Morgunblaðið - 08.09.2014, Side 6

6 FRÉTTIRInnlent
MORGUNBLAÐIÐ MÁNUDAGUR 8. SEPTEMBER 2014
Rau›arárstígur 14 · sími 551 0400 · www.myndlist.is
mánudaginn 8. september, kl. 18
í Gallerí Fold, á Rauðarárstíg
Á
sgrím
urJónsson
Á uppboðinu verður gott úrval verka
samtímalistamanna svo og fjöldi frábærra
verka gömlu meistaranna.
Verkin verða sýnd mánudag 10–17
Hægt er að skoða
uppboðsskrána á myndlist.is
Listmunauppboð
í Gallerí Fold
Helgi Bjarnason
helgi@mbl.is
Eftir snjóþungan vetur á Norðausturlandi
kom hlýtt sumar um allt land. Gjörbreyting
hefur orðið á ásýnd landsins samkvæmt
gervitunglamyndum sem Jarðvísindastofn-
un Háskóla Íslands hefur útvegað. Á mynd-
inni til vinstri sem tekin var 6. júní sést að
snjóþungt er inn til landsins á Norðaustur-
og Austurlandi en á seinni myndinni sem
tekin var 22. ágúst sést að snjórinn er að
mestu horfinn.
Mikil úrkoma var í fyrravetur á Norður-
og Austurlandi. Í vor var því mikill snjór
inn til landsins og mestur í efri byggðum
Þingeyjarsýslu, samkvæmt veðuryfirliti
Veðurstofu Íslands. Skaflar voru að þvæl-
ast fyrir bændum og búaliði langt fram á
sumar. Lítill snjór var í öðrum lands-
hlutum.
Sumarið hefur hins vegar verið hlýtt og
úrkomusamt um allt land. Snjór hefur víða
horfið, eins og yfirleitt síðari hluta sumars.
Vatnsbúskapur Landsvirkjunar stóð illa í
vor og þurfti að grípa til skerðinga á um-
framorku til að spara miðlunarvatn í lón-
um. Úr því rættist þegar leið á sumar. Eitt-
hvert þurfti leysingavatnið að fara. Þannig
fylltist Blöndulón í lok ágúst og Hálslón
Kárahnjúkavirkjunar fór á yfirfall 1. sept-
ember. Laxveiðimenn í Blöndu og Jöklu
fengu því heldur lengri tíma til að veiða í
tærum ám en oft áður. Staða Þórisvatns er
talin viðunandi en þó er ekki reiknað með
að það fari á yfirfall þetta árið.
Gervitunglamynd/MODIS
6. júní 2014 Miklar fannir voru á Norðaustur- og Austurlandi eftir úrkomusaman vetur.
Gervitunglamynd/MODIS
22. ágúst 2014 Snjór að mestu horfinn utan jökla en haustið boðar komu sína á Tröllaskaga.
Hlýindasumarið breytir hvítu í grænt
Brýnt er að vinda ofan af því að
30% allra matvæla í heiminum sé
hent, hvort heldur er í fram-
leiðslu, sölu eða af borðum neyt-
enda. Þetta kom fram í máli
þeirra sem stóðu að hátíðinni
Saman gegn matarsóun sem hald-
in var í Hörpu um helgina. Sam-
koma þessi var haldin af Land-
vernd, Kvenfélagasambandi
Íslands og samtökunum Vakandi.
Markar hún upphaf átaksverk-
efnis um aðgerðir gegn matar-
sóun.
Unnið er samtímis að þessu
verkefni á Norðurlöndunum. Það-
an og víða frá komu fyrirlesarar
og reifuðu málið frá ýmsum hlið-
um. Þá kynntu fulltrúar fyrir-
tækja og félaga sjónarmið sín.
Þórunn Clausen leiklas fyrir
börnin upp úr bókinni vinsælu
um Smjattpattana sem margir
muna ef til vill eftir og boðið var
upp á andlitsmálun. Einnig græn-
metissúpu og fleira, úr hráefni
sem hefði að öðru jöfnu hefði
verið fargað. sbs@mbl.is
Landvernd, kvenfélögin og Vakandi vilja að matvæli sem til falla verði betur nýtt
Sóun matar
þykir þurfa
að stöðva
Morgunblaðið/Ómar
Veisla Matur er mannréttindi, var slagorð Kvenfélagasambands Íslands á Hörpuhátíð helgarinnar. Kvenfélags-
konur buðu upp á ýmsa græna rétti, en maturinn og annað sem kynna mátti sér var af mjög fjölbreyttum toga.
Magnus Carlsen, heimsmeistari í
skák, tilkynnti í gær að hann myndi
verja titil sinn í einvígi við Vis-
wanthan Anand í borginni Sotsí í
Rússlandi. Einvígið á að standa frá
7. til 28. nóvember.
Espen Agdestein, umboðsmaður
Carlsens, greindi sjónvarpsstöðinni
TV2 frá ákvörðuninni og barst
skömmu síðar staðfesting frá Al-
þjóðaskáksambandinu, FIDE.
Anand hafði áður samþykkt að
einvígið færi fram í Sotsí, en Carl-
sen var ekki sáttur við mótsstaðinn
að sögn Agdesteins. Carlsen hafði
verið gefinn frestur til gærdagsins,
7. september, til að veita svar.
Hefði hann neitað hefði Sergei Kar-
jakín tekið sæti hans, en nú er ljóst
að Carlsen og Anand mætast á ný.
Carlsen teflir í Sotsí
Teflir Carlsen birti mynd af sér á Twitter
að undirrita yfirlýsinguna.
„Núna þegar skuldaleiðréttingin er
sett í framkvæmd er ákveðið að gera
það að skilyrði að menn fari í gegn-
um þetta fyrirtæki í stað þess að
bjóða upp á aðra valkosti eins og
þann að menn geti skrifað undir með
eigin hendi,“ segir Ögmundur Jón-
asson, þingmaður Vinstri grænna og
fyrrverandi innanríkisráðherra, en
hann mun kalla eftir skýringum á Al-
þingi á því hvers vegna einungis
verði notast við rafræn auðkenni
bankanna við skráningu í skulda-
leiðréttingu ríkisstjórnarinnar.
Hlutverkið er hins opinbera
Ögmundur segist ekki sannfærður
um að Íslykill Þjóðskrár Íslands
dugi skammt til þessara samskipta.
„Velti ég því fyrir mér hvort nota
eigi skuldaleiðréttinguna til þess að
styrkja fyrirtækið Auðkenni í sessi,“
segir Ögmundur. „Þegar almennt er
rætt um þessi mál er ég þeirrar
skoðunar að hið opinbera eigi að
tryggja mönnum þau tæki sem þarf
til að þiggja opinbera þjónustu. Hins
vegar er sjálfsagt að nýta sér val-
kosti sem fyrirtæki á markaði bjóða
upp á,“ segir hann og bætir við að
ekki hafi staðið á Þjóðskrá í þessum
efnum.
Aðspurður segist Ögmundur ætla
að taka málið fyrir á þingi þegar
vettvangur skapast til fyrirspurna.
„Ég vil fá að vita hverjir ákváðu
þetta og á hvaða forsendum þessi
ákvörðun var tekin,“ segir hann.
Kallað verður eftir
skýringum á Alþingi
 Rafræn auðkenni bankanna skilyrði