Morgunblaðið - Sunnudagur - 28.09.2014, Síða 59

28.9. 2014 MORGUNBLAÐIÐ SUNNUDAGUR 59
Sverrir Norland sendir frá sér
fyrstu skáldsögu sína sem
nefndist Kvíðasnillingarnir.
Hann segir sögu þriggja
drengja, sem brátt verða ung-
lingar og fyrr en varir fullorðnir
menn. Höfundur flakkar milli
áratuga og dregur upp mynd af
hlutskipti karla í samtímanum
og fjöldi persóna kemur við
sögu.
Skáldsagan hlaut nýræktar-
styrk frá Miðstöð íslenskra
bókmennta.
Bókin er ágætlega stíluð og
höfundur býr yfir hugmynda-
auðgi – sem er gott veganesti
fyrir framtíðina. Hér er kominn
höfundur sem á örugglega eftir
að skrifa fleiri skáldsögur.
Nýr höfundur
á markaði
Ótal bækur hafa verið skrifaðar um Viktor-
íu drottningu og nú hefur ein bæst við sem
þykir með þeim betri, en höfundur hennar
er rithöfundurinn AN Wilson, en hann er
höfundur rómaðrar bókar um Viktoríutím-
ann, The Victorians, og hefur viðamikla
þekkingu á þessu tímabili sem kemur sér vel
við ritun ævisögu drottningar sem var ansi
sérstakur persónuleiki.
Wilson þykist takast afar vel að draga upp
skýra og eftirminnilega mynd af konu sem
ríkti í 61 ár, hafði skoðanir á öllum mögu-
legum hlutum, var ástrík eiginkona en skelfi-
leg móðir níu barna sem hún stjórnaði eins
og einræðisherra og hafði sérstaka andúð á
syni sínum Bertie sem erfa skyldi ríkið.
Wilson telur að Viktoria hafi alist upp á
Englandi eins og innflytjandi. Hún var af þýsk-
um ættum og talaði þýsku við móður sína,
eiginmann sinn og börn sín. Hún var afkasta-
mikill bréfritari og skrifaði af miklum móð í
dagbók sína um alla mögulega hluti, sem ger-
ir glöggskyggnum ævisagnaritara kleift að
lesa í persónuleika hennar og greina hann.
Sannarlega var engin venjuleg kona þarna á
ferð.
Viktoría drottning er heillandi viðfangsefni.
EFTIRMINNILEG
DROTTNING Aðdáendur Arnaldar
Indriðasonar bíða spennt-
ir eftir 1. nóvember en þann
dag kemur út ný skáldsaga
eftir hann, Kamp Knox, og
ekki þarf mikla spámanns-
gáfu til að fullyrða að hún
verði metsölubók.
Bækur Arnaldar eru lesn-
ar úti í hinum stóra heimi
þar sem þær fá góðar við-
tökur. Sunday Times fjallaði
á dögunum um Reykjavík-
urnætur sem kom út hér á
landi árið 2012 og fjallar um
fyrsta mál lögreglumannsins
Erlendar. Eins og vænta
mátti er umsögnin hlýleg og
færni höfundarins er hrósað.
Gagnrýnandinn rekur sögu-
þráð bókarinnar í stuttu
máli og hittir svo sannarlega naglann á höfuðið þegar hann segir að helsti kostur bókarinnar
sé hin ríka samúð höfundar með fórnarlömbum glæpa.
Þess má svo að lokum geta að Mýrin og Skuggasund eru komnar út í kilju, báðar stór-
fínar bækur.
SUNDAY TIMES HRÓSAR ARNALDI
Ný bók Arnaldar kemur út 1. nóvember. Sunday Times ber lof á
eldri bók hans, Reykjavíkurnætur.
Einn af vinsælustu og virtustu
höfundum okkar, Einar Már
Guðmundsson, fagnaði nýlega
sextugsafmæli sínu. Bækur
hans hafa verið þýddar á rúm-
lega 30 tungumál. Einar Már
hóf feril sinn sem ljóðskáld og
út er komið úrval ljóða hans á
ensku. Bókin nefnist On the
Point of Erupting og er safn 50
ljóða. Silja Aðalsteinsdóttir
skrifar formála að bókinni. Hér
er komin afar góð gjöf til vina
erlendis.
Ljóðaúrval
Einars Más á
ensku
Víkingar, nýir
höfundar og
ljóð á ensku
NÝJAR BÆKUR
KVÍÐASNILLINGARNIR, FYRSTA SKÁLDSAGA
SVERRIS NORLANDS, OG SALTVATNASKIL,
LJÓÐASAGA EFTIR HRAFNHILDI ÞÓRHALLS-
DÓTTUR, ERU NÝJAR BÆKUR. ÁHUGAVERÐUM
HEIMI VÍKINGANNA ER LÝST Í NÝRRI BÓK FYRIR
BÖRN OG UNGLINGA. ÚRVAL AF LJÓÐUM EIN-
ARS MÁS ER SVO KOMIÐ ÚT Á ENSKU.
Nýir höfundar blanda sér í bóka-
flóðið sem nú skellur senn á. Salt-
vatnaskil er fyrsta bók Hrafnhildar
Þórhallsdóttur og í undirtitli er
verkið titlað sem ljóðasaga. Hrafn-
hildur, sem fæddist árið 1975,
lærði bókmenntir og ítölsku við
Háskóla Íslands og árið 2013 lauk
hún MA-gráðu í ritlist við sama
skóla. Það er bókaforlagið Nikka
sem gefur bókina út.
Ljóðasaga
Hrafnhildar
Víkingarnir – norrænir sæfarar og vígamenn er áhugaverð og
ríkulega myndskreytt bók fyrir börn og unglinga eftir Robert
MacLeod. Í bókinni er ferðast aftur í tímann og á vit víkinga.
Lífi þeirra er lýst og sagt frá heimi þeirra og vitanlega einnig
fjallað um goðsagnir og sögur sem tengjast þeim.
Höfundur tileinkar bókina afa sínum sem bjó við strönd
Skotlands og var sannfærður um að víkingagröf væri í
grenndinni.
Spennandi heimur
víkinganna
*Óþörfustu manneskjurnar eru þærsem breytast ekkert með árunum.James M. Barrie BÓKSALA 17.-23. SEPTEMBER
Allar bækur
Listinn er tekinn saman af Eymundsson
1 NáðarstundHannah Kent
2 AfdalabarnGuðrún frá Lundi
3 Lífið að leysaAlice Munro
4 Iceland Small World - lítilSigurgeir Sigrujónsson
5 Síðasti hlekkurinnFredrik T. Olsson
6 RottuborgariDavid Williams
7 Amma biður að heilsaFredrik Backman
8 Delicious IcelandVölundur SnærVölundarson
9 Lífríki íslandsSnorri Baldursson
10 Óvættaför 16 GorgóníuhundurinnKímon
Adam Blade
Kiljur
1 AfdalabarnGuðrún frá Lundi
2 Lífið að leysaAlice Munro
3 Síðasti hlekkurinnFredrik T. Olsson
4 Amma biður að heilsaFredrik Backman
5 KvíðasnillingarnirSverrir Norland
6 Leikur hlæjandi lánsAmy Tan
7 Fangi himinsinsCarlos Ruiz Zafón
8 Svar við bréfi HelguBergsveinn Birgisson
9 Síðasta orðsending elskhugansJojo Moyes
10 Maður sem heitir OveFredrik Backman
MÁLSHÁTTUR VIKUNNAR
Betur sjá augu en auga.