Fréttir - Eyjafréttir - 08.05.2008, Blaðsíða 4
4
Frcttir / Fimmtudagur 8. maí 2008
Bloggh«lmar
Heimsreisa Karenar og
Viktoriu
Sydney, Nýja
Sjáland og
Tauranga
26.4. 2008 Coffs Harbour-
BlueMountains-Sydney
...I dag skoðuðum við svo loksins
Sydney. Fórum i túr um Operu-
húsið, sú bygging er alveg hreint
mögnuð. Enduðum svo daginn á
því að labba yfir hafnarbrúna.
Fórum sem sagt alveg upp á topp á
brúnni og horfðum yfir Sydney að
kvöldlagi. Alveg geggjuð upplifun
og peninganna virði þótt það
kostaði slatta af peningum. A
toppnum voru 132 m niður Nú
erum við bara að fara í háttinn enda
flug til Nýja Sjálands i
fyrramálið....
2.5.2008
Nýja Sjáland, so far...
Áttum flug frá Sydney til Auckland
kl. 10 um morguninn svo við mætt-
um um 8 á flugvöllinn og litum á
töfluna hvar við áttum að tékka
okkur inn. Fengum örlítið sjokk þar
sem við sáum ekki flugið á töflunni
og héldum að við værum að fara að
lenda í fyrsta veseninu hingað til.
En sem betur fer komumst við að
því að það var bara 2 tfma seinkun
á vélinni (ekki að það sé gaman).
Lentum því í Auckland upp úr 17
eftir smá sveim á flugvélinni, okkur
var nú ekki farið að standa á sama
um tíma þar sem vélin skyndilega
hækkaði sig hratt og mjög hátt
þegar við vorum í raun alveg að
fara lenda.
En að sjálfsögðu lentum við heilar
og höldnu í grenjandi rigningu í
Auckland. Daginn eftir tókum við
svo rútu til Waitomo sem er pínu-
lítill bær nálægt vesturströndinni og
þar búa aðeins 300 manns. Ætlun
okkar þangað í þennan kósí bæ var
að fara og skoða hella sem heita
Waitamo Caves...
Þetta var alveg frábær ferð. Eftir
hana tókum við mini bus yfir í
næsta bæ þar sem við áttum að taka
rútuna aftur til Auckland. Kallinn,
sem var um 70 ára, sem skutlaði
okkur, var alveg hugfanginn af
okkur og vildi endilega sýna okkur
kiwi fugl sem Nýja Sjáland er
auðvitað þekkt fyrir. Þetta eru
ekkert smá fyndnir, stórir, feitir
fuglar með langan gogg.
1 gær var svo enn og aftur haldið
upp í rútu (allt sem betur fer bara 3
tíma rútuferðir) og það í bæ sem
heitir Matamata og er svona sirka
inni í miðju landinu. Ástæða okkar
þar í þeim ágæta bæ var sú að á
sveitabæ þar var Hobbiton partur
Lord of the rings trílógíunnar
tekinn upp og við skelltum okkur
að sjálfsögðu í túr um það svæði.
4.5.2008 "
Tauranga - ógleymanlegur
afmælisdagur
Komum til Tauranga á föstudaginn
upp úr hádegi og kom hún Margrét
mín og host mamma hennar að
sækja okkur á rútustöðina. Fyrir
ykkur sem ekki vita þá er Margrét
frá Höfn og er hér sem skiptinemi í
eitt ár. Fórum heim til familíunnar
og fengum þetta fína herbergi alveg
út af fyrir okkur á neðri hæðinni,
alveg frábært. Fórum svo og löbb-
uðum á fjall hér sem heitir Mount
Maunganui (eitthvað svoleiðis)
enda þvílík blíða og ekkert smá fal-
legt og gott útsýni þar yfir. Eftir
góða göngutúrinn vildi Margrét
endilega leyfa okkur að smakka
ekta nýsjálenskan ís sem kallast
Hockey Pockey.
Loksins, loksins rann svo upp
afmælisdagurinn minn í morgun,
jei,jei. Fyrsta sem ég sá í morgun
þegar ég vakraði var kort frá
Viktoríu sem stóð agalega sætt í.
Eyjamaðcir vlkunnar:
Hæfileikaríkt tónlístarfólk
Hermann Einarsson er Eyjamaður vikunnar.
Dagar lita og tóna, fastur liður á
hvítasunnu frá árinu 1991, hafa frá
upphafi verið í höndum Listvina-
félags Vestmannaeyja þar sem
fremstur fer Hermann Einarsson.
Dagskráin nú, eins og alltaf, er
glæsileg og tilhlökkunarefni fyrir
sanna jass- og blúsgeggjara.
Hermann Einarsson er Eyjamaður
vikunnar að þessu sinni.
Nafn: Hermann Einarsson.
Fæðingardagur: 26. janúar 1942.
Fæðingarstaður: Mælifell (Sólhlfð
24) í Vestmannaeyjum.
Fjölskylda: Kvæntur Guðbjörgu
Ósk Jónsdóttur, fasteignasala og
eigum við tvær dætur og fjögur
bamaböm.
Draumabfllinn: Ferrari.
Uppáhaldsmatur: Ferskar
humarklær úr Háfadýpi.
Versti matur: Hafragraulur.
Uppáhalds vefsíða: Lauritz.com
Hvaða tónlist kemur þér í gott
skap: Jazz og blús.
Aðaláhugamál: Sagnfræði
Eyjanna, sauðfjárbúskapur og
Rauði krossinn.
Hvaða mann/konu myndir þú
vilja hitta úr mannkynssögunni:
Gandhi.
Fallegasti staður sem þú hefur
komið á: Fyrir utan Eyjar er það
Gjáin fyrir ofan Stöng í Þjórsárdal.
Uppáhalds íþróttamaður og
íþróttafélag: Það var Siggi minkur
og Týr.
Ertu hjátrúarfullur: Hæfdega.
Stundar þú einhverja íþrótt:
Nei.
Uppáhaldssjónvarpsefni: Fréttir.
Hvenær fórstu að hafa áhuga á
jassi: Þegar við peyjamir á
Hilmisgötu fengum að fylgjast með
jamsession í Akóges á sunnudögum
fyrir liðlega hálfri öld.
Ertu ánægður með prógrammið
sem nú verður í boði: Já.
Af hverju á maður að mæta á
Daga lita og tóna: Til að njóta
tónlistar sem flutt er af ákaflega
hæfdeikaríku tón 1 istarfólki.
Matgazðingur vikunnar:
lifað eftir næringarfræðinni
Ég vil þakka Tryggva Berg
Sigurðssyni fyrir að skora á mig
sem matgæðing vikunar. Bergur
stendur fyrir að hann er af hinni
frægu Bergsætt sem kemur frá
Gamla hrauni, austan við Litla
Hraun! Tryggvi féll í þá gryfju í
síðustu viku að skjóta á kokkinn
okkar á Frá og talar um „skúra"
borgara sem eru eldaðir eins og
aðrir borgarar en hver kokkur gerir
það síðan með sfnu nefi.
Ég ætla ekki að falla í þessa
gryfju því ég veit af gamali reynslu
að kokkarnir ráða alveg hvað fer
oní okkur um borð (þegar ég byrj-
aði til sjós '85 þá kvartaði ég yfir
úldinni kæfu við kokkinn - ég
borðaði hana daginn eftir falda í
ufsabollum!!). Einnig veit ég að
þótt við séum Drullusokkar eða
Oddfellóar þá eru við þrátt fyrir allt
ein stór fjölskylda (Gens una
sumus).
Ég verð að viðurkenna að ég er
ekki góður í eldamennsku en hef
haft þeim mun meiri áhuga á
næringarfræðinni. í henni nota ég
mikið þá vitneskju að orkuefnin
sem við látum ofan í okkur, gefa
mismunandi hitaeiningar:
1 gramm af kolvetni gefur 4
Sigmar Þröstur er matgœðingur
vikunnar.
hitaeiningar, 1 gramm af próteini
gefur 4 hitaeiningar, í 1 grammi af
fitu eru 9 hitaeiningar. Með þessa
vitneskju ættu flestir að geta séð að
ef þeir minnka fituna í fæðunni þá
er auðveldara að halda kjörþyngd
sinni.
Gott er að halda fitunni yfir
daginn milli 20-40 grömm hjá
konum en 30-60 grömm hjá körlum
(ekki minna en neðri mörkin og
ekki meira en efri mörkin).
Ameríkanar fara oft yfir 100
grömm og erum við Islendingar
líklega að ná þeim á þessari öld.
Einnig sjá menn að með smá
breytingu í mataræði, t.d. minnka
hitaeiningar um 250 á dag, þá gefur
það minnkun um 13 kg yfir árið.
(250 he.= súkkulaði 50 grömm eða
hlaupa 20 mín. eða ganga 45 mín.).
Júlli kokkur getur vottað það að
mig klæjar ekkert í fingurna að
skrifa uppskrift eftir mig en ég ætla
að láta fljóta með það helsta sem
ég hef eldað um ævina:
Undirbúningur fyrir handbolta-
leik hjá Sigmari Þresti:
Fimm tímum fyrir leik, elda 300
grömm af Tortelly, hitað í 16 mín.
Tómatsósa með (fita og kolvetni -
kolvetni er eldsneyti líkamans).
Einum tíma fyrir leik 60 grömm af
Mars súkkulaði (þrúðusykur, kol-
vetni og fita).
Ef framlenging er Iikleg, þá hafa
eitt Mars í íþróttatöskunni auka.
Sem næsta matgæðing Frétta vil ég
skora á hana systur mína, hana
Þórunni Júlíu Jörgensdóttur, því ég
veit að hún lumar á einhverju góðu
og hollu.
Sigmar Þröstur Oskarsson
Gamla myndin:
Þessi föngulegi hópur er okkur með öllu óþekktur. Rétt er að taka fram að ekki er fullvíst að myndin sé
héðan úr Eyjum. Fengur væri okkur að því að heyra frá lesendum Frétta sem vissu hið minnsta af ljós-
myndafyrirsætunum. Sem endranær biðjum við þá er gerr vita að hafa samband við okkur í síma 481 1184
eða koma við á Bókasafninu. Við minnum ennfremur á möppurnar tvær er bíða frammi í anddyri eftir að
innihald þeirra gerþekkist. Frá síðustu viku hafa 4 litið við hjá okkur og flett möppunum. I öllum tilvikum
hafa viðkomandi þekkt einn eða fleiri á myndunum og við því farið í humáttina að markmiði okkar.
Kirkjur bazjarins:
landa-
kirkja
Fimmtudagur 8. maí
Kl. 10.00. Mömmumorgunn, kaffi
og spjall.
Laugardagur 10. maí
Kl. 14.00. Útför Ólafs Sigurjóns-
sonar.
Sunnudagur 11. maí. Hvítasunnu-
dagur:
Kl. 11.00. Fjölskylduguðsþjónusta á
mæðradegi. Léttir sumarsálmar og
notaleg stund, hægt verður að fá
stimpil á fjölskyldudagskrá í Vest-
mannaeyjum.
Kór Landakirkju syngur undir
stjóm Guðmundar H. Guðjónssonar.
Viðtalstímar prestanna eru
þriðjudaga til föstudaga milli 11.00
og 12.00.
Hvítasunnu-
kirkjan
Fimmtudagur
Engin samkoma.
Föstudagur
Kl. 20:00 Gestir verða hjá okkur
frá biblíuskólanum Arken í
Svíþjóð. Beðið verður fyrir sjúkum.
Allir velkomnir.
Laugardagur
Bænastund kl. 20:30 Biðjum um
blessun.
Hvítasunnudagur
Kl. 14.00 Fagnaðarsamkoma,
niðurdýfingarskím. Lilja Óskars-
dóttir prédikar.
Annar í hvítasunnu
Kl. 14:00 Göngum saman og eigum
góðan dag.
Guð er sannarlega góður. Allir
hjartanlega velkomnir.
Góðir gestir
Á föstudaginn verða í Hvíta-
sunnukirkjunni íslenskir gestir sem
verið hafa á Arken, sænskum
biblíuskóla. Þau eru á ferð um
landið að heimsækja nokkrar
kirkjur og munu þau fjalla um og
biðja um innri lækningu í lífi fólks.
Slíkar samkomur hafa gefið ein-
staka blessun inn í líf fólks. Húsið
opnað kl. 19:30. Allir eru vel-
komnir.
Allir hjartanlega velkomnir.
Aðventkirkjan
Laugardagur
Samverustund okkar hefst að vanda
kl. 10:30 með Biblíurannsókn fyrir
börn og fullorðna. Guðþjónusta
hefst kl. 10:30, Eric Guðmundsson,
prestur kirkjunnar, mun prédika.
Allir hjartanlega velkomnir.