Morgunblaðið - 03.01.2013, Síða 10
10 | MORGUNBLAÐIÐ
M
itt andlega ferðalag
hófst fyrir sjö árum,“
segir tónlistarmað-
urinn Bergþór Mort-
hens, betur þekktur
sem Beggi, en hann hefur tileinkað
sér búddisma og er eigandi versl-
unarinnar Kailash í Hafnarfirði. „Ég
hafði verið leitandi mjög lengi. Það
var alltaf eitthvað sem ekki stemmdi
í mínu lífi. Ég heillaðist sem barn af
Austurlöndum en það var þó ekki
fyrr en árið 2005 sem ég byrjaði að
stúdera og iðka búddisma. Þá opn-
aðist mér nýr heimur.
Ég fann að búddismi höfðaði
sterkt til mín, þar gilda engar reglur
um hvað má og hvað ekki. Þetta er
hrein heimspeki, í mínum huga er
búddatrú byggð á heilbrigðri skyn-
semi. Samkvæmt henni átt þú að
efast, skoða hluti með gagnrýnum
augum, komast að þinni niðurstöðu.
Lykilatriði er að lifa lífinu á þínum
forsendum, ekki annarra.“
Þakkað fyrir daginn
Beggi segir hugleiðsluna bæna-
ígildi og sjálfur hugleiðir hann tvisv-
ar á dag, kvölds og morgna. „Ég
byrja daginn á því að hugleiða og
loka deginum með hugleiðslu. Dreg
mig þá í hlé, kyrri hugann og finn til
auðmýktar. Ég einset mér að morgni
að breyta rétt og reynast sjálfum
mér og öðrum góður. Að kvöldi, rétt
fyrir svefninn, skoða ég hvernig mér
tókst til, staðfesti góðan ásetning
minn í lífinu og þakka fyrir daginn.“
Hann kveðst jafnframt hugleiða
með öðrum, ýmist með nokkrum
góðum vinum heima í stofu eða í
stærri hópi sem hittist reglulega í
Hugleiðslu- og friðarmiðstöðinni.
„Mér finnst eins og hlutirnir séu að
þróast í jákvæða átt, hér sé að verða
andleg vakning. Mjög margt hefur
breyst í íslensku samfélagi síðast-
liðin fimm til tíu ár. Þegar allt hrundi
2008 varð fólk ekki aðeins fyrir fjár-
hagslegum missi heldur upplifði and-
legt gjaldþrot.
Það sást svo vel þá hvað við höfð-
um mörg hver verið að elta og það
var svo sannarlega ekki á andlega
sviðinu. Fólk átti meira en nóg af
öllu í efnislegum skilningi en það var
engin andleg innistæða. Margir hafa
notað þessa reynslu, skipbrotið, til
að snúa við blaðinu og horfa inn á
við. Nú sækjast æ fleiri eftir and-
legum verðmætum og það er það
góða sem hlaust af hruninu. Allt hef-
ur tilgang, ekki síst erfiðleikarnir og
áföllin.“
Fólk með erindi
Beggi opnaði ásamt eiginkonu
sinni, Helgu Einarsdóttur, versl-
unina Kailash haustið 2010. „Það var
ekki gamall draumur að opna búð á
andlegum nótum. Hún fann sér leið
inn í líf mitt, þetta gerðist eiginlega
af sjálfu sér. Ég fór ásamt Tolla
bróður og tveimur vinum í píla-
grímsferð til Tíbets sumarið 2010. Í
framhaldinu fæddist hugmyndin en
búðin dregur nafn sitt af hinu helga
fjalli Kailash í Tíbet.
Í byrjun voru sumir efins og héldu
að reksturinn yrði erfiður; verslunin
væri of sérhæfð og úr alfaraleið. Þær
áhyggjur voru óþarfar. Okkur hefur
verið mjög vel tekið og Hafn-
arfjörður skapar fullkomna umgjörð
utan um búðina. Hér er friðsælt og
fallegt og sterk og góð orka. Mín lífs-
speki er sú að ef þessu ævintýri okk-
ar er ætlað að ganga, þá gengur það.
Kailash er ekki verslun þar sem
fólk dettur óvart inn af götunni, rek-
ur augun í búddastyttu uppi á hillu
og ákveður að kaupa sér eina. Auð-
vitað kíkir fólk hingað af forvitni og
finnur ýmislegt við sitt hæfi og
mörgum finnst gott að setjast hér
niður í ró og næði og njóta þess sem
fyrir augu ber. En langflestir sem
hingað koma eru á einhvers konar
andlegu ferðalagi og eiga erindi.“
Handmálaðar helgimyndir
Í Kailash er seldur fallegur hand-
unninn austrænn varningur sem
Beggi og Helga flytja inn beint frá
bændum í Tíbet, Nepal og víðar.
Búddalíkneski og handmálaðar
helgimyndir prýða hillur og mikið
úrval er af orkusteinum, reykelsi, tei
og hugleiðslutónlist. Á slám hanga
litrík framandleg föt úr pasmína- og
jakuxaull, bómullarfatnaður og
handtöskur af ýmsum gerðum.
„Við bjóðum upp á alls kyns hand-
gert skart, þar á meðal gripi sem unn-
ir eru úr jakuxa- og buffalsbeinum.
Talnaböndin, mala-hálsmenin, eru þó
í aðalhlutverki með 108 kúlum sem
tákna alla okkar bresti. Talnaböndin
eru ómissandi í hugleiðslunni, tákn-
ræn en jafnframt svo fögur.“
Beggi nærir andann og sálina með
hugleiðslu, bókalestri og heimspeki-
legum vangaveltum í anda búdd-
isma. Hann hefur tamið sér hollt
mataræði, stundar útivist og hreins-
ar líkamann tvisvar á ári með detox-
kúr. „Ég reyni í leiðinni að komast í
gott „sweat“ hjá Tolla bróður en
hann er með frábæra aðstöðu heima
hjá sér við Meðalfellsvatn. Hreins-
unarkúrinn tekur þrjár vikur og mér
finnst hann alltaf jafnhrikalega erf-
iður. En hann er þess virði, ég er
eins og nýr maður á eftir.“
beggo@mbl.is
Kailash Fallegur handunninn austrænn varningur sem fluttur er inn beint frá bændum í Tíbet, Nepal og víðar.
Andlegt ferðalag
Beggi Morthens hugleiðir
kvölds og morgna, hreinsar
líkamann með detox-kúr
og nærir sálina innan um
búddalíkneski í Kailash.
Morgunblaðið/Kristinn
Fjárfesting Beggi segir marga hafa lært lexíu í hruninu og æ fleiri sækist nú eftir andlegum verðmætum.
’Hér er friðsælt og sterk oggóð orka. Mín lífsspeki er súað ef þessu ævintýri okkar erætlað að ganga, þá gengur það.
„Fyrir nokkrum árum tókum við
hjónin þátt í þriggja vikna föstu á
vegum Erlu Stefánsdóttur. Fyrstu
vikuna slepptum við öllum dýra-
afurðum, hvítu hveiti og sykri. Vik-
una á eftir voru eingöngu drukknir
safar og þriðja vikan var eins og sú
fyrsta. Ekkert kaffi var drukkið með-
an á föstunni stóð.
Lögð var áhersla á hugleiðslu og
andleg mál og hittist hópurinn einu
sinni í viku og hugleiddi saman. Í
lokin var gengið á fjall í þögn og hug-
leitt á toppnum, hver fyrir sig. Nú er
þetta partur af okkar daglega lífi,
hugleiðslan og hollur matur, og
hreinsunarkúrinn endurtekinn tvisv-
ar á ári,“ segir Beggi og deilir upp-
skriftum að nokkrum hollum hrist-
ingum.
Grænn og góður
1 agúrka
4-5 sellerístilkar
2 græn epli
1 lime, afhýtt
2 cm engiferrót, afhýdd
Öllu skellt í djúsvél. Ef þið eigið
ekki þannig vél er hægt að setja allt í
blandara og bæta við 1-2 dl af vatni,
þá er gott er að sigta safann í lokin.
Gulur og glaður
4 gulrætur
1 agúrka
1 grænt epli
2-5 cm engiferrót, afhýdd
1 lime, afhýtt
Allt sett í djúsvél.
Ljósgrænn og ljúfur
4-5 sellerístilkar
1 stórt grænt epli eða banani
½ agúrka
½ ferskt fennel
fersk mynta, örlítið
engiferrót, smá biti, afhýdd
½ lime, afhýtt
1 bolli vatn
½ avókadó eða 1-2 msk. kókosolía/
kaldpressuð ólífuolía
Byrjið á að setja vatnið í blandara,
skerið síðan grænmetið í litla bita og
bætið út í, einni tegund í einu.
Blandið þar til orðið silkimjúkt.
Suðrænt og seiðandi
1 dl vatn
150 g ferskur ananas, afhýddur
8-10 jarðarber, fersk eða frosin
100 g mangó, ferskt eða frosið
1 banani
5 myntulauf
Allt sett í blandara og þeytt vel
saman.
Blátt og blítt
3 dl möndlumjólk
4 dl frosin bláber
1 banani
1 cm engiferrót, afhýdd
Skellt í blandara og þeytt vel sam-
an.
Kókossafi
250 ml kókosvatn
1-1½ lime, afhýtt
6 myntustönglar
2-3 cm biti engiferrót
2 msk. agavesíróp eða 3-4 döðlur
Allt sett í blandara og þeytt vel.
Hreinsunarkúr