Morgunblaðið - 08.09.2014, Síða 14
14 FRÉTTIRViðskipti | Atvinnulíf
MORGUNBLAÐIÐ MÁNUDAGUR 8. SEPTEMBER 2014
Trúlofunarhringar
- okkar hönnun og smíði
jonogoskar.is Sími 5524910 Laugavegi 61 Kringlan Smáralind
Ágeir Ingvarsson
ai@mbl.is
Verktakar og einyrkjar eiga oft í
mesta basli með að halda utan um öll
sín launatengdu gjöld.
Flækjustigið er töluvert þegar
kemur að tekjusköttunum og eins er
ekki auðvelt að reikna út ýmsar
smærri og stærri greiðslur sem þurfa
að fara hingað og þangað.
Virðisaukaskattinum má heldur
ekki gleyma og mistökin geta verið
dýrkeypt, óvænt og óþægileg.
Launaskil.is á að einfalda öll þessi
skref, bæta yfirsýnina og spara ein-
yrkjunum dýra bakreikninga frá
skattinum.
Um er að ræða lausn úr smiðju
frumkvöðlanna ungu hjá Reon Tech.
Leiðinlegir útreikningar
„Það kallar alla jafna á nokkuð
flókna og leiðinlega útreikninga fyrir
sjálfstætt starfandi fólk að greiða
sjálfu sér laun. Til þessa hafa fáar
hugbúnaðarlausnir getað gert þetta á
sjálfvirkan hátt, nema þá dýr bók-
haldsforrit. Launaskil.is er einföld
leið til að reikna launin og launa-
tengdu gjöldin, gegn mjög hófstilltri
mánaðarlegri áskrift,“ segir Ólafur
Páll Geirsson.
Ólafur starfar við hugbúnaðarþró-
un hjá Reon Tech. Hann segir not-
endur fyrst leidda í gegnum einfalt og
auðskiljanlegt uppsetningarferli þar
sem þeir gefa t.d. upp veflykil sinn hjá
skattstjóra og virðisaukaskattsnú-
mer, ef við á. „Síðan biður forritið um
upplýsingar á borð við hvaða lífeyr-
issjóðs á að greiða til, hvort greiða á
viðbótarlífeyrissparnað og framlög til
stéttarfélags.“
Reiknað með einum hnappi
Þá tekur við stjórnborð, þar sem
annars vegar er hægt að velja að skila
inn launatengdum gjöldum og hins
vegar virðisaukaskatti. „Ef t.d. not-
andinn hyggst greiða sér 350.000 kr. í
laun þann mánuðinn þarf hann bara
að slá inn þá tölu, ýta á takka og for-
ritið reiknar út öll gjöldin,“ útskýrir
Ólafur. „Forritið talar síðan við ýmis
önnur kerfi, s.s. greiðslukerfi lífeyr-
issjóðanna og skattstjóra, og birtast
samsvarandi greiðsluseðlar í net-
banka notandans. Ef þetta væri allt
gert „í höndunum“ myndi notandinn
þurfa að skrá sig inn og út úr fjöl-
mörgum kerfum og reikna sjálfur út
réttu upphæðirnar í hverju tilviki.“
Athygli vekur að reiknivélin leyfir
að slá inn upphæð og vinna með hana
út frá þremur forsendum, eftir því
hvort þarf að finna laun fyrir skatta,
útborguð laun, eða heildarkostnað
launagreiðanda. Einyrki sem hefur
t.d. 500.000 kr. aflögu af rekstrinum
þann mánuðinn getur reiknað fljót-
lega út að hann getur borgað sjálfum
sér í laun 416.900 kr. fyrir þá upphæð,
og fengið útborgað 290.814. „Hann
þarf ekki að giska á tölurnar og
reikna nokkrum sinnum til að fina
réttu upphæðina,“ segir Ólafur.
Létta launastússið
Morgunblaðið/Ómar
Ergelsi „Það kallar alla jafna á nokkuð flókna og leiðinlega útreikninga fyr-
ir sjálfstætt starfandi fólk að greiða sjálfu sér laun,“ segir Ólafur Páll Geirs-
son forritari og einn af aðstandendum vefsins Launaskil.is
Hafa þróað þjónustu á netinu sem reiknar út launatengdu
gjöldin og minnkar umstangið fyrir sjálfstætt starfandi.
Risarnir Nike og Adidas hafa lengi
barist um yfirráðin á bandaríska
íþróttafatamarkaðinum. Banda-
rískir neytendur hafa verið mun
hrifnari af Nike sem seldi þar
vörur fyrir 8,9 milljarða dala fyrstu
átta mánuði ársins. Á sama tímabili
seldi Adidas íþróttafatnað og skó
fyrir 1,1 milljarð dala.
Salan hjá Adidas hefur dregist
saman um 23% miðað við sama
tímabil í fyrra en aukist um 20%
hjá bandaríska merkinu Under
Armour, sem fyrstu átta mánuði
ársins seldi vörur fyrir 1,2 millj-
arða dala.
Er Under Armour því búið að
bola Adidas úr öðru sætinu á
íþróttavörumarkaði vestanhafs.
Adidas hefur átt á brattann að
sækja undanfarið og hefur m.a.
þurft að horfa upp á Nike taka til
sín æ stærri skerf af Evrópumark-
aði, þar sem þýska merkið Adidas
er á heimavelli.
Ruðningur og hafnabolti
MarketWatch segir frá því að
Adidas hafi reynt að bregðast við
þróuninni í Bandaríkjunum með
því að setja nýjan mann yfir Norð-
ur-Ameríkudeildina. Mark King,
sem áður stýrði dótturfyrirtækinu
ToylorMade-Adidas Golf, á að leiða
sóknina. Hefur hann sagt fjölmiðl-
um að á meðan Adidas hafi mikinn
sýnileika í knattspyrnu hafi merkið
ekki verið áberandi í vinsælustu
íþróttagreinum Bandaríkjanna og
stefnt að því að gera merkið sýni-
legra á körfubolta-, hafnabolta- og
ruðningsvellinum. ai@mbl.is
AFP
Átök Ein af verslunum Adidas í new York. Það gerir árangur Under Armo-
ur áhugaverðan að merkið hefur töluvert færri sölustaði en Adidas.
Under Armour
fram úr Adidas
Þýski framleiðandinn fer halloka á
bandaríska íþróttafatamarkaðinum
Kínverski netrisinn Alibaba stefnir
að því að selja hluti fyrir allt að
21,1 miljarð dala í fyrirhuguðu
hlutafjárútboði á bandaríska
hlutabréfamarkaðinum.
Jafngildir það um 2.500 millj-
örðum króna og myndi þýða að
heildar-markaðsvirði Alibaba yrði
162,7 milljarðar dala, um 19.200
milljarðar króna.
Væri fyrirtækið þá orðið verð-
mætara en 95% þeirra fyrirtækja
sem mynda Standard & Poors 500
vísitöluna, og þriðja verðmætasta
internetfyrirtækið á bandaríska
markaðinum, á eftir Google og
Facebook.
Google er í dag metið á 400,38
milljarða dala og Facebook á
200,88 milljarða.
Nýtt heimsmet?
Bloomberg segir að ef Alibaba nái
markmiðum sínum í hlutafjar-
útboðinu verði um bandarískt met
að ræða.
Fyrra metið átti greiðslukorta-
fyrirtækið Visa í hlutabréfaútboði
árið 2008 sem rakaði inn 19,7
milljörðum dala. Ef heimild fæst
til að auka fjölda hluta sem boðnir
verða gæti Alibaba aflað allt að
24,3 milljörðum dala í hlutafjár-
útboðinu og þannig slegið núver-
andi heimsmet Agricultural Bank
of China sem aflaði jafnvirði 22,1
milljarðs dala í útboði í Kína árið
2010.
Alibaba hefur skapað sér mjög
sterka stöðu í netverslun á kín-
verska markaðinum og stækkað í
takt við vaxandi hagsæld þar í
landi. Hefur fyrirtækinu verið líkt
við bandarísku netverslunarrisana
eBay og Amazon. ai@mbl.is
Alibaba vill fá tugi
milljarða í útboði
AFP
Veldi Hér gefur að líta auglýsingu
frá Alibaba í Hong Kong.
Hlutafjárútboð
gæti mögulega
slegið heimsmet