Málfríður - 15.10.2014, Blaðsíða 20
Það voru kátar samstarfskonur úr Verzlunarskóla
Íslands sem gengu út í sólina í ágústmánuði síðast-
liðnum eftir daglanga setu á feikilega góðu sumar-
námskeiði Ísbrúar í samstarfi við SÍSL-verkefnið.
Námskeiðið fjallaði um 6 + 1 vídd ritunar og frá fyrstu
stundu fundum við stöllur, önnur móðurmálskenn-
ari og hin kennari erlends tungumáls, að þessa hug-
myndafræði gætum við nýtt til að örva og bæta ritun
nemenda okkar.
Markmið námskeiðsins var að þátttakendur kynnt-
ust aðferð og orðaforða 6 + 1 víddar ritunar, gætu
metið ýmsar tegundir ritunarverkefna út frá þeim
og undirbúið kennslustundir þar sem víddirnar eru
kenndar og þjálfaðar. Auk þess fengum við vandaða
handbók og þótt dæmin í henni séu flest úr grunnskóla
þá á hún eftir að nýtast vel við undirbúning ritunar-
kennslu í anda 6 + 1 víddar í skólanum okkar.
Sex plús einn
Margir kennarar þekkja nú þegar til þessarar aðferðar,
en 6 + 1 vídd ritunar er sérstök nálgun sem notuð er
til að kenna ritun á skapandi hátt ásamt því að meta
árangur nemenda. Sérstaða 6 + 1 víddar felst í að
skoða ritunarferlið í ljósi sjö vídda, sem samkvæmt
rannsóknum þykja einkenna góð ritverk. Þær eru: hug-
myndir, skipulag, rödd, orðaval, setningaflæði, rithefðir og
framsetning. Kennarar og nemendur tileinka sér þannig
sameiginlegan orðaforða um ritun þar sem þeir hafa
sama skilning á því hvað einkennir góða ritun af hvaða
toga sem er. Þessi aðferð hefur reynst vel í ritunar-
kennslu og er notuð í fjölmörgum löndum og m.a. í
nánast öllum fylkjum Bandaríkjanna.
Þessar víddir, allt frá hugmyndafræði til frágangs,
kynntu kennarar námskeiðsins, þær Borghildur
Sigurðardóttir, Anna Sjöfn Sigurðardóttir og Hulda Karen
Daníelsdóttir, bæði markvisst og vel. Þær unnu eftir
þeirri kennslufræði sem þær boðuðu, leiðbeindu þátt-
takendum og létu þá vinna jafnóðum með víddirnar
sjö. Hverri vídd fylgdi síðan matsrammi sem var lýs-
andi fyrir eiginleika góðrar ritunar. Við vorum látin
lesa margs konar texta og meta út frá einni vídd í senn,
skrifa eigin ritverk og meta í samvinnu við sessunauta.
Við vorum hvött til þess að ræða saman um hugmynd-
ir okkar og leiðbeina hvert öðru. Þannig unnum við
saman allan daginn og æfðum okkur í að meta styrk-
leika og veikleika í margs konar ritunarverkefnum og
flétta saman mati og leiðbeiningum til höfunda rit-
smíðanna. Við vorum minnt á að skoða verk annarra út
frá fleiri hliðum en t.d. byggingu, málfræði og stafsetn-
ingu og að gagnlegar leiðbeiningar skipta meira máli
en einkunnir. Í framsögu kennara kom einnig fram að
vænlegt væri að nota annað hvort mjög góð dæmi um
ritun eða mjög slæm þegar dæmi eru valin fyrir nem-
endur.
Í ljósi áherslna nýrrar aðalnámskrár um sköpun
og virkni nemenda er sýnt að þessi ritunaraðferð er
vænleg til að örva sköpunargleði nemenda og löngun
þeirra til þess að miðla. Þá stuðlar aðferðin einnig að
sjálfstæði og virkni nemenda því að í ritunarferlinu eru
þeir hvattir til að meta ritverk sín og samnemenda út
frá víddunum sjö. Þótt hugmyndin með aðferðinni sé
ekki einkunnamiðuð er að okkar mati auðvelt að koma
því svo við þar sem það hentar, t.d. í framhaldsskólum
þar sem hefð er fyrir að nemendur fái mat í tölum.
Nemandinn í brennidepli
Námskeiðið vakti okkur til umhugsunar um tilgang
ritunarkennslu, hvað betur megi fara í kennslu okkar
og hvernig gera megi kennsluna árangursríkari og
skemmtilegri.
Við litum í eigin barm og sáum að oft og tíðum er
umsögn okkar ekki nógu örvandi og uppbyggileg
fyrir nemendur. Þegar maður sér ekki til sólar fyrir
ritgerðabunkum þá er oft auðveldara að leiðbeina
þeim um byggingu, efnistök og málfar, en minna fer
fyrir leiðbeiningum um orðaval, hugmyndaúrvinnslu
eða um persónulega rödd í ritgerðum nemenda. En
20 MÁLFRÍÐUR
Ingibjörg S. HelgadóttirSoffía Magnúsdóttir
Sumarnámskeið:
Sól rís, sól sest, sól rís …
Soffía Magnúsdóttir, íslenskukennari við Verzlunar-
skóla Íslands og Ingibjörg S. Helgadóttir, dönskukenn-
ari við Verzlunarskóla Íslands.