Fréttir - Eyjafréttir - 08.05.2008, Blaðsíða 8

8
Fréttir / Fimmtudagur 8. maí 2008
Gísli Ásmundsson loks krýndur íslandsmeistari:
Fékk verðlaunapeninginn 40 árum seinna
Lögreglan:
Stútur á ferð
Einn ökumaður
var staðinn að
meintum ölv-
unarakstri í vikun-
ni og er þetta sjöt-
ti ökumaður ársins
sem sem staðinn
er að verki við
þetta athæfí. Á
sama tíma í fyrra
höfðu fimm ökumenn verið stöðvaðir vegna
gruns um ölvun við akstur.
Einn ökumaður var sektaður vegna van-
rækslu á að hafa öryggisbeltið spennt í akstri.
Þá voru fimm eigendur ökutækja boðaðir til
skoðunar með ökutæki sín.
Gísla Ásmundssyni, fyrrum leikmanni
íslandsmeistaraliðs ÍBV í 4. flokki 1964,
hlotnaðist sá óvænti heiður að fá verðlauna-
peninginn sinn 40 árum eftir sigurinn. Þannig
er að Gísli var varamarkvörður fyrstu
Islandsmeistara IBV. Af einhverjum ástæðum
fórst fyrir að taka Gísla með í hóp meistar-
anna á sínum tíma. Nú hefur hins vegar verið
úr því bætt því að Einar Friðþjófsson stjórn-
armaður í KSI hengdi medalíuna um hálsinn
á Gísla við einfalda athöfn á skrifstofu hans í
höfuðborginni.
Eins og sjá má af myndinni er Gísli
Ásmundsson mikill stuðningsmaður
félagsins.
Við óskum honum til hamingju með
útnefninguna, sem segja má að hafi verið
fyllilega tímabær.
www.ibv.is greindi frá.
Lögreglan:
Tvö skemmdarverk
Tvö skemmdar-
verk voru tilkynnt
til lögreglu um
helgina og áttu þau
sér bæði stað að
Brimhólabraut 14
aðfaranótt 4. maí
sl. I öðru tilvikinu
var um að ræða
rúðubrot en í hinu
var um skemmdir á
bifreið að ræða.
Engar upplýsingar eru um hver eða hverjir
þarna voru að verki og óskar lögregla eftir að
þeir sem einhverjar upplýsingar hafi um
gerendur hafi samband.
SAMNINGUR handsalaður Er feginn að vera að hætta en um leið er
maður að sleppa beislinu af Einar Birni sem ég veit að á eftir að gera
góða hluti, sagði Grímur.
Einsi kaldi yfirtekur
Veisluþjónustu Gríms
í áratugi hefur verið sungið um
Einsa kalda í Eyjum og örugg-
lega hafa margir gert tilkalls til
titilsins. En nú er hann fundinn,
Einsi kaldi, sem er nafn á
fyrirtæki sem Einar Björn Árna-
son, matreiðslumaður, hefur
stofnað. Einsi kaldi verður til
húsa í Höllinni þar sem rckin
verður veisluþjónusta.
„Það má segja að ég sé loks að
slíta barnsskónum því nú er
Grímur Gíslason, meistarinn
minn, loks að sleppa af mér
hendinni,“ sagði Einar Björn um
þessa vistarflutninga sína. „Það
má þó segja að ég taki hluta af
starfsemi Gríms kokks með mér
því ég kaupi Veisluþjónustu
Gríms og verð með hana uppi í
Höll.“
Einar Björn segir Veisluþjón-
ustuna standa á gömlum merg
eftir langa þjónustu við
Eyjamenn. „Á því mun ég byggja
en að sjálfsögðu verða einhverjar
breytingar. Eg má heldur ekki
verða Grími til skammar og því
verður maður að standa sig. Eg
mun bjóða upp á alla hugsanlega
veisluþjónustu, fyrir stórar og
smáar veislur og er tilbúinn að
koma heim til fólks, komi óskir
um það.“
Sjálfur er Grímur ánægður að
fá Einari Birni vcisluþjónustuna í
hendur. „Þetta er þjónusta sem
ég er búinn að reka í 24 ár. Eg
hef orðið nóg að gera með eigið
fyrirtæki, Grím kokk, og það
verður tilbreyting að fá loks frí
um helgar. Um leið er maður að
sleppa beislinu af Einar Birni
sem ég veit að á eftir að gera
góða hluti,“ sagði Grímur.
Einar Björn þekkir vel til í eld-
húsinu í Höllinni þar sem
Veisluþjónustan var til húsa í
mörg ár.
Verðum að taka okkur
tak í umhverfismálum
-segir Gunnlaugur, formaður umhverfis- og skipulagsráðs
Um síðustu helgi var hreinsun-
ardagur á Heimaey þar sem fólk úr
hinum ýmsu félögum tók til hend-
inni við að þrífa eyjuna að frum-
kvæði bæjarstjórnar.
Gunnlaugur Grettisson, formaður
umhverfis- og skipulagsráðs, sagði
að þátttaka hefði verið góð og víða
hafi ekki verið vanþörf á að taka til
hendinni.
„Eg vil þakka öllu því góða fólki
sem þama mætti. Það hafði nóg að
gera því draslið var mjög mikið eftir
erfiðan vetur. Við verðum að taka
okkur tak í umhverfismálum, bæði
einstaklingar og fyrirtæki og hreins-
unarátakið er upphafið að því sem
koma skal,“ sagði Gunnlaugur.
Nefndi hann sem dæmi „einskis-
mannslönd" þar sem sjálfsagt þykir
að henda alls konar drasli. „Víða á
þessum stöðum em komnar stórar
hrúgur og er þetta sérstaklega slá-
andi inni á Eiði. Við höfum rætt
þetta mikið innan ráðsins og erum
að skoða hvað önnur sveitarfélög
eru að gera í þessum efnum. Mörg
fyrirtæki eru að standa sig prýðilega
en alltof mörg eru í hinum flokknum
og verður það okkar verk á næstu
vikum að fá þau til að taka til í
hringum starfssvæði sín. Ef það
gengur ekki höfum við ákveðin
úrræði sem við erum ekkert feimin
við að beita. Best er auðvitað að
frumkvæðið komi frá forsvarsfólki
þessara fyrirtækja og ég held að
margir viti upp á sig skömmina."
Gunnlaugur sagði að í fjárhags-
áætlun ársins 2008 væri gert ráð
fyrir stórum upphæðum til um-
hverfismála sem sýndi vilja bæjar-
stjómar í þessum efnum. „Ekki síst
ætlum við þessa peninga í mið-
bæjarsvæðið þar sem víða er verk að
vinna.“
Loks kom Gunnlaugur inn á
nýgerða samþykkt um hundahald.
„Hundahald er vandmeðfarið í þétt-
býli og um 90% hundaeigenda
standa sig vel. En það em alltaf ein-
hverjir sem gera það ekki og þá er
gott að hafa verkfæri eins og
samþykktin er,“ sagði Gunnlaugur
að lokum.
GUNNLAUGUR nefndi sem dæmi „einskismannslönd“ þar sem sjálf-
sagt þykir að henda alls konar drasli. Ekki síst inni á Eiði.
GUNNLAUGUR vildi þakka öllu því góða fólki sem mætti á hreins-
unardaginn. Á eftir fengu allir veitingar..
Frá Tryggingamiðstöðinni:
TM aðalstyrktaraðili Pæjumótsins
Tryggingamiðstöðin (TM) og ÍBV íþróttafélag hafa undirritað samstarfssamning til tveggja ára.
Samkvæmt honum verður TM aðalstyrktaraðili Pæjumótsins í Eyjum, og heitir mótið nú Pæjumót TM
Eyjum.
Pæjumótið, sem er eitt stærsta knattspyrnumót landsins hvert ár, fer fram 12. til 14. júní næstkomandi
og er fyrir stúlkur í 5. flokki eða á aldrinum 11-12 ára.
Stuðningur TM við mótið og ÍBV er liður í skipulögðu átaki félagsins til að efla íslenska kvenna-
knattspyrnu. Eins og kunnugt er hefur TM tekið þátt í verkefnum tengdu því átaki undanfarin ár, til að
mynda er íþróttamaður ársins 2007, Margrét Lára Viðarsdóttir, með samstarfssamning við TM. Einnig
er TM aðalstyrktaraðili sambærilegs knattspyrnumóts á Siglufirði ár hvert.
Agnes Einarsdóttir, sem undirritaði samninginn fyrir hönd ÍBV, segir að stuðningur fyrirtækja við
öflugt barna- og unglingastarf skipti lykilmáli fyrir íþróttafélag líkt og ÍBV. „Það er engin launung að
umfang móta, af þeirri stærðargráðu sem Pæjumótið er, er gríðarlegt og frábært að fá samstarfsaðila,
líkt og Tryggingamiðstöðina, um borð. Með slíkum stuðningi fyrirtækja, sem og auðvitað því góða starfi
sem sjálfboðaliðar inna af hendi, er hægt að halda slík mót árlega af myndarskap. TM hefur sýnt
undanfarin ár að þeir leggja mikinn metnað í að styrkja slík mót, og verður mótið í ár sérstaklega
glæsilegt.“