Morgunblaðið - 08.09.2014, Síða 2
2 FRÉTTIRInnlent
MORGUNBLAÐIÐ MÁNUDAGUR 8. SEPTEMBER 2014
Brynjólfur Þorkelsson
Framkvæmdastjóri
binni@remax.is
Sylvía GWalthersdóttir
Löggiltur fasteignasali
sylvia@remax.is
„...Virkilega vönduð, lipur
og góð þjónusta“
Við vorum í söluhugleiðingum og var okkur bent á að fá RE/MAX, Alpha,
til að sjá um söluna. Við sjáum ekki eftir því! Þau sáu um allan pakkann
fyrir okkur. Íbúðin var seld á þremur dögum og sáu þau um allt sem snýr
að sölunni. Einnig aðstoðu þau okkur við kaup á nýju fasteigninni.
Virkilega vönduð, lipur og góð þjónusta, allt sem var sagt stóðst
og er því auðvelt að mæla með RE/MAX, Alpha.
Kv. Áslaug og Benni
820 8080 Hringdu núna ogpantaðu frítt söluverðmat
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Degi rauða nefsins verður fagnað í sjötta sinn á
Íslandi 12. september með beinni útsendingu í
Ríkissjónvarpinu. Markmiðið með deginum er að
fræða landsmenn um starf UNICEF, barnahjálp-
ar Sameinuðu þjóðanna, í þágu barna um víða
veröld og bjóða fólki að slást í hóp heimsforeldra
samtakanna. Á myndinni er Ólafur Darri Ólafs-
son, leikari og heimsforeldri, á Madagaskar þar
sem hann kynnti sér nýlega starf UNICEF.
Safnað fyrir börn undir merki Rauða nefsins
Ljósmynd/UNICEF
Skemmti- og söfnunardagskrá UNICEF verður í beinni sjónvarpsútsendingu á föstudag
Kristján H. Johannessen
khj@mbl.is
„Á flóðinu [aðfaranótt sunnudags]
var búið að koma taugum í skipið
og losnaði það af strandstað. Hófust
þá aðgerðir við að draga það inn í
örugga höfn,“ segir Pálmar Óli
Magnússon, forstjóri Samskipa, og
vísar í máli sínu til Akrafells, flutn-
ingaskips Samskipa, sem strandaði
undan Vattarnesi að morgni laug-
ardags. Hefur flutningaskipið nú
verið fært til hafnar á Eskifirði, en
upphaflega stóð til að fara með það
til hafnar í Reyðarfirði, sem skil-
greind er sem neyðarhöfn.
„Landhelgisgæslan mat aðstæður
þannig að farsælla væri að fara með
það inn á Eskifjörð. Það varð nið-
urstaðan og er nú unnið að því að
meta tjón,“ segir Pálmar Óli. Að
sögn hans eru ástæður strandsins
enn óljósar en áhöfn skipsins mun
hins vegar ekki hafa tilkynnt um
nein vandræði áður en siglt var í
strand. Spurður af hverju skipt var
um áfangastað á miðri leið svarar
Pálmar Óli: „Um tíma höfðu menn
áhyggjur af því að sjór væri kominn
í öftustu lestina, sem síðar reyndist
ekki vera rétt. En á þeim tíma
töldu menn öruggara að fara með
skipið til Eskifjarðar, þar sem
minna dýpi er í höfninni. Ef menn
hefðu af einhverjum ástæðum ekki
ráðið við að dæla sjó nægjanlega
hratt úr skipinu þá hefði það bara
sest þar og ekki valdið neinu telj-
andi tjóni.“
Sýndu merki um eitrun
Níu manns voru sendir undir
læknishendur á Fjórðungssjúkra-
húsið í Neskaupstað vegna koltví-
sýringseitrunar eftir að hafa unnið
við björgun skipsins. Eitrunina má
rekja til þeirra dælna sem notaðar
voru til að dæla sjó úr skipinu. Hafa
mennirnir nú allir verið útskrifaðir.
Orsök strandsins enn óljós
Akrafell hefur nú verið flutt til hafnar á Eskifirði Óttuðust að sjór væri kom-
inn í öftustu lest skipsins Engin merki um vandræði áður en siglt var í strand
Ljósmynd/Jens G. Helgason
Strand Flutningaskipið Akrafell var mjög sigið og hallaðist nokkuð eftir að
hafa siglt í strand undan Vattarnesi. Það er nú komið í örugga höfn.
Kristján H. Johannessen
khj@mbl.is
„Við fengum leyfi til þess að skoða
aðstæður í skamma stund en aðkom-
an var skelfileg,“ sagði Stella Stef-
ánsdóttir, framkvæmdastjóri sýn-
ingarinnar Whales of Iceland, í gær
eftir að hafa skoðað vettvang brun-
ans, sem kom upp í húsakynnum
safnsins að Fiskislóð í Reykjavík á
laugardag.
Eldur kom upp í einum af
fjölmörgum hvölum safnsins
Orsök eldsvoðans liggur ekki fylli-
lega ljós fyrir en upptökin eru talin
vera í einum af 23 sýningargripum
safnsins. „Um var að ræða fremur
staðbundinn eld en það er mikið sót í
húsinu og vatnstjón er talsvert því
brunakerfið fór í gang,“ sagði Stella
og bætti við að iðnaðarmenn hefðu
verið að störfum í sýningarrýminu
þegar eldurinn kom upp. Þykir allt
benda til að glóð hafi náð að læsa sig
í einn af hvölum safnsins með fyrr-
greindum afleiðingum.
Að sögn Stellu var í gær fremur
erfitt að meta umfang tjónsins og
um leið þær aðstæður sem við blöstu
innandyra. Stella á hins vegar von á
því að mæta á vettvang ásamt
tryggingafulltrúum síðar í dag.
Verður tjónið þá metið af meiri ná-
kvæmni.
Spurð hvort hvalir safnsins séu
mjög viðkvæmir sýningargripir
bendir Stella á að þeir séu hannaðir
til þess að geta staðið úti. Eiga þeir
því að þola vatn ágætlega.
Upphaflega stóð til að opna sýn-
inguna næstkomandi fimmtudag en í
ljósi aðstæðna verður dráttur þar á.
Fjölmennt lið slökkviliðsmanna
var sent á vettvang þegar eldurinn
kom upp og fóru m.a. reykkafarar
inn í húsið. Vel gekk að ráða niður-
lögum eldsins, einkum vegna þess
að sjálfvirkt slökkvikerfi fór í gang,
og var rýmið í kjölfarið reykræst.
Eldsvoðinn talinn eiga
upptök í sýningargrip
Morgunblaðið/Júlíus
Hvalasafn Fjölmennt lið var sent á
vettvang vegna brunans í safninu.
Aðkomunni lýst
sem skelfilegri
Nýkjörin stjórn
DV ehf. hefur
ráðið Hallgrím
Thorsteinsson
ritstjóra DV og
dv.is. Hann tekur
því við af Reyni
Traustasyni sem
hefur verið leyst-
ur undan starfs-
skyldum. Hall-
grímur hefur
störf í dag en í samtali við mbl.is
sagði hann ráðninguna hafa haft
stuttan aðdraganda. „Fyrir nokkrum
dögum spurði Þorsteinn mig hvort
ég væri tilbúinn að taka að mér þetta
starf, ef til þess kæmi. Ég hugleiddi
það um nokkra stund og svo þróaðist
það út frá því,“ segir Hallgrímur.
Stefnu blaðsins verður ekki breytt
að sögn Hallgríms sem telur að sú
fasta blaðamennska sem DV hefur
stundað geri það að verkum að mið-
illinn sé á köflum óvæginn og hann
megi líka vera það. „Það má vel vera
að DV hafi misstigið sig í einstaka
málum en það fylgir líka landslaginu
og þeim leiðum sem það fer. DV hef-
ur alla tíð haft forustu um að láta mál
ekki liggja í þagnargildi í litlu sam-
félagi þar sem allir þekkja alla. Þetta
er eðlileg slóð sem blaðið hefur fetað
samkvæmt sinni sannfæringu í
gegnum tíðina og það hefur afleið-
ingar og fylgir þessari stefnu sem
blaðið hefur tekið, að stinga á mál-
um. Þá verða margir sárir oft á tíð-
um.“
Fundað með starfsmönnum
Í tilkynningu sem stjórn DV sendi
frá sér í kjölfar ritstjóraskiptanna
kemur fram að Hallgrímur er með
áratugareynslu af fjölmiðlum. Hann
hafi átt farsælan feril í frétta- og
þáttastjórn í útvarpi og jafnframt
stýrt uppbyggingu vefmiðla. Þá er
Hallgrímur með meistarapróf í
gagnvirkri miðlun frá New York
University.
Í sömu tilkynningu segir að
boðaður hafi verið starfsmanna-
fundur með starfsmönnum DV í dag
þar sem þeim verði gerð grein fyrir
framtíðaráformum og hvernig ný
stjórn ætli að tryggja að DV verði
áfram sjálfstæður og óháður fjöl-
miðill.
Hallgrím-
ur tekur
við DV
Hallgrímur
Thorsteinsson
Reynir leystur
undan starfi