Fréttir - Eyjafréttir - 17.04.2008, Blaðsíða 18
18
Fréttir / Fimmtudagur 17. apríl 2008
Bókasafn Vestmannaeyja á Degi
bókarinnar:
Bæjarbúum býðst að
láta sérfræðinga
verðmeta bækur sínar
Sævar Benónýsson, Helga og Geir eru ánægð með hversu margir voru búnir að koma við í nýju búðinni
enda næg og góð bflastæði við verslunina.
Reynistaður í nýtt húsnæði
-Ahersla á amerísk rúm frá Wolf og
hægindastóla og sófa frá Best
Reynistaður opnaði nýja húsgagna-
verslun og bólstrun að Goðahrauni
1, á föstudag. Hjónin Helga
Gísladóttir og Geir Sigurlásson
hafa rekið húsgagnaverslun í tæp
30 ár og ætla nú að vera með
sérhæfðara vöruúrval en áður.
Lögð verður áhersla á amerísk
rúm frá Wolf og hægindastóla og
sófa frá Best en Reynistaður er eina
verslunin sem selur þessi vöru-
merki á Islandi. Auk þess verður
Reynistaður með sængur, kodda og
ýmsa fylgihluti eins og náttborð,
lampa o.fl. Húsnæðið í Goða-
hrauni er bjart og skemmtilegt,
verslunin í stærri hluta húsnæðisins
með flottu útsýni til vesturs og stórt
og rúmgott bólstrunarverkstæði í
hinum endanum.
Geir hefur rekið bólstrunarverk-
stæði frá 1973 en hann setti upp
verkstæði á Selfossi í gosinu. „Ég
byrjaði að læra hjá Eggó bróður
mínum, tók prófið í Reykjavík og
setti upp mitt fyrsta verkstæði á
Selfossi. Nú viljum við minnka við
okkur, ég verð áfram með bólstrun
og við ætlum að sérhæfa okkur í
ákveðnum vöruflokkum í verslun-
inni. Við erum mjög ánægð með að
vera komin hingað. Verslunin er
minni en verkstæðið er rýmra en
það sem ég var með áður og við
erum með lagerpláss úti í bæ. Ég er
mjög sáttur við þessar breytingar,"
sagði Geir á mánudagsmorgun og
sömuleiðis virtust fastagestir í
kaffistofuspjalli una sér ágætlega á
nýju kaffistofunni.
„Já, við verðum að fá smá spjall
hérna á morgnana, það er alveg
nauðsynlegt," segir Geir þegar hann
er spurður út í félagsskapinn og
talið berst að Doddunum sem er
gönguklúbbur sem tengist Reyni-
stað „Doddamir heita í höfuðið á
Dodda í olíunni og við göngum frá
Reynistað klukkan 18.00, fjórum
sinnum í viku. Við þurfum að finna
nýjar gönguleiðir hérna vesturfrá,"
segir Geir og hlær.
Geir segir að vinna við bólstrun sé
eins og hver önnur vinna og nóg að
gera. „Bólstrurum hefur fækkað
mjög mikið og nú er aðeins 21
meistari á öllu landinu sem er
ekkert miðað við það sem var hér
áður. Ekkert miðað við sem var í
gamla daga, menn voru að útbúa
dívana, svo komu svefnsófar sem
krafðist minni vinnu og fríversl-
unarsamningar höfðu þau áhrif að
íslensk húsgagnagerð dróst mjög
saman. Það er hins vegar nóg að
gera hjá mér við að gera upp og
bólstra gömul húsgögn og oft vill
fólk hafa gamalt með nýju sem er
skemmtilegt."
Reynistaður er eina húsgagna-
verslunin á landinu sem hefur Best
stóla og sófa^á boðslólum enda eina
fyrirtækið á Islandi sem er með
viðskiptasamning við þetta virta
fyrirtæki i Bandaríkjunum. Hægt er
að fá stóla sem hægt er að hækka
og lækka og fljótlega verða teknir
inn stólar með innbyggðu nuddi.
„Best er með ótrúlegt úrval af
stólum og við höfum selt mikið af
þeim, bæði hér í Eyjum og á
Selfossi. Við erum líka með svefn-
sófa frá sama fyrirtæki og rúm frá
Wolfs sem er 128 ára rótgróið
amerískt fyrirtæki, “ sagði Geir og
var ánægur með hversu margir voru
búnir að koma við í nýju búðinni
enda næg og góð bílastæði við
verslunina.
Á degi bókarinnar 23. aprfl býður
Bókasafn Vestmannaeyja bæjar-
búum að koma með bækur og láta
sérfræðinga meta þær til verðmæta.
Sérfræðingamir eru þeir Ari Gísli
Bragason, Valdimar Tómasson og
Kári Bjamason forstöðumaður
Bókasafnsins. Auk þess verður
fjallað um bókasafn Ingólfs Guð-
jónssonar frá Oddstöðum sem er
hluti af Bókasafni Vestmannaeyja.
Kári segir 23. apríl vera alþjóða-
dag bókarinnar og að dagurinn hafí
verið valinn vegna þess að hann sé
dánardægur William Shakespere.
Fyrir skikkan skaparans fæddist
Halldór Laxness hins vegar þennan
sama dag og við eigum því óvenju-
mikið í þessum degi. „Það er einnig
önnur undarleg tilviljun tengd
deginum að hitt höfuðskáld okkar,
Þórbergur Þórðarson, sem hélt dag-
bækur alla tíð, ritaði sína fyrstu
færslu 23. apríl. Ég hef ákveðið að
þessi dagur verði sérstakur dagur
bókasafnsins, það stendur okkur
næst.
Við munum að þessu sinni bjóða
upp á þá nýbreytni að fólk geti
komið með bækur sínar og látið
meta þær. Ég hef fengið tvo af
helstu sérfræðingum í virði forn-
bóka til að koma, annars vegar Ara
Gísla Bragason sem á fombóka-
verslunina Bókina ásamt föður
sínum, Braga Kristjónssyni, og
Valdimar Tómasson sem er einn
helsti sérfræðingur okkar á sviði
ljóðabóka."
Bæjarbúum býðst að koma með
bækur og fá að vita hjá sérfræð-
ingunum hvers virði þær eru og
sama má segja um ýmsa prentgripi.
Kári segir að til dæmis hafi nær allt
upplag af 6. bindi Fjölnis brunnið
og þar af leiðandi sé það bindi
verðmætara en öll hin til samans.
„Aðrar bækur eru gefnar út í litlu
upplagi eða með öðrum sérkennum
t.d. minnist ég þess þegar Ragnar
Fjalar sýndi mér Biblíusafnið sitt,
þá mat hann mjög mikils Þorláks-
biblíu þar sem kápan hafði prentast
öfug eða sem spegilmynd. Ég sá
hann aldrei hamingjusamari en
þegar hann sýndi mér þá bók,“
segir Kári og bendir á að verðmæti
bóka geti falist í sérkennum þeirra.
„1 annan stað verður dagskrá á
safninu sem hefst klukkan 16.15
þar sem við munum kynna og fjalla
um hið fallega bókasafn Ingólfs
Guðjónssonar frá Oddsstöðum. Ég
og Guðjón Hjörleifsson erum að
vinna í því að breyta ákveðnu rými
Bókasafnsins í alvöru lesstofu sem
yrði tengd nafni Ingólfs. Þar yrðu
sumar bækur hans einungis til sýnis
en aðrar til nota á staðnum.Við
Guðjón munum vonandi geta gert
grein fyrir aðalstyrktaraðila þessa
átaks við þetta tilefni.
Við vonumst til að sjá sem flesta
koma með bækumar sínar og leggja
þær fyrir þessa sérfræðinga. Það
geta leynst verðmæti í bók sem fólk
heldur að sé verðlaus og svo geta
bækur líka verið verðlitlar þó svo
fólk haldi að þær séu verðmætar.
Það verður bókakaffi allan daginn
hjá okkur. Jafnframt bjóðum við
öllum bóka- og ástríðusöfnurum að
koma og spjalla við okkur. Að
lokum segi ég eins og Cato:
-Bókasafn Vestmannaeyja er geysi-
lega stórt og mikið og ég vona að
bæjarbúar nýti það enn meira,“
sagði Kári.
Forréttindi að fá að koma að uppbyggingu
gestastofu Surtseyjar
-segir Lovísa Ásbjörnsdóttir jarðfræðingur sem hefur verið ráðin
sérfræðingur friðlandsins í eyjunni
LOVÍSA: Ég hlakka til að koma út í Eyjar sem mér flnnst engu líkar enda á ég ættir að rekja þangað.
Amma mín, Lovísa Gísladóttir átti heima á Búastöðum.
Umhverfisstofnun hefur ráðið
Lovísu Asbjörnsdóttur, jarð-
fræðing, sem sérfræðing frið-
landsins í Surtsey og til þess að
koma upp gestastofu Surtseyjar á
Heimaey.
Fyrsti vinnudagur hennar í
nýju starfi var 14. apríl, en áður
vann Lovísa á Náttúrufræði-
stofnun Islands. Þar kom hún
m.a. að gerð tilnefningarskýrslu
um Surtsey á Heimsminjaskrá
UNESCO og síðar að uppsetn-
ingu Surtseyjarsýningarinnar í
Þjóðmenningarhúsinu. Gert er
ráð fyrir að sú sýning verði flutt í
gestastofu Surtseyjar í Eyjum á
næsta ári.
Fljótlega verður farið í það að
ilnna skrifstofuhúsnæði undir
starfsemina í Vestmannaeyjum og
í framhaldi af því mun Lovísa
flytja til Eyja.
„Surtsey er afskaplega spenn-
andi verkefni og það eru forrétt-
indi að fá að koma að uppbygg-
ingu gestastofu Surtseyjar.
Sýningin í Þjóðmenningarhúsinu
verður tckin niður á næsta ári
og ég stefni á, að þá verði búið að
koma upp aðstöðu úti í Eyjum
svo hægt sé að taka á móti henni.
Sýningin er bæði fróðleg ag
skemmtileg og sýnir vel myndun
og mótun Surtseyjar og hvernig
landnám plantna og dýra hcfur
þróast síðustu 45 árin.“
Lovísa bendir á að Surtsey var
upphaflega friðuð vegna vísinda-
legs gildis hennar og er því lokuð
fyrir öðrum en vísindamönnum.
Þar af leiðandi sé mikilvægt að
hafa gestastofuna fyrir ferða-
menn og alla þá sem vilji kynna
sér náttúrufarssögu eyjarinnar.
„Ég get vel hugsað mér að
gestastofa Surtseyjar verði eins
konar lítið fræðasetur þar sem
hægt verði að nálgast mismun-
andi upplýsingar og fræðsluefni
um Surtsey. I júlí eða ágúst
kemur svo í ljós hvort Surtsey fer
inn á Heimsminjaskrá
UNESCO.“
Eftir að hafa unnið mikið með
Surtsey fór Lovísa í jarðfræði-
leiðangur út í Surtsey með Sveini
Jakobssyni jarðfræðingi og segir
það hafa verið einstaka upplifun
þegar hún kom þangað út fyrir
tveimur árum. „Ég hlakka til að
koma út í Eyjar sem mér flnnst
engu líkar enda á ég ættir að
rekja þangað. Amma mín, Lovísa
Gísladóttir, átti heima á
Búastöðum og ég er dótturdóttir
hennar, en móðir mín er
Bryngerður Bryngeirsdóttir. Ég
hlakka til að takast á við þetta
nýja verkefni og að kynnast
betur heimaslóðum móður-
fólksins míns.“ sagði Lovísa sem
undirbýr nú flutning til Eyja og
uppbyggingu Surtseyjarstofu.