Fréttir - Eyjafréttir - 18.09.2008, Blaðsíða 6

6
Fréttir / Fimmtudagur 18. september 2008
VIÐ TAKKANA. Árni Óli og Ólafur við takkaborðið. Árný og Védís fylgjast með. Elíana ísis í fangi móður sinnar.
Hljóðverið Island Studios, tekið til starfa:
Sjáum möguleika á að fá
þekktar erlendar hljómsveitir
-segir Ólafur Guðjónsson, skipstjóri og útgerðarmaður sem þarna sér
30 ára gamlan draum rætast
Það eru margir sem eiga sér
drauma en ekki eru allir í þeirri
aðstöðu að geta látið þá rætast. Það
átti fyrir Ólafi Guðjónssyni, skip-
stjóra og útgerðarmanni á Gæfunni
VE, að liggja að verða sjómaður en
undir niðri blundaði tónlistarmaður
sem átti ósk um að fólki í tónlist í
Vestmannaeyjum yrði sköpuð að-
staða til að koma lögum sínum á
framfæri. Sá hann alltaf fyrir sér að
til þess yrði að koma upp hljóðveri
sem nú er orðið að veruleika. Það
er til húsa í Betel við Faxastíg þar
sem Guðsorð hefur hljómað frá
fyrri hluta síðustu aldar. Það má því
segja að bæði hús og eigandi þess
séu að takast á við nýtt hlutverk,
Ólafur orðinn hljóðverseigandi og
fyrrum höfuðstöðvar Hvítasunnu-
manna í Vestmannaeyjum, Faxa-
stígur 6, orðnar fullkomið upp-
tökuhljóðver, sem ætlað er að laða
hingað, ekki aðeins íslenska tón-
listarmenn, heldur stór nöfn á al-
þjóðavísu.
Vann fyrir sér með söng
Það er kannski ekki nógu djúpt í
árinni tekið að segja að tónlistar-
maður haft blundað í Ólafi því
hann var á sínum yngri árum tón-
listarmaður, var söngvari í nokkrum
hljómsveitum og drýgði tekjurnar
með tónlistinni þegar hann var í
Stýrimannaskólanum. „Já, það rétt
að ég hef gengið með þá hugmynd
að koma hér upp hljóðveri í ein 30
ár,“ sagði Ólafur þegar Fréttir
ræddu við hann og soninn Árna Óla
sem ásamt Védísi Guðmunds-
dóttur, sambýliskonu Árna Óla,
hafa borið hitann og þungann af því
að koma hljóðverinu á laggirnar.
Blaðmanni lék forvitni á að heyra
meira um tónlistarferil skipstjórans
og kemur í ljós að þráðurinn hefur
aldrei slitnað alveg þó baráttan við
Ægi haft orðið fyrir valinu þegar
kom að því að velja ævistarfið.
„Það er 30 ár síðan maður stóð í
þessu sjálfur og þá notaði maður
kjaftinn sem hljóðfæri. Var ég
söngvari m.a. í hjómsveitunum
Töktum og Dauðarefsingu sem var
fyrsta alvöru þungarokksveitin á
landinu," segir Ólafur og hlær við
tilhugsunina.
Með honum í Dauðrefsingu voru
miklar tónlistarkanónur, Valli Gísla
á gítar, Diddi Jóns á bassa, Hafþór
Pálma á gítar og Bjartmar Guð-
laugs barði trommurnar. „Þetta var
stutt gaman en skemmtilegt og þá
voru Led Zheppelin og Black
Sabbath meðal stóru nafnanna í
þungarokkinu. Eftir að
Dauðarefsing lagði upp laupana
fórum við Valli yfir í Taktana þar
sem við vorum í eitt ár með Stebba
Geir, Óla Má Sigurðssyni og
Guðmari Stefánssyni sem spilaði á
trommumar. Við spiluðum talsvert
á böllum og ég í Stýrimannaskól-
anum. Notaði ég spilamennskuna
sem tekjuöflun á meðan ég var í
skólanum."
Alltaf verið alæta á tónlist
Þegar Ólafur er spurður að því
hvort val um sjóinn eða feril á tón-
listarsviðinu hafi verið að velkjast
fyrir honum svarar hann neitandi.
„Ég held varla en ég hef alltaf verið
alæta á músík. En þama kviknaði
hugmynd að hljóðveri því hér var
ekkert hægt að gera ef menn ætluðu
að koma sér frekar á framfæri í tón-
listinni. Eina leiðin var að fara til
Reykjavíkur og gera plötusamning
við Svavar Gest eða aðra sem gáfu
útylötur á þessum árum.“
Utkoman er hljóðverið Island
Studios sem að sögn kunnugra er
meðal bestu hljóðvera á Islandi.
„Hugmyndin hjá mér var alltaf að
gefa öllum hér möguleika á vinna
sitt efni hér heima til að geta svo
sótt á aðra markaði. Reyna að snúa
þessu við, fá inn eitthvað af því
sem Vestmannaeyingar eru að gera
í tónlist svo þeir þurfi ekki að
sækja allt til Reykjavíkur. Einnig er
hér möguleiki á að safna saman
tónlistarsögu Vestmannaeyja sem er
miklu umfangsmeiri en flesta
grunar.“
Ólafur segir að þó hugmyndin sé
gömul hafi hann alltaf ætlað að
koma þessu í hendurnar á Árna
Óla, sem standi í sömu sporum nú
með sína tónlist og hann sjálfur á
hans aldri. „Nú er þetta komið í
framkvæmd," sagði Ólafur en hefur
honum ekki dottið í hug að hóa í
gömlu félagana og koma nokkrum
lögum á disk?
„Það væri margt vitlausara,"
svaraði Ólafur hlæjandi en sagðist
lítið hafa gert af því að spila á gítar
og enn minna sungið síðustu þrjá
áratugina.
Árný benti á Betel
Þeir feðgar urðu báðir fyrir svörum
þegar kom að því að rekja sögu
hljóðversins. „Við höfðum leitað að
húsi í tvo mánuði þegar við fundum
Betel sem hentar mjög vel undir
svona starfsemi," sagði Ámi.
Betel var í eigu Hvítasunnusafn-
aðarins í Eyjum og þar er hús-
móðirin á bænum og eiginkona
Ólafs, Ámý Hreiðarsdóttir, mjög
virk. „Mamma kom heim einn
daginn og datt í hug hvort Betel
gæti hentað," sagði Ámi Óli og hélt
áfram. „Við héldum að húsið væri
alltof stórt en staðreyndin er að
þama duttum við ofan á mjög gott
húsnæði. Þetta er timburhús með
góðunt hljómburði og hentar mjög
vel.“
Þá fór í hönd mikil vinna við að
útbúa húsið fyrir nýtt hlutverk og
þeir feðgar em ánægðir með
hvemig til tókst. „Það sem er ein-
stakt við þetta hljóðver er að hér
eru þrjú upptökuherbergi og upp-
tökusalur. Þetta kostaði mikla ein-
angrun því auk þess að einangra
innanhúss verður að taka tillit til
þess að við erum í miðju íbúða-
hverfi hérna á Faxastígnum og ekki
viljutn við trufla nágrannana," segir
Ólafur.
Fullkomnasta upptöku-
tækni
Þegar kom að tæknihliðinni tekur
Árni Óli við. Hann segir erfitt að
lýsa því nákvæmlega hvað þeir
hafa upp á að bjóða. „í dag byggist
þetta mest á tölvum en við erum
með upptökutæki af fullkomnustu
gerð með 24 innganga sem er eitt-
hvað sem upptöku- og tónlistarfólk
þekkir," sagði Árni Óli sem benti á
nánari upplýsingar á síðunni
islanstudios.is.
„Við getum tekið á móti einstakl-
ingum og hljómsveitum sem vilja
taka upp tónlist auk þess sem við
bjóðum upp á alhliða hljóðvers-
vinnu,“ sagði Árni Óli og nefndi
talsetningu bíómynda í því sam-
bandi.
„Ef fólk þarf að taka upp hljóð
erum við með allt til þess og ef
Karlakórinn Fóstbræður leitaði til
okkar getum við farið hvert sem er
og tekið upp fyrir þá. Reyndar
getum við tekið á móti kórum
hérna en þeir mega ekki vera mjög
stórir,“ sagði Árni Óli.
Þeir hafa verið að sýna tónlistar-
mönnum og hljómsveitum aðstöðu-
na og segir Ólafur að þeir hafi sýnt
áhuga. „Þeir segja þetta mun betra
en þeir bjuggust við. Það er búið að
gera samninga, munnlega, við tvo
aðila hér í Eyjum og í næsta
mánuði er væntanlegt mjög þekkt
nafn. Þá verður fyrirtækið tekið út
en þeir völdu okkur af því hér geta
þeir tekið allt upp „live“.
Bæjarráð:
Fleiri
vilja
skólamat
Bæjarráð fjallaði um skóla-
máltíðir í Grunnskólanum á
síðasta fundi sínum.
Fram kom í máli bæjarstjóra að
samtals hefðu nemendur fengið
afgeidda 917 matarskammta
vikuna á undan sem er um 40%
aukning frá því sem verið hefur.
Enn er aðsókn að aukast.
Bæjarráð fagnaði því sérstak-
lega hversu myndarlega hefur
verið staðið að breytingum í
matarmálum í grunnskólum og
þeim stóru skrefum sem tekin
hafa verið í átt til markmiða
Lýðheilsustofnunar.
Breytingar á Barnaskóla
Vestmannaeyja hafa kostað um
100 milljónir það sem af er
kjörtímabils og telur bæjarráð
þær breytingar forsendu þess að
hægt hefur verið að ráðast í efl-
ingu innra starfs svo sem matar-
mála og fleira.
Bæjarráð samþykkti beiðni
fræðslu- og menningarráðs um
aukafjárveitingu vegna matar-
mála upp á 960.000 kr. í samræmi
við útreikninga fjölskyldu- og
fræðslusviðs.
Keypti
stofnfjár-
bréf SPV
Bæjarráð samþykkti á sama fundi
að kaupa stofnbréf í Sparisjóði
Vestmannaeyja.
I fundargerð bæjarráðs segir að
eins og áður hafi komið fram líti
ráðið á það sem skyldu Vest-
mannaeyjabæjar að gæta hags-
muna samfélagsins í málefnum
Sparisjóðs Vestmannaeyja.
Líka að bæjarstjóm styðji stjóm
hans og stofnfjáreigendur í því að
einskis verði látið ófreistað að
tryggja sem best framtíðarstöðu
Sparisjóðsins, viðskiptamanna og
starfsfólks. Einnig þeirra gríðar-
legu hagsmuna sem felast í
öflugum samfélagssjóði sem í
dag myndar mikinn meirihluta
varasjóðs Sparisjóðsins.
„Með ofangreint að leiðarljósi
samþykkti bæjarráð að fela
bæjarstjóra að falast eftir kaupum
á allt að 5% hlut í stofnfé sjóðsins
og er fyrirliggjandi samningur
liður í því.
Bæjarráð samþykk samninginn
sem kvað á um kaup á einu bréft.
Þakkir frá
Eykyndils-
konum
Slysavarnadeildin Eykyndill
sendir bestu þakkir til allra sem á
einhvem hátt hjálpuðu henni að
gera kvennaþingið um síðustu
helgi svona frábært.