Morgunblaðið - 10.01.2013, Blaðsíða 6

6 FRÉTTIRInnlent
MORGUNBLAÐIÐ FIMMTUDAGUR 10. JANÚAR 2013
SVIÐSLJÓS
Kristján Jónsson
kjon@mbl.is
Allsherjarnefnd Alþingis hyggst
hefja efnislega umfjöllun um frum-
vörp innanríkisráðherra um fækkun
sýslumanna og lögreglustjóra í
næstu viku, að sögn Björgvins G. Sig-
urðssonar, formanns nefndarinnar.
Hann hefur ekki á tilfinningunni að
þau séu mjög umdeild í núverandi
búningi þeirra.
„Ég tók þátt í fyrstu umræðunni
og mér heyrðist vera nokkur þver-
pólitískur samhljómur á þingi um
frumvörpin eins og þau eru núna. Ég
er því nokkuð bjartsýnn á að þetta
verði afgreitt en útiloka ekki ein-
hverjar breytingar,“ segir Björgvin.
Tryggvi Þór Herbertsson, fulltrúi
sjálfstæðismanna í nefndinni, segir
að stjórnarliðar muni velja nokkur
baráttumál sem þeir leggi sérstaka
áherslu á að klára fyrir kosningar.
Hann sjái ekki fyrir sér að skipulags-
breytingarnar áðurnefndu séu slíkt
baráttumál, auk þess séu þær um-
deildar og viðkvæmar víða úti á landi.
Fólki á fámennum stöðum líst ekk-
ert á það að fækka störfum fyrir há-
skólamenntaða í plássum þar sem
sjávarútvegur er nánast eina at-
vinnugreinin. Búsetuskilyrðin verði
erfiðari, segir Tryggvi.
Ætlunin er að fækka sýslumönn-
um úr 24 í átta og lögreglustjórar
verða jafn margir. Gagnrýnt hefur
verið að þegar sé búið að fækka
sýslumönnum í samræmi við vænt-
anleg lög. En mörg fordæmi eru þó
fyrir því að sýslumenn taki að sér
önnur umdæmi samtímis. Þannig
gegnir sýslumaðurinn í Kópavogi
einnig embættinu í Hafnarfirði,
sýslumaðurinn á Ísafirði annast emb-
ættið á Patreksfirði og sýslumað-
urinn í Kópavogi embættið í Hafn-
arfirði.
Sum umdæmi fámenn
Frá 1. febrúar mun sýslumaðurinn
á Blönduósi jafnframt verða sýslu-
maður á Sauðárkróki. Stefán Vagn
Stefánsson, yfirlögregluþjónn á
Sauðárkróki og formaður byggða-
ráðs Skagafjarðar, vill að staða sýslu-
manns á staðnum verði auglýst og
ráðið í hana til eins árs þar sem enn
sé óljóst hvort breytingarnar verði
samþykktar.
Málið snýst um mikilvæg störf og
tekjur fyrir fámenn sveitarfélög, í
sveitarfélaginu Hólmavík búa alls um
600 manns og svipað í Búðardal.
Heimildarmenn sem rætt var við
sögðu að um væri að ræða breyt-
ingar sem rökstyðja mætti með
breyttum aðstæðum. Sveitar-
félögum hafi t.d. á þrem ára-
tugum fækkað úr 221 í 74. Á
niðurskurðartímum sé erf-
itt að verja útgjöld
sem í reynd virðist
vera dulbúnir
landsbyggðar-
styrkir.
Fækkunartillögur
gætu frestast
 Þingnefnd ekki fjallað efnislega um fækkun sýslumanna
BAKSVIÐ
Skúli Hansen
skulih@mbl.is
„Árin 2011 og 2012 voru mjög erfið
ár í sambandi við dagpeninga-
greiðslur og allar greiðslur úr
sjóðnum, við vorum með heilmikið
tap á sjóðnum í fyrra og verðum
með það aftur núna á þessu ári,“
segir Björn Snæbjörnsson, formað-
ur stéttarfélagsins Einingar-Iðju,
aðspurður um stöðu sjúkrasjóðs fé-
lagsins en í gær greindi Morgun-
blaðið frá því að á árinu 2012 hefði
VR greitt 1,2 milljarða úr sjúkra-
sjóði sínum, sem mun vera það
mesta sem greitt hefur verið úr
þeim sjóði á einu ári. Að sögn
Björns hafa greiðslur úr sjúkrasjóði
félagsins aukist gríðarlega.
Aðspurður hvað valdi þessari
aukningu segir Björn margar
ástæður liggja þar að baki. „Ýmsir
hafa hert reglur hjá sér, eins og
með endurhæfingarlífeyri og fleira
þar sem menn fóru fyrr inn en núna
eiga allir að klára réttindi sín í
sjúkrasjóði. Lífeyrissjóðirnir hafa
líka verið harðir á því að menn klári
réttindi úr sjúkrasjóði. Svo eru það
aukin veikindi.“ Hann bendir á að
langtímaveikindi hafi aukist. „Það
er held ég vegna aukins vinnuálags
alls staðar, sérstaklega að því er
mér finnst gagnvart opinberum að-
ilum, og það kemur út í veikindum,“
segir Björn og bætir við að sér finn-
ist þetta mest áberandi í kvenna- og
umönnunarstörfum.
Aðspurður um hversu háar fjár-
hæðir sé að ræða segir Björn að
greiðslur vegna dagpeninga hafi
verið í kringum 72 milljónir króna á
árinu 2012 og um 68 milljónir árið
2011.
Fengu skellinn árið 2008
„Við fengum þennan skell árið
2008 en þá varð 40% aukning á
greiðslum. Hún hefur verið stígandi
frá því en ekkert í líkingu við þetta,
kannski verið 14-15 prósent á milli
ára,“ segir Guðrún Kr. Óladóttir,
forstöðumaður sjúkrasjóðs Efling-
ar, aðpurð hvort hún hafi orðið vör
við jafnmikla aukningu greiðslna úr
sjóði félagsins og hjá sjúkrasjóði
VR. Aðspurð hvað útskýri þessa
stighækkandi aukningu nefnir Guð-
rún t.d. niðurskurð hjá hinu op-
inbera. „Þar var alveg gríðarleg
aukning, sérstaklega árin 2010 og
2011, og við höldum því fram að það
hafi verið þessi hroðalegi niður-
skurður sem hrakti nánast þá sem
voru veikir fyrir út,“ segir Guðrún
og bendir á að ekki sé spurning að
aukið álag eigi einnig þátt í þessu.
Að sögn Þórarins Eyfjörð, fram-
kvæmdastjóra SFR, hafa menn þar
á bæ orðið varir við auknar
greiðslur úr sjúkrasjóði félagsins en
þó ekkert í líkingu við þá spreng-
ingu sem orðið hefur hjá VR. „Mun-
urinn hjá þeim og okkur er sá að at-
vinnuleysið hefur ekki hitt okkar
félagsmenn af jafnmiklum þunga og
félagsmenn á almennum markaði,“
segir Þórarinn.
Greiðslur úr
sjúkrasjóðum
aukast milli ára
 Segja vinnuálag eiga þátt í aukningu
Morgunblaðið/Þorkell
Sjúkrasjóðir Greiðslur úr sjúkra-
sjóðum hafa aukist á síðustu árum.
Sjúkrasjóðir
» Á árinu 2012 greiddi VR um
1,2 milljarða króna úr sjúkra-
sjóði félagsins.
» Formaður Einingar segir árin
2011 og 2012 hafa verið mjög
erfið í sambandi við dagpen-
ingagreiðslur.
» Aukið álag nefnt sem ein af
ástæðum aukningarinnar.
Tekið er fram í atvinnustefnu
Reykjavíkurborgar að áhugi sé á
því að ræða við Hafnarfjarðarhöfn
um sameiningu við Faxaflóahafnir.
Eins og fram kom í blaðinu í gær
vilja sjálfstæðismenn í stjórn Hafn-
arfjarðarhafnar slíkar viðræður en
meirihluti VG og Samfylkingar
felldi á þriðjudag tillögu þess efnis.
Hafnarstjóri Faxaflóahafna, Gísli
Gíslason, segir að áhugi sé fyrir
samstarfi við Hafnfirðingana.
„Það hefur verið bent á ákveðið
rekstrarhagræði af því að reka
þetta saman,“ segir Gísli.
„En þetta hafa bara verið laus-
legar viðræður. Tillagan sem rædd
var í Hafnarfirði er eingöngu
þeirra mál.“ Fyrir nokkrum árum
hafi hafnarstjórar beggja hafna
gert athugun á kostunum við sam-
eiginlegan rekstur. Niðurstaðan
hafi ótvírætt verið sú að hann
myndi koma vel út. En samstarfið
milli hafnanna sé ágætt og ekki sé
um það að ræða að sameining sé
nauðsynleg vegna hagsmuna Faxa-
flóahafna. kjon@mbl.is
Faxaflóahafnir hafa sýnt
áhuga á sameiningu
Morgunblaðið/Ómar
Flóinn Reykjavíkurhöfn er ekki
langt frá Firðinum.
 Sagt geta aukið
hagkvæmni Tekjur vegna álvers
» Vinstrimeirihlutinn í Hafnar-
firði segir að nú sé rætt við
ráðamenn álversins í Straums-
vík um nýjan hafnarsamning.
» Reikna megi með því að
tekjur vegna vörugjalda muni
hækka talsvert.
Sýslumannafélag Íslands hefur
ekki lagst gegn þeirri fækkun
sem lögð er til í frumvörpunum.
Ólafur Helgi Kjartansson, sýslu-
maður á Selfossi, fjallaði í
greinargerð fyrir félagið árið
2000 um rök með fækkun í 12.
Þau væru meiri hagkvæmni, sól-
arhringsvakt lögreglu yrði að
veruleika eða möguleg og sér-
hæfing raunhæf. Embættin
yrðu öflugri og auðveldara fyrir
þau að taka við nýjum verk-
efnum frá ríkinu.
„Rök á móti eru afstaða
sveitarstjórnarmanna, alþing-
ismanna, sýslumanna og starfs-
fólks, auk íbúa umdæma,“ sagði
Ólafur Helgi, sem var lengi
sýslumaður á Ísafirði.
Hann benti einnig á að
brýnt væri að styrkja
embættin með fleiri verk-
efnum frá ríkinu til þess
að koma í veg fyrir að þau
vesluðust upp. En þá
þyrftu þau að verða
hagkvæmari rekstrar-
einingar.
Færri en öfl-
ugri embætti
SÝSLUMENN TAKA UNDIR
Ólafur Helgi
Kjartansson
Morgunblaðið/Ómar
Embættistákn Undir sömu húfunum verða átta sýslumenn og átta lögreglustjórar ef frumvörp Ögmundar Jónas-
sonar innanríkisráðherra verða samþykkt á Alþingi. Staðsetning embættanna er viðkvæmt álitamál.