Morgunblaðið - 18.06.2012, Síða 18

18 UMRÆÐANBréf til blaðsins
MORGUNBLAÐIÐ MÁNUDAGUR 18. JÚNÍ 2012
Smiðjuvegi 7 - 200 Kópavogi - Sími: 54 54 300
Opnunartími: 08:00 - 17:00 alla virka daga
www.ispan.is - ispan@ispan.is
CE-VOTTUN ER
OKKAR GÆÐAMERKI
Sérfræðingar í gleri
… og okkur er nánast ekkert ómögulegt
HERT GLER:
Í handrið • Í skjólveggi
Ef eitthvert réttlæti er til, þá verður
að taka þingmenn og ráðherra „vel-
ferðar“-stjórnarinnar fyrir landsdóm
vegna málefna heimilanna.
Skúli fógeti lét byggja stjórn-
arráðshúsið við Lækjartorg sem
fangelsi, nú legg ég til að það verði
settir rimlar aftur í alla glugga í hús-
inu og sópað þangað inn þingmönnum
velferðarstjórnarinnar og þeir spurð-
ir um skjaldborgina. Aðalástæðan er
sú að það voru til margar leiðir til
þess að taka á málefnum heimilanna.
Ég vil benda á það enn og aftur að
velferðarstjórnin hafði öll völd yfir
bankakerfinu í marga mánuði eftir
hrun, en kannski það óheiðarlegasta
af öllu var að Samfylkingin og ASÍ
drógu VG á asnaeyrunum og vildu
ekki taka á þessum málefnum af póli-
tískum ástæðum af því að þau vildu
fórna öllu fyrir ESB, jafnvel heim-
ilum landsmanna. Það þarf ekki ann-
að en að hlusta á þetta unga fólk Sam-
fylkingarinnar, það er í alvarlegri
afneitun. Til hvers að vera að kjósa til
þings og fá svo yfir sig þetta sjálf-
umglaða, veruleikafirrta lið sem nú
stjórnar?
Ég er einn af þeim sem var til-
tölulega sáttur með úrslit síðustu al-
þingiskosninga. Lofað hafði verið að
skjaldborg yrði slegin um heimilin, en
þvílík vonbrigði og hryllingur og ein-
hver mesta svikamylla seinni ára. Ein
leiðin sem hægt var að fara og marg-
oft hefur verið bent á var að festa vísi-
töluna við t.d. 4% á meðan mesta
höggið reið yfir, þá hefði að vísu fólkið
sem átti skrilljón í bankanum ekki átt
núna eina og hálfa skrilljón, en hvað
með það. Sama má segja um lífeyr-
issjóðina. Svo grætur Pétur Blöndal
af því að það tikka ekki inn vextir hjá
honum. Það verða einhverjir að vera
eftir í landinu til þess að taka lán og
borga vexti. Ég held meira að segja
að Onkel Jóakim myndi skammast
sín fyrir Pétur og ég vil gjarnan taka
Pétur í stærð-
fræðitíma við
tækifæri.
Ef það þarf
þjóðarsátt um
eitthvað á Íslandi
í dag þá eru það
málefni heim-
ilanna en ekki
ESB, ramma-
áætlun, stjórn-
arskráin, kvótinn eða eitthvað af þeim
tugum mála sem nú bíða afgreiðslu á
Alþingi.
Og nú er byrjaður enn einn spuna-
dansinn. Einhverjir þrír sérfræð-
ingar sem fjármálaráðherra réði til
þess að yfirfara mál heimilanna sögðu
að það væri ódýrara að vera með
íbúðalán í Danmörku en á Íslandi!
Það skyldi þó ekki vera ein ástæðan
fyrir því að velferðarstjórnin sinnti
ekki skjaldborginni og tók strax á
lánamálunum, átti draumurinn um
ESB að leysa allan vanda? Þeir kom-
ust að þeirri niðurstöðu að það myndi
kosta svo og svo mikið fyrir þjóðina
að taka á málefnum heimilanna, en
hvað kostar að gera ekki neitt? Og
svo étur RÚV þetta allt hrátt. Mér
finnst RÚV vera orðinn einhver
ómerkilegasti fjölmiðill landsins. Þar
á bæ er talað af vanvirðingu um Ber-
lusconi og Murdoch, sem er ágætt, en
ég held þeir ættu að líta í eigin barm.
Ég held líka að þeir ættu að fá ein-
hverja aðra en prófessorana sína úr
háskólanum til þess að tala um mál-
efni líðandi stundar svo maður þurfi
ekki ælupoka við sjónvarpið þegar
maður horfir á fréttir.
Að lokum, það tapa allir á því að
ekki var tekið strax á málefnum
heimilanna, lífeyrissjóðirnir, Íbúða-
lánasjóður, bankarnir og þjóðin sjálf
undir forystu Norrænu „helfarar“-
stjórnarinnar og ASÍ.
HALLDÓR ÚLFARSSON,
Mosfellsbæ,
doriulfars@gmail.com
Heimilin og svikamylla
ríkisstjórnarinnar
Frá Halldóri Úlfarssyni
Halldór Úlfarsson
Í Kattholti dvelja nú
tuttugu nýfæddir kett-
lingar. Stjórn Katta-
vinafélags Íslands hef-
ur á undanförnum
vikum farið víða um
höfuðborgarsvæðið í
leit að heimilislausum
köttum og reynt að
koma þeim í skjól í
Kattholti. Ástandið er
skelfilegt. Hungraðar
og hræddar kisur sem
ekki eiga í nein hús að venda halda til
í fjöru, bak við gáma, fela sig bak við
steina – þar til þær sjá mat. Þá verð-
ur hungrið hræðslunni yfirsterkara.
Í Kattholti er mikill fjöldi óskila-
katta og í ljósi ástandsins þar nú sér
stjórn Kattavinafélags Íslands sig til-
neydda að hvetja kattaeigendur að
láta gelda högna og taka læður úr
sambandi. Þær kettlingafullu læður,
litlu kettlingar og kisur á ýmsum
aldri sem búa nú í Kattholti sýna að-
eins eitt: Ábyrgðarleysi kattaeig-
enda.
Kattavinafélag Íslands hvetur
kattaeigendur um allt land að axla þá
ábyrgð sem fylgir því að eiga kött og
láta taka þá úr sambandi um leið og
þeir komast á réttan aldur. Aðeins
þannig getum við stemmt stigu við
offjölgun katta. Ófrjósemisaðgerð er
varanleg lausn og fær kisi að fara
samdægurs heim og er fljótur að ná
góðri heilsu
Útigangskettir lifa við harðan kost,
hungraðir, veikir, kaldir
og hraktir og eiga öm-
urlega ævi. Rekstur
Kattholts er mjög erf-
iður og reynir þessi
gríðarlega offjölgun
katta mjög á starfsfólk
og starfsemi Kattholts
sem er líknafélag, rekið
af félagsgjöldum og
með hjálp fyrirtækja
sem færa kisunum mat.
Algengt viðhorf fólks
er að halda að læða
þurfi endilega að eign-
ast kettlinga. Það er mikill misskiln-
ingur. Kostir við geldingu og ófrjó-
semisaðgerðir eru að bæði læður og
högnar verða góðir einstaklingar,
heimakærir, blíðir, hreinlátir og
lenda síður í slagsmálum og á flakki.
Kattaeigendur! Tökum höndum
saman og breytum ástandinu til betri
vegar, sýnum ábyrgð og dýravernd.
Það er allra hagur, ekki síst kattanna.
Áríðandi tilmæli til
eigenda og umsjón-
armanna katta
Eftir Önnu Kristine
Magnúsdóttur
»Kattavinafélag Ís-
lands hvetur katta-
eigendur um allt land að
axla þá ábyrgð sem
fylgir því að eiga kött og
láta taka þá úr sam-
bandi um leið og þeir
komast á réttan aldur.
Anna Kristine
Magnúsdóttir
Höfundur er formaður
Kattavinafélags Íslands.
Framboð Vigdísar Finnbogadótt-
ur og kosning hennar til embættis
forseta árið 1980 var bylting. Í
fyrsta sinn í öllum heiminum
hafði kona verið kosin lýðræð-
islegri kosningu í embætti þjóð-
höfðingja. Þar fyrir utan var Vig-
dís bæði makalaus og einstæð
móðir. Í kosningabaráttunni var
Vigdís spurð fjölda spurninga
sem lutu að makaleysi hennar,
m.a. hvernig sætaskipan í mat-
arboðum yrði háttað á Bessastöð-
um. Vigdís svaraði á þá leið að
það væru til hringlaga borð! Vig-
dís var ávallt hnyttin í tilsvörum
enda varla annað í boði.
Vigdís var ein þeirra kvenna
sem brutu múra og þokuðu þar
með jafnrétti karla og kvenna
skrefi fram á við. Og hún gerði
það ein á báti. Vigdís sagði á
fundi árið 2009 að þegar hún bauð
sig fram hefði enginn karlmaður
samþykkt að vera „maðurinn á
bak við konuna“ enda á skjön við
tíðarandann og allar hefðbundnar
hugmyndir um hlutverkaskipan
karla og kvenna. Fyrir vikið var
Vigdís eini forsetaframbjóðandi
sögunnar árið 1980 sem hafði
ekki haft maka sér við hlið. Val
kvenna stendur nefnilega oft og
tíðum á milli fjölskyldu, eða
a.m.k. fjölskyldu með maka, og
frama. Ástæðan er sú að karl-
menn, sem makar kvenna, eru oft
ekki tilbúnir að veita konum sín-
um þann meðbyr sem þær þurfa
til að ná í óskahöfn sína. Og sums
staðar er það erfitt ef ekki
ómögulegt fyrir konur að halda
áfram á vinnumarkaði eftir gift-
ingu eins og t.d. í Afganistan og
eftir barneignir eins og t.d. í Jap-
an.
Þóra Arnórsdóttir hefur boðið
sig fram til forseta Íslands. Líkt
og Vigdís, er Þóra frambærileg
kona og móðir. Ólíkt Vigdísi hins
vegar á Þóra maka og alls eiga
þau sex börn og það sem meira
er: Svavar er tilbúinn að gæta
bús og barna á Bessastöðum! Það
er það byltingarkennda við fram-
boðið. Það stendur fyrir raun-
verulegan sigur í jafnréttismálum
enda er markmiðið með jafnrétti
það að einstaklingar, óháð kyn-
ferði, taki að sér embætti og hlut-
verk eins og best hentar í sam-
ræmi við eiginleika og val hvers
og eins. Þar fyrir utan tilkynnti
Þóra forsetaframboð sitt þegar
hún var komin sjö mánuði á leið.
Framboð Þóru á sér hljóm-
grunn á Íslandi enda ríkir jafn-
rétti innan margra fjölskyldna
hérlendis. Samtímis hefur skapast
mikil umræða í kringum það hér
heima þrátt fyrir að Ísland trónir
á toppnum í jafnréttismálum í al-
þjóðlegum samanburði enda eru
Þóra og Svavar að fara gegn
væntingum hefðbundinna hug-
mynda um hlutverkaskipan karla
og kvenna. Erlendis hefur fram-
boðið vakið mikla athygli og ljóst
að framboð og kosning Þóru til
embættis forseta mun blása kon-
um um allan heim anda í brjóst
og skapa fordæmi á sviði jafnrétt-
ismála. Alþjóðlega er einnig mikil
áhersla á að fá karlmenn til liðs
við jafnréttisbaráttuna. Svavar
mun svo sannarlega víkka út
sjóndeildarhringinn fyrir konur
og karla víða um veröld og vera
frábær fyrirmynd karlmanna sem
kjósa að vera „maðurinn á bak við
konuna“ og heima með börnum
sínum. Eins og umræðan í kring-
um framboðið endurspeglar eru
Þóra og Svavar, líkt og Vígdís á
sínum tíma, að brjóta múra til að
koma jafnréttinu í höfn. Karl get-
ur verið fyrirvinna og forseti eða
hvað sem er! Kona getur verið
fyrirvinna og forseti eða hvað
sem er! Jafnrétti hefur nefnilega
það að markmiði að skapa val í
stað þess að fjötra fólk í krafti
fyrirfram gefinna hugmynda um
hvað sé hlutverk hvers og eins
um aldur og ævi.
Með kjöri Þóru til embættis
forseta munu Íslendingar slá enn
eitt heimsmetið í jafnrétti!
GUÐRÚN M.
GUÐMUNDSDÓTTIR,
mannfræðingur,
HILDUR KNÚTSDÓTTIR,
rithöfundur,
HLYNUR HALLSSON,
myndlistarmaður,
INGA M. SKÚLADÓTTIR,
meistaranemi,
JARÞRÚÐUR
ÁSMUNDSDÓTTIR,
formaður Landssambands
sjálfstæðiskvenna,
ÓLAFUR ÖRN ÓLAFSSON,
veitingamaður.
Forsetaframboð og heimsmet
Frá Guðrúnu Margréti Guðmunds-
dóttur, Hildi Knútsdóttur, Hlyni
Hallssyni, Ingu Magneu Skúladótt-
ur, Jarþrúði Ásmundsdóttur og
Ólafi Erni Ólafssyni.
Móttaka aðsendra
greina
Morgunblaðið er vettvangur lif-
andi umræðu í landinu og birtir
aðsendar greinar alla útgáfu-
daga.
Þeir sem vilja senda Morg-
unblaðinu greinar eru vinsamlega
beðnir að nota innsendikerfi
blaðsins. Kerfið er auðvelt í notk-
un og tryggir öryggi í sam-
skiptum milli starfsfólks Morg-
unblaðsins og höfunda.
Morgunblaðið birtir ekki greinar
sem einnig eru sendar eru á aðra
miðla.
Að senda grein
Kerfið er aðgengilegt undir
Morgunblaðslógóinu efst í hægra
horni forsíðu mbl.is. Þegar
smellt er á lógóið birtist felli-
gluggi þar sem liðurinn "Senda
inn grein" er valinn.
Í fyrsta skipti sem inn-
sendikerfið er notað þarf notand-
inn að nýskrá sig inn í kerfið. Ít-
arlegar leiðbeiningar fylgja hverju
þrepi í skráningarferlinu. Eftir að
viðkomandi hefur skráð sig sem
notanda í kerfið nóg að slá inn
kennitölu notanda og lykilorð til
að opna svæðið. Hægt er að
senda greinar allan sólarhringinn.
Nánari upplýsingar veitir
starfsfólk Morgunblaðsins alla
virka daga í síma 569-1100 frá kl.
8-18.
- nýr auglýsingamiðill
569-1100
finnur@mbl.is