Morgunblaðið - 02.10.2014, Blaðsíða 12

12 FRÉTTIRInnlent
MORGUNBLAÐIÐ FIMMTUDAGUR 2. OKTÓBER 2014
Höfðabakka 9, 110 Reykjavík • Sími 561 9200 • run@run.is • www.run.is 30
Sölustaðir:
Jói Útherji
Hagkaup
Debenhams
Intersport
Joe´s - Akureyri
Bjarg - Akranesi
K-Sport - Keflavík
Hafnarbúðin - Ísafirði
Efnalaug Dóru - Höfn
Karlmenn - Laugavegi
Herrahúsið - Laugavegi
Kaupfélag Skagfirðinga
Sentrum - Egilsstöðum
Axeló - Vestmannaeyjum
Verslunin Tákn - Húsavík
Blómsturvellir - Hellissandi
Heimahornið - Stykkishólmi
Sportbær Skóbúð - Selfossi
Pex - Reyðarfirði og Neskaupsstað
Verslun Bjarna Eiríkssonar - Bolungarvík
Verslun Guðsteins Eyjólfssonar - Laugavegi
Ný haust og vetrarlína
komin í verslanir
Ágúst Ingi Jónsson
aij@mbl.is
„Við erum á Halanum að eltast við ufsa. Nei, það
er ekki mikið að hafa, leiðindaveður og ufsinn virð-
ist horfinn. Það fær enginn verðlaun fyrir þessa
hörmung fyrsta sólarhringinn í þessum túr,“ sagði
Víðir Jónsson, skipstjóri á Kleifabergi RE 70, þeg-
ar slegið var á þráðinn til hans í gær.
Hann sagði leiðindaveður á miðunum í umhleyp-
ingunum, sem ganga yfir þessa dagana, á milli
gerði þó þokkalegt vinnuveður. Hann sagði að
skipin væru dreifð á Vestfjarðamiðum og ágætlega
hefði gengið hjá þeim sem væru á karfa og gull-
karfa. Lítið hefði fengist af ufsa, en margir væru
spenntir fyrir að reyna fyrir sér í ufsanum þessa
dagana.
Getur verið fiska leiðinlegastur
„Það gekk ágætlega á ufsanum í fyrra, en núna
er hann bara ekki viðlátinn og hvort hann kemur
eða hvenær veit maður ekki,“ sagði Víðir. „Ufsinn
getur verið fiska leiðinlegastur ef sá gállinn er á
honum. Í öðrum tegundum getur verið tregt, en
þær hverfa ekki með öllu eins og ufsinn getur
gert.“
Frystitogarinn Kleifaberg er 40 ára gamalt skip
í eigu Brims hf. Skipið var smíðað í Póllandi 1974,
kom til landsins sem Engey RE og var lengt 1982.
Á nýliðnu fiskveiðiári var afli skipsins einstakur
eða um 11.800 tonn, sem gerir tæp þúsund tonn í
hverjum mánuði ársins.
Var útnefndur skipstjóri ársins
Á sjávarútvegssýningunni í síðustu viku var
Víðir útnefndur skipstjóri ársins eða framúrskar-
andi skipstjóri. Í umsögn dómnefndar segir: „Víðir
þekkir fiskimiðin flestum skipstjórum betur og
hefur byggt upp þrautþjálfaða áhöfn sem náð hef-
ur ótrúlegum afköstum í vinnslu. Kleifabergið,
sem er orðið 40 ára gamalt skip, veiddi og vann
rúmlega 11.200 tonn af fiski á árinu 2013 og nam
aflaverðmætið tæplega 2,7 milljörðum króna.
Ekkert botnfiskveiðiskip hefur náð slíkum ár-
angri fyrr og óneitanlega vekur athygli að hér
skuli vera um að ræða einn elsta frystitogara
landsins.“
Víði finnst ekki gaman að tala um þessi verð-
laun, viðurkennir þó að árangurinn hafi verið góð-
ur, en jú, hann hafi verið fyrirliði í góðu liði. „Svona
viðurkenningar eru mest fyrir skipið og ástæðu-
laust að gera mikið úr minni persónu. Strákarnir
um borð, skipið sjálft og umhverfið sem hefur ver-
ið skapað á þetta. Við höfum haft góðar aflaheim-
ildir, sérstaklega í Barentshafinu, og erum fljótir
að vinna aflann þegar við komumst í gott fiskirí.
Ég var í landi í allt sumar og aðrir sáu um þetta
á meðan. Mér sýnist það ekki hafa gengið neitt síð-
ur og heldur betur ef eitthvað er. Það er samt ekki
hægt að neita því að það er dágóð hrúga af fiski
sem við höfum veitt síðustu ár.“
Stóran hluta aflans hefur Kleifabergið sótt norð-
ur í Barentshaf, en þar er Brim með talsverðar
aflaheimildir í þorski og fleiri tegundum. Hann
segist ekki vita annað en Kleifabergið farið þangað
í febrúar á næsta ári.
Þessi bátur verður ekki eilífur
„Annars veit maður lítið um framtíðina og þessi
bátur verður ekki eilífur frekar en annað. Hér er
mjög gott stand á öllu og skipi og búnaði hefur ver-
ið vel við haldið og talsvert endurnýjað. Samt er
Kleifabergið hálfgerður torfbær miðað við nýjustu
skipin í flotanum,“ segir Víðir.
Hann hefur verið viðloðandi sjóinn frá því að
hann fór fyrst til sjós 15 ára gamall fyrir rúmum 40
árum og 18 ára gamall í Stýrimannaskólann. Með
öðrum er Víðir búinn að vera með Kleifabergið í 17
ár eða frá því að skipið fékk það nafn.
Bróðir Víðis er Guðmundur Þ. Jónsson skip-
stjóri á aflaskipinu Vilhelm Þorsteinssyni EA. Þeir
eru synir Jóns Eggerts Sigurgeirssonar, aflaskip-
stjóra í Bolungarvík, sem lengi var með báta og
skip Einars Guðfinnssonar. Nefna má að á móti
Guðmundi með Vilhelm er enn einn Bolvíking-
urinn, Birkir Hreinsson.
„Dágóð hrúga af fiski“
 Af verðlaunahátíð í ufsaveiðar og umhleypinga á Halamiðum  „Kleifabergið
hálfgerður torfbær miðað við nýjustu skipin í flotanum,“ segir Víðir skipstjóri
Ljósmynd/Bragi Ragnarsson/Brim hf.
40 ára gamalt aflaskip Kleifaberg RE-70 á reynslusiglingu á Eyjafirði í september 2009 eftir að skip-
ið var málað í litum Brims hf. í fyrsta sinn. Á síðasta fiskveiðiári var afli skipsins 11.800 tonn.
Ljósmynd/Ottó Harðarson
Skipstjórinn á brúarvængnum Vel hefur gengið
á Kleifabergi og þakkar Víðir það góðri áhöfn og
þeim aðstæðum sem útgerðin hefur skapað.
Umhverfisstofnun hefur veitt Há-
skóla Íslands heimild til þess að
flytja til landsins og rannsaka erfða-
breyttar mýs. Mýsnar eru með mis-
munandi erfðabreytingum og eiga
að koma að gagni við rannsóknir á
krabbameinssjúkdómum og við
kennslu.
Það er lífefna- og sameinda-
líffræði læknadeildar HÍ sem mun
rannsaka mýsnar í dýraaðstöðu há-
skólans undir eftirliti dýralækna við
tilraunastöð hans í meinafræði, að
því er kemur fram í leyfinu frá Um-
hverfisstofnun
Mýsnar verða notaðar til þess að
rannsaka áhrif erfðabreytinga á
sortuæxli. Það verður gert með því
að láta mismunandi breyttar mýs
æxlast og með vefjatöku, að því er
kemur fram í umsókninni um leyfið
Mýsnar eru frá viðurkenndri til-
raunastofu í Frakklandi.
Í umsókninni kemur einnig fram
að ekki sé vitað um neinar hugsan-
legar afleiðingar þess að erfða-
breyttar mýs sleppi út í umhverfið.
Músastofnarnir sem fluttir verða inn
séu innræktaðir og því ekki líklegir
til að spjara sig í íslenskri náttúru ef
þeir slyppu út. Einnig kemur þar
fram að erfðabreytt mús hafi aldrei
sloppið af rannsóknarstofu frá því að
rannsóknir á þeim hófust hér á landi
árið 2006. kjartan@mbl.is
Erfða-
breyttar
mýs leyfðar
 Nýttar við rann-
sóknir og kennslu
Morgunblaðið/Sigurður Ægisson
Rannsóknir Hefðbundin, óbreytt ís-
lensk hagamús sem víða finnst.
Hörður Jóhannesson, aðstoðarlög-
reglustjóri á höfuðborgarsvæðinu,
mun í næstu viku taka að sér
verkefnastjórn hjá embætti rík-
islögreglustjóra í eitt ár. Hefur
Alda Hrönn Jóhannsdóttir, yfirlög-
fræðingur hjá embætti lög-
reglustjórans á Suðurnesjum, ver-
ið sett í embætti
aðstoðarlögreglustjóra á höf-
uðborgarsvæðinu í fjarveru Harð-
ar.
Hörður fær það hlutverk að efla
og samþætta alla starfsemi lög-
reglunnar og sjá til þess að fjár-
munir nýtist sem best í ljósi þeirra
breytinga sem eru framundan. Um
áramótin verður lögregluemb-
ættum landsins fækkað úr fimm-
tán í níu. Þau voru 24 talsins áður
en þeim var fækkað árið 2007.
Hörður, sem hefur starfað sem
lögreglumaður í 38 ár, mun hefja
störf hjá ríkislögreglustjóra 8.
október nk. Verkefnið er til eins
árs og verður hann áfram aðstoð-
arlögreglustjóri á höfuðborgar-
svæðinu.
Alda Hrönn var sett aðstoðar-
lögreglustjóri í gær. Hún mun
hafa yfirumsjón með innleiðingu á
nýju verklagi vegna heimilisofbeld-
ismála hjá lögreglunni á höfuð-
borgarsvæðinu. Hún hefur starfað
innan lögreglunnar frá 1999 og var
m.a. settur saksóknari efnahags-
brotamála um eins árs skeið. Sam-
hliða þessu mun Alda starfa áfram
á Suðurnesjum til 1. nóvember til
að ljúka verkefnum sínum þar.
Aukið samstarf
„Það vantaði mann í skipulags-
mál og -vinnu. Það blasir við að
kerfið er að breytast, það er verið
að fækka embættunum. Um ára-
mót koma ný embætti og stærri en
færri. Það þarf að huga að því að
samræma allt skipulag og koma í
veg fyrir tvíverknað og svo fram-
vegis. Og leita þarf leiða til að
auka enn meira samstarf á milli
embætta,“ sagði Hörður í samtali
við mbl.is í gær.
Hörður tekur fram að ein lög-
regla sé starfandi í landinu. Búa
þurfi um hnútana með þeim hætti
að lögreglan starfi sem ein heild
og að fjármagn nýtist sem best.
jonpetur@mbl.is.
Breytingar í yfir-
stjórn lögreglunnar
Hörður
Jóhannesson
Alda Hrönn
Jóhannsdóttir