversu eðlilegt eða óeðlilegt finnst þér að stjórnendur umræðu-
þátta hjá Ríkisútvarpinu stýri umræðum um pólitísk málefni, sem
þeir hafa sjálfir áður tjáð sig um opinberlega á öðrum vettvangi?“
(82,2% tóku afstöðu.)
Mjög óeðlilegt
34%
Frekar óeðlilegt
32,1%
Mjög eðlilegt
7,7%
Frekar eðlilegt
7,4%
Bæði og
18,8%
Birgir
Ármannsson
Gunnar Bragi
Sveinsson
Aukning og útvíkkun fiskeldis Hrað-
frystihússins-Gunnvarar í Ísafjarð-
ardjúpi er ekki háð mati á umhverf-
isáhrifum, samkvæmt úrskurði
Skipulagsstofnunar. Fyrirtækið
hyggst sækja um leyfi til að fram-
leiða allt að 7000 tonn á ári og eru
þetta mestu áform um sjókvíaeldi
hér á landi.
HG hefur nú leyfi til framleiðslu á
2000 tonnum af þorski og elur hann
aðallega í sjókvíum í Álftafirði og
Seyðisfirði. Auk þess er fyrirtækið
með seiðaeldisstöð á Nauteyri og
þjónustuhöfn í Súðavík.
HG stefnir að því að bæta við sig
möguleikum á lax- og silungseldi og
vera með blandað eldi á þorski, laxi
og regnbogasilungi. Ætlunin er að
framleiða 7 þúsund tonn af hverri
tegund, en hverju sinni verði fram-
leiðsla þó aldrei meiri en 7000 tonn í
heildina. Miðað er við að tvær teg-
undir verði í eldi á hverju svæði og
það ráðist af markaðsaðstæðum
hvaða tegundir verði í eldi hverju
sinni.
Eldið verður árgangaskipt, ætl-
unin er að ala fiskinn í sjó í tvö ár og
hvíla þriðja árið.
Auk Álftafjarðar og Seyðisfjarðar
verður aukið við í Skötufirði. Þá
verða sjókvíar settar út í Mjóafjörð
og Ísafjörð og undir Bæjarhlíð á
Snæfjallaströnd.
Skipulagsstofnun telur eldið ekki
hafa umtalsverð áhrif á umhverfi.
helgi@mbl.is
Áforma
7.000 tonna
eldi í Djúpinu
Sjókví Þorskur er gráðugur í fóðr-
ið. Lax og silungur njóta góðs af.
 Veldur ekki um-
talsverðum áhrifum
Hæsta íbúðarhús landsins, 19 hæða
og 63 metra hátt fjölbýlishús að
Vatnsstíg 16-18, er væntanlegt í sölu
um næstu mánaðamót, að sögn
Brands Gunnarssonar, sölumanns
hjá fasteignasölunni Stakfelli.
Í húsinu eru 42 íbúðir af ýmsum
stærðum, allt frá 95 m2 og upp í rúm-
lega 300 m2, stæði í bílakjallara
fylgir öllum íbúðum. Þær eru allar
með útsýni og verða afhentar full-
búnar en án gólfefna. Minni íbúð-
irnar eru á 1.-3. hæð. Þar fyrir ofan
eru aðeins tvær íbúðir á hverri hæð
og þetta því „mjög prívat fjölbýli“
eins og Brandur orðaði það. Búið er
að leggja drög að verðlagningu og
sagði Brandur fermetraverðið vera
frá rétt rúmum 380.000 kr. og svo
hærra. Íslenskir aðalverktakar
(ÍAV) byggðu húsið. Eigandi þess er
verktakafyrirtækið Skuggabyggð og
annast það lokafrágang íbúðanna.
„Þetta er einstakt hús á þessu
svæði,“ sagði Brandur. „Þarna er
einstök vara að koma á markað.
Menn eiga ekki von á að það verði
byggt annað svona hús á næstunni.
Það eru ekki mörg sambærileg hús á
þessu svæði.“ Hann sagði lítið fram-
boð á nýjum eignum í 101.
Talsvert hefur verið spurt um
íbúðir í húsinu frá því það var aug-
lýst og koma fyrirspurnirnar bæði
frá fólki hér á landi og einnig erlend-
is frá. Brandur segir að mikill áhugi
sé á íbúðum á fyrstu þremur hæð-
unum, sem eru í kringum 100 m2 að
stærð. Einnig hefur verið töluverður
áhugi á íbúðum þar fyrir ofan þar
sem m.a. eru 135 m2 og íbúðir í
kringum 180 m2.
En hvernig er fasteignamark-
aðurinn um þessar mundir?
„Það er ágætis líf,“ sagði Brandur.
„Við finnum fyrir því að markaður-
inn fyrir atvinnuhúsnæði er aðeins
að lifna við. Hann var nánast búinn
að liggja í dvala frá árinu 2008 en
hreyfingin er að aukast þar. Það eru
jákvæðar fréttir.“ gudni@mbl.is
Morgunblaðið/Golli
Háreist Húsið er 19 hæðir og 63 m
hátt. Útsýni er úr öllum íbúðum.
Hæsta íbúðarhús
landsins til sölu
„Við erum auðvitað með skýrar
kröfur um hlutlægni á Ríkisútvarp-
inu, og raunar ætlumst við til þess
af öllum fjölmiðlum en ekki síst af
Ríkisútvarpinu, en það er ekki þar
með sagt að dagskrárgerðarfólk
megi ekki hafa skoðanir og birta
þær,“ segir Katrín Jakobsdóttir,
menntamálaráðherra, spurð út í
viðbrögð sín vegna gagnrýni Berg-
þórs Ólasonar, og bætir við: „Það er
auðvitað spurning hvar línan liggur
á milli þeirra sem
annast fréttir, þar
sem þetta er við-
kvæmara, og síð-
an þá sem eru í
annarri dag-
skrárgerð, við er-
um auðvitað með
mörg dæmi um
það að þátta-
stjórnendur séu
þekktir fyrir sínar skoðanir.“
Spurning hvar línan liggur
SKÝRAR KRÖFUR UM HLUTLÆGNI Á RÍKISÚTVARPINU
Katrín
Jakobsdóttir