Morgunblaðið - 05.01.2013, Blaðsíða 29

FRÉTTIR 29Erlent
MORGUNBLAÐIÐ LAUGARDAGUR 5. JANÚAR 2013
Kjartan Kjartansson
kjartan@mbl.is
Pakistanska stúlkan Malala You-
safzai, sem skotin var í höfuðið af
talibönum fyrir að berjast fyrir
menntun kvenna, var útskrifuð af
sjúkrahúsi í Birmingham á Englandi
í gær.
Hún er þó aðeins útskrifuð tíma-
bundið eins og er en hún þarf að
gangast undir meiriháttar aðgerð á
höfuðkúpu eftir nokkrar vikur.
Læknar töldu þó að það væri henni
fyrir bestu að vera með foreldrum
sínum og bræðrum og því getur hún
í millitíðinni dvalist á tímabundnu
heimili fjölskyldunnar á Englandi
þar sem hún mun gangast undir
frekari endurhæfingu.
Malala, sem er aðeins fimmtán
ára gömul, komst í heimsfréttirnar í
október þegar talibanar skutu hana
þar sem hún var á ferð í skólarútu í
bænum Mingora í Pakistan.
Byssukúlan sem hæfði hana í höf-
uðið var aðeins sentimetrum frá því
að kosta hana lífið. Í kjölfarið var
hún flutt undir hendur sérfræðinga
á sjúkrahúsinu í Birmingham þar
sem hún hefur síðan legið.
Talsmenn sjúkrahússins segja að
undanfarnar vikur hafi Malala
reglulega farið í heimsóknir af spít-
alanum til fjölskyldu sinnar.
„Malala er sterk, ung kona sem
hefur lagt hart að sér með því fólki
sem annast um hana til að ná mikl-
um framförum í bata,“ sagði Dave
Rosser, lækningastjóri við Háskóla-
sjúkrahúsið í Birmingham þegar
stúlkan var útskrifuð.
Faðir Malala, Ziauddin, hefur ver-
ið ráðinn til starfa sem mennta-
málafulltrúi á ræðismannsskrifstofu
Pakistan í Birmingham. Það er því
talið líklegt að fjölskyldan eigi eftir
að dveljast á Englandi næstu árin.
Útskrifuð af sjúkrahúsinu
AFP
Kveðja Malala veifar sjúkrahússtarfsfólki og ljósmyndurum þar sem hún yfirgefur sjúkrahúsið í Birmingham.
 Malala Yousafza sem var skotin af talibönum í október
laus af spítala í bili  Meiriháttar aðgerð framundan
Ola Borten Moe, olíu- og orku-
málaráðherra Noregs, sem við-
staddur var útgáfu sérleyfa til
rannsókna og vinnslu á Drekasvæð-
inu, hefur verið nefndur krónprins
norska Miðflokksins.
Borten Moe er enda aðeins 36 ára
gamall bóndasonur, fæddur 6. júní
1976 í Þrándheimi. Ráðherrann er
menntaður í jarðræktarfræði,
stjórnmálafræði og sögu. Fyrir ut-
an búmennskuna eru honum stjórn-
mál í blóð borin en hann er barna-
barn fyrrverandi forsætisráðherra
Noregs, Pers Bortens, sem gegndi
embættinu frá 1965 til 1971.
Þá er hann giftur Önnu Ceselie
Brustad Moe, sem einnig gegnir
þingmennsku fyrir Miðflokkinn.
Hann hóf stjórnmálaferil sinn í
borgarráði Þrándheims árið 1995
þegar hann var aðeins 19 ára og sat
þar allt til ársins 2007. Tveimur ár-
um áður hafði hann fyrst verið
kjörinn þingmaður. Þar tók hann
sæti í orku- og umhverfismálanefnd
þingsins og varð síðar formaður
viðskipta- og iðnaðarnefndar.
Borten Moe tók síðan við embætti
olíu- og orkumálaráðherra í mars í
fyrra í ríkisstjórn Jens Stolten-
bergs forsætisráðherra. Fljótlega
komst hann í ónáð umhverfisvernd-
arsinna vegna stuðnings við frekari
olíurannsóknir og -boranir, meðal
annars við Lófóten.
Hann er harður andstæðingur
Evrópusambandsins og þess að
Noregur gangi í það. Þá hefur hann
sagt að of margir flóttamenn væru í
Noregi og lýst yfir vilja til að herða
stefnu Norðmanna í málefnum
þeirra.
Bóndasonurinn
sem varð að prinsi
 Varð ráðherra aðeins 35 ára gamall
Morgunblaðið/Styrmir Kári
Ráðherra Borten Moe við útgáfu
sérleyfa vegna Drekasvæðisins.
Heildarlausnir
fyrir bílinn þinn
Bílaraf
www.bilaraf.is
Gott verð, góð þjónusta!
• Bremsuviðgerðir
• Kúplingar
• Bilanagreiningar
• Kóðalestur/Tölvuaflestur
Endurstillingar
• Rafmagnsviðgerðir af öllum toga
• Startarar og alternatoraviðgerðir
• Rafgeymar
og margt, margt fleira...
Strandgötu 75 • 220 Hafnarfjörður • Sími 564 0400
bilaraf@bilaraf.is • bilaraf.is