Fréttir - Eyjafréttir - 17.04.2008, Blaðsíða 9

Fréttir / Fimmtudagur 17. aprfl 2008
9
Séra Kristján Björnsson, sóknarprestur Landakirkju:
Djákninn mun þjóna fólki, óháð
trúarafstöðu þess
Séra Kristján Björnsson segir að
djákninn komi til með að starfa á
því sem nefna mætti velferðarsvið.
Flest verkefni muni koma frá fjöl-
skyldusviði og heilbrigðisstofnun
og nefnir hann t.d. Hraunbúðir.
„Aðkoma Landakirkju að þessu
verkefni felst m.a. í því að útvega
vinnuaðstöðu í Safnaðarheimili þar
sem verður unnt að veita viðtöl.
Segja má að fasta vinnustöðin verði
þar. Guðný mun einnig sjá um
ákveðnar helgistundir, ekki beint
fyrir Landakirkju heldur í því er
tengist sjúkrahúsi og Hraun-
búðum.“
Séra Kristján segir að sér lítist
þannig á þetta að það geti orðið
gott. „Þetta er tilraunaverkefni til
eins árs og það þýðir að á þeim
tíma munum við, sem að því
komum, vinna kerfisbundið að því
að móta starfið og reyna að nýta
það sem best. Eftir þann tíma
verður svo tekin ákvörðun um
hvort framhald verður á því.“
Á heimasíðu Djáknafélags fslands
segir að þjónusta djákna sé kær-
leiksþjónusta og séra Kristján segir
að starf djáknans felist m.a. í því að
vitja sjúkra, aldraðra, þeirra sem
eru einmana og annarra sem búa
við sérstakar og erfiðar aðstæður.
Ekki sé alltaf þörf á að leita til
stofnana í þeim tilfellum. Kristján
nefnir einnig að fjórði samstarfs-
aðilinn í þessu verkefni gæti orðið
Rauði krossinn sem hefur sinnt
svonefndri heimsóknarþjónustu.
„Og það er rétt að taka fram að
það er ekki ætlunin að djákninn fari
að yfirtaka eða ganga í störf þeirra
sem hingað til hafa sinnt þessu, svo
sem lækna, félagsráðgjafa, presta
og hinna ágætu heimsóknarvina
Rauða krossins, svo einhverjir séu
nefndir. En djákninn getur unnið
með þeim og kemur til með að
þekkja þau úrræði sem til eru. Við
sem vinnum að þessu, viljum reyna
að móta starfið þannig að við
Kristján: Þetta er tilrauna-
verkefni til eins árs og það þýðir
að á þeim tíma munum við, sem
að því komum, vinna kerfls-
bundið að því að móta starfið og
reyna að nýta það sem best.
getum betur séð hver þörfin er, t.d.
í sambandi við öldrunarmál og
velferðarmál almennt.“
Séra Kristján segist vilja taka
skýrt fram að djákninn muni þjóna
fólki, óháð trúarafstöðu þess og það
sé mikilvægt atriði. Þó svo að
djáknastarfið sé byggt á kristnum
grunni, þá muni hann starfa óháð
trúarskoðunum fólks.
Fyrst og fremst
tengill sem veit
hvert á að leita
Guðrún Jónsdóttir, félagsráðgjafi
hjá fjölskyldusviði Vestmannaeyja-
bæjar, hefur setið í stýrihópnum um
djáknastarfið. Hún segir það sam-
starfsverkefni þriggja aðila. Djákn-
Guðrún: Ég tel það gott að hafa
virkan stýrihóp með einum aðila
frá hverjum þeirra er standa að
þessu verkefni, kirkjunni,
bænum og heilbrigðisstofnun.
inn sé ekki starfsmaður bæjarins,
hann sé ráðinn að kirkjunni en bær-
inn muni nýta sér þekkingu hans í
félagsþjónustunni.
„Ég tel það gott að hafa virkan
stýrihóp með einum aðila frá
hverjum þeirra er standa að þessu
verkefni, kirkjunni, bænum og heil-
brigðisstofnun," segir Guðrún.
„Djákninn getur þá leitað ráða og
stuðnings hjá okkur og fengið
yfirsýn yfir velferðarþjónustu
bæjarins og við einnig leitað eftir
þjónustu hans fyrir okkar skjól-
stæðinga. Þannig náum við að nýta
sem best og samþætta þá þjónustu
sem í boði er.“
Guðrún segist telja að í sambandi
við fjölskyldusvið muni þetta nýtast
best í þjónustu við fatlaða, geð-
fatlaða, aldraða, barnafjölskyldur
sem eiga í ýmsum erfiðleikum og
jafnvel innflytjendur. „Djákninn
mun væntanlega einnig starfa með
Steinunn: Eitt af meginmark-
miðum þessa verkefnis er að
vinna að samþættingu þjónustu á
sviði velferðarmála hjá sveitar-
félaginu.
sjálfshjálparhópum. I okkar huga
verður hann fyrst og fremst tengill
sem þekkir allar stofnanir og veit
hvert á að leita,“ segir Guðrún.
Guðrún segir einnig að eftir ár
muni stýrihópurinn gera skýrslu þar
sem fram kemur hvernig þeim
finnst til hafa tekist og síðan verði
tekin ákvörðun um framhaldið með
hliðsjón af því.
Heilbrigðis-
stofnanir hafa
góða reynslu af
starfi djákna
Steinunn Jónatansdóttir, hjúkrunar-
fræðingur er fulltrúi Heilbrigðis-
stofnunarinnar í Vestmannaeyjum í
stýrihópnum. Hún segir það eiga
eftir að koma í ljós hvernig staða
djákna eigi eftir að nýtast hjá HSV,
enda sé um tilraunaverkefni að
ræða. Segja megi að stofnunin taki
þátt í verkefninu ekki síst til að
meta þörfina fyrir þjónustu djákna.
„Það er vel þekkt að aðrar heil-
brigðisstofnanir hafa haft góða
reynslu af þjónustu þeirra, sérstak-
lega á öldrunardeildum, krabba-
meinsdeildum og líknandi deild-
um,“ segir Steinunn og bætir við að
djáknar hali m.a. verið ráðnir í
fasta stöðu á Sóltúni sem er hjúkr-
unarheimili fyrir aldraða.
„Ég er vongóð um að verkefni
djákna, er snúa beint að HSV, muni
ganga vel og horfi sérstaklega til
þess að djáknaþjónustan muni
nýtast skjólstæðingum okkar á
göngudeild lyfjagjafa þar sem við
erum m.a. að veita krabbameins-
lyfjameðferð. Þá ætti þessi þjón-
usta einnig að nýtast skjólstæð-
ingum okkar á hjúkrunardeild og
þeim sem njóta heimahjúkrunar á
vegum heilsugæslunnar."
Steinunn segir það algengt að
skjólstæðingar HSV séu einnig
skjólstæðingar félagsþjónustunnar
að einhverju leyti. Krafa um aukið
samstarf og samþættingu heil-
brigðistengdrar félagsþjónustu og
heilsugæslu sé sífellt að verða
háværari og segja megi að sam-
starfsverkefnið sé eitt skref f þeirri
vinnu.
„Eitt af meginmarkmiðum þessa
verkefnis er að vinna að samþætt-
ingu þjónustu á sviði velferðarmála
hjá sveitarfélaginu. Djákni hefur
m.a. það hlutverk að safna saman
upplýsingum og vinna markvisst
með stýrihópnum til að meta þörf á
þjónustu, ekki síst með það í huga
að auka samstarf þeirra fagaðila
sem starfa á sviði velferðarmála,"
sagði Steinunn Jónatansdóttir.
Sænska sendiráðið veitti viðurkenningu fyrir bestu ritgerðina:
Jóhanna Rut fékk fyrstu
verðlaun
Jóhanna Rut Óskarsdóttir,
nemandi í 10. bekk Grunnskóla
Vestmannaeyja, fékk sérstaka
viðurkenningu frá Sænska
sendiráðinu á mánudag en hún
vann ritgerðarsamkeppni sem
sendiráðið efndi til. Foreldrar
hennar eru Óskar Ragnarsson og
Ósk Rebekka Atladóttir en fjöl-
skyldan hefur búið í Svíþjóð und-
anfarin ár. Jóhanna Rut ákvað
hins vegar að Ijúka grunnskóla-
námi hér heima og dvelur í góðu
yfirlæti hjá ömmu og afa í
Vestmannaeyjum.
„Ég bjó í Svíþjóð í fimm ár og
flutti heim í júní í fyrra. Mamma,
pabbi og litli bróðir minn eru
ennþá úti í Gautaborg en ég
ákvað að klára grunnskólann í
Eyjum. Ég var komin með leiða á
Svíþjóð og nennti ekki að vera
þar lengur,“ sagði Jóhann Rut
þegar hún var spurð út í tengslin
við Svíþjóð og veruna hér.
„Ég ákvað að taka samræmt
próf í sænsku frekar en dönsku.
Ég er í fjarnámi í sænsku og hluti
námsins fólst í því að skrifa rit-
gerð um vináttu eða Svíþjóð og
ég valdi að skrifa um vináttuna.
Sænski sendiherrann bauð þeim
sjö nemendum, sem skiluðu rit-
gerð, í boð á mánudag þar sem
veittar voru viðurkenningar fyrir
bestu ritgerðirnar. Ég hlaut 1.
verðlaun og gjafabréf fyrir
50.000 frá Iceland Express og
þetta var rosa gaman. Ég var
auðvitað svolítið stressuð þegar
ég þurfti að tala fyrir framan
fullt af fólki við afhendinguna,
fólki sem ég hafði aldrei séð áður.
En það gekk upp og ég er komin
heim heilu og höldnu,“ sagði
Jóhanna Rut ánægð með námið
og Eyjar
ÁSTÞÓR: Þetta er allt í góðu og ég er tilbúinn að aðstoða þá eins og
hægt er en ég vil bara hvfla mig á þessu, í bili a.m.k.
Ástþór hættir í Krónunni
Ástþór Jónsson hefur sagt upp
störfum sem verslunarstjóri hjá
Krónunni eftir átta ára starf. „Þetta
er orðið ágætt og átta ár er langur
tími í þessu. Það kemur verslunar-
stjóri frá Reykjavík sem heitir
Magnús Magnússon og það stóð
þannig á að hann gat komið strax
og þar al' leiðandi get ég hætt um
næstu mánaðamót. Þetta er allt í
góðu og ég er tilbúinn að aðstoða
þá eins og hægt er en ég vil bara
hvfla mig á þessu, í bili a.m.k.
Ástþór segir allt óráðið með vinnu
og allt opið í þeim efnum „Ég á tvo
mánuði inni í sumarfrí og það eina
sem er afráðið er að ég ætla í eggin
í maí. Maður veit aldrei hvað fram-
tíðin ber í skauti sér. Ég útiloka
ekki að ég komi inn í verslunar-
rekstur aftur þegar ég er búinn að
hvfla mig á þessu. Maður veit
aldrei. Þetta hefur verið spennandi
tími og ég var með báðar búðimar,
Krónuna og 11-11 í fimm ár og það
var gífurleg vinna. Það var spenn-
andi að byggja upp Krónubúðina
og ekkert nema gott um þennan
tíma að segja. Nú er bara kominn
tími til að breyta til,“ sagði Ástþór.