Morgunblaðið - 19.04.2012, Blaðsíða 16

16 FRÉTTIRInnlent
MORGUNBLAÐIÐ FIMMTUDAGUR 19. APRÍL 2012
Laugardalslaug verður opnuð að
nýju í dag, sumardaginn fyrsta, eft-
ir þriggja daga lokun vegna fram-
kvæmda. Tíminn síðustu daga var
nýttur vel við að koma fyrir nýjum
leiktækjum, mála potta, tengja
nuddpott, koma fyrir nýju öryggis-
handriði, fjarlægja burðarvirki
undan nýrri göngubrú, auk þess
sem yfirbreiðslur yfir fram-
kvæmdasvæði hafa flestar hverjar
verið fjarlægðar, en tjaldað var yfir
vinnusvæði í vetur til að hægt væri
að vinna að endurbótum við laug-
ina. Það kennir margra þrauta í
leiktækjunum sem borgarbörnin
geta notið í Laugardalslaug á sum-
ardaginn fyrsta og má þar nefna
,,jakahlaupabraut“ („wipe-out-
braut“) og Slöngubraut fyrir
yngstu gestina. Einnig hefur verið
komið fyrir skvettiskálum og nýj-
um körfum við barnalaugina. Laug-
ardalslaug verður opin á sum-
ardaginn fyrsta frá kl. 8 - 22 og er
það sami tími og opið er um helgar.
Morgunblaðið/Ernir
Ný leiktæki í notkun
í Laugardalslaug
Alþjóðamálastofnun og Rannsókn-
arsetur um smáríki efna til fundar
föstudaginn 20. apríl kl. 12 í Lög-
bergi 101 í Háskóla Íslands.
Þar mun Maximillian Conrad,
lektor við stjórnmálafræðideild Há-
skóla Íslands, ræða um mögu-
leikana á að þverþjóðlegur um-
ræðuvettvangur skapist meðal
almennings innan ESB-ríkja.
„Skortur á þess konar umræðu-
vettvangi veikir lýðræði innan ESB
að mati sumra, sem megi svo aftur
rekja til skorts á sameiginlegum
evrópskum fjölmiðlum og sameig-
inlegri evrópskri sjálfsmynd,“ segir
í tilkynningu frá fundarboðendum.
Þverþjóðlegur
umræðuvettvangur
Í dag, fimmtudaginn 19. apríl, er
100 ára afmæli Verkfræðingafélags
Íslands. Þessum tímamótum verður
fagnað með afmælishátíð í Hörpu,
Silfurbergi, kl. 16-18.
Forseti Íslands, Ólafur Ragnar
Grímsson, og ráðherrar munu af-
henda Aldarviðurkenningar Verk-
fræðingafélags Íslands á samkom-
unni. Um er að ræða viður-
kenningar til hópa eða einstaklinga
sem sýnt hafa framúrskarandi ár-
angur við tæknilegar uppfinningar
og/eða framlag til nýsköpunar sem
byggist á raunvísindum og tækni
og hefur haft þjóðhagslegt eða al-
þjóðlegt mikilvægi.
Afmælishátíð í dag
STUTT
Föstudagurinn 20. apríl - Oddi (O-101)
Fundarstjóri er Ágúst Einarsson, prófessor við Háskólann á Bifröst.
kl. 13:00-14:00 Edmund Phelps (Columbia University) og Gylfi Zoega (Háskóli
Íslands) - Corporatism and Job Satisfaction
Laugardagurinn 21. apríl – Aðalbygging, Hátíðasalur
Fundarstjóri er Ágúst Einarsson, prófessor við Háskólann á Bifröst.
kl. 13:00-13:15 Ávarp - herra Ólafur Ragnar Grímsson, forseti Íslands.
kl. 13:15-15:15 John Drobak (Washington University) - Thrainn and the Problem
of Knowledge: The Effectiveness of Conveying Information in the
Electoral and Regulatory Markets
Shanker Satyanath (New York University) - Do Superpower
Interventions Have Short and Long Term Consequences for
Democracy?
Stefan Voigt (Hamburg University) - From Cheap Talk to Economic
Growth: On the Relationship between Property Rights and Judicial
Independence
Lee Alston (University of Colorado-Boulder) - Changing Social
Contracts: Beliefs and Dissipative Inclusion in Brazil
kl. 15:15-15:30 Kaffihlé
kl. 15:30-17:00 James Robinson (Harvard University) - Political Centralization in
Pre-Colonial Africa
Carl Hampus Lyttkens (Lund University) - Surprising Institutions
Sonja Opper (Lund University) - The Institutional Basis of
Leadership Recruitment in China: Factions versus Performance
kl. 17:00-17:30 Lokaávarp - Þráinn Eggertsson
Allir velkomnir og aðgangur ókeypis
Economic Behavior and Institutions Revisited
Ráðstefna til heiðurs Þráni Eggertssyni
20.- 21. apríl 2012
Hagfræðideild og Viðskiptafræðideild
FÉLAGSVÍSINDASVIÐ
Sumardaginn fyrsta 19. apríl mun Hestamannafélagið Fákur
bjóða til opins dags frá kl. 13:00 - 16:00 á félagssvæði Fáks.
Borgarbúar er hvattir til að mæta og njóta dagsins með okkur.
Reiðskóli Reykjavíkur og Reiðskólinn Faxabólmunu bjóða börnum á hestbak
og kynna starfsemi sína. Heppnir krakkar geta unnið frítt reiðnámskeið
í sumarmeð þátttöku í léttum leik.
Hesthús á svæðinu eru opin fyrir gestum og gangandi.
Firmakeppni Fáks hefst klukkan 14.00. Keppt verður
í öllumflokkum frá börnumupp í atvinnumenn.
Í Félagsheimili Fáks verður boðið upp á frítt afmæliskaffi
ásamtmeðlæti.
Opinn dagur hjá Fáki
Sumardaginn fyrsta
Baldur Arnarson
baldura@mbl.is
„Það er verið að gjaldfella Hamra-
hverfið með því að taka unglinga-
deildina í Hamraskóla út. Við höfum
strax upplifað það í fasteignavið-
skiptum í hverfinu að fólk horfir til
þess að hér er ekki lengur fyrirhug-
að að bjóða upp á heildstæðan skóla
og tekur því ákvörðun um að kaupa
sér eignir annars staðar,“ segir Egg-
ert Teitsson, einn forvígismanna
hóps foreldra í Hamraskóla í Graf-
arvogi sem mótmælt hafa harðlega
fyrirhugaðri sameiningu unglinga-
deildarinnar þar og í Foldaskóla.
Hafa mótmælt frá upphafi
Borgarstjórn samþykkti samein-
inguna í fyrra og urðu þau tíðindi í
málinu í gær að hún samþykkti jafn-
framt að flytja Hamrasetur yfir í
Foldaskóla. Mikill meirihluti for-
eldra hefur mótmælt sameiningunni
frá upphafi og tóku mótmælin á sig
skipulega mynd um áramótin.
Sameiningin á að taka gildi í haust
en með henni verður til stór ung-
lingadeild sem Húsaskóli leggur
einnig nemendur til.
Grafarvogur er bæði stórt og
mannmargt hverfi og segir Eggert,
sem á barn sem er að ljúka 7. bekk í
Hamraskóla, engan vafa á að mikið
óhagræði verði að sameiningunni.
Strætóferðir ekki í boði
„Það eru um 2 km á milli Hamra-
skóla og Foldaskóla. Það segir sig
sjálft að þegar vetur verða eins og í
fyrra þurfum við að skutla ungling-
unum í skólann. Það þarf til dæmis
að fara um hinn fjölfarna Fjallkonu-
veg. Strætó er ekki valkostur þar
sem hann hætti að ganga um
Hamrahverfið árið 2007. Þrátt fyrir
það hafa borgaryfirvöld ekki léð
máls á skólabíl eða öðrum leiðum til
að ferja nemendur.“
Spurður hvort ekki beri að horfa
til mögulegs sparnaðar af samein-
ingunni svarar Eggert því til að
hann efist um að hún spari fé. „Við
lögðum fram fyrirspurn um málið og
fengum þær upplýsingar frá borg-
aryfirvöldum að áætlað væri að 80
milljónir spöruðust með sameiningu
unglingadeilda Húsaskóla, Folda-
skóla og Hamraskóla, 14 milljónir á
þessu ári og meira síðar. Til sam-
anburðar er það talið munu kosta 25
milljónir á ári að bæta strætisvagna-
samgöngur.
Svo þarf að gera breytingar í
Foldaskóla vegna flutnings Hamra-
seturs, deildar fyrir einhverfa í
Hamraskóla, og kosta þær ekki und-
ir 10 milljónum króna. Við þetta
bætist kostnaður fyrir foreldra
vegna aukins aksturs á börnunum til
og frá skóla. Sameiningin felur því í
sér aukin útgjöld, ef eitthvað er.“
Varðar viðkvæman hóp
Marta Guðjónsdóttir, fulltrúi
Sjálfstæðisflokksins í skóla- og frí-
stundaráði, segir flutninginn koma
niður á einhverfum nemendum.
„Fyrst og síðast snýst þetta um
mjög viðkvæman hóp sem er ekki
aðeins að flytjast í annað húsnæði
heldur verður hluti af miklu stærri
heild. Þessi hópur þarf að aðlagast
nýjum kennurum, nýjum nemenda-
hópi og nýjum kringumstæðum. Það
er stór biti fyrir viðkvæman hóp eins
og sérdeildina fyrir einhverfa í
Hamraskóla,“ segir Marta.
Hvorki náðist í Oddnýju Sturlu-
dóttur, formann menntaráðs, né Jón
Gnarr borgarstjóra vegna málsins
þrátt fyrir ítrekaðar tilraunir.
Draga í efa að sameining
unglingadeilda spari fé
 Foreldrar í Hamrahverfi í Grafarvogi eru uggandi
Morgunblaðið/Golli
Hitamál Oddný Sturludóttir, formaður menntaráðs Reykjavíkur, á fundi í
vor með foreldrum í Húsaskóla. Unglingadeildin þar flyst yfir í Foldaskóla.
Marta
Guðjónsdóttir
Eggert
Teitsson
Lögreglan á höfuðborgarsvæðinu
stöðvaði kannabisræktun í einbýlis-
húsi sl. þriðjudag. Við húsleit var
lagt hald á um 35 kannabisplöntur
og tæplega 700 grömm af þurrk-
uðum kannabisefnum. Mæðgin
voru handtekin en við yfirheyrslu
hjá lögreglu játaði sonurinn, sem
er á þrítugsaldri, aðild sína að mál-
inu.
Lögreglan hafði fengið upplýs-
ingar um marijúanalykt í ónefndu
hverfi. Eftir að búið var að þrengja
hringinn var bankað upp á í áður-
nefndu húsi. Þar urðu fyrir svörum
íbúar sem voru sakleysið uppmálað
og könnuðust hreint ekkert við
neina kannabisræktun, skv. upplýs-
ingum lögreglu. Var augljóst á lát-
bragði þeirra að eitthvað gruggugt
var á seyði. Sonurinn á heimilinu
hafði læst sig inni í þeim hluta
hússins sem kannabisræktunina
var að finna en hann reyndi síðan
að komast undan á hlaupum. Hann
var handtekinn en svo fór að móðir
hans fylgdi með á lögreglustöðina.
Hún var allt annað en sátt við af-
skipti lögreglunnar, var mjög æst á
vettvangi og sýndi mikinn mótþróa.
Hún var einnig færð í handjárn og
flutt á lögreglustöð til yfirheyrslu.
Mæðgin handtekin