Fréttir - Eyjafréttir - 10.04.2008, Blaðsíða 13

Frcttir / Fimmtudagur 10. apríl 2008
13
Stórefla þarf al-
menna löggæslu
ÞYKKUR BUNKI Þær eru margar og ítarlegar skýrslurnar um Landeyjahöfn sem nú eru á borði
bæjarstjórnar.
Sjá ljósið í Landeyjahöfn
Miklar umræður hafa farið fram um
nauðsynlegar samgöngubætur fyrir
Vestmannaeyjar á undanförum
árum. Nú hefur ríkisstjórnin ákveðið
að fara í hafnargerð í Bakkafjöru
enda styður bæjarstjórn Vestmanna-
eyja framkvæmdina. Enn birtast
greinar þar sem bæjarbúar eru ýmist
hvattir til að þrýsta á stjórnmála-
menn um að hafna Landeyjahöfn
eða menn lýsa yfir ánægju og
stuðningi við hana. Fréttir leituðu
til þriggja aðila og báðu þá um að
segja sína skoðun á málinu.
Ferðaplan B og C þegar plan A
klikkar
Friðbjörn Valtýsson, framkvæmda-
stjóri IBV íþróttafélags, sagði að ef
horft væri á höfn í Bakkafjöru út frá
hagsmunum íþróttafélaganna þá
væri það stórkostlegt framfaraspor í
samgöngumálum.
„Sérstaklega á það við um vetuma
því þá erum við með ferðaplan B og
C þegar plan A klikkar. Það er
mjög erfitt að stóla á flug og ég tel
að þetta verði mun auðveldara og
einfaldara þegar höfnin er komin.
Við gerum okkur auðvitað grein
fyrir að það getur orðið ófært í
Bakkafjöru eins og annars staðar.
Vonandi verða frátafir sem fæstar og
að verkið heppnist vel.“
Friðbjöm benti á að höfnin yrði
stórkostleg bylting í tengslum við
stóru íþróttamótin og þjóðhátíð. „í
tengslum við starfsemi IBV íþrótta-
félags ferðast 20.100 manns til og
frá Eyjum á hverju ári. Samtals eru
þetta því rúmlega 40.000 ferðir. Þeir
sem taka þátt í knattspymumótum
eru um 6000, í tengslum við hand-
boltann ferðast 5600 og 3500 á
Shell- og Pæjumót. Hingað koma
um 5000 manns á þjóðhátíð þannig
að þetta er mikill fjöldi," sagði
Friðbjörn og telur siglingu í
Landeyjahöfn mikið framfaraskref.
Sex ferðir í staðinn fyrir tvær
Mér finnst þetta mjög gott mál,“
sagði Bragi Steingrímsson, trillu-
karl með meiru, þegar hann var
spurður út í hafnargerð í Bakka-
fjöm. „Eg vil treysta þeim sem eru
sérfræðingar í hafnargerð. Eg er
mjög hlynntur þessari framkvæmd
og tel að þetta verði bylting svo
framarlega sem þetta heppnast. Ég
held að það sé mun betra að fara
með fþróttahópa í Landeyjahöfn en
í Þorlákshöfn því oft er mikil sjó-
veiki um borð og það situr eftir í
minningunni.“
Bragi vill líka líta á kosti Land-
eyjahafnar með tilliti til ferðatíðni.
„Sex ferðir í staðinn fyrir tvær á
milli lands og Eyja er mikil framför.
Ef við fáum stærra og hraðskreiðara
skip í Þorlákshöfn er ég ekki viss
um að skipið fari nema eina ferð á
dag en um þetta eru auðvitað skiptar
skoðanir og það er eðlilegt. I versta
falli, ef þetta mistekst, þá er
Þorlákshöfn enn til staðar og þá
förum við þangað eins og við höfum
gert,“ sagði Bragi.
Risastórt skref fram ávið
Haraldur Sverrisson, sjómaður,
sagði Landeyjahöfn vera risastórt
skref fram á við, auðvitað hefðu
jarðgöng verið besti kosturinn en
Landeyjahöfn væri næstbesti kost-
urinn.
„Ég er jákvæður fyrir höfn í
Bakkafjöru og vil endilega fá hana.
Það hefur verið hamrað mikið á því
að sjómenn séu á móti þessari
framkvæmd sem er kjaftæði því ég
veit um marga sem eru mjög hlynnt-
ir þessu," sagði Haraldur og taldi að
ákveðinn kjami væri ekki bara á
móti framkvæmdinni heldur hefði
það að hugsjón að berjast á móti
þessum framförum.
Haraldur sagðist vera sannfærður
um að það yrði dauðadómur fyrir
byggðalagið ef samgöngubæturnar
sem við fengjum væri nær óbreytt
ástand, nýr Herjólfur. Háskólinn á
Bifröst hafi t.d. gert eins konar
úttekt á áhrif hafnar í Bakkafjöru á
samfélagið og samgöngubætur með
höfn í Bakkafjöru hafi komið mjög
vel út fyrir byggðarlagið.
Grein
'Á'tli GTsTason ög Jön
Bjarnason, alþingismenn
skrifa:
Höfundar eru á lista
Vinstri grœnna.
Allt frá voðaatburðunum í New York
11. september 2001 hafa mannrétt-
indi, réttindi borgaranna, einstak-
lingsfrelsi okkar, verið skert eða tak-
mörkuð í þágu svokallaðrar baráttu
gegn hryðjuverkum. Ylirlýst mark-
mið hryðjuverkamanna í árásum á
Bandaríkin og önnur lönd var og er
að grafa undan vestrænum lýðræðis-
og mannréttindagildum. Þeim hefur
því miður orðið býsna ágengt.
Stefna Bush-stjórnarinnar er gjald-
þrota og henni verður að andmæla
harðlega á íslandi sem annars staðar.
Það hefur aldrei gefist vel að mæta
ofbeldi með ofbeldi en upp á hvað
horfum við: Natóhernaður í Afgan-
istan, innrás í írak, milljarða stuðn-
ingur við árásarstefnu Israels gegn
Palestínumönnum og þannig mætti
lengi telja. Ofbeldi fæðir af sér
ofbeldi og vítahringnum vex fiskur
um hrygg. í Bandaríkjunum hefur æ
meira fjármagni verið varið til her-
mála á kostnað annarra samfélags-
þátta, og ýmsar aðrar þjóðir endur-
taka þau sömu mistök. Afleið-
ingarnar hafa þegar komið fram í
auknu ofbeldi og hryðjuverkum.
Fetað í fótspor Bush-stjórn-
arinnar
Fjárframlög ríkisstjórnar íslands til
löggæslu f þágu almennings, til
grenndargæslu, til allrar löggæslu
sem mestu máli skiptir í þágu borg-
aranna, hafa almennt staðið í stað
eða verið skert þrátt fyrir stóraukin
verkefni. Staðan hefur f raun versn-
að eftir nýlega sameiningu lög-
reglustjóraembætta. Aðkoma Sam-
fylkingarinnar að ríkisstjórn hefur
því miður engu breytt.
Á sama tíma hefur embætti
ríkislögreglustjóra þanist út og
útgjöld hækkað ár frá ári um hundr-
uð milljóna. Sífellt fleiri og jafn-
framt ný verkefni hafa verið færð til
miðstýrðrar ráðstjórnar rfkislög-
reglustjóra. Þar ber mest á verk-
efnum sem lúta að svokölluðum
öryggismálum, að meintri en alls
óskilgreindri hryðjuverkaógn í kjöl-
far hörmunganna í Bandaríkjunum
11. september 2001. Árið 2003 voru
18 manns í sérsveit ríkislögreglu-
stjóra en nú starfa þar á sjöunda tug
sérsveitarmanna án þess að nokkur
fagleg þarfagreining hafi farið fram.
Sama gildir um svonefnda grein-
ingardeild og aðra leyniþjónustu-
starfsemi ríkislögreglustjóra, eftirlit
með einstaklingum.
Æðstu yfirmenn hjá embætti rfk-
islögreglustjóra viðurkenna reyndar
að Islendingum stafi lítil sem engin
ógn af hryðjuverkamönnum og vita
sem er að fíkniefnabölið og um-
ferðarslys taka óásættanlegan
mannlífstoll af þjóðinni.
Öfugsnúin forgangsröðun
I fjáraukalögum fyrir árið 2007 og í
fjárlögum fyrir árið 2008 voru
ætlaðir 2,3 milljarðar til hernaðar
eða hernaðartengdra mála. Fyrir-
hugað er að stofna svokallaða
Varnarmálastofnun og þar stefnir í
tveggja milljarða útgjöld á ári. Á
sama tíma skellir ríkisstjórnin
skollaeyrum við ítrekuðum áskor-
unum sveitarstjórna, sambanda
sveitarfélaga, félögum lög- og toll-
gæslumanna og fleiri um að stjórn-
völd bregðist þegar í stað við þeim
mikla fjárhagsvanda sem almenn
löggæsla býr við og eyði þeirri
óvissu sem nú ríkir.
Sýnu verst er ástandið á Suður-
nesjum. Það liggur fyrir að verkefni
lögreglu og tollgæslu á Suður-
nesjum hafa margfaldast. Það er því
nöturlegt að fá fregnir af því að
nýleg sameining lögregluembætta á
Suðurnesjum hafi leitt til þess að
lögreglumenn eru 18 færri en fyrir
sameininguna. I Grindavík, Sand-
gerði, Garði og Vogum er staðan
þannig að lögreglumenn eru að
verða jafn sjaldséðir og hvítir hrafn-
ar. Sama staða er reyndar uppi í öllu
Suðurkjördæmi og um land allt.
Þessi samdráttur í löggæsluþjón-
ustu skapar óöryggi fyrir íbúa og er
ávísun á aukin afbrot. VG lagði til
við fjárlagagerð fyrir árið 2008 að
fjárveitingar til almennrar löggæslu
yrðu auknar verulcga en þær tillögur
voru allar felldar af samfylkingar-
og sjálfstæðisþingmönnum ríkis-
stjórnarinnar. Ríkisstjórnin gefur
ekki bara vitlaust í þessum mála-
flokki, hún er á dapurlegum villi-
götum. Það verður að stórefia lög-
gæsluþjónustu við allan almenning
og hverfa af braut hernaðarhyggju.
VG mun halda áfram baráttu sinni
fyrir því.
Atli Gíslason og Jón Bjarnason,
alþingismenn.
Ahugaverðasti
staður sem ég hef
komið á
-segir Keren Shavit, ísraelsk kvikmyndagerðarkona um
Vestmannaeyjar en hún hefur ferðast víða um heim
Vídeó og kvikmyndahátíðin 700IS
Hreindýraland fór fram seinni
partinn í mars en á hátíðinni í ár
voru sýnd 85 verk, valin úr þeim
500 sem send voru inn frá öllum
heimshomum. Keren Shavit átti
mynd á hátíðinni en hún var stödd í
Eyjum um síðustu helgi og var
alveg heilluð af náttúrunni og þeim
hughrifum sem staðurinn vakti með
henni.
„Ég var boðin á kvikmyndahátíð-
ina 700IS á Egilsstöðum," sagði
Keren en hún býr í Israel og fæst
við kvikmyndagerð sem tengist
nýlist. „Myndin mín, The Zoo
Project, var valin á hátíðina ásamt
fjórum öðmm ísraelskum myndum
en þetta er í fyrsta skipti sem ísra-
elsk mynd er samþykkt á sýning-
una. Ég virkilega naut þess að vera
þama því kvikmyndahátíðin var
alveg frábær og gott úrval af mynd-
um frá öllum heimsálfum. Ég vann
myndina mína, The Zoo Project,
með Adi Omry en ég var sú eina
sem gat mætt á hátíðina frá Israel."
Keren segir að hún fylgi eftir
bókum og myndum sem hún sér og
les og þess vegna hafi leiðin legið
til Eyja. „Ég ákvað að koma til
Eyja eftir að hafa séð myndina San
Sunless eftir Cris Markler, “ segir
Keren en hún ferðist á dálítinn
sérstæðan máta. Hún er í félagskap
þar sem fólk skiptist á að taka á
móti ferðafólki þ.e a.s. er tilbúið til
að taka á ferðalöngum og leyfa því
að gista hjá sér, ef þannig stendur
á, og fær sjálft gistingu víðs vegar
um heiminn þegar það er á ferða-
lögum.
Ahugasamir geta skráð sig á net-
síðuna couchsurfing.com en Keren
KAREN: Ég hef áhuga á að koma aftur en ég er yfir mig hrifin af
Vestmannaeyjum.
hefur nýtt þessa síðu mjög mikið.
„Það voru engir meðlimir á vefn-
um í Vestmannaeyjum en hann er
fyrir fólk sem vill taka á móti fólki
frá öllum landshornum. Á þennan
hátt getur þú ferðast um allan heim
og gist hjá fólki sem þú þekkir
ekki fyrirfram í stað þess að vera á
hóteli. Það getur verið alveg frá-
bærlega skemmtilegt,“ sagði Kerin
en hún er að gera mynd um vefinn
og þetta gistiform í Póllandi með
pólskum framleiðanda. Draumur
hennar er að gera seríu um þetta
fyrirbæri, alls staðar í heiminum.
„Ég gisti í viku hjá konu í
Reykjavík og hún útvegaði mér
gistingu hjá systur sinni á Egils-
stöðum þar sem ég var í fimm
daga. Ég hringdi í konu sent var
skráð á vefinn og bjó einu sinni í
Eyjum en var hún var fiutt í burtu
en hjálpaði mér með því að hafa
samband við Margo Renner sem
fannst þetta áhugavert. Hún tók á
móti mér þegar ég kom hingað á
laugardag og hér hef ég haft það
alveg frábært. Ég á eftir að átta mig
en Vestmannaeyjar eru áhugaverð-
asti staður sem ég hef komið á,“
sagði Keren. Hún hefur áhuga á að
gera myndaseríu um Eyjar en hún
lærði myndatöku við Bezalel
Academy of Art Jerusalem.
„Ég hef áhuga á að koma aftur en
ég er yfir mig hrifin af Vestmanna-
eyjum. Ég hef reyndar bara verið
hér í tvo daga þannig að ég get ekki
alveg dæmt staðinn eða sagt til um
hvernig hann er. Ég kem frá Israel
þar sem álagið er mjög mikið, en
friðsældin hér virðist engu lfk. Ég
hef ferðast víða og þetta er fal-
legasti staður sem ég hef komið á,“
sagði Keren að lokum en hún fór
frá Eyjum á mánudag og frá
Keflavík áleiðis til ísrael á
þriðjudag.