Morgunblaðið - 05.01.2013, Page 20
20 FRÉTTIRInnlent
MORGUNBLAÐIÐ LAUGARDAGUR 5. JANÚAR 2013
Orkan gaf eina krónu af hverjum
seldum lítra af eldsneyti á tíma-
bilinu 1.-21. desember 2012 til Fjöl-
skylduhjálpar Íslands.
Upphæðin sem safnaðist var
2.883.506 krónur og var hún afhent
í fyrradag.
„Peningarnir koma sér mjög vel
því nú erum við að gera upp við alla
matarbirgja okkar. Viljum við færa
viðskiptavinum Orkunnar okkar
bestu þakkir fyrir ómetanlegan
stuðning,“ segir í frétt frá Fjöl-
skylduhjálpinni.
Á myndinni eru frá vinstri: Tinna
Marína Jónsdóttir, markaðsfulltrúi
Skeljungs, sem rekur Orkuna, Ás-
gerður Jóna Flosadóttir, formaður
Fjölskylduhjálpar Íslands og Jón
Páll Leifsson markaðsstjóri
Skeljungs.
Fjölskylduhjálpin
fékk peningagjöf
Sunnudaginn 6.
janúar kl. 14
hefst Skákþing
Reykjavíkur.
Mótið er nú hald-
ið í 82. sinn og í
fjórða sinn er
það haldið í sam-
starfi við Kornax
ehf. hveitimyllu.
Núverandi skák-
meistari Reykja-
víkur er Björn Þorfinnsson. Tefldar
verða 9 umferðir og er teflt á
sunnudögum kl. 14 og á mið-
vikudögum og föstudögum kl.
19.30. Skráning fer fram á heima-
síðu T.R., taflfelag.is. Teflt er í hús-
næði Taflfélags Reykjavíkur í
Faxafeni 12. Áhorfendur eru vel-
komnir.
Skákþing Reykjavík-
ur haldið í 82. sinn
Björn Þorfinnsson
Þrettándabrenna verður við Ægi-
síðuna í Reykjavík á sunnudaginn.
Fólk mun safnast saman við KR-
heimilið í Frostaskjóli klukkan 18.
Þaðan verður gengið fylktu liði nið-
ur á Ægisíðu og munu nemendur í
Hagaskólanum leiða gönguna með
kyndlum. Þegar kveikt hefur verið
í brennunni verður fjöldasöngur og
mun Guðmundur Steingrímsson al-
þingismaður leika undir á harm-
oniku.
Þrettándabrenna við
Ægisíðu á morgun
STUTT
Helgi Bjarnason
helgi@mbl.is
„Þessar rannsóknir geta hugsan-
lega varðað leið okkar frekar inn í
framtíðina og styrkt okkur í að
þróa lyf sem byggðist á lífvirkum
efnum úr þörungum Bláa lónsins,“
segir Grímur Sæmundsen, for-
stjóri Bláa lónsins ehf. Fyrirtækið
hefur tekið höndum saman við
deildir Háskóla Íslands og Land-
spítala um rannsóknir á bólgu-
hemjandi efnum sem unnin eru úr
þörungum Bláa lónsins.
Þekkt er einstök virkni efna í
Bláa lóninu; steinefni, kísill og
þörungur hafa áhrif á psoriasis og
ýmsa húðsjúkdóma. Bláa lónið
framleiðir ýmsar húðvörur úr hrá-
efnum lónsins og rekur lækninga-
lind, auk baðstaðarins.
Bólga er talin orsök margra
sjúkdóma sem hrjá íbúa vest-
rænna ríkja og hefur tíðni ýmissa
sjúkdóma, svo sem psoriasis og
liðagigtar, aukist mikið undan-
farna áratugi. Grímur segir að vís-
bendingar hafi komið fram í rann-
sóknum sem Bláa lónið hefur
staðið að um einstök efni sem
gegni ákveðnu hlutverki við að
hemja bólgur sem ónæmiskerfi lík-
amans setur af stað. Markmið nýju
rannsóknarinnar er að finna og
skilgreina bólguhemjandi efni úr
þörungum sem lifa í Bláa lóninu.
Tekur hann fram að meðferð við
bólgu sé ekki aðeins gagnleg við
meðferð sjúkdóma heldur einnig
sem forvörn gegn þeim.
Hagnýting í vöruþróun
„Hugsunin er að geta hjálpað
einstaklingum sem þjást af bólgu-
sjúkdómum ýmiskonar, sérstak-
lega psoriasis, sem er á okkar sér-
sviði.“
Grímur segir að rannsóknirnar
séu fræðilega áhugaverðar en þær
eigi sér einnig hagnýtan tilgang.
„Við höfum trú á því að þessi
vinna geti leitt til hagnýtingar
þessara efna.“ Nefnir hann að nýtt
náttúrulegt efni sem hefur bólgu-
hemjandi virkni geti leitt til
áhugaverðra möguleika í vöruþró-
un.
Efnin verði nýtt við framleiðslu
húðvara og á síðari stigum einnig í
heilsuvörur og lyf með það að leið-
arljósi að styðja við núverandi
starfsemi og skapa ný tækifæri til
enn frekari verðmætasköpunar úr
þessari náttúruauðlind.
Grímur tekur fram að lyfjaþró-
un sé langtímaverkefni sem þurfi
að vinna í samvinnu við alþjóðleg
lyfjafyrirtæki.
Leita bólguhemjandi efna
Ný rannsókn miðar að því að skilgreina bólguhemjandi efni úr þörungum úr
Bláa lóninu Nýtt við framleiðslu húðvara og lyfjaþróun í framtíðinni
Morgunblaðið/Eggert
Bláa lónið Fjöldi fólks sækir heilsubót í kísil og þörunga Bláa lónsins sem auk þess er einn vinsælasti og fjölsóttasti ferðamannastaður landsins.
Ný kynslóð Toyota Auris verður
kynnt hjá Toyota í Kauptúni í
Garðabæ, Reykjanesbæ, á Selfossi
og Akureyri í dag, 5. janúar á bíla-
sýningum sem hefjast á hádegi og
standa fram til kl. 16.
Nýr Auris er í tilkynningu sagð-
ur góður fulltrúi nýrrar hönnunar
Toyota. Kaupendur þessa nýja Aur-
is geta valið á milli fjögurra véla og
fengið bílinn með 1.33l eða 1.6l
bensínvél, Hybridútfærslu með 1.8l
bensínvél eða 1.4l dísilvél.
Toyota kynnir nýja
útgáfu Auris í dag
Auris Verður frumsýndur á Íslandi í dag.
Bláa Lónið, lyfjafræðideild Há-
skóla Íslands og ónæmis-
fræðideild og rannsóknarstofa í
gigtsjúkdómum á Landspítala
standa saman að rannsókninni
sem hefur fengið vilyrði fyrir 30
milljóna kr. styrk úr Tækniþró-
unarsjóði á næstu þremur ár-
um. Með mótframlögum verður
yfir 60 milljónum varið til rann-
sóknarinnar. Verkefnið er hluti
af rannsóknarverkefni doktors-
og mastersnema við HÍ.
60 milljóna
kr. verkefni
SAMSTARF ÞRIGGJA
Guðbjartur Hannesson velferð-
arráðherra og Guðrún Ágústa Guð-
mundsdóttir bæjarstjóri í Hafn-
arfirði
undirrituðu í
vikunni sam-
komulag um
átaksverkefnið
Vinna og
virkni - átak til
atvinnu 2013.
Alls verða til
210 störf í bæn-
um í tengslum
við átakið sem
nær til margra
fleiri byggð-
arlaga og á að
tryggja um 3.700 manns úrræði á
vinnumarkaði. Framkvæmd verk-
efnisins byggist á yfirlýsingu rík-
isvaldsins, aðila vinnumarkaðarins,
sveitarfélaga og fleiri. Atvinnuleys-
istryggingasjóður leggur 2,7 millj-
arða kr. til málsins.
„Það er mikið í húfi. Þeir sem
hafa verið án atvinnu um langa hríð
búa við erfiðar aðstæður og hætta
er á að fólk verði óvinnufært til
frambúðar ef ekkert er að gert,“
segir Guðbjartur Hannesson vel-
ferðarráðherra. sbs@mbl.is
Ætla að skapa
rúmlega 200 störf
Vinna Guðbjartur
Hannesson og Guðrún
Ágústa Guðmunds-
dóttir bæjarstjóri.
www.brynja.is - brynja@brynja.is
MIKIÐ ÚRVAL AF SNÖGUM
OG SNAGABRETTUM
LYKILVERSLUN VIÐ
LAUGAVEGINN