Fréttir - Eyjafréttir - 08.05.2008, Blaðsíða 9

Fréttir / Fimmtudagur 8. maí 2008
9
BATAMERKI í rekstri bæjarins má ekki hvað síst sjá í sjóðsstreyminu og í því sambandi má nefna að á
árinu 2007 var veltufé frá rekstri 376,5 milljónir króna en nam 186,7 milljónum króna 2006, 21 milljónum
króna árið 2005 og árið 2004 var sambærileg tala 116,8 milljónir til rekstrar.
Ársreikingar Vestmannaeyjabæjar 2007:
Heildartekjur bæjar-
sjóðs af skatttekjum
jukust um tæp 11%
Samantekt
Guðbjörg Sigurgeirsdóttir
gudbjorg @ eyjafrettii: is
Ársreikningar Vestmannaeyjabæjar
og stofnana hans fyrir árið 2007
voru lagðir fram til fyrri umræðu á
bæjarstjórnarfundi á föstudag.
Reikningar eftirfarandi stofnana
voru lagðir fram, þ.e. bæjarsjóðs,
hafnarsjóðs, félagslegra íbúða,
Vestmannaeyjabæjar, Fráveitu Vest-
mannaeyja, Hraunbúða, Sorpeyð-
ingarstöðvar Vestmannaeyja, lík-
amsræktarsalar í Iþróttamiðstöð,
Náttúrustofu Suðurlands og Líf-
eyrissjóða starfsmanna Vestmanna-
eyjabæjar
Elliði Vignisson, bæjarstjóri,
útskýrði ársreikninginn og benti á
að A-hluti samstæðu Vestmanna-
eyjabæjar hafi að geyma aðalsjóð,
eignarsjóð, Þjónustumiðstöð, grjót-
nám og Malbikunarstöð Þessir
rekstrareiningar eru að mestu fjár-
magnaðar með skatttekjum.
í B hlutanum eru rekstrareiningar
sem að mestu eru fjármagnaðar með
sértekjum eða á annan hátt.
Rekstur bæjarins enn
í járnum
Elliði benti á að rekstramiðurstaða
A hluta væri jákvæð um 3 milljarða
og 20 milljónir í stað neikvæðrar
stöðu eða um kr. 97 milljónir árið
2006. Það skýrist öðru fremur af
stórfelldri eignasölu, hlut Vest-
mannaeyjabæjar í Hitaveitu Suður-
nesja á síðasta ári.
Sé borin saman rekstrarniðurstaða
fyrir fjármagnsliði og óvenjulega
liði kemur í ljós að niðurstaðan er
neikvæð um 5,8 milljónir í stað 7,2
milljóna árið 2006. Lífeyrisskuld-
bindingar hækkuðu um 302,5
milljónir króna árið 2007 í stað 136
milljóna króna árið 2006.
Rekstur aðalsjóðs var með
hefðbundnu sniði á árinu 2007.
Skatttekjur án framlaga Jöfnunar-
sjóðs skiluðu um 1.269.092 millj-
ónum króna sem eru um 119
milljónum meiri tekjur en gert var
ráð fyrir. Útsvar var 1.138 milljónir
og fasteignaskattur 131.031 millj-
ónir króna. Framlög Jöfnunarsjóðs
sveitarfélaga voru 470 milljónir.
Fræðslu- og uppeldismál voru gerð
upp með 44 milljónum króna lakari
útkomu en áætlun gerði ráð fyrir.
Menningarmál með tæplega 3,7
milljóna lakari útkomu en áætlun
gerði ráð fyrir eða rúmum 82
milljónum í stað 78 milljóna.
Tekjur og gjöld
Heildartekjur bæjarsjóðs af skatt-
tekjum námu 1.757 milljónum árið
2007 og aukast um tæp 11 % á milli
ára. Til samanburðar má geta að
aukning milli áranna 2005 og 2006
var 15,3%. Hreinar skatttekjur
hækka um 83 milljónir á milli ára
þar af er fasteignaskattur um 3
milljónir. Alls voru skatttekjur án
framlaga Jöfnunarsjóðs sveitarfé-
laga 1.269 milljónir og framlag úr
Jöfnunarsjóði 470 milljónir króna.
Rekstrargjöld, án afskrifta og fjár-
magnsliða en að lífeyrisskuld-
bindingu meðtalinni í A-hluta, námu
99,07% í hlutfalli af rekstrartekjum
og er þetta annað árið í röð sem
slíkur árangur næst. Fimm árin þar
áður var þetta hlutfall þannig að
þessi tala var yftr 100%.
Hafnarsjóður
Rekstrartekjur ársins voru um 255
milljónir eða 23 milljónum betri en
áætlað var. Rekstrarútgjöld hafnar-
innar án afskrifta voru um 128
milljónir og dragast saman um 50
milljónir króna.
Fjármagnskostnaður nettó nam um
41 milljón í stað 50,5 milljóna á
árinu 2006. Afskriftir Hafnarsjóðs
vegna hafnarmannvirkja og lóðsbáta
námu á árinu 114 milljónum króna.
Rekstramiðurstaða ársins var 28
milljón króna tap á móti 111 millj-
óna tapi árið 2006. Skuldir Hafnar-
sjóðs námu í árslok tæplega 581
milljón. Af heildarskuldum er tæp
171 milljón vegna lífeyrisskuld-
bindinga.
Félagslegar íbúðir
Árið 2005 var félagslega íbúðakerf-
ið rekið með 104 milljóna króna
halla. Eignir samkvæmt efnahags-
reikningi voru þá metnar á 421
milljón króna en heildarskuldir
félagslega kerfisins námu 1.169,3
milljónum króna. Neikvætt eigið fé
var 748 milljónir króna.
Árið 2007 voru rekstrartekjur af
félagslegum íbúðum tæpar 74 millj-
ónir í stað 99,5 milljóna á árinu
2006. Þessi tekjusamdráttur stafar
af lægra framlagi úr Varasjóði hús-
næðismála en á síðasta ári voru
seldar 13 íbúðir og nam sala
fasteigna árinu 65 milljónum króna .
Hagnaður, án afskrifta og fjár-
magnskostnaðar, nam um 40
milljónum króna í stað 47,6 milljó-
na króna á árinu 2006. Afskriftir
námu á árinu 6,8 milljónum, fjár-
magnskostnaður til gjalda nam 88,2
milljónum. Rekstrarniðurstaða
ársins 2007 er því neikvæð um 55
milljónir á móti 64 millj. krónum.
árið 2006. Heildarskuldir félags-
legra íbúða námu í árslok 1.160
milljónum króna á móti 1.154
milljónum króna árið 2006 og 1.169
milljónum króna í árslok 2005.
Elliði sagði að eins og tölurnar
gæfu til kynna, þá sé staða okkar
gríðarlega erfið í þessum mála-
flokki. „Sú leið, sem farin hefur
verið, er að selja þessar eignir og
greiða upp þau miklu lán sem eru
áhvílandi. Kostnaðurinn við rekstur
og eignarhald á íbúðunum hefur
verið þungur og tekjur ekki nema að
litlum hluta dekkað þennan kostn-
að.“
Önnur fyrirtæki í B - hluta
Elliði sagði önnur fyrirtæki í B -
hluta teljast fjárhagslega sjálfstæð
fyrirtæki. Rekstur þeirra væri
hefðbundinn og nokkuð í jámum.
Tekjur Hraunbúða hafa hækkað um
5.6 milljónir á milli ára. Rekstrar-
niðurstaða Hraunbúða væri hagn-
aður upp á 11,9 millj. kr. á móti 10,3
millj. kr tapi árið 2006.
Að lokum gerði Elliði grein fyrir
lífeyrisskuldbindingum Bæjarsjóðs
Vestmannaeyja. Á árinu keypti
stjórn sjóðsins tryggingafræðilega
athugun á stöðu sjóðsins.
Niðurstöður Bjama Guðmunds-
sonar, tryggingafræðings, sýna að
miðað við 3,5% ávöxtun vantaði
lífeyrissjóðinn 2.797 milljónir króna
til þess að hann ætti fyrir áföllnum
skuldbindingum um síðustu áramót.
Að meðtöldum framtíðarskuld-
bindingum sjóðsins nemur þessi
upphæð 3.016 milljónum króna.
Batamerki í rekstri bæjar-
ins
Elliði sagði að lokum að mörg
jákvæð teikn væru á lofti hvað
varðar rekstur Vestmannaeyjabæjar
á árinu 2007. Rekstramiðurstaða
samstæðu væri hagnaður að fjárhæð
2.978 milljónir króna en tap ársins
2006 var 305,3 milljónir króna.
Auðvitað er lítið mark takandi á
þessum tölum hráum enda liggur
stórfelld eignasala á bak við þennan
mikla hagnað. Meira mark sé tak-
andi á rekstrarhagnaði án afskrifta
og fjármagnskostnaðar en hann nam
269,3 milljónum á árinu á móti
134.7 milljónum króna á árinu
2006.
Þessi batamerki í rekstri bæjarins
má ekki hvað síst sjá í sjóðs-
streyminu og í því sambandi má
nefna að á árinu 2007 var veltufé frá
rekstri 376,5 milljónir króna en nam
186.7 milljónum króna 2006, 21
milljónum króna árið 2005 og árið
2004 var sambærileg tala 116,8
milljónir til rekstrar.
Elliði þakkaði að lokum öllum
starfsmönnum Vestmannaeyjabæjar
sem unnu að gerð reikninganna og
starfsmönnum Deloitte sem og
skoðunarmönnum.
Horfum björtum
augum til framtíðar
Qrcin
Guðlaugur Olafs-
son skrifar:
Höfundur er stýri-
maður á Herjólfí
Ég hef setið á hliðarlínunni síðustu
misseri og fylgst með þeirri
umræðu sem tröllriðið hefur
Eyjunum, það er að segja hvort
Bakkafjara sé til góðs eða ills.
Margur maðurinn hefur komið með
góð innlegg í þessa ágætu umræðu,
en allt of margir hafa verið með
misvitrar athugasemdir. Ég hef nú
starfað á Herjólfi sem stýrimaður í
næstum þrjú ár og langar því að
koma með nokkra punkta sem ég
held að skipti máli.
Ég verð að játa að fyrst þegar
þessi umræða fór af stað þá vildi ég
fá nýtt og stærra skip sem sigldi til
Þorlákshafnar. En ég er nú það vel
að guði gerður að ég get skipt um
skoðun og eftir að hafa kynnt mér
málið nokkuð vel, komst ég að því
að það væri kannski ekki sú
samgöngubót sem við þurfum.
Þorlákshöfn er ekki og verður ekki,
nema með stórkostlegum breyt-
ingum, góð höfn. Ef við værum á
skipi, eins og menn eru að tala um
(110 metra löngu skipi eða stærra),
þá yrði töluvert meira um frátafír
heldur en við búum við í dag.
Menn hafa haft misjafnar skoðanir
á þeim skipstjórum sem við höfum
í dag, sem mér fínnst miður. Því
þeir hafa fellt niður fleiri ferðir en
forverar þeirra. Hvað hefur breyst?
Jú, fólk gleymir að taka með í
reikninginn að veðrin í vetur og
síðasta vetur hafa verið óvenju
hörð, eins er að skipið siglir tvær
ferðir nánast alla daga ársins.
Þannig að myrkrið er farið að hafa
áhrif. Eins tek ég ofan hattinn fyrir
skipstjórunum, því þær skammir og
svívirðingar sem þeir fá yfir sig
bæði frá fólki og á blogginu eru
fólki til háborinnar skammar. Það
er nefnilega þannig að það er einn
maður sem stjómar og verður að
lifa með sínum ákvörðunum, það er
skipstjórinn.
Áfram með stærra skip, ég sé fyrir
mér að fáum við skip sem er svona
stórt og tekur, skulum við segja 150
bfla í ferð og um 1000 farþega, þá
fari það skip eina ferð á dag, því
við höfum ekki meiri flutningsþörf.
Menn þurfa ekki að vera háskóla-
menntaðir til að sjá að allt tal um
fjórar ferðir á svona skipi er þvæla.
Áð á einum degi gætum við flutt
alla Eyjabúa. Erum við þá að tala
um samgöngubót? Dæmi hver fyrir
sig.
Hvað mig varðar þá er ég ekki
það auðtrúa að ég kaupi að það séu
eintómir bjánar sem vinna í Sigl-
ingastofnun.
Ég hef áður sagt að á þeim þrem-
ur árum sem fóru í að fá far-
mannaprófið, þá var ekki farið eina
mínútu í hafnargerð, hafnargarða
eða neitt því tengt. Þannig að ég
ætla ekki að setja mig á það háan
hest að gangrýna störf þessara
manna. Hins vegar eru menn alltaf
með efasemdir um hið óþekkta, og
eflaust verða einhverjir barna-
sjúkdómar sem herja á þessa
framkvæmd til að byrja með, en
verða þeir ekki lagaðir? Það hlýtur
að vera. Ég vona innilega að þetta
verði að veruleika og tel að þetta
verði Vestmannaeyjum til fram-
dráttar og okkur til góða.
Virðingarfyllst
Guðlaugur Olafsson
stýrimaður á Ms Herjólfi
ÁRLEGUR HJÓLADAGUR Kiwanismanna og Slysavarna-
deiidarinnar Eykyndils var síðastliðinn laugardag á planinu við
Kiwanishúsið. Tilefnið er að Kiwanishreyfingin á Islandi, Eimskip og
Flytjandi hafa sameinast um að gefa öllum börnum, sem hófu
grunnskólanám síðasta liaust, reiðhjólahjálma. Að þessu sinni voru
börnin í Eyjum 48 talsins. Þau mættu með hjólin sín, mörg hver með
foreldrum sínum eða öfum og ömmum og fengu afhenta hjálmana. Þá
sá Slysavarndeildin Eykyndill um ýmiss konar hjólaþrautir fyrir þau
og lögreglan skoðaði hjólin og veitti þeim skoðunarmiða, ef þau stóðust
helstu öryggiskröfur. Kiwanisfélagar sáu síðan um að grilla pylsur
handa öllum viðstöddum. Hjóladagurinn er orðinn margra ára hefð
hér í Eyjum og hluti af vorstemningunni og afhending hjálmanna hluti
af einkunnarorðum Kiwanishreyfingarinnar, Börnin fyrst og fremst.