Morgunblaðið - 25.04.2014, Blaðsíða 19

FRÉTTIR 19Viðskipti | Atvinnulíf
MORGUNBLAÐIÐ FÖSTUDAGUR 25. APRÍL 2014
Gler, gluggar, glerslípun & speglagerð frá 1922
Mörkinni 4 | 108 Reykjavík | Sími: 565 0000 | glerborg@glerborg.is
Velkomin í nýtt og glæsilegt húsnæði
Glerborgar í Mörkinni 4, Reykjavík.
FÁÐU TILBOÐ Í GLER OG
GLUGGA FYRIR SUMARIÐ
WWW.GLERBORG.IS
• PVC plast- og álgluggar
• Tvöfalt gler
• Berðu saman verð og gæði
vottuð gæði
Ásgeir Ingvarsson
ai@mbl.is
Hildur Hauksdóttir og Eva Margrét Æv-
arsdóttir segja samfélagslega og umhverf-
islega ábyrgð fyrirtækja ekki eiga að vera
gæluverkefni sem stjórnendur láta eftir sér
að sinna þegar vel árar en láti annars mæta
afgangi. Þvert á mót eigi umhverfis- og
samfélagsábyrgð að vera í forgrunni, því
þannig er fjárfest í bættum rekstri jafnt til
skemmri og lengri tíma.
Hildur og Eva reka, ásamt Helgu Láru
Hauksdóttur, ráðgjafarfyrirtækið Roadmap
(www.roadmap.is). Þær stöllur sérhæfa sig í
samfélags- og umhverfisábyrgð og ábyrgum
stjórnunarháttum.
Hildur segir fjölda rannsókna sýna að
fyrirtæki sem gæta vel að umhverfis- og
samfélagsáhrifum sínum uppskera eins og
þau sá. „Risarnir Wal-Mart og Nike eru
kannski þekktustu dæmin um þetta, en
bæði fyrirtækin höfðu bakað sér óvinsældir
með því að stuðla beint eða óbeint að meng-
un og mannréttindabrotum. Gripu bæði
Wal-Mart og Nike til þess ráðs að taka sig
rækilega á, bættu orðspor sitt um leið og
unnu aftur tryggð viðskiptavina sinna.“
Neytendurnir á vaktinni
Hún segir þó ekki bara alþjóðleg stórfyr-
irtæki græða á því að stunda ábyrgan
rekstur, heldur þurfi litlu fyrirtækin líka að
láta sig varða þessa hluti. „Neytendur eru í
vaxandi mæli meðvitaðir um samfélagsleg
og umhverfisleg áhrif og beina þá frekar
viðskiptum sínum þangað sem þessi mál eru
í lagi. En ávinningurinn getur líka legið í
beinhörðum sparnaði í rekstri, bættri líðan
starfsamanna og minni starfsmannaveltu.“
Eva tekur sem dæmi banka sem fór yfir
umhverfismálin og innleiddi breytt vinnu-
brögð við notkun ljósritunarvéla og prent-
ara. „Þessi tiltekni banki sparaði strax
fyrsta árið tugi milljóna króna í minnkuðu
prentmagni en var um leið að auka öryggi
gagna enda þýddi ný stefna minni líkur á að
prentað efni lægi á glámbekk. Annað gott
dæmi er fyrirtæki sem innleiða samgöngu-
styrki og hvetja starfsmenn sína til að hjóla
eða taka strætó í vinnuna. Þessi fyr-
irtæki eru að uppskera ánægðari og
hraustari starfsmenn en um leið að
hjálpa til við að létta þunga af sam-
göngukerfinu og minnka eldsneyt-
isnotkun.“
Vannýtt tækifæri
Að sögn Hildar er atvinnulífið hérlendis
nokkuð á eftir nágrannalöndunum á
þessu sviði, en víða sé þó margt gert rétt og
kalli jafnvel ekki á miklar breytingar að
færa íslensk fyrirtæki í fremstu röð. Eva
tekur sjávarútveginn sem dæmi. „Í raun er
íslenskur sjávarútvegur allur byggður á
hugmyndafræði sjálfbærni og ég þykist vita
að íslensk sjávarútvegsfyrirtæki leggja sig
mjög fram við að menga ekki hafið með
starfsemi sinni.“
Skrefin sem þarf að taka felast í því að
skoða reksturinn vandlega og greina, og er
þar hægt að styðjast við alþjóðlega staðla
sem vísa veginn. „Til eru ýmsir staðlar eins
og Global Reporting Initiative (GRI), ISO
staðlar og Integrated Reporting, en Road-
Map hefur fengið vottun hjá GRI. Þar er
farið í saumana á hvernig starfsemin hefur
áhrif á umhverfi og samfélag, leitað leiða til
að lágmarka skaða og hámarka jákvæð
áhrif og svo innleiða í allri stefnumótun og
menningu vinnustaðarins.“
Ábyrgðin gerir útslagið
Segja þær að fyrirtæki sem ekki eru vak-
andi á þessu sviði séu í hættu á að dragast
smám saman aftur úr. „Nú þegar almenn-
ingur er að verða mjög meðvitaður um um-
hverfisáhrif plastumbúða getum við t.d.
hæglega ímyndað okkur að umbúðamál
stýri vali neytandans á vörum úti í búð,“
segir Hildur. „Hvað myndi viðskiptavinur
velja ef hægt væri að kaupa þrjá mismun-
andi pakka af tómötum: einn án plasts, ann-
an með litlu plasti, og þann þriðja með tóm-
atana í plastbakka pakkaða í plastfilmu.
Framleiðandi síðastnefndu tómatanna er
þarna að missa viðskiptavini til keppinaut-
ana vegna þess einfaldlega að hann fylgdist
ekki nógu vel með kröfum og óskum hags-
munaaðila.“
Þeir verða eftir sem fylgjast ekki með
 Ráðgjafarfyrirtækið Roadmap sérhæfir sig í umhverfis- og samfélagsábyrgð  Ekki bara skraut-
fjöður heldur spurning um sparnað, gott orðspor og að hlusta vandlega á óskir og áherslur neytenda
Áherslur Eva Margrét Ævarsdóttir og Hildur Hauksdóttir sem reka ráðgjafarfyrirtækið Road-
map með Helgu Láru Hauksdóttur. Þær segja umhverfis- og samfélagslega ábyrgð snúast um
annað og meira en að flokka skrifstofuúrganginn eða styrkja íþróttafélög.