Fréttir - Eyjafréttir - 17.04.2008, Blaðsíða 19
Fréttir / Fimmtudagur 3. aprfl 2008
19
Handbolti karla: Stjarnan 26 - ÍBV 26
Enn koma Eyjamenn á óvart
SIGURÐUR Bragason hefur farið fyrir sínum mönnum í ÍBV af miklum krafti í síðustu leikjum ÍBV en
það dugði ekki til. Hér er hann með fyrrum félgögum sínum í IBV sem í ár urðu Islandsmeistarar með
Haukum. F.v. Gunnar Berg Viktorson, Sigurður, Arnar Pétursson og Gísli Guðmundsson.
Meistaraflokkur karla í handbolta
heldur áfram að koma á óvart þessa
dagana en á laugardaginn náði liðið
jafntefli við sterkt lið Stjömunnar á
útivelli, 26:26 en Stjarnan var yfir í
hálfleik, 15:13 Síðustu leikir hafa
sýnt að það býr mun meira í liðinu
en það hefur sýnt í vetur. Þessi
skyndilega breyting kemur kannski
of seint enda Eyjamenn fallnir. Þetta
er engu að síður sárabót fyrir liðið
sem hefur sætt mikilli gagnrýni í
vetur.
Leikurinn á laugardaginn var mjög
jafn og spennandi líkl og síðasta
viðureign liðanna sem réðst aðeins á
seinustu sekúndu.
Það voru þó tveir leikmenn sem
stóðu upp úr í leiknum, þeir Leifur
Jóhannsesson og Vignir Stefánsson.
Vignir hefur verið að banka ansi fast
á meistaraflokksdymar undanfama
mánuði, fékk tækifæri í þessum leik
og nýtti það til hins ýtrasta. Leifur
hefur hins vegar ekki sýnt sitt rétta
andlit í vetur ásamt fleiri leikmönn-
um en hann steig svo sannarlega upp
í þessum leik. Leikurinn var jafn og
spennandi allan tímann en Stjaman
leiddi þó í hálfleik 15-13.
Seinni hálfleikurinn bauð upp á
góðan vamarleik hjá báðum liðum
en það var Sergey Trotsenko sem
tryggði Eyjamönnum jafntefli í
lokin með skoti líkt og í seinasta leik
liðanna en þar tryggði hann reyndar
IBV sigurinn. Gott jafntefli í höfn
hjá liðinu sem er því komið með sjö
stig.
Það verður fróðlegt að sjá hvernig
lið ÍBV mun verða skipað á næstu
leiktíð þar sem margir leikmanna
þess eru á leiðinni til Reykjavíkur til
náms og aðrir einfaldlega að hætta.
Margir þessara leikmanna sem
munu fara frá Vestmannaeyjum eru
einfaldlega burðarstólpar liðsins og
er vont að missa þá. I Ijósi þess að
liðið er fallið verður hægt að nota
yngri leikmenn og nóg er til af þeim.
Það eru margir ungir og efnilegir
leikmenn til í Vestmannaeyjum sem
hungrar í að spila með meist-
araflokki. Það verður því gaman að
sjá hvernig Eyjamenn ná að koma
sér út úr þessum vandræðum.
Annar fl. karla
Stór skell-
ur í lokin
Um helgina lék 2. flokkur karla sína
síðustu leiki á tímabilinu á móti
Stjömunni og Haukum.
Fyrri leikurinn var gegn Stjömunni
sem hefur staðið sig vel í vetur.
Stjörnumenn stjórnuðu leiknum
allan tímann og leiddu í hálfleik
með fjórum mörkum 19:15.
Seinni hálfleikurinn var svipaður
og voru það Eyjamenn sem eltu
Garðbæinga sem unnu leikinn með
6 mörkum 35:29.
Seinni leikurinn var gegn sterku
liði Hauka sem höfðu unnið IBV
tvisvar helgina áður. Leikurinn var
hörmulegur af hálfu Eyjamanna sem
skomðu aðeins fjögur mörk í fyrri
hálfleik, svo það voru Haukar sem
leiddu með 17 mörkum í hálfleik
21:4. Eyjamenn spýttu þó aðeins í
lófana í seinni hálfleik skoruðu
aðeins meira en Haukar unnu þó
leikinn 36:17.
Flokkurinn lenti því í næstneðsta
sæti suður-riðils með sex stig úr 18
leikjum sem getur ekki talist nógu
gott hjá flokki sem hefur alla burði
til að vera í fremstu röð. Það er
mikið af góðum leikmönnum f
flokknum sem eiga eftir að springa
út og munu kannski gera það í 1.
deildinni á næsta tímabili.
|l<arfan - Minnibolti - Úrslit
Unnu þrjá leiki af fjórum
Strákarnir í Minniboltanum hjá
Körfuknattleiksfélagi ÍBV tóku þátt
í úrslitakeppni Islandsmótsins um
helgina. Minniboltinn er skipaður
leikmönnum sem eru fæddir 1996
og yngri. Þessi flokkur hefur staðið
sig frábærlega í allan vetur og mikið
af efnilegum leikmönnum er í
flokknum.
Eyjamenn byrjuðu mótið gegn
sterku liði Hauka sem höfðu fyrir
þetta mót staðið sig mjög vel.
Leikurinn varð mjög spennandi og
úrslitin réðust ekki fyrr en í seinustu
lotu. Staðan var jöfn í hálfleik en
Haukar voru sterkari á lokamín-
útunum og náðu að knýja fram sigur
54:50.
Aron Valtýsson var með 27 stig í
leiknum, en Valtýr Birgisson með 10
stig og mörg fráköst. Næsti leikur
var gegn KR en sá leikur varð einnig
jafn til að byrja með. Staðan í
hálfleik var 24:24 en Eyjamenn
höfðu yfir í lok þriðju lotu 36:35. í
fjörðu lotu leiksins sýndu Eyjamenn
hins vegar að þeir geta spilað góða
vörn og Vesturbæingar komust
hvorki lönd né strönd og töpuðu
leiknum með sjö stiga mun 47:40.
Aron Valtýsson var með 20 stig í
þessum leik, Valtýr með 11 stig auk
fjölda frákasta og Sigurður með 10
stig. I þriðja leiknum byrjaði IBV
betur og leiddi eftir fyrstu lotu
15:10. I hálfleik leiddu Eyjamenn
25:20 en Grindvíkingar náðu að
minnka muninn niður í tvö stig í
þriðju lotunni. I fjórðu og seinustu
lotunni tóku svo hið svokallaða
„þríeyki“ Aron, Valtýr og Sigurður
til sinna mála og fóru á kostum og
skoruðu saman 15 stig og tryggðu
Eyjamönnum tíu stiga sigur 50:40.
Aron Valtýsson var með 21 stig,
Valtýr með 11 og Sigurður með 8.
Seinasti leikur keppninnar hjá IBV
var gegn Stjörnunni.
Eyjamenn spiluðu frábærlega í
þessum leik og komust yfr í 20:8 og
leiddu í hálfleik 32:12. Þessi sigur
Eyjamanna var aldrei í hættu.
Leikmenn ÍBV léku sér að
BJÖRN þjálfari leggur línurnar.
Mynd Benóný Gíslason
Stjörnunni og unnu níu stiga sigur
43:34. Aron Vatlýsson átti stór-
kostlegan leik og var með 34 stig
þar af 18 í fyrstu lotunni.
ÍBV vann sem sagt þrjá leiki og
tapaði einum en það dugði þeim
ekki til að vinna titilinn. Haukar
tóku titilinn en þeir höfðu sama
vinningshlutfall og Eyjamenn en
unnu á innbyrðis viðureignum. ÍBV
lenti því í öðru sæti og það er líklega
besti árangur yngri flokks frá
Vestmannaeyjum. Þessi árangur
flokksins er frábær og framganga
hins bráðefnilega Arons Valtýssonar
engu síðri. Flokkurinn mun vafa-
laust skila IBV upp í efstu deild á
komandi árum.
Sigrar hjá unglingaflokki kvenna og 4. flokki karla
Unglingaflokkur kvenna leikur í
átta-Iiða úrslitum gegn Akureyri í
úrslitakeppni unglingaflokks
kvenna á föstudaginn fyrir norðan.
Flokkurinn hefur staðið sig vel í
vetur og sprungið út í vetur undir
handleiðslu Unnar Sigmarsdóttur.
Unglingaflokkur karla lék einn leik
um helgina gegn Þrótti hér í Eyjum.
Leikurinn var mjög jafn og spenn-
andi og skiptust liðin á að skora en
flokkurinn tefldi fram mjög ungu
liði sem var að mestu skipað leik-
mönnum úr 4. flokki. Staðan var
jöfn í hálfleik 14:14 en Eyjamenn
spýttu þá í lófana, voru ívið sterkari
á lokakaflanum og unnu leikinn
með tveimur mörkum 27:25.
Flokkurinn hefur þar með tryggt
sér sæti í úrslitum en enn á eftir að
draga lið á móti þeim í átta-liða
úrslitum. Flokkurinn hefur staðið
sig mjög vel í vetur, endaði í þriðja
sæti síns riðils og komst alla leið í
undanúrslit bikarkeppnarinnar. Með
flokknum spila leikmenn sem hafa
verið að banka ansi fast á meistara-
flokksdymar að undanförnu.
A laugardaginn lék 4. flokkur karla
einn leik gegn Selfyssingum hér í
Eyjum. Leikurinn var mjög jafn til
að byrja með en þegar fyrri
hálfleikur var hálfnaður komst
Selfoss yfir og náði allt að fjögurra
marka forystu en baráttuglatt lið
Eyjamanna náði að minnka muninn
niður í tvö mörk fyrir hálfleik.
Staðan var því 12:14 í hálfleik.
Seinni hálfleikur var mjög spenn-
andi og skemmtilegur, Selfoss náði
yfirhöndinni í leiknum og komst í
fjögurra marka forystu en Eyjamenn
náðu að jafna. Þegar það gerðist var
eins og Selfyssingar misstu allan
kraft og einbeitingu og ÍBV nýtti sér
það og komst fjómm mörkum yfir.
Selfyssingar klóruðu aðeins í
bakkann í lokin og lokastaðan því
28:25. Þessi sigur flokksins var
virkilega glæsilegur og sýndu
strákamir mikinn karakter að koma
tvisvar til baka, jafna og ná svo að
komast yfir og vinna leikinn. Þetta
var baráttusigur sem peyjamir geta
verið stoltir af. Flokkurinn hafnði
því í 5. sæti síns riðils og komst því
ekki í úrslit en það býr mun meira í
þessum flokki heldur en hann hefur
sýnt í vetur og telur blaðamaður að
þama leynist mestu efni Vestmanna-
eyja í handboltanum.
Iþróttir
Andrew og
Augustine
komnir
Andrew Mwesigwa og Agustine
Nsumba, leikmenn knattspymu-
liðs ÍBV, komu til Vestmanneyja í
vikunni eftir langt og strangt
ferðalag og mikla bið.
Þeir tveir áttu að fylgja liðinu til
Tyrklands en náðu ekki til
landsins í tæka tíð. Þessir tveir
leikmenn hafa reynst ÍBV mikill
styrkur, því er gott að þeir séu
komnir svo þeir geti hitt nýja leik-
menn og byrjað að æfa með
liðinu.
Tvær á lands-
liðsæfingu
Nú um helgina fóra fram úrtaks-
æfingar hjá U17 ára landsliði
kvenna. IBV átti þar tvo glæsilega
fulltrúa, þær Birgittu Valdimars-
dóttur og Guðnýju Ósk Ómars-
dóttur.
Báðar þessar stelpur eru bráð-
efnilegar og eiga vafalaust eftir að
komast alla leið. Guðný Ósk á að
baki einn leik með landsliði.
Gintaras lauk
hagfræðiprófi
Gintaras Savukynas, þjálfari
meistaraflokks karla í handbolta,
tók lokapróf í hagfræði nú á
dögunum. Gintaras hefur lært í
allan vetur og skellti sér á
heimaslóð til Kaunas og tók próf
sem hann lauk með ágætiseinkun,
Hann mun því útskrifast sem
hagfræðingur í vor.
Metþátttaka
Skráðir eru 179 keppendur til
leiks á Þrekmeistarann sem fer
fram á Akureyri um næstu helgi.
Keppt er í einstaklingsflokkum og
í 5 manna liðum. I liðakeppninni
keppa 6 karlalið og 19 kvennalið.
30 konur og 24 karlar hafa skráð
sig lil keppni í einstaklings-
flokkum.
Frá líkamsræktarstöðinni Hressó
fara þrjú lið og tveir sem keppa í
einstaklingskeppni. Eitt karlalið
og eitt kvennalið sem keppa í
aldursflokknum 39+, eitt kvenna-
lið sem keppir í opnum flokki og
tveir keppendur sem munu keppa
í einstaklingskeppni. Til samans
eru þetta 17 þáttakendur sem
munu fara frá Vestmannaeyjum en
keppnin verður haldin þann 19.
apríl. Keppendurnir hafa æft stíft
undanfarnar vikur í Hressó og
ætla að gera sitt besta um helgina.
Framundan
Föstudagur 18. aprfl
Kl. 17.00 Akureyri-ÍBV, ung-
lingaflokur kvenna
Laugardagur 19. aprfl
Kl. 14.00 ÍBV-HK, meistara-
flokkur karla
Sunnudagur 20. aprfl
Kl. 15.00 ÍBV-Stjaman, ung-
lingaílokkur karla.