Morgunblaðið - 16.04.2014, Blaðsíða 34

34 ÍSLENDINGAR
MORGUNBLAÐIÐ MIÐVIKUDAGUR 16. APRÍL 2014
Ætli ég fariekki í bíltúrog keyri um
Vatnsdalinn. Þar eru
æskustöðvarnar og
jafnframt fegursti
staður á landinu,“ seg-
ir Ingibjörg Rósa Auð-
unsdóttir sem er 50
ára í dag en hún sleit
barnsskónum á Marð-
arnúpi í Vatnsdal í A-
Húnavatnssýslu. Árið
1993 flutti hún á
Kollsá 2 í Hrútafirði
og er þar sauðfjár-
bóndi með rúmlega
500 fjár. Þá er hún á
fullu í ferðaþjónust-
unni og rekur, ásamt
tengdamóður sinni,
Tangahús á Borðeyri
og hefur gert síðast-
liðin tíu ár. „Það er
stígandi í ferðaþjón-
ustunni. Tímabilið er
að lengjast í báðar átt-
ir. Strandirnar og
Vestfirðirnir eru vin-
sælir núna. Fólk leitar
út fyrir þessa hefð-
bundu ferðamanna-
staði og sækir þangað
sem ekki er fullt af
fólki.“ Hún segir fólk forvitið um sögu Borðeyrar, sem sé eitt
minnsta þorp á landinu en eigi sér stóra sögu.
Í júní útskrifast hún með BA-próf í ferðamálafræði frá Háskól-
anum á Hólum. Hún segir námið hafa gefið sér mjög mikið þar sem
kúrsarnir séu vel tengdir við atvinnulífið og því auðvelt að tvinna
saman nám og reynslu. „Ég hef fengið mikla hvatningu og stuðning
frá fjölskyldunni. Strákarnir hafa verið duglegir að leiðbeina móður
sinni, sérstaklega með tölvukunnáttuna. Það er alltaf gaman að
læra og menntunin verður aldrei af manni tekin,“ segir Ingibjörg
sem var í óðaönn að gefa í fjárhúsinu en sauðburður hefst þar í byrj-
un maí. Hún á fjögur börn ásamt manni sínum Ragnari Pálmasyni á
aldrinum 27 til 11 ára, þau Jón Pálmar, Auðun Inga, Kára og Ásdísi
Björgu. thorunn@mbl.is
Ingibjörg Rósa Auðunsdóttir 50 ára
Sauðfjárbóndi
í ferðaþjónustu
Ljósmynd /úr einkasafni
Sig Ingibjörg að síga í fyrsta skipti niður af
Gálgabrú við Sleitustaði í Skagafirði í nám-
skeiði í ferðamálafræði við Hóla árið 2012.
Íslendingar Kjartan Gunnar Kjartansson, islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
 Unnið í samvinnu við viðmælendur.
Akranes Þórinn Haukur fæddist 17.7.
2013. Hann vó 3.550 g og var 51 cm
langur. Foreldrar hans eru Jóhanna
Sigrún Andrésdóttir og Jóhann Viðar
Bragason.
Nýr borgari
Reykjavík Róbert Ingi fæddist 23. júlí
2013.Hann vó 4.200 g og var 59 cm
langur. Foreldrar hans eru Arnar Geir
Gestsson og Ásdís Birna Bjarna-
dóttir.
F
reydís Anna fæddist í
Reykjavík 16.4. 1964
og átti þar heima
fyrsta æviárið. Fjöl-
skyldan bjó á Laugum
í Reykjadal 1965-69, eitt ár í Dan-
mörku og síðan aftur á Laugum til
1973, þá í Skútutstaðaskóla í Mý-
vatnssveit á árunum 1973-86.
Freydís var síðan aftur búsett á
Laugum á árunum 1986-96 en flutti
þá að Hömrum í Reykjadal þar
sem hún hefur átt heima síðan:
„Áður en við fluttum í Mývatns-
sveitina, 1973, dvaldi fjölskyldan öll
sumur við bústörf hjá afa mínum
og ömmu í Álftagerði III í Mý-
vatnssveit, en þar búa foreldrar
mínir núna.“
Freydís var í Litlulaugaskóla
1970-73, í Skútustaðaskóla 1973-78
og lauk grunnskólaprófi frá Hér-
aðsskólanum á Laugum vorið 1979.
Hún tók eitt ár í framhaldsnámi á
Laugum, lauk stúdentsprófi frá MA
1983, vann því næst í eitt ár á verk-
smiðjunum á Akureyri, stundaði
síðan nám við Íþróttakennaraskól-
ann á Laugarvatni frá 1984 og lauk
íþróttakennaraprófi 1986.
Freydís starfaði við Héraðsskól-
ann á Laugum 1986-98 (er varð
Framhaldsskólinn á Laugum 1988)
og var stundakennari við Litlu-
laugaskóla á sama tíma, hefur verið
kennari í fullu starfi við Litlulauga-
skóla frá 1998, verið aðstoð-
arskólastjóri þar frá 2005 og skóla-
stjóri í afleysingum í eitt ár. Þá
hefur hún tvisvar eftir það sinnt
íþróttakennslu við framhaldsskól-
ann.
Freydís og eiginmaður hennar
hafa stundað búskap á Hömrum frá
1990 með tæplega 100 kindur og 12
hross. Þau starfræktu hestaleigu
yfir sumartímann á Narfastöðum
um skeið en eru nú aðilar að hesta-
leigu Arngríms (Safari-hestar) og
koma þar að rekstrinum á sumrin
eftir því sem tími gefst til.
Nóg að gera í félagsstörfum
Freydís var sundlaugarvörður
við sundlaugina á Álftabáru sumrin
1976-79, vann við gistirekstur í
Skútustaðaskóla sumrin 1980-85 og
þjálfaði unglinga í frjálsum íþrótt-
um og sundi í Mývatnssveit. Þá
starfaði hún lengi við sumarbúðir
Freydís A. Arngrímsdóttir, aðstoðarskólastjóri á Litlulaugum – 50 ára
Um áramót f.v. Arna Benný, Guðrún Sædís, Gígja Valgerður, Sandra Hrafnhildur, Freyþór Hrafn, Freydís og Hörður.
Í kennslu, íþróttum,
leiklist, búskap og söng
Á opnunni „Íslendingar“ í Morgunblaðinu
er sagt frá merkum viðburðum í lífi fólks,
svo sem stórafmælum, hjónavígslum,
barnsfæðingum og öðrum tímamótum.
Börn og brúðhjón
Allir þeir sem senda blaðinu mynd af nýjum borgara eða mynd
af brúðhjónum fá fría áskrift að Morgunblaðinu í einn mánuð.
Hægt er að senda mynd og texta af slóðinni
mbl.is/islendingar eða á islendingar@mbl.is
Kvarnir/Brimrás/Pallar ehf | Akralind 8 | 201 Kópavogur | sími 564 6070
Fax 564 6071 | kvarnir@kvarnir.is | www.kvarnir.is | www.pallar.is
Tilboðið gildir til 25. apríl
Sorpkvarnir í eldhúsvaska
20% afsláttur