Morgunblaðið - 05.01.2013, Blaðsíða 52

52 DÆGRADVÖL
MORGUNBLAÐIÐ LAUGARDAGUR 5. JANÚAR 2013
Stjörnuspá
21. mars - 19. apríl 
Hrútur Nú er mikill annatími í lífi þínu. En
þar sem þú ert einn þeirra fáu sem njóta
þeirrar vinnu skaltu bara brosa og njóta þess
í botn!
20. apríl - 20. maí 
Naut Þú mátt finna til svolítið meira sjálfs-
trausts því það skemmir fyrir þér hversu
reikull og hikandi þú ert. Veldu þér gildismat
sem hægt er að reiða sig á.
21. maí - 20. júní 
Tvíburar Þótt smáóreiða sé ekki skaðleg, eru
hlutirnir undra fljótir að fara úr böndunum,
þegar skriðan fer af stað. Gerðu bara gott úr
því sem fyrir er. Mistökin eru til þess að læra
af þeim.
21. júní - 22. júlí 
Krabbi Þú virðist hafa svör við öllu á reiðum
höndum. Nú er lag að hreinsa til á skrifborð-
inu. Að vera nálægt einhverjum hjartfólgnum
spillir ekki fyrir.
23. júlí - 22. ágúst 
Ljón Þú skarar fram úr jafningjum þínum, en
ekki athugasemdalaust. Ef þú ert ekki nálægt
gömlu markmiðunum þá ættir þú að velta
fyrir þér hvort markmiðin hafi hentað þér.
23. ágúst - 22. sept. 
Meyja Þér finnst engu líkara, en allir í kring
um þig fari sínu fram án nokkurs tillits til þín.
Staldraðu við og hugleiddu hvort vináttan
skipti ekki meira máli en deiluefnið.
23. sept. - 22. okt. 
Vog Vinur reynir að sannfæra vogina um eitt-
hvað í dag. Ekki hætta við ferðalög á þeim
forsendum að þú getir farið seinna, farðu þér
heldur hægt og kannaðu alla málavöxtu.
23. okt. - 21. nóv.
Sporðdreki Þú þarft á öllum þínum innri
styrk að halda til þess að komast í gegnum
þá erfiðleika sem við þér blasa. Haltu fast um
budduna og horfðu í hina áttina.
22. nóv. - 21. des.

Bogmaður Þú hittir einhvern langt að kom-
inn í dag og verður að vera víðsýnn og vin-
gjarnlegur í hans garð. Ekki halda aftur af þér
því aðrir eru tilbúnir að hlusta á framlag þitt.
22. des. - 19. janúar 
Steingeit Það er eitt og annað sem þú átt
ógert heima fyrir og nú verður ekki lengur
undan því vikist að ganga frá þeim málum.
Notaðu tímann til þess að klára óunnin verk.
20. jan. - 18. febr. 
Vatnsberi Ástin er farin að líkjast ferð í par-
ísarhjóli, hæðirnar og lægðirnar eru farnar að
vera dálítið fyrirsjáanlegar. Aðgát skal höfð í
nærveru sálar.
19. feb. - 20. mars

Fiskar Þótt þér gangi eitthvað í móti er
ástæðulaust að þú takir út vonbrigði þín á
þeim sem næst þér standa. Frítími þýðir
skemmtun sem byggir mann upp.
Jóhann J.E. Kúld segir frá því íMorgunblaðinu 22. desember
1983 að faðir sinn Eiríkur Kúld
Jónsson hafi ásamt Þórarni Er-
lendssyni, sem þá var í smíðalæri
hjá honum, byggt Akrakirkju á
Vestur-Mýrum. Það hefur verið
aldamótaárið 1900. Þegar búið var
að reisa kirkjuna og Þórarinn sat
klofvega á mæni hennar bar þar að
Hannes Blöndal skáld, sem skrifaði
eftirfarandi vísu á panilfjöl:
Þórarinn er þýður í svörum,
þar er aldrei stilling á förum.
Ekki heyrist krunka í kalli
klofríðandi á guðsorðahjalli.
Árni Böðvarsson, mesta rímna-
skáld 18. aldar, lifði síðustu æviár
sín á Ökrum.
Frændi Árna, séra Gunnlaugur
Snorrason, var þjóðkunnur fyrir
sálma og annan skáldskap guð-
rækilegs efnis. Einhvern tíma
ræddu þeir um sálmaskáldskap og
þá orti Árni:
Sver ég það við mold og málm,
mitt parrik og hattinn,
aldrei skal ég yrkja sálm
þó eldri verði en skrattinn.
Gísli Konráðsson sagði svo frá,
að Gunnlaugur prestur hefði svar-
að og lagt við fyrri hendingu Árna:
að einhvern skal ég yrkja sálm
áður en fúnar skrattinn.
„Ok segja menn,“ segir Gísli, „at
eptir þat kvæði prestur Fæðing-
arsálmana,“ en þeir nutu vinsælda
fram á 19. öld. Og þótt Árni hafi
kveðið fast að orði í stöku þessari
liggur eftir hann skáldskapur and-
legs efnis ekki lítill að vöxtum.
Sumar af stökum Árna hafa orðið
húsgangar og lifa á vörum manna
enn í dag:
Eg er að flakka eins og svín
út um víðar sveitir.
Góins stakka grundin fín,
gef mér smakka brennivín.
Á Suðurlandi mun almennt hafa
verið farið með vísu þessa þannig
breytta, að annað vísuorð hljóði
svo: „út á Bakka og heim til þín“.
Bakki er Eyrarbakki.
Í tóbaksleysi kvað Árni:
Nú er ekki að nefna tóbakspípu,
þó í sé boði Ísland hálft,
æran, góz og lífið sjálft.
Í rímum af Herði og Hólverjum
segir Árni í níundu rímu um þá,
sem hefjast til vegs án verðleika:
Þykjast öllum þegnum snjöllum meiri,
en þegar neyðir orða hinn
út þá freyðir nautsheilinn.
Þessi vísa hefur löngum verið tal-
in eftir Árna:
Ætti ég ekki vífaval
von á þínum fundum,
leiðin eftir Langadal
löng mér þætti á stundum.
Halldór Blöndal
halldorblondal@simnet.is
Vísnahorn
Klofríðandi á guðsorðahjalli
Í klípu
„SEGÐU OKKUR BARA HVAÐ GERÐIST, OG
HÆTTU AÐ BREYTA RÖDDINNI. ÞETTA ER
EKKI LEIKLESTUR Í ÞJÓÐLEIKHÚSINU.“
eftir Mike Baldwin eftir Jim Unger
„EF ÉG VEIÐI EITTHVAÐ GÆTI VERIÐ
BEST FYRIR ÞIG AÐ STÍGA SVONA TVÖ
EÐA ÞRJÚ SKREF AFTURÁBAK.“
Hermann
Ferdinand
Hrólfur hræðilegi
Grettir
... þegar hann eys
ástarljóðum yfir þig.
LJÓÐ
DAG-
MAMMA.
GÓÐUR VINSTRI KRÓKUR
MISMUNAR EKKI EFTIR KYNJUM.
ER ÞAÐ MÆJA
ÓLAFS SEM ER
AÐ LEGGJA ÞIG Í
EINELTI?!
(ANDVARP)
JÁ.
EN HÚN ER
STELPA!!!
HVERNIG
GASTU LÁTIÐ
ÞAÐ GERAST?
Handbolti, handbolti og afturhandbolti. Víkverji iðar í skinn-
inu eftir að herlegheitin – heims-
meistaramótið í handknattleik –
hefjist á Spáni. Það er alltaf til-
hlökkun þegar stórmót í handbolta
eru haldin í byrjun árs. Þá verða
skrefin ekki eins þung í byrjun árs
því til tilhlökkunarefnið er ærið.
Kappleikur framundan.
x x x
Víkverji horfði á þátt um landsliðiðí handbolta á dögunum, sem er
svo sem ekki í frásögur færandi
nema fyrir þær sakir að þar var við-
tal við stórþjálfarann Alfreð Gísla-
son. Hann er baráttujaxl með ein-
dæmum og má með sanni segja að
hann verður aldrei saddur í þeim
skilningi að hann hungrar alltaf í sig-
ur. Hann var í þeirri stöðu að vera
búinn að vinna þýsku deildina (og
marga aðra titla). Strákarnir áttu
samt sem áður eftir að spila nokkra
leiki. Þá lagði hann upp með að þeir
yrðu taplausir sigurvegarar. Það
gekk eftir. Í síðasta leiknum þeirra
voru þeir um tíu mörkum yfir og sig-
urinn nánast í höfn. Það var ekki nóg
því hann lagði enn harðar að drengj-
unum að þeir kæmust yfir 300 marka
múrinn. Þá heyrðist á bekknum
hvort hann gæti aldrei slakað á og
hreinlega notið þess. Alfreð sagði frá
þessum atburði með glettni og brosti
við, – hann væri hreinlega svona inn-
réttaður. Þetta er einmitt eitt af því
sem hefur fleytt honum svona langt.
Alltaf ný markmið sem á að keppa
að, fullur af eldmóði.
x x x
Þetta er heillandi. Baráttan erendalaus, það er ekki til í orða-
bókinni hjá köppunum – og þá meina
ég landsliðinu í handknattleik – upp-
gjöf. Baráttugleðin er endalaus og
smitandi.
x x x
Annað sem Víkverji hnaut um ímáli Alfreðs var tal um peninga.
Í liðinu sem hann þjálfar í Þýska-
landi eru tveir Frakkar sem unnu
gull á Ólympíuleikunum. Þeir fengu
samanlagt upphæð frá franska rík-
inu sem allur handboltinn á Íslandi
fær frá ríkinu. Samt höfum við náð
viðlíka árangri. víkverji@mbl.is
Víkverji
Þá greindi hann mér svo frá: Þetta er
orð Drottins til Serúbabels: Ekki með
valdi né krafti heldur fyrir anda minn,
segir Drottinn allsherjar. (Sakaría 4:6)
Lagerrými
Lagerbakkar
Brettakerfi
Smávörukerfi
Árekstrarvarnir
Milligólf
Brautarholt 26-28 | 105 Reykjavík
Sími 511 1100 | www.rymi.is | www.riverslun.is