Fréttir - Eyjafréttir - 07.09.2000, Blaðsíða 6

6
Fréttir
Fimmtudagur 7. september 2000
Utlendingahersveitin í Akóges:
Enn er heimsviðburður í Eyjum
Milli 60 og 70 jazzunnendur í
Eyjum mættu á tónleika
Útlendingahersveitarinnar í
Akóges á mánudagskvöldið
var. Tónleikarnir voru
haldnir að tilhlutan Jazz-
hátíðar Reykjvíkur, sem á tíu
ára afmæli um þessar mund-
ir, og Listvinafélags Vest-
mannaeyja.
Utlendingahersveitina skipa tónlist-
armenn sem getið hafa sér gott orð á
erlendri grundu og er skemmst frá að
segja að þeir félagamir fóru á kostum
á tónleikunum og langt síðan annar
eins meistarajazz hefur dekstrað við
jazzhlustir í Eyjum. Meðlimir
Utlendingahersveitarinnar eru Arni
Egilsson bassaleikari, Jón Páll
Bjamason gftarleikari, Þórarinn
Ólafsson píanóleikari, Pétur Östlund
trymbill og Árni Scheving víbrafón-
leikari.
Efnisskrá tónleikanna var að öllu
leyti byggð á verkum eftir meðlimi
hljómsveitarinnar, utan eitt lag sem
kalla má klassískan jazzópus. Það var
reglulega ánægjulegt að heyra að
íslenskir jazzleikarar, geti byggt upp
jafn öfluga efnisskrá eigin tónverka
sem tónleikar þessir bám vitni, og sem
standast fyllilega það besta sem
metnaðarfullir jazzleikarar em að
skapa í heiminum í dag. Þrátt fyrir að
hafa alið rjómann af tónlistarævi sinni
erlendis, að undanskildum Áma
Scheving víbrafónleikara, sem sagði
sig Breiðhyltinginn í hópnum, fór
ekki á milli mála að ástríðan til
tónlistargyðjunnar átti allan hug
þeirra. Sérstaklega er eftirminnilegt
verk Áma Egilssonar Casa AlCalde,
sem spannaði sjóðheita suðræna
dramatík og viðkvæmni tangósins.
Einnig verkið Rivers/Ámar, eftir Áma
Scheving. Annars væri að æra
óstöðugan að telja upp þau
snilldartilþrif sem einkenndu alla
tónleikana og ekki síður þau
meistarastykki sem flutt voru á
tónleikunum.
A meðan slíkir heimsmælikvarða-
tónlistarmenn sýna landanum slíka
ræktarsemi, sem þessir snillingar
vissulega eru, þarf þjóðin ekki að
örvænta um sinn hag. Þeir sem á
annað borð mættu á tónleikana koma
ellaust til að njóta þeirrar upplifunar
langt fram á kaldan veturinn.
Virlúósar af þessu kaliberi eiga allt
gott skilið og allir þeir sem gerðu
þeim kleift að spila í Eyjum þessa
kvöldstund. Hún verður lengi í
minnum höfð.
Útlendingahersveitinni var fagnað mjög í Iok tónleikanna: Fr. v. Árni Scheving, Árni Egilsson, Jón Páll
Bjarnason, Þórarinn Ólafsson og Pétur Östlund.
Hluti Útlendingahersveitarinnar á einbeitingarnótunum og jazz- Jón Páll með gítarinn og Árni
stemmningin á suðupunkti. Scheving í baksýn.
Einstakur fílingur hjá Pétri
Östlund.
Árni Egilsson gælir við bassann
og engum líkur.
Skiptir mestu máli að vera með
Ásta Hrönn Guðmannsdóttir var fulltrúi Vestmannaeyja í
sumarstúlkukeppni Eskimomodels 2000 sem fram fór
síðastliðinn tbstudag á Gauk á Stöng. Að sjálfsögðu var
blaðamaður Frétta á staðnum og fylgdist með keppninni. Að
vísu varð Ásta Hrönn ekki hlutskörpust í keppninni, engu að
síður stóð hún sig með miklum ágætum og var
Vestmannaeyjum til sóma í hvívetna. Alls tóku sjö stúlkur
þátt í aðalkeppninni þetta kvöld. Dómnefnd fylgdist grannt
með framgöngu stúlknanna í tískusýningum kvöldsins og var
mikil eftirvænting í loftinu þegar dómnefnd kynnti niðurstöðu
sína. Veittir voru tveir titlar, sumarstúlka og netstúlka
Eskimomodels 2000. Netstúlkan var valin í almennri
kosningu á visir.is og lenti Ásta Hrönn þar í þriðja sæti, en
Netstúlka var Norðanstúlkan Halla Björk Jósepsdóttir.
Sumarstúlka var valin Hildur Björnsdóttir úr Reykjavík, en
dómnefndin sá alfarið um val hennar.
Ásta Hrönn sem er 15 ára nemandi í Hamarskóla sagði að
mjög gaman hefði verið að taka þátt í keppninni, þrátt fyrir
nokkurn hnút í maganum áður en hún gekk inn á sviðið.
„Það skiptir ekki öllu máli að vinna, heldur að taka þátt,“
sagði Ásta Hrönn og bætti við að hún hefði nú ekki rnikinn
metnað í sýningarstörl', en þó væri aldrei að vita nema hún
prófaði, ef eitthvað skemmtilegt byðist, því hún væri nú á skrá
hjá Eskimomodels.
Vinir og fjölskyldan voru að
sjálfsögðu mætt á staðinn.
Stúlkurnar sjö: Lengst til vinstri Halla Björk Jósepsdóttir netstúlkan, þriðja frá
hægri Ásta Hrönn og lengst til hægri Hildur Björnsdóttir, sumarstúlka
Ekimomodels 2000.