Morgunblaðið - 09.08.2012, Blaðsíða 22

22 finnur.is 9. ágúst 2012
Volkswagen hefur staðfest að bjalla með blæju verði kynnt á bílasýn-
ingunni í Los Angeles í nóvember. Á þessari mynd sést reyndar ekki
endanlegt útlit nýrrar topplausrar bjöllu, heldur er þetta E-Bugster-
útfærsla hennar, sem er tveggja sæta og knúin raforku. Sú nýja verður
með aftursætum og ekki eins breiðum hjólskálum.
Höfðað til nostalgíu
Í nýju blæjubjöllunni verður hægt að velja um þrjár vélargerðir; 2,5
lítra og 5 strokka vél, 2,0 l túrbínuvél og 2,0 l dísilvél, einnig með túrb-
ínu. Spurst hefur út að innréttingin í þaklausu bjöllunni verði með aft-
urhvarfi til fjórða, fimmta og sjötta áratugarins, svo Volkswagen held-
ur áfram að höfða til nostalgíunnar í kaupendum á bjöllunni.
finnurorri@gmail.com
Volkswagen boðar breytingar
Bjallan stendur alltaf fyrir sínu og er einn vinsælasti bíll sögunnar.
Blæjubjalla í haust
Umferðin um verslunarmanna-
helgina í ár var mun meiri um
Hellisheiði en í fyrra eða sem
munar 10%. Umferðin um Hval-
fjarðargöngin þessa helgi dróst
hinsvegar saman um 2,6%. Þetta
kemur fram í pistli á vefsetri Vega-
gerðarinnar.
Aukningin um Hellisheiði í heila
viku, fyrir og um verslunarmanna-
helgina, nemur 11,5%. Því virðast,
segir Vegagerðin, að fleiri en áður
hafa verið fyrr á ferðinni fyrir
verslunarmannahelgi; farið af stað
á miðvikudegi eða fimmtudegi.
Áberandi mikill samdráttur er í
umferðinni um Hvalfjarðargöng á
laugardegi eða sem nemur 12,6%
miðað við sl. ár. - Hvað varðar
aukna umferð austur fyrir fjall má
hafa í huga einstaka veðursæld
sem réði því væntanlega að marg-
ir brugðu undir sig betri fætinum
og fóru í ferðalag. Þá var Ung-
mennalandsmót UMFÍ haldið á
Selfossi sem var mjög fjölsótt. Ber
hér því æði margt að sama brunni
sem útskýrir málið.
Minna en síðustu ár
„Þegar talað er um umferðina
um verslunarmannahelgi er alla
jafna miðað við dagana frá og
með föstudegi til mánudags,“
segir Vegagerðin og bendir á að
þessa daga varð 10% meiri um-
ferð um Hellisheiði nú í ár borið
saman við síðasta ár. Þrátt fyrir
þessa aukningu um Hellisheiði þá
er umferðin samt sem áður minni
um nákvæmlega sama hlutfalli en
árið 2009 og tæplega 5% minni
en árið 2010.
sbs@mbl.is
Margir á Suðurland um verslunarmannahelgina
Fleiri fóru um Hellis-
heiðina en færri í göngin
Morgunblaðið/Sigurður Bogi
Margir voru á Suðurlandi um sl. helgi. Veðursæld og vinsælar útiskemmt-
anir eru að ætla má ástæða aukinnar umferðar, a.m.k. að hluta til.
Toyota Yaris er mest seldi nýi
bíllinn á Íslandi frá áramótum
til dagsins í dag. Alls hafa 323
slíkir bílar verið nýskráðir frá
áramótum, segir í frétt á vef-
setri Félags íslenskra bifreiða-
eigenda sem vísar til talna frá
Umferðarstofu.
Nýskráðir um 5.500
Langflestir Yaris-bílanna
eru bensínbílar en allmargir
eru dísil- og tvíorkubílar. Alls
hafa verið nýskráðir 5.472 ný-
ir fólksbílar á tímabilinu.
„Stærstur hluti nýrra fólksbíla á Íslandi frá áramótum eru litlir og
meðalstórir bílar þannig að segja má að bílakaupendur virðast teknir að
halla sér meir en áður að smábílum og meðalstórum,“ segir FÍB sem
bendir þó á þá undantekningu að Toyota Land Cruiser 150 er fjórði mest
seldi bíllinn með 224 nýskráningar. Þá verði að geta þess að um helm-
ingur nýju bílanna 5.472 er bílaleigubílar. Því sé ekki hægt að halda því
fram að almenningur sé kominn á fullt í því að endurnýja heimilisbílana.
Breyting til batnar
„Innflutningur á nýjum bílum til landsins hefur mjög lítill verið þau ár
sem liðin eru frá bankahruninu. Miðað við undangengin ár kann því að
virðast sem 5.472 úr nánast engu sé mikil breyting til batnaðar hvað
varðar að endurnýja bílaflotann í landinu,“ segir FÍB.
sbs@mbl.is
Bílasala að aukast og Yaris vinsæll
Bílaleigur taka helminginn
Toyota Yaris Hybrid er sá bíll sem meng-
ar minnst og salan er sömuleiðis góð.
Morgunblaðið/Ómar
Margir framleiðendur hafa reynt að leysa af hólmi
hinn sérstaka svarta leigubíl í London sem fram-
leiddur er af The London Taxi Company og er upp-
haflega af Austin-gerð. Nissan vonar nú að hinn sér-
framleiddi leigubíll NV200, sem verður næsti
leigubíll New York-borgar, verði einnig fyrir valinu í
London. Nissan-bíllinn hefur ýmsa kosti fram yfir
hinn breska. Hann tekur 5 manns og hefur að auki
mikið rými fyrir farangur farþega. Hann er með gler-
þak sem þykir mikill kostur fyrir farþega sem skoða
vilja sig um og sjá upp um húsakost borgarinnar. Í
bílnum er USB-tengi fyrir farþega, stillanleg loft-
ræsting og lýsing fyrir hvern farþega. Hann er sér-
staklega sniðinn til að flytja fólk í hjólastólum og
undan honum er til þess gerð rennibraut sem
sprettur fram ef þörf er á. Nissan-bíllinn er bæði
mun sparsamari á eldsneyti og mengar næstum
helmingi minna en sá breski. Auk þess ætlar Nissan
að bjóða hann sem rafmagnsbíl sem mengar ekki
neitt. Nissan vonar að allir þessir kostir verði til
þess að borgaryfirvöld í London taki hann umfram
aðra bíla sem næsta leigubíl borgarinnar. Engin
ákvörðun hefur þó verið tekin um skipti á þeim.
finnurorri@gmail.com
Nissan í leigubílalandvinningum?
Verður leigubíll New
York líka í London?
Vill fólk þennan í stað svarta London-bílsins?
Japanski bílaframleiðandinn
Mazda hefur sett sér háleitt
markmið, sem á endanum
mun eðlilega ekki nást. Mark-
miðið er að í hvert sinn sem
nýr bíll er endurhannaður
verði hann að léttast um 100
kíló. Kröfurnar um minni
mengun bíla eru hið knýjandi
afl bak við þessa yfirlýsingu,
því ein besta leiðin til að
minnka mengun og eyðslu bíla
er að létta þá. En það að létta
sífellt bíla getur líka komið niður á öryggi þeirra og möguleikanum á að
auka þægindi farþega og útbúa þá með sífellt nýjum tækninýjungum.
Mazda tókst að létta nýjan CX-5-jeppling sinn um 260 kíló í sam-
anburði við CX-7-bíl þeirra, svo það er ljóst að þeim er full alvara með
áformum sínum. Mazda hefur þó ekki tekið ál eins mikið í notkun og til
dæmis Audi, sem létt hefur bíla sína verulega fyrir vikið. Mazda á það
hreinlega eftir, en því fylgir vanalega hærra verð á hvern bíl. Mazda
horfir reyndar til þess að nota koltrefjar í auknum mæli en fyrirtækið
hyggst bíða eftir því að verð á efninu lækki eftir því sem meira er fram-
leitt af því. Mazda ætlar að leita í hverju skúmaskoti af möguleikum til
að létta bíla sína og mun horfa til allrahanda efna í því sambandi.
finnurorri@gmail.com
Léttari bílar eyða minna, menga minna
Mazda vill létta hvern nýjan bíl
Honda CX-5 varð 260 kílóum léttari og
mengar hann því þeim mun minna.
Við seljum bílinn þinn meðan þú slappar af.
Mikil sala!
Vilt þú selja bílinn þinn?
Settu hann á skrá hjá okkur frítt!
Bílasala Funahöfða 1 110 Rvk. Sími: 580-8900
F u n a h ö f ð a 1 • 1 1 0 R e y k j a v í k • S í m i 5 6 7 4 8 4 0 • h o f d a h o l l i n h o f d a h o l l i n . i s
FYLGSTU MEÐ OKKUR Á FACEBOOK
-þegar gæði verða lífsstíll
Fullur salur af flottum bílum!
Mikil sala - komdu og skoðaðu úrvalið.
Vanir sölumenn okkar sjá um að þinn bíll
seljist fljótt og örugglega.