Morgunblaðið - 07.04.2014, Blaðsíða 20

20 MINNINGAR
MORGUNBLAÐIÐ MÁNUDAGUR 7. APRÍL 2014
✝ Svavar GuðniGuðnason fædd-
ist í Reykjavík 27.
október 1980. Hann
lést á Landspít-
alanum í fossvogi
30. mars sl.
Svavar var elsta
barn hjónanna
Kristínar G. Ólafs-
dóttur, f. 19. júlí
1961, og Guðna B.
Svavarssonar, f. 3.
janúar 1960. Systur Svavars eru
Elín Hrund, f. 19. mars 1984, gift
Stefáni Helga Einarssyni, f. 16.
janúar 1983, hún á tvo syni, og
María Björk, f. 22. apríl 1987.
Svavar kvæntist 18. júlí 2009
Brynhildi Dögg Guðmundsdóttur,
f. 29. maí 1982. Brynhildur er
dóttir hjónanna Elviru Viktors-
dóttur, f. 27. apríl 1955, og Guð-
mundar St. Sigmundssonar, f. 15.
október 1955. Svavar og Brynhild-
ur eignuðust þrjú börn. Þau eru:
1) Karen Dögg, f. 4. ágúst 2005. 2)
Alexander Guðni, f.
22. desember 2006.
3) Elvar Breki, f. 1.
september 2008.
Eftir grunnskóla
hóf Svavar nám í
bílamálun í Borg-
arholtsskóla, með
hléum þó, og vann
þá hjá Smurstöðinni
Klöpp. Hann lauk
námi í desember
2008.
Svavar starfaði á málning-
arverkstæði Toyota á árunum
2006-2010. Um mitt ár 2010 flutt-
ist fjölskyldan til Noregs. Þar
vann Svavar við sitt fag en þau
dvöldust stutt þar vegna veikinda
Svavars og fluttu alkomin heim í
janúar 2011. Í ágúst 2011 hóf
hann störf hjá BL og vann þar til
vors 2013.
Útför Svavars Guðna fer fram
frá Fella- og Hólakirkju í dag, 7.
apríl 2014, og hefst athöfnin kl.
13.
Með þessu ljóði kveðjum við
elsku strákinn okkar sem á
stuttri ævi skildi svo margt eftir
sig.
Óðum steðjar að sá dagur,
afmælið þitt kemur senn.
Lítill drengur, ljós og fagur
lífsins skilning öðlast senn.
Vildi ég að alltaf yrðir
við áhyggjurnar laus sem nú
en allt fer hér á eina veginn:
Í átt til foldar mjakast þú.
Ég vildi geta verið hjá þér,
veslings barnið mitt.
Umlukt þig með örmum mínum.
Unir hver með sitt.
Oft ég hugsa auðmjúkt til þín,
einkum, þegar húmar að.
Eins þótt fari óravegu
átt þú mér í hjarta stað.
Man ég munað slíkan,
er morgun rann með daglegt stress,
að ljúfur drengur lagði á sig
lítið ferðalag til þess
að koma í holu hlýja,
höfgum pabba sínum hjá.
Kúra sig í kotið hálsa,
kærleiksorðið þurfti fá.
(Vilhjálmur Vilhjálmsson)
Við elskum þig til tunglsins og
aftur til baka. Guð geymi þig,
elsku Svavar okkar.
Mamma og pabbi.
Elsku besti pabbi. Við elskum
þig af öllu hjarta,við eigum bara
góðar minningar um þig og mun-
um við varðveita þær að eilífu.
Þú varst okkur ástríkur faðir
sem vildir okkur bara það besta
sem völ var á. Við vitum vel að þú
elskaðir okkur og mömmu enda
varstu alltaf að segja það við
okkur og munum við búa að kær-
leika þínum og væntumþykju að
eilífu. Við munum alltaf muna
eftir öllum góðu stundunum okk-
ar saman heima, í Noregi, á Flo-
rida og í Bangsalundi. Við vitum
að nú ert þú kominn upp til Guðs
og þar færð þú að borða og ert
ekki lengur veikur. Bless, elsku
pabbi, þú varst einstaklega góð-
ur við okkur og takk fyrir allt.
Hvíl í guðs friði, þín börn.
Karen Dögg, Alexander
Guðni og Elvar Breki
Svavarsbörn.
Angrið sækir okkur tíðum heim
sem erum fávís börn í þessum heim,
við skynjum fátt, en skilja viljum þó
að skaparinn oss eilíft líf til bjó,
að upprisan er öllum sálum vís
og endurfundir vina í paradís.
(Guðrún Jóhannsdóttir)
Í dag kveðjum við þig, elsku
bróðir okkar, með söknuð og
sorg í hjörtum. Jákvæðari, kær-
leiksríkari og duglegri mann
verður erfitt að finna. Það er
okkur mikill heiður að hafa notið
þeirra forréttinda að eiga bróður
eins og þig. Við erum og munum
ávallt verða óendanlega stoltar
af þér og þakklátar fyrir allt sem
þú gafst okkur. Við elskum þig í
dag og munum elska þig alla
okkar ævidaga.
Hafðu þökk fyrir allt og allt.
Þínar systur.
Elín Hrund og María Björk.
Elsku Svavar minn, ég bjóst
nú ekki við að þurfa að skrifa
minningarorð til þín alveg svona
fljótt. En þú varst kallaður í
vinnu á öðrum stað þar sem þörf
fyrir þína krafta er meiri. Ég
kynntist þér fyrir rúmlega 10
árum síðan þegar þú fórst að
vera með litlu einkasystur minni
sem varð svo eiginkonan þín og
voruð þið svo lánsöm að eignast
þrjá yndislega gullmola sem þér
þótti svo einstaklega vænt um.
Það er svo margt sem mig lang-
ar til að minnast á en erfitt er
velja úr, þú varst sjálfur algjör
gullmoli, sannur vinur og stóðst
alltaf við það sem þú sagðir, við
gátum alltaf spjallað saman um
það sem okkur lá á hjarta. Mig
langar að þakka þér fyrir allar
þær yndislegu samverustundir
sem við höfum átt hér á landi og
erlendis, sérstaklega þótti mér
vænt um að hafa fengið að taka
þátt í Noregsævintýri ykkar
sem var því miður allt of stutt
þar sem veikindi þín bönkuðu
uppá og komuð þið því heim aft-
ur. Veikindin bönkuðu nokkrum
sinnum uppá aftur hjá þér og á
endanum tóku þau þig alveg frá
okkur,sem ég á enn erfitt með
að trúa þar sem þú ætlaðir þér
alltaf að verða gamall og fylgj-
ast með gullmolunum þínum
vaxa úr grasi. Elsku Svavar
minn, þú sýndir fjölskyldu þinni
svo mikla ást og væntumþykju
og varst alveg ófeimin við að tjá
þeim ást þína. Þú ert sannur
vinur vina þinna og varst alltaf
fyrstur til að rétta hjálphönd ef
eitthvað bjátaði á. Ég er svo
þakklát fyrir að hafa fengið að
eyða síðustu dögunum með þér
og fjölskyldunni . Ég mun gera
allt sem ég get til að hlúa að
Brynhildi Dögg og gullmolunum
ykkar. Þú ert kominn á góðan
stað þar sem ég veit að margir
munu njóta góðs af.
Takk fyrir samveruna, Guð
geymi þig, elsku Svavar minn.
Elín Ósk.
Ég ætla að fara nokkrum
minningarorðum um vin minn
og svila, Svavar Guðna Guðna-
son.
Leiðir okkar Svavars lágu
fyrst saman fyrir rúmum 10 ár-
um þegar Svavar og Brynhildur
mágkona mín fóru að stinga
saman nefjum. Okkur varð strax
vel til vina og jókst sá vinskapur
allt til dauðadags.
Svavar var ljúfmenni mikið
og algjörlega laus við alla for-
dóma, hann var hreinskilinn,
kannski stundum fullhreinskil-
inn fyrir suma þar sem hann tal-
aði hreint út um hlutina. Það
voru margar góðar stundir sem
við áttum saman og erfitt er að
minnast á einhverja eina stund,
en það situr samt svolítið hátt í
minningarbankanum þegar ég
fór út til Noregs um áramótin
2010-2011 til að hjálpa honum og
Brynhildi að flytja aftur heim
eftir að Svavar veiktist fyrst og
eyddum við „norskum“ áramót-
um saman og vorum við sam-
mála því að vonandi þyrftum við
ekki að eyða öðrum svona ára-
mótum saman. Svo var heldur
ekki leiðinlegt að fara með þeim
hjónakornum saman í verslun-
arferð til Boston 2012 þar sem
Ameríka hafði alltaf heillað
hann og var hann ekki lítið
ánægður þegar hann gat platað
okkur á „Applebees“ sem hann
talaði mikið um. Svo er ekki
heldur hægt að sleppa öllum
samtölum okkar þegar við stál-
umst til að fá okkur vindla í bú-
staðnum og ræddum um alla
heima og geima á meðan, líkleg-
ast voru það okkar innilegustu
stundir saman. Síðustu mánuði
var Svavar oft búinn að koma
við hjá mér í göngutúrunum sín-
um sem hann fór í á hverjum
degi og sátum við oft og rædd-
um hlutina í ró og næði. Eitt
mátti hann Svarar eiga og það
var að hann var alveg ótrúlega
bjartsýnn, alveg fram á síðasta
dag. Þær munu svo seint gleym-
ast síðustu stundirnar sem ég
átti með Svavari, bæði þegar
hann var með meðvitund og við
horfðum saman á strákana hans
keppa í fótbolta og ekki síður
síðasti sólarhringurinn í lífi
hans. Það eru forréttindi að hafa
kynnst Svavari og fengið að
fylgja honum síðasta spölinn í
þessu lífi, núna er hann kominn á
betri stað og þar munum við
hittast síðar.
Kristján Karl Kolbeinsson.
Enginn veit hvenær kallið
kemur, en flest vonumst við til
að það komi seint og eftir að við
komum börnum okkar á legg.
Kallið eftir þér kom skjótt. Þú
hafðir tekist á við áföll þín með
stóískri ró og ræddir það af mik-
illi einlægni við hvern þann er
spurði.
Ég var heppinn að eignast þig
sem vin ungur að árum og heim-
ili þitt stóð mér ávallt opið.
Skömmu eftir að við kynntumst
var ég orðinn heimalingur í
Krummahólunum og síðar í
Ljósuvíkinni. Þér tókst að smita
mig af áhuga þínum á tónlist og
kynntir mig fyrir mörgum af
þínum uppáhaldshljómsveitum.
Enn þann dag í dag hlusta ég á
Vitoligy plötu Pearl Jam sem við
vorum vanir að hlusta á upp til
agna í Krummahólunum.
Kvikmyndir áttu hug þinn all-
an og kom ekki sú mynd í bíó
sem þú, Heimir og Gústi létuð
framhjá ykkur fara. Ég deildi
ekki þeirri bakteríu með ykkur
en þið voruð duglegir að draga
mig með á myndir sem þið viss-
uð að ég hefði gaman af.
Margar voru sögurnar sem þú
lumaðir á enda mundir þú at-
burði sem við hinir vorum löngu
búnir að gleyma. Það var ósjald-
an sem við ætluðum að stoppa
þig af þegar þú byrjaðir að segja
okkur sömu sögurnar aftur, en
þá spurðir þú okkur alltaf: „Haf-
ið þið einhvern tímann heyrt
góða sögu of oft?“ Því varð ekki
neitað svo auðvitað fékkstu að
klára sögurnar sem komu okkur
alltaf til að hlæja.
Þú varst vinur vina þinna og
fórst ekki í skjól þegar á móti
blés. Mikill varstu í ásýnd en þú
leyndir á þér og varst blíðastur
okkar allra. Ég veit að þú kemur
til með að vaka yfir okkur öllum
með ábyrgðartilfinningu þína að
leiðarljósi. Mér þótti gott að
geta komið til þín á spítalann og
kvatt þig. Ég mun ávallt halda
minningu þinni á lofti
Farðu í friði vinur minn kær
faðirinn mun þig geyma.
Um aldur og ævi þú verður mér nær
aldrei ég skal þér gleyma.
(Bubbi Morthens)
Ég vil senda fjölskyldu þinni
innilegar samúðarkveðjur.
Sigurður Andri Sigurðsson
og fjölskylda.
Svavar Guðni
Guðnason
HINSTA KVEÐJA
Elsku Svavar, þú varst
alltaf svo góður við mig og
börnin þín, og leyfðir okkur
alltaf að fara í tölvuna þína
og horfa á myndirnar þínar
sem voru ófáar. Ég á eftir
að sakna þín mikið og ég
mun hugsa fallega til þín.
Kristín Ósk
Ég ætla í fáum orðum að
minnast Svavars Guðna,
hann var skemmtilegur og
mikill húmoristi. Hann var
duglegur að fylgjast með
öllu sem ég var að gera,
sérstaklega söngnáminu
mínu , en hann ætlaði sér
alltaf að vera umboðsmað-
urinn minn og mun hann
svo sannarlega verða það í
mínum huga. Takk fyrir all-
ar okkar stundir sem við
áttum saman í spjalli og
bralli.
Hvíl í friði, kæri vinur.
Guðmundur Hrafn.
✝
Elsku konan mín, mamma, tengdamamma,
amma og langamma,
UNNUR JÓNA JÓNSDÓTTIR,
sem lést á líknardeild Landspítalans
sunnudaginn 30. mars, verður jarðsungin
miðvikudaginn 9. apríl kl. 15.00.
Útförin verður gerð frá Fossvogskirkju.
Björn Guðmundsson,
Margrét Björnsdóttir, Einar Hákonarson,
Sigrún Björnsdóttir,
Guðrún Björnsdóttir, Sigurður Á. Sigurðsson,
Jón Axel Björnsson, Karen Sigurkarlsdóttir,
Björn Jóhann Björnsson, Vilhelmína Einarsdóttir,
Unnur Ýr Björnsdóttir, Magnús Bogason,
ömmu- og langömmubörn.
✝
Útför elsku mannsins míns, pabba, tengda-
pabba og afa,
FRIÐRIKS THEODÓRSSONAR,
fer fram frá Hallgrímskirkju föstudaginn
11. apríl kl. 13.00.
Þeim sem vilja minnast hans er vinsamlegast
bent á að styrkja Lúðrasveit Reykjavíkur,
kt. 440269-1929, reikn. 0137-26-10090.
Edda Völva Eiríksdóttir,
Hildur Friðriksdóttir, Jóhannes Albert Sævarsson,
Hrefna Friðriksdóttir, Hörður Sigurðarson,
Halla Rún Friðriksdóttir, Jón Benoný Reynisson,
barna- og barnabarnabörn.
✝
Ástkær faðir okkar, tengdafaðir, afi og langafi,
LOFTUR ÞORSTEINSSON
verkfræðingur,
lést á hjúkrunarheimilinu Skjóli aðfaranótt
þriðjudagsins 1. apríl.
Útför hans verður gerð frá Fossvogskirkju
þriðjudaginn 8. apríl kl. 15.00.
Þorsteinn Loftsson, Hanna Lilja Guðleifsdóttir,
Matthías Loftsson, Kolbrún Þorsteinsdóttir,
Ingibjörg Loftsdóttir,
Páll Loftsson, Anna Pála Vignisdóttir,
barnabörn og barnabarnabörn.
✝
BENEDIKT ÖRN ÁRNASON
leikari og leikstjóri
lést sunnudaginn 25. mars.
Útför hans fer fram frá Dómkirkjunni í
Reykjavík þriðjudaginn 8. apríl kl. 15.00.
Blóm og kransar vinsamlega afþakkaðir, en
þeim sem vildu minnast hans er bent á að
Styrktarfélag krabbameinssjúkra barna njóti þess.
Erna Geirdal,
Einar Örn Benediktsson,
Árni Benediktsson
og aðrir aðstandendur.
✝
Elskulegur bróðir okkar,
KOLBEINN ÓLAFSSON,
Hjálmholti,
verður jarðsunginn frá Hraungerðiskirkju
miðvikudaginn 9. apríl kl. 13.30.
Systkini hins látna.
✝
Ástkær dóttir mín, móðir okkar, amma og
systir,
BERGÞÓRA GUÐMUNDSDÓTTIR,
lést á Akranesi laugardaginn 22. mars.
Úförin hefur farið fram í kyrrþey.
Guðbjörg B. Árnadóttir,
Einar Valur Ásgeirsson,
Guðbjörg Þóra Ingimarsdóttir og börn,
Gautur Ingi Ingimarsson og barn,
Guðmundur, Pétur, Jónína, Ólafur Már
og Einar Valur Guðmundarbörn.
Þegar ég 19 ára piltur réðst til
vinnu á skrifstofu Þjóðleikhúss-
ins 1972 tók Svava á móti mér
með blíðasta brosi sem ég hef séð
um ævina, ég var þarna sendill á
móti Jóni Eyjólfssyni og vorum
við tveir þangað til hann féll frá.
Þarna kynntist ég mörgum leik-
urum og söngvurum og nægir að
nefna Guðmund Jónsson og Guð-
rúnu Á. Símonar, svo örfáir seu
Svava
Þorbjarnardóttir
✝ Svava Þorbjarn-ardóttir söng-
kona fæddist á
Hraunsnefi í Norð-
urárdal 13. janúar
1917. Hún lést á
Hjúkrunarheimilinu
Grund í Reykjavík
18. mars 2014.
Svava var jarð-
sungin frá Dóm-
kirkjunni 2. apríl
2014.
nefndir. Þarna sá ég
Bessa Bjarnason,
Emilíu Jónasar og
fleira gott fólk,
skrifstofa leikhúss-
ins var þar sem nú
er fundarherbergi
og þar sem leikar-
arnir bíða í græna
herberginu var
skrifstofa þjóðleik-
hússtjóra. Svava var
alltaf mjög góð við
mig allan þann tíma sem við unn-
um saman og hún kom í kveðju-
hófið mitt þegar ég hætti í leik-
húsinu. Þangað kom líka vinkona
hennar sem nú er fallin frá og hét
Guðrún Guðmundsdóttir. Kæru
systur, Guðný, Þorbjörg og
Helga, og fjölskyldur, ég sendi
ykkur mínar innilegstu samúðar-
kveðjur, megi birta ljóssins lýsa
ykkur í sorginni.
Kristinn G. Guðmundsson.