Fréttir - Eyjafréttir - 03.09.1998, Blaðsíða 15

Fimmtudagur 3. september!998
Fréttir
15
Bræðurnir sáu um Leiftur
Bikarúrslitaleikur ÍBV og Leifturs
fór fram á Laugardalsvelli á sunnu-
daginn var. Leikið var í suðaustan
golu og þétt rigning var meðan á
leiknum stóð. Engu að síður lögðu
margir leið sína á völlinn, og
stuðningshópur ÍBV-liðsins var
litríkur að vanda.
Eyjamenn byrjuðu leikinn ekki
nógu vel og komust Leiftursmenn í
tvö ákjósanleg marktækifæri, strax í
byrjun leiks en Gunnar var vel með á
nótunum í markinu. Fyrstu 15
mínútur leiksins var fjölþjóðalið
Leifhirs mun kraftmeira og ákveðnara,
en ÍBV-liðið virkaði mjög tauga-
veiklað.
Þegar stundafjórðungur var liðinn
af leiknum fóru Eyjamenn að komast
jafnt og þétt inn í leikinn, en náðu þó
aldrei að skapa sér einhver dauðafæri.
Það var ekki fyrr en að um 10 mínútur
voru til leikhlés að fyrsta mark leiksins
kom. Eftir homspymu átti Kristinn
Hafliðason skot, sem að markmaður
Leiturs varði en boltinn barst til ívars
Ingimarssonar, sem lét vaða á markið.
Boltinn stefndi upp í þaknetið en Páll
Guðmundsson, leikmaður Leifturs,
varði með höndinni til að bjarga
marki. Vítaspyrna var umsvifalaust
dæmd á Leiftur og einnig fékk Páll að
líta rauða spjaldið. Steingrímur
skoraði ömgglega úr vítaspymunni og
það er enginn vafi á því að þetta atriði
var vendipunktur leiksins.
Eyjamenn gengu því til leikhlés,
með eins marks forystu og einum
mannifleiri. Seinni hálfleikur var því
algjörleg eign Eyja-manna, þrátt fyrir
að Leiftursmenn hafi stundum verið
nálægt því að komast aftur inn í
leikinn. En staðan var 1-0, þar til á 69.
mínútu leiksins, þegar
vamarmaðurinn Hjalti Jóhann-esson,
fékk boltann við miðju vallarins.
Hann tók á rás að marki Leifturs, lék á
tvo vamarmenn, komst síðan inní teig
og lét vaða að markinu með hægri
fæti. Þetta þrumuskot hafnaði síðan í
markinu og var óverjandi fyrir
markvörð Leifturs. Glæsilegt
einstaklingsframtak og frábært mark.
Eftir þetta vom úrslitin ráðin og aðeins
spuming um hve stór sigurinn yrði.
Eyjamenn héldu áfram að sækja en
fleiri urðu mörkin ekki. ÍBV-liðið átti
þó nokkuð erfitt uppdráttar í fyrri
hálfleik, en í þeim síðari var virkilega
skemmtilegt að sjá til liðsins.
Liðsheildin var virkilega traust og
áberandi var hvað leikmenn unnu vel
hver fyrir annan. Leikmenn ætluðu að
láta þetta takast nú í þriðju tilraun og
koma bikamum heim. Gunnar var
öryggið uppmálað í markinu. Hlynur
og Zoran léku óaðfinnanlega, Guðni
Rúnar skilaði sínu og Hjalti kórónaði
leik sinn með frábæm marki. Kristinn
Hafliðason var sprækastur miðju-
mannanna og þá var Kristinn
Lárusson virkilega ógnandi á vinstri
kantinum. Steingrímur var mjög
ógnandi að vanda í fremstu framlínu.
Lið Leifturs á heiður skilinn
fyrir sfna frammistöðu. Þetta er í
fyrsta skiptið sem að liðið kemst í
bikarúrslit og reyndi liðið ávallt að
spila góða knattspymu. En það dugði
ekki til gegn reynslumiklu liði
Eyjamanna, sem sigmðu sanngjarnt
og ömgglega, 2-0.
Lið ÍBV: Gunnar -
Hjalti(Kristján), Zoran, Hlynur, Guðni
R. - Steinar, ingi, Kristinn H.(Sindri),
Kristinn L. - Steingrímur(Jens)
# I 11VIIII j
Atti ekki von a þvi að skora
Bikarleikurinn 1998 verður lengi í
minnum hafður í fjölskyldu þeirra
bræðra, Steingríms og Hjalta
Jóhannessona sem náðu því að
skora þau tvö mörk sem skiluðu
Eyjamönnum bikarnum í ár. I
viðtali við Fréttir segir Hjalti að
leikurinn gegn Leiftri hafi lagst vel í
sig.
„Við komum vel stemmdir til leiks
og vomm ákveðnir í að vinna,“ segir
Hjalti., J>að þjappaði okku líka saman
að þeir vom með yfirlýsingar um að
þeir hefðu eitthvað tak á okkur og
hefðu sigrað okkur 5 - 1 á útivelli.
Þetta gaf okkur aukinn kraft í
leiknum."
Spretturinn sem Hjalti tók með
boltinn upp hálfan völlinn í leit að
Steingrími bróður sínum mun seint
líða knattspyrnuáhugamönnum úr
minn. Eins og allir vita fann hann ekki
Steingrím og að áeggjan Hlyns fyrir-
liða skaut hann sjálfur að marki og
skoraði seinna mark IBV og
gulltryggði Eyjamönnum sigurinn.
Ekki vildi Hjalti viðurkenna að hann
hafi átt von á að skora í leiknum. „Ég
átti kannski ekki von á því en auðvitað
ætlar maður alltaf að skora. Þetta var
besti tíminn til þess að skora sitt fyrsta
alvörumark með ÍBV.“
Hjalti segir erfitt að lýsa
tilfinningunni að vera orðinn bikar-
meistari. ,J>að er bara ekki hægt en nú
er rnaður að reyna að ná sér niður til
að glfma við seinni bikarinn. Við
höfum alla burði til að vinna tvöfalt í
ár.“
Hjalti segir að móttökurnar við
heimkomuna hafi hreint út verið
frábærar. , J>að var stórkostlegt að sjá
öll blysin og mannfjöldan á bryggju-
nni. Maður hefur ekki upplifað annan
eins mannfjölda ogþagnaðariæti þegar
við komum heim. Ég vil þakka öllum
stuðningsmönnum fyrir stuðninginn
og nú þurfum við bara að halda áfram
og ná seinni bikamum. Það munum
við gera, stuðningsmenn og leikmenn
í sameiningu," sagði þessi geðþekki
leikmaður IBV
Steingrímur Jóhannesson:
Sá hvað verða vildi
Steingrímur Jóhannesson marka-
hrókurinn mikli segir að
stemmningin hafi verið rosalega
góð bæði fyrir leikinn og í honum
að ekki sé talað um eftir að
ieikurinn var unninn og bikarinn í
höfn.
„Undirbúningur liðsins var mjög
góður og menn í góðu jafnvægi
vegna þess að af reynslu
undanfarinna ára vissum við hvemig
leikurinn ætti að spilast. Bæði liðin
stóðu sig mjög vel og leikurinn hefði
getað farið á hvom vegin sem var.
Vendipunkturinn var þó þegar
vítaspyman var dæmd, eftir það
vomm við með öryggið okkar
megin.“
Steingrímur segir að markmenn
beggja liða hafi verið frábærir. „Það
lá samt alltaf í loftinu að það yrði gert
mark og eftir að ég skoraði úr vítinu
var þetta ekki spuming."
Aðspurður um heimkomuna og
móttökumar í Eyjum segir
Steingrímur að þvf sé ekki hægt að
lýsa með orðum af neinu viti. „Þetta
var hreint út sagt frábært. Þetta er í
eitt fárra skipta sem manni hefur
hlakkað til að fara með Herjólfi.
Heimkoman var glæsileg og
mannfjöldinn á bryggjunni yljaði
manni um hjartarætur. Það er ekki á
hverjum degi sem svona skeður og
maður er ennþá í skýjunum. Veðrið
hefði kannski mátt vera betra, en
samt sem áður var stemmningin
frábær. Maður veit miðað við
undanfarin ár að stuðningsmenn
okkar hafa staðið sig stórglæsilega og
starf stuðningsfélagsins í Reykjavík
var hreint ótrúlegt og er þá á engan
hallað. Það þarf engin orð. Þetta
lýsir sér sjálft og stuðningsmenn
okkar eiga fyllilega skilið að njóta
sigursins og allir Vestmannaeyingar
geta verið stoltir af liðinu. Það er
alltaf gaman þegar vel gengur.“
Hvað fór í gegnum hugann þegar
þú tókst vítaspymuna?
„Það var nú búið að ræða nokkuð
um það hver ætti að taka víti ef að til
þess kæmi í leiknum. Svo var tekinn
ákvörðun um þetta á Hótel Örk á
laugardeginum og ég var reiðubúinn
til þess að taka að mér verkið. Nú
þegar kom að sjálfu vítinu var bara
hugsunin sú að stilla upp boltanum
og rífa hann í netið og ég legg af stað
með það. Ég var búin að taka þá
ákvörðun að skjóta í homið sem
markmaðurinn henti sér í, en á
síðustu stundu sá ég hvað verða vildi
og breytti stefnu boltans, með þessum
ágæta árangri,“ sagði Steingrímur.
Lóa 03 BÍ33Í opna
sportvóruverslunia
Eðalsport
Ný sportvöruverslun, Eðalsport
opnaði glæsilega verslun í Vest-
mannaeyjum síðast liðinn fimmtu-
dag. Það eru þau Birgir Sveinsson
og Lóa Jóhannsdóttir sem reka
verslunina, en þau munu bjóða upp
á allt það nýjasta frá Adidas, Nike,
Fila og Reebok í íþróttafatnaði,
skóm og töskum og fleiru sem
tilheyrir íþróttum og útilífi, jafnt
fyrir börn sem fullorðna. Þau reka
einnig verslunina Tvistinn í sama
húsi og eru með umboð fyrir
Brimborg hf.
„Við kaupum inn vömmar fyrir
Eðalsport af heildsölum í Reykjavík,
hvað sem síðar kann að ske. En við
erum með sama verð og verslanir í
Reykjavík og eigum að vera fyllilega
samkeppnisfær 1' verði.“
Þau segja að það sé engin sérhæfð
sportvöruverslun í Eyjum og að þau
telja að það sé grundvöllur fyrir rekstri
á slíkri verslun í Vestmannaeyjum.
„Tískufatnaður er orðinn mjög
sportlegur og mikið lagt í hönnun og
útlit þessarar vöm,“ segir Birgir. „Og
miðað við þær undirtektir sem við
höfum fengið er ekki annað að sjá, en
það hafi verið löngu tímabært að setja
á stofn svona verslun. Viðtökumar
hafa verið hreint út frábærar og við
lítum björtum augum fram á við.“
Þau segjast vera að fá nýjar vömr í
verslunina á hverjum degi og að
úrvalið aukist að sama skapi. „Við
emm líka með sjónvarp sem bömin
geta horft á meðan foreldramir versla
og tónlist á léttu nótunum. Nú þegar
erum við farin að huga að vor og
sumartísku næsta árs, þannig að það er
nóg að gera. Eins og við sögðum áðan
er íþróttafatnaður farinn að fylgja
tíksustraumum meira og meira,
þannig að nú er orðið hægt að fá kjóla
í þessari línu, en við munum taka inn
slíkan fatnað með vor- og sumar
línunni.“
Þau segja að nafnið Eðalsport sé
komið frá Halldóri „Henson“ Einars-
syni. „Það er sá sami Henson og veitt
hefur verðlaunin fyrir bestu Þjóð-
hátíðarbúningana.“
Verslunin er til húsa þar sem
Skeljungsbúðin var áður og hafa verið
gerðar gagngerar breytingar á
innréttingunum. ,Já við lögðum tölu-
vert í að gera innviði verslunarinnar
skemmtilega og það hefur tekist
ágætlega.“ Blaðamaður tekur undir
þau orð og óskar Lóu og Bigga
velfamaðar í sportvörubransanum.
Verslunin er opin alla virka daga frá
kl. 10:00 til 18.00, laugardaga frá
10:00 til 16:00 og sunnudaga frá
13:00 til 16:00.
Skeyti og árnaóar-
óskir úr mörgum
áttum
Bikarmeistarar ÍBV fengu mörg
skeyti og kveðjur í tilefni sigursins
á sunnudaginn. Komu skeytin víðs-
vegar að og sum meira að segja
langt utan úr heimi. Meðal þeima
sem sendu skeyti voru fjölmargir
styrktaðilar, Knattspymudeild KR,
alþingismennirnir Isólfur Gylfi og
Margrét Frímanns, Gaui í Gíslholti
sem staddur er í Namibíu og
Eyjamenn á Costa Del Sol, svo
einhverjir séu nefndir.
Stjóm Knattspyrnudeildar ÍBV vill
koma á framfæri þökkum til allra
þeirra sem sendu þeim lilýjar
kveðjur í tilefni sigursins.
Þakkir frá Bikar-
meisturunum
Jóhannes Ólafsson, formaður
Knattspymudeildar ÍBV segir að
móttökumar sem þeir fengu eftir
sigurinn í Bikarkeppninni hafi verið
stórkostlegar. Hann sagði að þeir
væru afar ánægðir með þann mikla
stuðning og þær kveðjur sem þeir
fengu. Hann vildi koma á framfæri
þakklæti tii allra stuðningsmanna,
bæði í Eyjum og annarstaðar á
landinu. Hann sagði stuðnings-
mennina í einu orði sagt frábæra og
þeir ættu miklar þakkir skildar.
Sérstakar þakkir vildi hann færa
bæjarstjóranum. bæjarstjóm og
Herjólfi hf. fyrir þeirra þátt í að gera
þetta að ógleymanlegum degi fyrir
alla er þátt tóku í þessu.
Þú þekkir þá Davíó
Þegar Davíð Oddsson, forsætis-
ráðherra, heilsaði upp á leikmenn
fyrir leikinn kom hann iyrst að Hlyn
fyrirliða og heilsaði upp á hann.
Sfðan er það venjan að fyrirliðinn
gangi með heiðursgestinum og
kynni leikmennina fyrir honum.
Hlynur var meira með hugann við
leikinn en fonnsatriðin fyrir leik og
náði ekki að fylgja ráðherranum
eftir sem var að flýta sér í skjól
undan rigningunni. Hann kveikti
svo á pemnni þegar Davíð var
hálfnaður að heilsa leikmönnunum
og fór þá til hans og sagði. “Það
þarf ekkert að kynna þá sérstaklega
fyrir þér. Þú þekkir þá alla, er það
ekki? Þetta eru sömu strákar og
undanfarin tvö ár.”
Öl hjá stúkumönnum
Á bikarleiknum vakti það athygli
hversu lögregla gekk vasklega fram
í því að hafa gætur á stuðnings-
mönnum liðanna sem voru við
stemmningseflingu í stúkunni.
Fylking iögregumanna mændi í
stúkuna og hafði gætur á því hvort
stúkumenn væru að dreypa á
ölföngum. Ef einhver fráneygur
lögreglumaður kom auga á slíkt var
hann í talstöðvarsambsambandi við
“collega” sína í stúkunni, sem
umsvifalaust þefuðu upp meintan
öldrykkjumann og tóku af honum
ölið. Var hinn félagslegi órói í
stúkunni talinn stafa af umferð
lögreglumanna í ölþefi, en ekki
vegna spennu og upplifunar á
leiknum. Það ástæða til að benda
lögreglunni á að þó að maður sitji í
stúku á fótboltaleik þarf maður ekki
nauðsynlega að vera stúkumaður
þ.e. meðlimur í bindindisstúku.