Monitor - 19.12.2013, Blaðsíða 13

D
egi fyrir áramót gefst dans-
þyrstum almúganum síðasta
tækifæri ársins til að dansa
af sér tærnar á tónleikum
Retro Stefson, Sísí Ey og
Hermigervils. Þau Elísabet
(Sísí Ey), Unnsteinn (Retro
Stefson) og Sveinbjörn (a.k.a.
Hermigervill) eru reyndar á því að Síðasti sjens sé
frekar tónlistarhátíð en einfaldir tónleikar enda verði
mikið um dýrðir í Vodafone–höllinni 30. desember.
Blaðamaður Monitor tyllti sér með tónlistarfólkinu á
Sushi Samba og skeggræddi hátíðarnar, ferðalög og
árið sem er að líða.
Hvernig leggst desember í ykkur?
E Rosalega vel.
U Já, mjög vel. Ég var að klára Jólagesti Bó og það
var eins og adrenalínsprauta af jólum. Það var alveg
geggjað að vera í svona mega „show-i“. Það kom mér
í gírinn.
Hvað með ykkur hin? Hvenær komist þið í jólaskap?
E Jólin byrja hjá mér þegar ég fer á jólatónleika með
Borgardætrum. Ég er samt alveg í jólaskapi þangað til
en það brýst betur fram á þessum tónleikum.
S Jólaskapið byrjaði eftir afmælið mitt í nóvember.
Það gerir það alltaf. Jólin eru best!
Er mikið að gera hjá ykkur
í tónlistinni í kringum jólin?
E Það er misjafnt.
S Þú (Unnsteinn) ert alltaf með heilt jólaprógramm.
U Já já, en eins og í fyrra þá vorum við að gefa út
plötu og þá var brjálað að gera. Þá vorum við að árita
allar helgar í desember í nokkrum verslunarmiðstöðv-
um en núna erum við bara að kynna Síðasta séns. Það
er mjög fínt að tóna þetta aðeins niður en á næsta
ári kemur kannski ný plata og þá verður eflaust aftur
brjálað að gera.
Í kringum jólin er oft eins og ákveðnir tónlistarmenn
spretti upp úr gleymskunni og verði það allra
vinsælasta af því að þeir eiga vinsæl jólalög frá
níunda áratugnum. Sjáið þið fyrir ykkur að verða
jólastjörnur eftir tíu eða tuttugu ár?
S Ekki ég allavega.
E Nei, ég held ekki.
U Ég verð alveg pottþétt þannig!
E (Hlær) Já, Unnsteinn sér um það.
Hafið þið gefið út jólalag?
S Við höfum ekki gefið það út en við fluttum jólalag
í fyrra.
U Svo við ætlum mögulega að gefa út eitt jólalag
núna.
S Málið er að í sumar vorum við Unnsteinn að
stúdera jólalög því við ætlum að gefa út jólaplötu á
næsta ári.
E Má ég vera með?
S Já já, það verða gestir. Jólagestir Unnsteins og
Hermigervils.
Eruð þið fastheldin á hefðir í kringum jólin?
U Ekkert sérstaklega. Það eru mikil kaosjól hjá mér.
Ég er með allri afrísku fjölskyldunni og í henni eru
sex hálfbrún börn, tvær frænkur okkar og mennirnir
þeirra. Svo er verið að Skype-a til Portúgal og Skype-
a til Afríku. Sjónvarpið er í gangi í einu herbergi og
angólskt teknó í því næsta. Einhver er öskrandi af því
að hann fékk ekki sama bíl og hinn svo við Logi erum
í svona „damage control“ allan tímann. Nema hvað að
svo er þetta ekkert búið þegar maður vaknar á jóladag
því þá byrjar þetta aftur, nákvæmlega sama boð,
bara með smáhléi á milli. Svo já, jólin eru kaotísk en
maður fer bara inn í ákveðinn geim þar. Um áramótin
eru hinsvegar alltaf miklar hefðir. Þá förum við að
Hallgrímskirkju og svo förum við alltaf ákveðinn rúnt
milli vina okkar.
S Þrátt fyrir það sem á undan hefur verið sagt þá
er ég ekki mikið jólabarn. Og allar svona hefðir og
þannig...
U (Grípur frammí) Þú ætlar bara að viðurkenna það?
Kom eitthvað fyrir þig á jólunum?
S Nei, það kom ekkert fyrir á jólunum.
E En þú ert í jólapeysu.
S Já, en ég tek þetta samt ekki hátíðlega.
U En þú ert með jólasveinahúfu.
S Ókei, ég er gríðarlegt jólabarn! Ég þarf bara að
sætta mig við það. En hefðir og þannig skipta mig ekki
miklu máli og ég hef alveg eytt jólum annars staðar, til
dæmis í Hollandi.
U Ha? Með Svarta Pétri?
S Ég er reyndar á móti Svarta Pétri.
U Af því hann er afríkanskur? Karabískur?
S Úff, það er bara best að sleppa þessu. Svarti Pétur
er semsagt Hollenski jólaveinninn og hann er með
hundrað svarta þræla.
U Og þar er allt skreytt með svörtum þrælum.
S Þetta er svo hræðilega mikið á brúninni og
sérstaklega þegar það hefur orðið þetta mikil breyting
á vestrænu löndunum og það sem þótti sjálfsagt þykir
alls ekki sjálfsagt lengur.Við (Unnsteinn) höfum rætt
þetta, þetta er vissulega einhver menning og hefð en
á maður að halda leifum nýlendustefnunnar bara út
af hefðinni?
Um daginn kom einmitt upp umræða í
Bandaríkjunum um það afhverju jólasveinninn
þyrfti endilega að vera hvítur og hvað þá Jesús
sem var frá Mið-Austurlöndum.
U Jólasveinninn er samt bara hvítur, það var einhver
gæi í kristinni trú sem hét Sankti Nikulás. Jesús var
aftur á móti svartur eða svona arabískur í útliti.
S Ef þú segir Sankti Nikulás nógu oft þá hljómar það
eins og Santa Clause (endurtekur nafnið hratt).
U Já, svona eins og þú segir „eina með öllu“.
S Já, nákvæmlega.
En ef við snúum okkur aftur að upprunalegu
umræðunni, þá ert þú sumsé ekki mikið
jólabarn, Sveinbjörn.
S Nei, aðfangadagskvöld í Evrópu er ekki neitt. Maður
borðar bara hafragraut eða eitthvað. Mér fannst það
pínu-skrítið af því ég hafði farið til Hollands með
öðruvísi væntingar.
E Af því að þú ert svo mikið jólabarn.
S (Dæsir) Við fjölskyldan erum samt með skemmti-
lega hefð pabba míns megin. Á sumrin förum við á
Vestfirði og veiðum lunda í jólamatinn.Við lentum
reyndar í því í fyrra að við áttum tvo poka af lunda
í frysti. Annar var frá því fyrir tveimur árum eða
eitthvað en við sáum ekki muninn. Það endaði þannig
að við elduðum allt kjötið og sáum hvort var betra.
Síðan fundum við engan mun svo maður hugsaði
„Ókei, ætli þetta sé eitraður lundi? Nei, bíddu þetta er
nýr, nei oh,“ og þannig fór þetta í hring.
E Varð enginn veikur?
S Jú jú, það voru bara uppköst og með því öll jólin.
Hvað með þig, Beta?
E Við borðum alltaf saman fjölskyldan klukkan sex.
Það er mikið af börnum, við erum öll með athyglis-
brest svo það eru allir að tala og enginn að hlusta en
það er samt alltaf mjög gaman. Ég gæti ekki ímyndað
mér róleg jól þar sem við sætum bara róleg. Mamma
gerir sykraðar kartöflur og pabbi gerir rauðkál, besta
rauðkál í heimi, og hann sér síðan eiginlega bara um
allt á meðan við hin erum bara að gjamma og borða
konfekt.
Hvað hefur staðið upp úr fyrir ykkur á árinu?
S Mér finnst túrinn sem við Retro Stefson tókum
standa upp úr.
U Við vorum í þrjá mánuði og enduðum á Kanarí-
eyjum á vínekru.Við höfum oft spilað fyrir fólk sem
hefur aldrei heyrt í okkur áður en þetta suðræna fólk
fór strax að dansa geðveikt mikið og eftir fyrsta lagið
þakkaði ég fyrir okkur á spænsku og þá trylltust allir.
Þetta var uppi á fjalli á miðri eyjunni og þarna voru
eiginlega bara innfæddir sem hittast annars lítið af því
að þeir eru að vinna á hótelum allt sumarið. Svo þetta
var eins og Aldrei fór ég suður á Kanaríeyjum.
S Þetta var í svona eldfjallagíg og við vorum þarna í
viku með hús og sundlaug.
U Já, mér finnst þetta hafa verið hápunkturinn.
E Sísí Ey er auðvitað rosalega nýtt band svo það er
mikill hápunktur fyrir mig að hafa yfirhöfuð verið að
spila svona mikið úti. Við erum búin að fara til Noregs
og Danmerkur, Færeyja og til Barselóna.
Barselóna var samt kannski hápunkturinn en mér
fannst þetta allt svo skemmtilegt. Ég er ótrúlega
spennt fyrir öllu því sem við erum að fara að gera á
næsta ári. Við höfum ekki farið í svona langan túr þar
sem við ferðumst mikið og spilum ítrekað, ég hlakka
mikið til þess.
Þið í Sísí Ey eruð að ljúka ykkar fyrsta heila
starfsári sem hljómsveit. Er eitthvað sem
hefur komið þér á óvart við tónlistarbransann
eða menninguna í kringum hann?
E Nei, ég held ég geti ekki beint sagt það. Mér finnst
reyndar ótrúlega skemmtilegt hvað það er fjölbreyttur
hópur sem hlustar á tónlistina og fílar okkur. Það er
ekki bara ein týpa eða einn aldur.
U Við vorum að ræða það um daginn hvað gellurnar
sem voru á Hollywood í gamla daga hljóta að vera
ánægðar meðð að danstónlist sé komin aftur í tísku.
Nú er aftur að koma fram einhver flott tónlist sem er
hægt að dansa við.
S Mér finnst svo flott heildar-„sound-ið“ á Sísí Ey.
Við skulum ekki gleyma vini okkar honum Friðfinni
Oculus sem ber ábyrgð á því.
E Hann er alger snillingur sko.
Já, það er einmitt svo ríkt í fólki að
tala um Sísí Ey sem systraband.
E Friðfinnur er alveg einn af systrunum. Hann kallar
sig stundum Friðfinna (hlær). Fyrir okkur erum við
bara ein heild, það gengur ekkert öðruvísi.
Koma aldrei upp neinar systkinaerjur innan hljóm-
sveitarinnar?
E Auðvitað kemur stundum eitthvað upp en það er
ekkert í kringum tónlistina.Við erum bara frekar róleg
og góð á því.
Hvað með Retro Stefson, þið eruð búin
að spila saman frá blautu barnsbeini,
verðið þið ekkert þreytt hvert á öðru?
U Já ég var mjög þreyttur á Sveinbirni í Svartfjalla-
landi (Sveinbjörn hlær), það er of löng saga, maður.
Það var bara einn dagur, þetta var mjög þægilegur túr
þó hann væri langur. Stemningin var í hávegum höfð.
S Við erum rosalega góð í að vera kurteis við hvort
annað.
U Já, það var líka mjög gott að fá Sveinbjörn inn, fá
nýtt blóð. Maður er í raun og veru í rútu með fólki sem
maður veit allt um og þarf ekki að spyrja um neitt.
Þetta eru bara hugskeyti. Svo er kominn nýr gæi og þá
breytist það.
S Flóðið af spurningunum sem ég var að fá. Það eru
alltaf að koma í ljós einhver leyndarmál sem seytla
inn í almenna vitund hljómsveitarmeðlima.
Hvernig var það fyrir þig að koma inn í
band sem hefur spilað svona lengi saman?
S Fyrst var ég bara í ruglinu, ég vissi ekki hvernig
dýnamíkin var. Fyrst var ég að reyna að passa mig að
stíga ekki á neinar tær. Mér fannst ég vera að koma
inn í svo þéttan hóp sem var algerlega samstiga,
maður þurfti að nota sín „social skills“ til hins ýtrasta
til að detta inn í það.
Þú hefur þó verið duglegur að vinna með
allskonar listamönnum sem Hermigervill.
S Já, pælið í öllum tengingunum hér. Tengingin milli
mín og Unnsteins, nú er ég dottinn inn í Retro Stefson.
Unnsteinn er að syngja með Sísí Ey í nokkrum
lögum...
E Við (Hermigervill) erum að fara á sama festival.
S Það er svo gaman hvernig öll tónlistarsenan tengist
saman, þessi tengsl eru svo æðisleg.
E Nákvæmlega (gefur Sveinbirni fimmu).
S Pabbar okkar voru meira að segja saman í Mezzof-
orte. Mezzoforte æfði meira að segja í bílskúrnum hjá
pabba mínum þegar þeir voru krakkar. Svo hætti pabbi
náttúrlega í hljómsveitinni viku áður en Garden Party
kom út.
Þið eigið þá bæði tónlistarfólk fyrir foreldra,
var pressað á ykkur að fara út í tónlist?
S Alls ekki.
E Engan veginn.
U Oft er það nefnilega öfugt og sagt „Þú þarft ekkert
að gera þetta“.
S Ég held þetta sé bara mjög algengt. Þegar maður er
krakki lítur maður upp til foreldra sinna.
U Foreldrar mínir eru einmitt mjög kúl svo við
bræðurnir ákváðum að við vildum líka verða mjög kúl.
Þess vegna erum við í músík, sko. Það átti alltaf að
reka okkur úr tónlistarskólanum því við lærðum aldrei
heima og það var sagt að við gætum aldrei orðið neitt
í tónlist. Þá byrjuðum við í hiphop-hljómsveit því það
var svo kúl.
S Þetta er rosa fyndið því að ég er einmitt í tónlist af
því að ég er ekki kúl.
Þegar þið lítið til baka yfir árið 2013, hvað
stendur þá upp úr í íslensku tónlistarlífi?
S Flottasta platan sem hefur verið í gangi finnst mér
vera Hjaltalín-platan. Ég held reyndar að hún hafi
komið út á endasprettinum 2012 en hún er búin að fá
vængi í ár. Mér finnst Hjaltalín æðislegt band.
U Emmsjé Gauta-platan, mér finnst hún ekki fá nógu
mikla athygli. Það er eins og Íslendingar séu mjög
lengi að taka við sér með hiphop. Það er litið á það
sem einhverja unglingatónlist. En það frumlegasta
sem er að gerast í popptónlist í dag er hiphop. Svo má
nefna Múm.
S Þetta er ein besta Múmplata sem hefur komið út
og hún fær enga athygli. Það er eins og hún hafi verið
þögguð niður.
U Svo er Steinar að koma mjög sterkur inn með
útvarpshittara.
13fimmtudagur 19. desember 2013 Monitor
Texti: Anna Marsibil Clausen annamarsy@monitor.is
Myndir: Kristinn Ingvarsson kring@mbl.is
„Ókei, ég er gríðar-
legt jólabarn! Ég þarf
bara að sætta mig við það.“