Morgunblaðið - Sunnudagur - 13.04.2014, Blaðsíða 25
13.4. 2014 MORGUNBLAÐIÐ SUNNUDAGUR 25
Þ
óra B. Helgadóttir, landsliðsmarkvörður í knatt-
spyrnu og atvinnumaður með Rosengård í Sví-
þjóð, er einn fremsti markvörður heims. Tvö ár
í röð hefur hún verið kosin besti markvörður
Svíþjóðar. Hún spilaði sinn 100. landsleik gegn Norð-
mönnum á Algarve mótinu fyrir skemmstu.
Hversu oft æfir þú á viku? Það er svolítið misjafnt en
svona átta eða níu sinnum í viku.
Hvernig æfir þú? Það hefur breyst svolítið
með árunum og ég eyði meiri tíma í lyft-
ingasalnum nú til dags. Það er yfirleitt fót-
boltaæfing/leikur sex daga vikunnar, einu sinni
til tvisvar þyngri lyftingar og einu sinni til
tvisvar almennt styrktarprógramm.
Hvernig er best fyrir nýliða að koma sér af
stað? Ég myndi segja að lykillinn væri að
finna eitthvað sem manni finnst skemmtilegt,
hvort sem það er fótbolti, spinning, tennis,
crossfit eða hvað sem er. Ef þetta er ekki
gaman endist maður ekki lengi.
Hver er lykillinn að góðum árangri? Það
er fyrst og fremst að hafa gaman, setja
sér krefjandi markmið sem maður vill
leggja sig allan fram við að ná.
Hvað ráðleggurðu fólki sem vill
hreyfa sig meira? Í raun það sama
og ég sagði að ofan: finnið eitthvað
sem ykkur finnst skemmtilegt
til að byrja með. Um leið og
maður er kominn af stað verð-
ur þetta léttara.
Hvernig væri líf án æfinga?
Það væri skrítið og ég held mun erf-
iðara í alla staði.
Hvað er það lengsta sem hefur liðið á
milli æfinga hjá þér? Ég veiktist einu sinni
og mátti varla hreyfa mig í fjóra mánuði.
Hvernig heldurðu þér í formi þegar þú
ferð í frí? Ég reyni að gera hluti sem mér
finnst skemmtilegir, sem eru helst utandyra.
Spila golf, tennis, fjallgöngur en svo fer ég í
ræktina og lyfti.
Ertu almennt meðvituð um mataræðið? Já
ég er það og meira í seinni tíð.
Hvað borðarðu til að halda þér í formi? Ég
minnka sykur og hveiti en
annars borða ég bara
venjulegan og helst
ferskan óunninn
mat sem ég bý til
sjálf. Ég nota engin
fæðubótarefni nema Sportþrennu frá Lýsi.
Hvaða óhollustu ertu veik fyrir? Ég gæti lifað á brauði
sem er ekki þannig óhollusta nema í því magni sem ég
vildi helst borða.
Hvað ráðleggurðu fólki sem vill bæta mataræðið? Að
hugsa ekki um bætt mataræði sem megrun heldur aukin
lífsgæði. Persónulega finnst mér þetta ekki snúast um
útlit eða fatastærð heldur almenna vellíðan og heil-
brigði.
Hvaða gildi hefur hreyfing og líkamsrækt fyrir
þig? Á meðan ég er í fótbolta skiptir það öllu
máli og í raun vinna mín. En þegar ég hætti
mun það vera lykillinn að því að hafa sem
mesta orku, líða vel andlega og vera heil-
brigð.
Hver eru erfiðustu meiðsli sem þú
hefur orðið fyrir? Ég fékk slæmt
tilfelli af einkirningssótt 2008.
Hversu lengi varstu að ná þér
aftur á strik? Ég mátti nánast
ekkert gera í fjóra mánuði,
það var gríðarlega erfitt og
þá sérstaklega andlega.
Hver eru heimskulegustu
meiðslin sem þú hefur
orðið fyrir? Ég held að
það hljóti að vera þegar
við vorum að gera pýra-
mída á æfingu fyrir
„hressa“ mynd og liðs-
félagi minn datt á mig
með þeim afleiðingum
að ég tognaði á lið-
bandi í hné.
Hver er erfiðasti
mótherj- inn á ferlinum? Marta
nær því miður ansi oft að skora hjá mér.
Hver er besti samherjinn? Þær eru óteljandi en
Ásthildur systir trónir á toppnum. Góður samherji
er einhver sem stendur við bakið á mér en gerir kröf-
ur til mín og ætlast til þess að ég geri kröfur til henn-
ar.
Hver er fyrirmynd þín? Amma mín er stórkostlega já-
kvæð og skemmtileg manneskja. Mér finnst að hún eigi
að vera fyrirmynd allra Íslendinga.
Hver er besti íþróttamaður allra tíma? Michael Jor-
dan, Usain Bolt og Williams-systur eru öll ótrúleg.
Skemmtileg saga/uppákoma frá ferlinum? Þrjár ís-
lenskar stelpur að syngja Ebony And Ivory um miðjan
dag með þremur mönnum frá Angóla á karókíbar í Kína
kemur upp í hugann.
Skilaboð að lokum? Taka lítil skref og fagna vel hverj-
um áfanga á leiðinni.
ÍÞRÓTTAKEMPA VIKUNNAR ÞÓRA B. HELGADÓTTIR
Ásthildur systir trónir
á toppnum
Ferð á leikvöllinn er hægt að nýta sem líkamsrækt. Upplagt er til dæmis að
nota rólur til að gera planka meðan börnin leika sér. Það er einfalt að leggj-
ast hreinlega á magann í róluna og einbeita sér að því að hafa líkamann bein-
an og spenna kvið- og rassvöðva. Telja svo hægt upp í tíu nokkrum sinnum.
Plankað á róló
*Hamingjan felst í góðriheilsu og slæmu minni. Ingrid Bergman.
Sálfræðingurinn Kelly McGonigal
hefur sent frá sér bók þar sem
hún fjallar um viljastyrk og hvernig
hægt sé að nýta hann til góðra
verka. McGonigal kennir fag um
viljastyrk við Stanford-háskóla í
Kaliforníu og segir langflesta nem-
endur sína hafa áhuga á því að
léttast.
Í kennslunni býður hún nem-
endum að velja sér einhverja
áskorun til þess að takast á við
með viljastyrkinn að vopni. Ým-
islegt kemur þar til greina eins og
að hætta tóbaksnotkun, takast á
við skuldavanda, ná betri stjórn á
skapinu eða ná stjórn á áfengis-
neyslu svo eitthvað sé nefnt. Tæp-
lega þrjú hundruð nemendur sitja
námskeiðið í hvert skipti og lang-
flestir þeirra vilja að sögn McGon-
igal nýta viljastyrkinn til að léttast.
McGonigal ræddi við dagblaðið
LA Times á dögunum og greindi
þá frá þessu en á síðustu árum
hefur ekki verið litið á viljastyrk
sem sterkt vopn í baráttunni við
aukakílóin. Um miðja síðustu öld
var fólki ráðlagt að tækla auka-
kílóin með viljastyrkinn að vopni
en á síðustu árum og áratugum
hefur fyrst og fremst verið pre-
dikað að koma sér upp nýrri rút-
ínu og breyta þannig lífsmunstrinu.
Hugurinn leiðist að
því sem á að forðast
McGonigal bendir einfaldlega á að
þetta tvennt sé náskylt. Hún segir
marga misskilja hvernig nota megi
viljastyrkinn á sem árangursrík-
astan hátt. Hún nefnir ágætt
dæmi. Ef einstaklingur einsetur
sér að hætta alfarið að borða
súkkulaði þá hugsar viðkomandi
iðulega um súkkulaði því heilinn
er stöðugt á varðbergi gagnvart
því hvar súkkulaði leynist. Hug-
urinn leiðist því að þeirri vöru
sem viðkomandi ætlar sér að
forðast.
McGonigal leggur frekar til að
fólk tileinki sér þá hugsun að langa
til þess að gera eitthvað frekar en
að hugsa um að forðast eitthvað.
Heilinn hafi einfaldlega meiri orku
í að sækja í eitthvað en að forðast
eitthvað.
MEÐ VILJANN AÐ VOPNI
Viljastyrkurinn getur gagnast við að setja sér markmið um breyttan lífsstíl, en
betra er að beina huganum að því sem við viljum en því sem við viljum ekki.
Morgunblaðið/Eggert
Er notagildi vilja-
styrksins misskilið?