Málfríður - 15.10.2014, Blaðsíða 10

Á þessu LACS tímabili verður ekki einungis rýnt
í inntak verkefnanna heldur einnig leitað leiða til að
finna þeim farveg á vettvangi og opna fleiri kennurum
á öllum stigum aðgengi að verkefnum og fræðslu-
efni sem þróað hefur verið á vegum Nýmálasetursins.
Undir formerkjum LACS/ECML er að finna fjölbreytt-
an vettvang til beinna samskipta og upplýsingaöfl-
unar: Vinnustofur, Facebook, Twitter, nýja heimasíðu
FIPLV með virku bloggi. Það veitir fulltrúum félag-
anna tækifæri til samskipta, bæði augliti til auglitis og
á rafrænum vettvangi. Ætlunin er að styrkja fagfélögin
í að veita kennurum aukið aðgengi að starfsþróun sem
eflir þá til dáða.
Verið er að safna dæmisögum (case studies) sem
sýna hvernig verkefni frá Nýmálasetrinu eru notuð í
ýmsum löndum og hafa áhrif á nám og kennslu tungu-
mála. Út frá þeim og fleiri upplýsingum verða unnar
leiðbeiningar um miðlun og aðlögun verkefna að mis-
munandi aðstæðum. Þessar upplýsingar verða síðan
gerðar aðgengilegar á heimasíðu LACS.
Einnig er unnið að skrá yfir evrópsk samtök, bæði
samtök tungumálakennara og annarra sem tengjast
tungumálum, meðal annars til að auðvelda sam-
vinnu landa í milli. Hægt verður að leita í henni eftir
löndum, tegund samtaka og starfsemi. Skráin er unnin
í Nýmálasetrinu og leggur það bæði til fjármagn og
starfsmann. Upplýsingarnar koma frá aðildarfélögum
FIPLV. Hægt er að skoða það sem komið er á heima-
síðu LACS.
Heimasíða LACS
Útgáfur:
Handbók um starfsemi samtaka tungumálakennara: http://lacs.ecml.
at/Folder/DraftPublicationfordiscussion/tabid/3111/language/
en-GB/Default.aspx
Skrá yfir evrópsk samtök tungumálakennara og annarra sem tengjast
tungumálum: http://lacs.ecml.at/Directory/tabid/3553/language/
en-GB/Default.aspx
Kynningar 2008-2011:
LACS Survey: Influencing policy: the role of language teacher asso-
ciations in language policy development. A presentation by Terry
Lamb, president of FIPLV: http://lacs.ecml.at/LinkClick.aspx?file-
ticket=Usb4lSOVW4A%3d&tabid=2128&language=en-GB
Dreifing og miðlun: Daniel Xerri on the role of collaboration + Rosa
Antonakaki on the LACS workshop 2009. http://lacs.ecml.at/
Resources/Dissemination/tabid/2131/language/en-GB/Default.
aspx
Spurningalistar 2008-2011:
sem aðildarfélög geta notað sem fyrirmynd við endurskoðun innra
starfs og stefnumótunar. (Sjá Resources).
Áherslur og framkvæmd
Eins og áður segir er LACS verkefnið á sínu öðru tíma-
bili, en þessi tvö tímabil hafa ólíkar áherslur.
LACS 2008-2011
Megináhersla var lögð á að stuðla að aukinni sam-
vinnu samtaka tungumálakennara og stuðningi þeirra
hvert við annað.
Staðan var tekin og upplýsingum safnað um skipu-
lag aðildarfélaganna á svæðis- og landsvísu og hvern-
ig þau styrkja eigin net með hagnýtum viðburðum:
vinnustofum, útgáfum, fréttabréfum, vefsíðum og vef-
ráðstefnum. Einnig voru könnuð tækifæri félaganna til
áhrifa á stefnumótun og umbætur sem miða að lifandi
námsumhverfi án aðgreiningar þar sem fjöltyngi fær
að blómstra innan stofnunar, á sveitarstjórnarstigi og á
landsvísu. Niðurstöður má finna í LACS-handbókinni
sem aðildarfélögin unnu að sameiginlega.
LACS 2012-2015
Áhersla er á miðlun, upptöku og aðlögun verkefna
Nýmálasetursins sem eru bæði mörg og fjölbreytt. Öll
hafa þau verið unnin í samstarfi fulltrúa margra þjóða
Evrópu á námstefnum og vinnustofum, prófuð á vett-
vangi og kynnt á ráðstefnum víða um lönd.
Áskoranir sem samtök tungumálakennara í heim-
inum standa frammi fyrir eru margar þær sömu: sam-
þætting tækni og tungumálanáms; kröfur stjórnvalda
um tiltekna hæfni í tungumálum til að öðlast ríkisborg-
ararétt; atvinnuleysi unglinga tengt kröfum um færni
á ýmsum sviðum, þar með talið í tungumálum; brott-
fall nemenda; skólakerfin og staða aðfluttra nemenda;
minni ásókn nemenda í nám í þriðja tungumáli; skort-
ur á starfsþróunartilboðum fyrir tungumálakennara og
fækkun kennaranema sem leggja áherslu á tungumál
sem kennslugrein.
Allt tengist þetta breytingum í samfélaginu, fólks-
flutningum, kröfum um tungumál í vinnu og utan
hennar. Ljóst er að þetta gerir nýjar kröfur til skóla
og starfs kennarans og hefur áhrif á gengi nemenda í
skóla. Þess vegna skiptir máli að við nýtum aðgengi-
legar aðferðir við kennslu erlendra tungumála sem
góð reynsla er af, fjöltyngis- og fjölmenningarlega
kennsluhætti, og aðlögum matsþætti kennsluháttum
og -áherslum og hvernig þær eru nýttar.
10 MÁLFRÍÐUR