Fréttir - Eyjafréttir - 16.11.2000, Blaðsíða 17

Fimmtudagur 16. nóvember 2000
Fréttir
17
Tölvun flytur suður fyrir Strandveg á sjö ára afmælinu - Störfum hefur fjölgað úr 2 í 1 I
Pláss fyrir fleira starfsfólk
-með reynslu og áhuga á tölvum og tölvusamskiptum -Ég lít ekki á þetta sem Ijón á
veginum, heldur miklu frekar sem ögrun til að takast á við, segir framkvæmdastjórinn

STARFSFÓLK Tölvunar í dag. Frá vinstri, Anton Gylfason tæknimaður á verkstæði, Ómar Magnússon tæknimaður, Sigursveinn
Þórðarson vefliönnuður, Auðbjörg Björgvinsdóttir bókhald, Guðni Valtýsson kerfisfræðingur er yfirmaður hugbúnaðarsviðs, Hallgrímur
Njálsson kerfisfræðingur er kerfisstjóri netþjónustu Tölvunar, Guðmundur Jóhannesson verslunarstjóri, Kristín Garðarsdóttir tölvari
sem sér um starfsmannahald og bónusútreikninga fyrir ísfélagið, Aðalheiður Jensdóttir stjórnarformaður og hefur einnig yfirumsjón með
bókhaldi og Tryggvi Gunnarsson tæknistjóri.
VERSLUN Tölvunar opnaði á nýja staðnum á
laugardagsmorguninn og hafði Sigursveinn eins og aðrir
starfsmenn nóg að gera því mikið var að gera strax frá fyrstu
mínútu.
Sá ævintýralegi vöxtur,
sem er í öllu er lýtur að
tölvum og teygir anga sína
til Vestmannaeyja,
kristallast í Tölvun sem
þessa dagana er að færa út
kvíarnar og flytja í nýtt og
stærra húsnæði. Tölvun er
sjö ára gamalt fyrirtæki
sem í upphafi var meðtvo
starfsmenn en nú eru þeir
11 og gæti átt eftir að
fjölga umtalsvert í
framtíðinni. Tölvun er að
taka upp samstarf við
Tölvumyndir í Reykjavík
og væntir fram-
kvæmdastjórinn mikils af
því samstarfi sem hann
segir forsendu fyrir
auknum umsvifum
Tölvunar.
Byrjuðu smátt
Þegar Davíð Guðmundsson kom heim
frá námi sem tölvuverkfræðingur
stofnaði hann Tölvun ásamt eiginkonu
sinni Aðalheiði Jensdóttur. Kjölfestan
í rekstrinum var rekstur á tölvukerfí
Samfrosts sem var sameign frysti-
húsanna. Fyrstu húsakynnin voru á
annarri hæð Rannsóknasetursins en
ekki leið á löngu áður en starfsemin
sprengdi utan af sér húsnæðið og þá
var flutt aðeins vestar á Strandveginn,
nánar tiltekið að Strandvegi 54 í hús
Kiwanismanna. Þama óx og dafnaði
verslun með tölvur og tölvubúnað,
starfsmönnum fjölgaði auk þess sem
starfsemin jókst á öðrum sviðum, í
tölvuþjónustu og rekstur á netþjónustu
varð sífellt fyrirferðameiri svo fátt eitt
sé nefnt. Það kom að því að
Strandvegur 54 var orðinn of lítill og
þá fór Davíð að líta í kringum sig og
staldraði við Strandveg 51 þar sem
Neisti var lengst af til húsa. Niður-
staðan var að kaupa húsið og var það
formlega tekið í notkun á laugar-
daginn. Það er 334 fm á einni hæð og
með byggingarétti fyrir aðra hæð.
„Við ætlum samt ekki að láta gamla
staðinn af hendi því ætlunin er að
koma Tölvuskóla Vestmannaeyja,
sem við erum aðilar að, þangað auk
þess sem við höfurn áhuga á að taka
upp samstarf við Rannsóknasetrið um
Athafnaverið. Tölvuskólinn og At-
hafnaverið fara mjög vel saman,“
segir Davíð framkvæmdastjóri í
samtali við Fréttir.
Skiptist í fjögur svið
Með nýja húsnæðinu verður starfsemi
Tölvunar skipt í fjögur svið, Hug-
búnaðarsvið, verslun, verkstæði og
þjónustu við netið sem allir starfs-
mennimir koma að með einum eða
öðrum þætti. „Um leið erum við
stokka upp í eignarhaldi með því að
bjóða starfsmönnum hlut í félaginu.
Kristín Garðarsdóttir hefur starfað hjá
okkur frá upphafi en hún hafði áður
unnið hjá Samfrosti. Hallgrímur
Njálsson kerfisfræðingur á næst-
lengstan starfsaldur að baki og svo
kemur Tryggvi Gunnarsson. Þau þrjú
em orðin hluthafar, Kristín með 3%,
Hallgrímur 2,5% og Tryggvi 2%.
Mörg fyrirtæki í þessum geira hafa
farið þessa leið og er samtals 15%
hlutur í félaginu eymamerktur starfs-
mönnum og er helmingurinn eftir.
Þetta snýst um að fólk njóti þess ef vel
gengur og með þessu er frekar hægt að
halda í gott starfsfólk."
Starfsmenn gerast hluthafar
Davíð segir að frekari breytingar á
eignarhaldi Tölvunar séu fyrir dymm
því Tölvumyndir í Reykjavík eru að
koma inn í með 25% hlut. „Það er
forsendan fýrir stækkuninni hjá okkur
núna og gerir okkur kleift að koma
upp hugbúnaðarsviði sem við væntum
mikils af. Tölvumyndir em mjög
sterkt fyrirtæki innan sjávarútvegsins
og meðal sveitarfélaga og hefur m.a.
bæði Isfélag og Vinnslustöð og Vest-
mannaeyjabæ á sinni könnu. Það má
segja að Tölvumyndir eigi sjávarút-
veginn eins og hann leggur sig og þeir
em sterkir hjá sveitarfélögunum eins
og ég gat um áðan. En það er ekki síst
í orkugeiranum sem þeir hafa látið til
sín taka. Undir merki Tölvumynda
hafa verið sameinuð þrjú fyrirtæki af
fjómm sem þjónusta orkufyrirtækin.
Þá hafa þeir stofnað fyrirtæki í Noregi
þannig að ef vel gengur hjá okkur hér
úti í Eyjum eigum við alla möguleika
á að vinna að verkefnum úti um allan
heim.“
Vaxtarbroddur í
hugbúnaðargerð
Hugbúnaðarsviðið ásamt vefhönnun-
inni geta orðið mikill vaxtarbroddur
hjá Tölvun að mati Davíðs og þar
ætlar hann sér landvinninga. „Þar eru
margir ókannaðir möguleikar og það
sama á við um netsamskipti en þar
hafa Vestmannaeyingar verið framar-
lega. Við búum t.d. ennþá að ti'u mb
streng sem Samfrost lagði 1987 en
tilkoma hans var ótrúleg framsýni.
Sjálf áttum við hlut að máli þegar
örbylgjusambandi var komið á milli
stofnana bæjarins fyrir fjórum árum
sem stóru tölvufyrirtækin í Reykjavík
hafa verið auglýsa undanfarið sem
algjöra nýjung. Þá erum við að taka í
notkun ljósleiðara sem tengir okkur
við nokkur fyrirtæki í nágrenningu.
Allt er þetta samtengt og ég held að
óvíða sé jafnmikil netvæðing innan
bæjar og hér. Það er t.d. fyrst núna
sem Lína.Net er að fara af stað með
lagningu ljósleiðara í Reykjavík.“
Setja saman tölvur
Enn á eftir að nefna einn þáttinn í
starfsemi Tölvunar en það er sam-
setning á tölvum sem hlotið hafa
nafnið Keiko Computer eða Keicom.
„Við fengum leyfi til að nota nafn há-
hymingsins Keikó sem verið hefur í
Klettsvíkinni frá því í september 1998.
Þama emm við að nýta okkur reynslu
Antons Gylfasonar við að setja saman
tölvur."
Styrkur hvers fyrirtækis í tölvu-
iðnaði liggur ekki hvað síst í starfs-
fólkinu og Davíð segist geta verið til í
að taka undir það. „Við störfum í
sjávarplássi og gmnnur okkar að
hugbúnaðarsviðinu er þekking okkar
allra á sjávarútvegi. Það er ekki þar
með sagt að ætlum að einblína á
sjávarútveg og það sem honum
tengist. Við emm opin fyrir öllu á
hugbúnaðarsviðinu."
Davíð segist hiklaust hafa pláss
fyrir fleira starfsfólk með reynslu og
áhuga á tölvum og tölvusamskiptum.
„Ég lít samt ekki á þetta sem ljón á
veginum, heldur miklu frekar sem
ögmn til að takast á við.“
Haustið hefur ekki bara farið í
stækkun fyrirtækisins, unnið er að því
að gera starfsfólkið hæfara til að takast
á við ný verkefni. „Flest okkar fara í
próf í haust og núna eru Hallgrímur,
Tryggvi, Ómar og Anton að taka
svokölluð MCSE próf sem stendur
fyrir Microsoft Certified Systems
Éngineer. I allt em þetta sex próf og
eitt í viku og prófdaginn eru þeir í
Reykjavík. Þegar tveir í fyrirtækinu
hafa náð þessum prófum, sem em
mjög þung, fáum við leyfi til að kalla
Tölvun Microsoft Certified Solution
Provider. Þar með getum við boðið
upp á heildarlausnir frá Microsoft.
Einnig emm við, ég, Guðni og Hall-
grímur á námskeiðum tvo daga í viku
fram að jólum," sagði Davíð.