Morgunblaðið - 15.10.2012, Blaðsíða 9

FRÉTTIR 9Innlent
MORGUNBLAÐIÐ MÁNUDAGUR 15. OKTÓBER 2012
PI
PA
R\
TB
W
A
•
SÍ
A
•
12
18
16
www.jonogoskar.is Sími 5524910 / Laugavegi 61 / Kringlan / Smáralind
LÁTTU FAGMENN
META GULLIÐ
Sérstaða okkar hjá Jóni og Óskari er sú að við höfum keypt og selt
gull í 41 ár og búum því yfir mikilli þekkingu, reynslu og fagmennsku
á þessu sviði.
Við kaupum til endurvinnslu allar tegundir af gullskartgripum, gamla
og nýja, gullúr, tanngull, gullpeninga, hvers kyns silfur og demanta í betri
skartgripagæðum.
Við bjóðum gott og alþjóðlega samkeppnishæft verð fyrir gripina og
framleiðum úr öllu gulli sem við kaupum. Þannig spörum við gjaldeyri.
Komdu til okkar á Laugaveg 61 og leyfðu okkur að veita þér faglega
ráðgjöf sem tryggir að þú færð rétta greiningu á þínum verðmætum.
Það skiptir mestu máli.
Við staðgreiðum allt gull en áskiljum okkur rétt til að biðja um persónuskilríki.
Aðeins í verslun okkar að Laugavegi 61, virka daga milli kl. 10–18.
Góð séraðstaða þar sem gull er metið í ró og næði.
Gjáhella 4 • 221 Hafnarfjörður • Sími 569 2100
MÁNUDAGINN 15. OKTÓBER
vegna árshátíðarferðar starfsfólks
www.birkiaska.is
Minnistöflur
Bætir skammtímaminnið. Nýtist fólki sem er
undir álagi og fæst við flókin verkefni. Hentar vel
fyrir eldri borgara, lesblinda og nemendur í
prófum. Dregur úr streitu, eykur ró og bætir skap.
Ný vitneskja: Fyrirlestur: Christopher Vasey
Máttur hugsana
Hvers vegna hafa þær slík áhrif á líf okkar?
16 október 2012 – kl 20:00
Radisson Blu Saga Hotel v/Hagatorg, 107 Reykjavík
Erindið verður flutt á ensku. Skipuleggjandi: Christof.Leuze@leuze.de
Aðgangseyrir 500 kr. www.gral-norden.net
Óskar Sigurjónsson
fyrrverandi sérleyfis-
hafi lést miðvikudag-
inn 10. október s.l. á
Heilbrigðisstofnun
Suðurlands, 87 ára að
aldri. Óskar fæddist
16. ágúst 1925 á Torfa-
stöðum í Fljótshlíð,
sonur Ólinu Sigurðar-
dóttur, húsfreyju og
bónda og Sigurjóns
Jónssonar bónda.
Óskar vann að
mestu leyti hjá Kaup-
félagi Rangæinga við
akstur, rafmagn og
viðgerðir frá 1950 til 1960. Óskar
tók við sérleyfinu Múlakot-
Reykjavík af Kaupfélagi Rang-
æinga 15. júni 1960.
Tveimur árum síðar kemur bróð-
ir hans Sveinbjörn inn í reksturinn.
Þann 1. apríl 1963 ganga Helgi
Ingvarsson og Steinþór Jóhanns-
son inn í reksturinn og verður
Austurleið þá til með sérleyfi frá
Fossi á Síðu. Nokkrum árum síðar
tók Óskar alfarið yfir reksturinn
ásamt eiginkonu og börnum. Með
opnun Skeiðarárbrúar árið 1974
lengdist sérleyfið til Hafnar í
Hornafirði og síðar áfram til Egils-
staða yfir sumartímann. Austurleið
hf. sameinaðist síðar Sérleyfis-
bílum Selfoss og í framhaldi af því
Kynnisferðum.
Óskar kaupir lítið
þjónustuhús vorið
1966 og flytur í Húsa-
dal í Þórsmörk. Árið
1981 fékk Óskar leyfi
til að staðsetja skála í
mynni Húsadals utan
skógræktargirðingar.
Með árunum fjölgaði
skálunum og í dag er
þar gistiaðstaða fyrir
140 manns ásamt
stóru þjónustuhúsi.
Óskar lagði mikla
áherslu á að rækta
upp gróðurlausa mela
í mynni Húsadals og hefur það skil-
að miklum árangri.
Óskar sat í ýmsum nefndum og
ráðum varðandi fólksflutninga og
samgöngumál og lagði sitt af mörk-
um til að efla og bæta þau mál.
Óskar hafði alla tíð mikinn áhuga
á flugi og flugsamgöngum. Sextug-
ur settist hann á skólabekk og lauk
einkaflugmannsprófi og keypti sér
tveggja manna flugvél,TF-AVA.
Eftirlifandi eiginkona Óskars er
Sigríður Halldórsdóttir. Þau eiga 8
börn, 26 barnabörn og 29 barna-
barnabörn.
Útför Óskars fer fram frá Stór-
ólfshvolskirkju á Hvolsvelli laugar-
daginn 20. okt. og hefst athöfnin kl.
14.
Andlát
Óskar Sigurjónsson
Hólmfríður Gísladóttir
holmfridur@mbl.is
Aðgengi íslenskra neytenda að líf-
rænum vörum er afar gott og innlend
lífræn ræktun og framleiðsla fjöl-
breytt, en betur má ef duga skal. Til
að mynda er afar erfitt að nálgast líf-
ræna ferskvöru á borð við kjöt, egg og
osta en íslenskir ræktendur og fram-
leiðendur ættu þó að eiga hægara um
vik en kollegar þeirra víða erlendis
með að skipta yfir í lífrænt.
Þetta segir Oddný Anna Björns-
dóttir, varafulltrúi framkvæmda-
nefndar Samtaka lífrænna neytenda,
en samtökin efndu í gær til sinnar
fyrstu uppskeruhátíðar í Norræna
húsinu, þar sem gestir og gangandi
áttu kost á því að hlýða á fróðlega fyr-
irlestra og gæða sér á heilnæmu ljúf-
meti, svo fátt eitt sé nefnt.
„Samtökin voru stofnuð til að auka
meðvitund almennings, þrýsta á
stjórnvöld um að móta stefnu í mála-
flokknum og hvetja og styðja við þá
sem vilja fara í lífræna ræktun og
framleiðslu,“ segir Oddný. Hún segir
að stefnt sé að því að lífræn ræktun
verði stunduð á um 15% ræktaðs
lands á Íslandi árið 2020.
„Það er metnaðarfullt en á alveg að
vera hægt, því það er í raun og veru
auðveldara á Íslandi en á mörgum
stöðum í heiminum að skipta yfir í líf-
ræna ræktun vegna þess að það eru
færri skref sem þarf að taka,“ segir
hún. Til dæmis sé minni þörf fyrir eit-
urefnanotkun hérlendis og þá stóli
bændur í minna mæli á kemískan
áburð.
Oddný segir að markmiðið með
uppskeruhátíðinni í gær hafi verið að
gera íslenska lífræna framleiðendur
sýnilega en ákveðins misskilnings
gæti oft í umræðunni um lífræna hug-
myndafræði, sem snúist fyrst og
fremst um neytendavernd, dýravernd
og umhverfisvernd. Þá sé það í raun
öfugsnúið að málum sé þannig háttað
að lífrænir framleiðendur þurfi að fá
afurðir sínar vottaðar en ekki öfugt.
„Þetta er dálítið óréttlátt, að líf-
ræna framleiðslan þurfi að vera undir
sérstöku eftirliti,“ segir Oddný. „Í
Frakklandi er verið að tala um að
snúa þessu við og að þeir sem rækta
með eiturefnum og kemískum áburði
þurfi að sérmerkja vörurnar sínar.“
Vantar lífræna ferskvöru
á íslenskum markaði
Morgunblaðið/Kristinn
Lífrænt Gestir kynntu sér íslenska lífræna framleiðslu í Norræna húsinu í gær.
 Fjöldi fólks kynnti sér lífræna framleiðslu í Norræna húsinu
Lífrænt
» Þúsundir manna sóttu
fyrstu uppskeruhátíð Samtaka
lífrænna neytenda.
» Lífræn ræktun snýst um að
rækta mat á sem náttúruleg-
astan og heilnæmastan hátt,
segir Oddný.
» Lífrænt er ekki það sama og
náttúrulegt eða vistvænt.
Sex dauðar álftir fundust í fjörunni á Stokkseyri í gær.
Það var vegfarandi sem leið átti um fjöruna sem gekk
fram á þær. Álftirnar höfðu verið skotnar og samkvæmt
upplýsingum frá lögreglunni á Selfossi er ljóst að það
var gert annars staðar og fuglarnir síðan færðir í fjör-
una.
Álftir eru friðaðar og því varðar við lög að deyða þær.
Málið er nú í rannsókn lögreglunnar á Selfossi og eru
þeir sem hafa séð til mannaferða á þessum slóðum eða
hafa einhverja vitneskju um málið beðnir að hafa sam-
band við lögregluna á Selfossi í síma 480-1010.
Sex álftir skotnar og færðar í fjöruna
Álftir á Tjörninni.