Morgunblaðið - Sunnudagur - 13.04.2014, Blaðsíða 44

Fjármál
heimilanna *
Ísskápurinn og frystirinn sjúga stöðugt til sín dýra orku.
Vitaskuld þarf að halda matnum köldum til að aftra
skemmdum, en ef kælirinn er kaldari en hann þarf að
vera er verið að eyða peningum til einskis og mögulega
skemmir kuldinn matinn. Of heitur ísskápur verndar svo
matinn ekki sem skyldi. Kjörhitastig kælis er milli 1,7 -
3,3°C, og frystis -18°C. Svo er rétt að troða ekki of
miklu í kælinn svo að kalt loftið streymi vel um. Frystir-
inn starfar hins vegar betur ef hann er troðfullur.
Er kælirinn rétt stilltur?
Júlía Margrét Einarsdóttir blaðamaður situr
ekki auðum höndum. Hún er heimspeki-
menntuð en er núna að klára mastersgráðu í
ritlist, er að skrifa skáldsögu og er meðhöf-
undur í ljóða og smásagnasafninu Flæðarmál
sem kemur út í vor.
Hvað eruð þið mörg í heimili?
Ég og Gísli kærastinn minn erum svo heppin
að fá að búa hjá kisunum sem eiga okkur, Jóni
Stúarti ketti og Dúlsíneu von Selfoss.
Hvað áttu alltaf til í ísskápnum?
Það eina sem þarf alltaf að vera til er kattamat-
ur, annars er voðinn vís. Annars er eiginlega
alltaf til allt sem ég finn í búðinni þann daginn
og er með kaffibragði, og kaffi, skyr, tómatar,
erfðabreytt epli sem eru svo rauð að þau líta
út fyrir að vera geislavirk, og svo allskonar
grænmeti því ég borða ekki vini mína.
Hvað fer fjölskyldan með í mat og
hreinlætisvörur á viku?
Í byrjun mánaðarins erum við greifar og kaup-
um allan mat og súkkulaði og bjór sem til er.
Þá erum við að tala um tugi. Síðasta vika mán-
aðarins er keyrð á klinki og jákvæðu hugarfari.
En núna erum við bæði að klára nám svo þetta
fer að breytast. Greifar í mánuð verður þá yf-
irskrift lífs míns.
Hvar kaupirðu helst inn?
Ég kaupi helst bara inn í matinn, eitthvað gott
til að eiga og narta í heimavið.
Hvað freistar helst í matvörubúð-
inni?
Í matvörubúðinni freistar alltaf mest það sem
er litríkt með skrýtnu og framandi bragði.
Eitthvað sem ég hef aldrei séð áður. Svo finnst
mér skemmtilegast í nammideildinni.
Hvernig sparar þú í heimilishaldinu?
Ég spara mjög lítið í heimilishaldinu, nema að
því leyti að ég legg mig fram við að kaupa mér
alltaf bara notuð föt. Það er gott fyrir um-
hverfið.
Hvað vantar helst á heimilið?
Á heimilið vantar eiginlega bara húsgögn. Við
búum fjögur í pínulítilli íbúð sem varla er hægt
að hreyfa sig í. En bráðum verðum við rík og
ætlum að flytja í stóra íbúð. Þá ætla ég á hús-
gagnafyllirí og ranka ekki við mér fyrr en ég
verð borin út úr Góða hirðinum.
Skothelt sparnaðarráð?
Ekki borða sushi í öll mál nema þú eigir pening
fyrir því. Byrjaðu fyrr að drekka bjór á bör-
unum svo þú náir Happy hour. Gefðu materí-
alismanum fingurinn og njóttu náttúrunnar,
hún er geðveik þegar maður kynnist henni.
Greifar í byrjun mánaðarins
Júlía Einarsdóttir segir það vera gott sparnaðar-
ráð að kunna að njóta náttúrunnar.
Morgunblaðið/Árni Sæberg
JÚLÍA MARGRÉT EINARSDÓTTIR
Aurapúkinn hefur áður skrifað um
hvað hann fer vel með hlutina sína.
Föt Púkans endast t.d. í mjög lang-
an tíma, en eru samt notuð oft og
mikið.
Kemur þetta m.a. til af því að
Púkinn lærði að það margborgar
sig að fjárfesta í nærbol og klæðast
reglulega.
Sama hvort púkinn fer í spari-
skyrtuna, fínan póló-bol eða ein-
faldlega í háskólatreyju þá klæðir
hann sig fyrst í nærbolinn.
Bolurinn heldur svita og óhrein-
indum líkamans frá dýrari skyrt-
unum, svo þær óhreinkast síður og
fá ekki ljóta svitakrems-bletti í
handarkrikana.
Nýlega uppgötvaði Aurapúkinn
Airism-nærbolina frá japanska fata-
risanum Uniqlo og mælir með
þeim. Þessir hræódýru bolir eru
laufléttir og falla vel að líkamanum,
gera sitt gagn við að halda skyrt-
unni ferskri en innihalda líka efni
sem halda líkamsdaun í skefjum.
púkinn
Aura-
Nærbolurinn
til bjargar
U
m síðustu helgi hófust sýningar
vestanhafs á fjórðu þáttaröðinni í
Game of Thrones. Áhorfendur
sitja límdir við skjáinn heima og
fylgjast með mannvígum, drekum, uppvakn-
ingum og svo vitaskuld heilum her af bobb-
ingum og vakta af mikilli athygli örlög og
ófarir valdamikilla ættanna sem berjast um
völdin í Westeros.
Það sem fer framhjá mörgum eru þær
verðmætu lexíur sem þættirnir geta kennt
um heimilisfjármálin. Oft eru það rangar eða
réttar áherslur í fjármálum sem stýra því
hvernig fer fyrir söguhetjunum.
Með allt á hreinu
Fjármálavefurinn DailyFinance gerir þessu
skil í nýlegri grein og beinir kastljósinu m.a.
að hinum aldna og harðsvíraða Tywin, höfði
Lannister-ættarinnar, sem nú hefur tekið
völdin í höfuðborginni King‘s Landing. Allar
ákvarðanir hans eru úthugsaðar og yfirveg-
aðar, og Tywin veit vel að ef Lannister-ættin
missir fótanna fjárhagslega þá verður hún
ekki lengi við völd.
Af Tywin má læra gildi þess að vita vel
hver fjárhagsstaðan er á hverjum tíma,
skilja hvert peningarnir fara og á hvaða
braut heimilið er í fjármálum sínum. Pening-
arnir eiga að vinna fyrir heimilið, en ekki öf-
ugt.
Dýrkeypt fyrirhyggjuleysi
Í fyrstu þáttaröðinni kynntust áhorf-
endur Robert Baratheon sem þá stýrði
konungdæmunum sjö. Vandræðin í
Westeros hófust þegar Robert hvarf
yfir móðuna miklu eftir að hafa slas-
ast illa við veiðar. Ef Robert hefði
bara búið betur um hnútana í stað
þess að eyða orku sinni allri í veiðar, konur
og veislumat, þá hefði verið hægt að koma í
veg fyrir heilmiklar þjáningar um gervallt
konungsríkið.
Mistök Roberts minna okkur á hversu ár-
íðandi það er að ganga frá erfðamálum og
tryggingum. Það ætti að vera forgangsatriði
að fara vel yfir stöðu búsins og skoða hvern-
ig tryggingamálin standa, og vita upp á hár
hver staðan gæti orðið ef dauðsfall eða alvar-
leg veikindi myndu setja strik í reikninginn.
Myndu tryggingarnar duga til að halda
heimilismeðlimum á floti? Er búið að gera
ráðstafanir til að tryggja að allur arfur rati í
réttar hendur og með lágmarks-skattbyrði?
Hefur það verið rætt við ástvini hvað myndi
bíða barnanna, eða hreinlega bara gæludýr-
anna, ef foreldranna nyti ekki lengur við?
Með augun á markmiðunum
Svo má ekki gleyma að nefna hvíthærðu
valdakonuna Daenerys Targaryen. Ekki allt
sem hún hefur gert er til eftirbreytni. Senni-
lega hafa bestu ákvarðanir hennar til þessa
verið að losa sig við ófétið bróður sinn, sem
notaði hana miskunnarlaust sjálfum sér til
framdráttar og svo að koma drekaungunum
þremur á legg.
Khaleesi minnir okkur á mikilvægi þess að
forðast fólk sem er dragbítur á frama okkar
og drauma, og að stundum er besti leikurinn
að skera á tengslin við fólk sem hefur ver-
ið okkur náið. Hún minnir líka á mik-
ilvægi þess að rækta styrkleika
okkar og fórna ekki langtíma-
hagsmunum fyrir skammtíma-
hagsmuni. Einn daginn klekj-
ast drekaeggin út og þá er
eins gott að hafa ekki misst
þau frá sér.
PENINGAMÁLIN Í GAME OF THRONES
Riddarar, drekar
og heimilisfjármálin
TIWYN LANNISTER MINNIR OKKUR Á MIKILVÆGI ÞESS AÐ HAFA GÓÐA YFIRSÝN, EN DAENERYS TARGARYEN KENNIR
OKKUR AÐ FÓRNA EKKI LANGTÍMAHAGSMUNUM FYRIR SKAMMTÍMAÁVINNING.
Ásgeir Ingvarsson ai@mbl.is
Khaleesi, Tywin og
Robert geta kennt
okkur öllum dýr-
mætar lexíur.