Morgunblaðið - 31.01.2013, Blaðsíða 19

FRÉTTIR 19Innlent
MORGUNBLAÐIÐ FIMMTUDAGUR 31. JANÚAR 2013
Dalvegi 10-14 201 Kópavogur
s. 595 0570 www.parki.is
TILBOÐSDAGAR
Á PARKETI OG FLÍ
SUM 20-30% AFSLÁT
TUR
Ágúst Ingi Jónsson
aij@mbl.is
„Í nótt sváfu 95 einstaklingar í
rúmum sem Samhjálp bjó um og á
kaffistofuna okkar koma hvern
virkan dag um
100 manns,“ seg-
ir Karl V. Matt-
híasson, fram-
kvæmdastjóri
Samhjálpar.
Hann segir
starfsemina aldr-
ei hafa verið um-
fangsmeiri en í
dag þegar Sam-
hjálp fagnar 40
ára afmæli og
þörfina brýna á aðstoð við þá sem
minna mega sín. Markmið Sam-
hjálpar er að veita bjargir til
þeirra einstaklinga sem halloka
hafa farið í lífinu, vegna sjúkdóma,
fátæktar eða annarra samfélags-
legra vandamála og með því stuðla
að velferð og sjálfsbjörg þeirra.
Karl rekur upphaf Samhjálpar
til starfs Georgs Viðars fyrir fé-
laga sína af götum Reykjavíkur og
samstarfs hans við Einar J. Gísla-
son, forstöðumann Fíladelfíu í
Reykjavík. Einar efndi til fjársöfn-
unar í tilefni af 50 ára afmæli sínu
31. janúar 1973 sem leiddi til opn-
unar meðferðarheimilis í Hlaðgerð-
arkoti í Mosfellsdal. Þar rekur
Samhjálp enn elstu sjálfstæðu
meðferðarstöð á Íslandi. Núna eru
þar 30 manns á öllum aldri. Að
sögn Karls eru þar langir biðlistar
og verkefnin ærin í starfinu. Hann
segir að upphaflega hafi eingöngu
verið byggt á kristinni trú í bar-
áttunni við Bakkus, en nú sé fólk
útskrifað þaðan eftir 12 spora-
kerfinu inn í AA-samtökin, þar
sem hin sama trú kemur einnig
við sögu.
Vegna kærleikans
Samhjálp rekur áfangaheimilin
Brú með 19 einstaklingsíbúðum,
Spor þar sem eru 18 einstaklingar
í herbergjum, og áfangaheimili við
Miklabraut fyrir Reykjavíkurborg,
þar sem eru átta manns. Samhjálp
rekur einnig Gistiskýlið fyrir
borgina, en það er ætlað útigangs-
mönnum og voru þar 20 manns í
fyrrinótt.
Kaffistofa Samhjálpar er til
húsa í Borgartúni 1 í Reykjavík og
er opin alla daga ársins. Segja má
að stöðugur straumur sé þangað
alla daga af fólki sem á í erf-
iðleikum af ýmsum ástæðum. Í
Samhjálparhúsinu við Stangarhyl
er skrifstofuhald Samhjálpar, mót-
taka og göngudeildir og þar búa
einnig tveir starfsmenn. Þar er
rekið öflugt kvennastarf og einnig
eru þar samkomur vikulega þar
sem á milli 100 og 200 manns
koma. Alls starfa 32 manns hjá
Samhjálp, auk samfélagsþjóna.
Karl segir að Samhjálp fái
framlög frá ríki og borg og marg-
ir leggi hönd á plóg. „Mjög stór
hluti tekna okkar er til orðinn
vegna kærleikans sem samfélagið
sýnir Samhjálp.
Ýmislegt spennandi er á döfinni
á þessu afmælisári. Til dæmis er
ungur maður frá Þingeyri, Guðni
Páll Viktorsson, að undirbúa kaj-
akróður í kringum Ísland í nafni
Lífróðurs Samhjálpar. Við vonum
að fólk hugsi til okkar samhliða
því spennandi verkefni,“ segir
Karl.
Samkoma á afmælisdegi
Í tilefni dagsins verður opið hús
í Stangarhyl frá klukkan 15-22 í
dag þar sem vinir og velunnarar
Samhjálpar eru velkomnir. Mörg
tónlistartriði verða til skemmt-
unar og meðal listamanna sem
koma í heimsókn má nefna Rúnar
Þór og KK. Fólki verður m.a.
boðið upp á súpu, kökur, pylsur
og kaffi.
Samhjálp stendur fyrir afmælis-
uppboði laugardaginn 2. febrúar á
Korputorgi. Munir verða til sýnis
frá klukkan 10, en sjálft uppboðið
hefst klukkan 13.
„Í nótt sváfu 95 einstaklingar
í rúmum sem Samhjálp bjó um“
 Þörf brýn og biðlistar á 40 ára afmælinu  Starfsemi Samhjálpar aldrei verið umfangsmeiri
Morgunblaðið/Árni Sæberg
Aðstoð Starfsemi Samhjálpar er af ýmsum toga, en m.a. er rekinn nytja-
markaður. Markmiðið er að aðstoða þá sem halloka hafa farið í lífinu.
Karl V.
Matthíasson