Morgunblaðið - Sunnudagur - 28.09.2014, Qupperneq 34

34 MORGUNBLAÐIÐ SUNNUDAGUR 28.9. 2014
Matur og drykkir
A
fbragðskokkurinn Gunnar Karl Gíslason er
stofnandi og eigandi veitingastaðarins Dill
Restaurant auk þess sem hann er meðeig-
andi að Hverfisgötu 12 og Sæmundi í spari-
fötunum. Það er því nóg að gera. „Ég er svo lánsamur
að vera umkringdur frábærum meðeigendum og ótrú-
lega góðu starfsfólki, öðruvísi væri þetta ekki hægt.
Ég reyni svo bara að vera með fingurna á sem flest-
um stöðum,“ segir Gunnar. Þrátt fyrir þétta dagskrá
kom matreiðslubók frá Gunnari út 9. september sl.,
North: The New Nordic Cuisine of Iceland. Bókina er
hægt að fá um allan heim og er hún einstaklega
glæsileg.
„Ég hafði verið að vinna í bókinni og uppskriftum
hennar í ein þrjú ár. Eftir þetta langan vinnutíma var
augljóslega ákaflega sætt að fá bókina loksins í hend-
urnar,“ segir Gunnar, ánægður með afrekið. Bókin er
unnin í samvinnu við Jody Eddy, matarrithöfund og
góðvinkonu Gunnars. Þá fengu þau til liðs við sig Ev-
an Sung ljósmyndara. „Hugmyndin var að gera bók
með fókus á þrjár megináherslur Dill Restaurant, í
fyrsta lagi þá framleiðendur sem við verslum hvað
mest við og þá einna helst þá sem notast við gamlar
hefðir. Í öðru lagi er það náttúran sem er allt í kring-
um okkur sem við notum svo mikið, bæði í matinn og
sem innblástur. Í þriðja lagi er það svo maturinn á
Dill.“
Gunnar Karl er kvæntur Freyju Rós og eiga þau
fjögur börn. Hann er fæddur og uppalinn á Akureyri
en hefur einnig búið erlendis um tíma. „Lengst af bjó
ég í Danmörku og eldaði þar á nokkrum yndislegum
stöðum með frábæru fólki,“ segir Gunnar. „Áhugi
minn á eldhúsinu kom í raun fyrir slysni þegar ég var
að vinna sem uppvaskari með skóla. Ég fann strax að
í eldhúsinu leið mér vel og einmitt þess vegna hef ég
bara haldið mig þar.“ Hann segir að með brennandi
áhuga geti þeir sem vilja orðið færir í eldhúsinu.
Áhuginn sé þar lykillinn að leiknum. „Áhuginn kemur
fólki ansi langt, sérstaklega í þessu fagi, sem og öllu
öðru.“
Ljósmyndir/Jody Eddy
Sjómaðurinn síkáti, Dabbi Siggason, sem Gunnar skiptir við.
Gunnar verslar taðreyktan mat frá Gylfa á Skútustöðum.
MATREIÐSLUBÓK GUNNARS KARLS KOM ÚT FYRR Í MÁNUÐINUM
Alltaf liðið vel í eldhúsinu
Gunnar Karl Gíslason er ánægður með nýútgefnu bók sína.
MATREIÐSLUBÓK GUNNARS KARLS GÍSLASONAR, NORTH: THE NEW NORDIC CUISINE
OF ICELAND, KOM ÚT FYRR Í MÁNUÐINUM EN GUNNAR HAFÐI UNNIÐ AÐ BÓKINNI Í
ÞRJÚ ÁR. HÉR ER Á FERÐ HÆFILEIKARÍKUR KOKKUR SEM HEFUR MÖRG JÁRN Í ELDINUM.
HANN SEGIR ÁHUGANN MIKILVÆGT VOPN SEM FLEYTIR MANNI ÁFRAM, SÉRSTAKLEGA Á
SVIÐI MATREIÐSLU EN SJÁLFUM LÍÐUR HONUM AFSKAPLEGA VEL Í ELDHÚSINU.
Gunnþórunn Jónsdóttir gunnthorunn@mbl.is
500 g saltfiskur
100 g hvannarstilkar
50 g edik
25 g vatn
25 g sykur
1 egg
80 g súrsuð hvönn
240 g olía
salt
Saltfiskurinn
Skerið saltfiskinn í örþunnar skífur, legg-
ið á smjörpappír og þurrkið í ofni á 55°C
uns algerlega þurr og stökkur.
Súrsaðir hvannarstilkar
Hreinsið hvannarstilkana vel og skerið í
þunna hringi og setjið í lokanlegt box. Edik,
vatn og sykur er sett í pott og suðan fengin
upp. Hellið þá yfir stilkana og lokið boxinu.
Þetta verður ákaflega gott eftir nokkra
klukkutíma en ennþá betra verður þetta eftir
nokkra mánuði.
Hvannarkrem
Setjið eggið í sjóðandi vatn í fjórar mín-
útur. Takið það upp úr vatninu og kælið í
klakavatni uns kalt í gegn. Takið
skurnina af og setjið eggið í blandara
ásamt hvannarstilkunum og smá-
salti. Blandið vel saman og bætið
svo við olíu í mjórri bunu.
Þetta skal bragðbæta með
leginum frá hvannarstilk-
unum og meira salti ef þarf.
Raðið þurrkaða saltfiskinum á
disk og sprautið svo doppum af
hvannarkreminu á hann. Setjið því
næst súrsaða hvannarstilka ofan á
kremið ásamt nokkrum pínulitlum
laufum af hvönn.
Saltfiskur frá Elvari
á Hauganesi
Morgunblaðið/Þórður