Fréttir - Eyjafréttir - 13.11.2008, Blaðsíða 2

2
Fréttir / Fimmtudagur 13. nóvember 2008
Flugfélag Vestmannaeyja ætlar að hætta flugi milli Vestmannaeyja
og Bakkaflugvallar frá og með 13. nóvember til 1. apríl:
Treysta sér ekki að keppa við
ríkisstyrkt flug til Reykjavíkur
-Mikil fækkun farþega hjá félaginu frá því að ríkið hóf að styrkja
flug milli Vestmannaeyja og Reykjavíkur í október 2006
VALGEIR tók þátt í flugslysaæfingu sem fram fór á Bakkaflugvelli á
laugardaginn.
Flugfélag Vestmannaeyja ætlar að
hætta flugi milli Vestmannaeyja og
Bakkaflugvallar frá og með 13.
nóvember nk. til I. aprfl 2009.
Valgeir Arnórsson, framkvæmda-
stjóri Flugfélags Vestmannaeyja,
sagði helstu ástæðu lokunarinnar
vera mikla fækkun farþega hjá
félaginu frá því að ríkið hóf að
styrkja flug milli Vestmannaeyja og
Reykjavíkur í október 2006.
„Við höfum verið með þrjár vélar í
rekstri og munum við afskrá tvær
vélar og setja þær í geymslu í vetur
en þriðja vélin verður notuð til að
sinna sjúkrallugi, Það borgar sig
ekki að vera með flug á Bakka allt
árið þegar einungis þrír til fjórir
mánuðir á ári eru að skila einhverju
og á þeim mánuðum flytjum við
milli 80 og 90% af þeim farþegum
sem við flytjum á ári. Fram til þess
tíma að ríkið hóf að styrkja flug
milli Vestmannaeyja og Reykjavfkur
hafði verið um 12% aukning farþega
á ári en nú hefur orðið um 25%
fækkun farþega á llugleiðinni. Það
þýðir að farþegum hefur fækkað úr
rúmlega 30.000 á ári niður í um
22.000 farþega á þessu ári.“
Valgeir segir að auk mikillar fækk-
unar farþega þá hafi fleira áhrif á
ákvörðunina um að hætta flugi á
Bakka í vetur. „Staðan á dollar er
óhagstæð og hefur verð á varahlut-
um hækkað mikið. Einnig hefur
verð á flugvélaeldsneyti hækkað
mikið en fyrir ári síðan kostaði
bensínlítrinn um 79 krónur en nú
kostar hann 170 krónur þannig að
hækkunin er um 90 krónur á einu
ári.“
Er ekki luegt að nýta flugmennina
sem sjá um sjúkraflugið til aðjljúga
á Bakka?
„Nei, reglur um vinnu- og vakta-
tíma flugmanna leyl'a það ekki.
Sjúkraflug á Vestmannaeyjasvæði
var boðið út í lok árs 2007. í upp-
haflegum útboðsgögnum var óskað
eftir því að flugrekendur væru ávallt
tilbúnir í sjúkraflug með að hámarki
45 mínútna viðbragðstíma, en jafn-
framt að flugrekendur ættu ekki að
fara eftir reglum um vinnu- og
vaktatíma ílugmanna varðandi bak-
vaktir samkvæmt reglugerð.
Eftir að athugasemdir voru gerðar
varðandi það orðalag þá var því
breytt þannig að flugrekandi á sem
oftast að geta boðið upp á 45 mín-
útna viðbragðstíma. Flugfélag Vest-
mannaeyja sendi inn tvö tilboð,
annað miðaðist við að vera ávallt
tilbúnir með 45 mínútna fyrirvara en
hitt að geta sem oftast boðið upp á
45 mínútna viðbragð, og var st'ðara
tilboðinu tekið en það var mun
lægra. I apríl sl. tók Flugfélag Vest-
mannaeyja við sjúkrafluginu og
höfum við allan þann tíma ávallt
getað boðið upp á að hámarki 45
mínútna viðbragðstíma. En eftir að
við hættum flugi á Bakka verða ein-
ungis tveir flugmenn í vinnu hjá
Flugfélagi Vestmannaeyja og munu
þeir einungis sinna sjúkraflugi. I
október sl. fór ég á fund í
Heilbrigðisráðuneytinu og lét vita af
því að við munum einungis geta
boðið uppá 45 mínútna viðbragðs-
tíma sem oftast, en ekki alltaf, þar
sem við yrðum einungis með tvo
flugmenn í vetur og þegar þeir færu
í frí þá væri enginn á vakt þar sem
kostnaðaráætlun ríkisins við
sjúkraflugið gerði einungis ráð fyrir
einni áhöfn.”
Ekki hægt að keppa við
ríkisstyrk
Þið treystið ykkur ekki til að reka
flugleiðina Vestmannaeyjar - Bakki
á ársgrundvelli eftir að Flugfélag
Islands hóf áætlunarflug milli
Vestmannaeyja og Reykjavíkur?
„Nei, það er ekki hægt að keppa
við ríkisstyrkt flug, sérstaklega yfir
vetrarmánuðina. Samningurinn við
Flugfélag íslands sem undirritaður
var í október 2007 hljómar upp á um
185 milljónir fyrir flug í 26 mánuði.
Til viðbótar við þann styrk sem
Flugfélagið fær vegna útboðs, þá
fengu þeir aukalega 18 milljónir í
styrk árið 2008 og fá 18 milljónir
árið 2009, samtals 36 milljónir fyrir
að fara þriðju ferðina til Vestmanna-
eyja fimm daga í viku yfir sumar-
mánuðina, og er sá viðbótarstyrkur
vegna mótvægisaðgerða ríkisstjóm-
arinnar vegna skerðingar á þorsk-
kvóta.
Ef ófært er þá fá þeir greitt 70% af
styrknum fyrir hverja ferð sem ekki
er farin. Um eitt ár er eftir af samn-
ingstímanum en í samningnum er
ákvæði um framlengingu til tveggja
ára ef báðir aðilar eru sáttir.
Heildarfarþegafjöldi með flugi til
Vestmannaeyja er í kringum 48
þúsund farþegar á ári og hefur sú
tala verið svipuð í nokkur ár. Við
höfum lagt mikla peninga í mark-
aðssetningu til að reyna að halda
okkar hlut en það hefur ekki skilað
sér í fleiri farþegum. Ég á alveg eins
von á, að við endurskoðum okkar
ákvörðun í mars þ.e. hvort við byrj-
um aftur í apríl eða fljúgum ein-
ungis í þá þrjá til fjóra mánuði yfir
sumartímann sem skila mestu. Við
þessar breytingar missa 4 til 5
manns vinnuna þar af tveir flug-
menn og svo skrifstofufólk."
Valgeir bendir á að þrír aðilar flytji
fólk til og frá Vestmannaeyjum.
„Tveir þessara aðila eru á rikis-
styrkjum þ.e. Flugfélag Islands, sem
flýgur milli Vestmanneyja og
Reykjavíkur, og Herjólfur sem
siglir milli Vestmannaeyja og Þor-
lákshafnar en flugleiðin Vest-
mannaeyjar - Bakki er ekki styrkt.
Þegar samgönguráðuneytið samdi
við Flugfélag Islands um flug milli
Vestmannaeyja og Reykjavíkur án
útboðs í október 2006 þá sendi lög-
maður Flugfélags Vestmannaeyja
inn kvörtun til Samkeppnis-
eftirlitsins. Þrátt fyrir að Sam-
keppniseftirlitið hafi komist að
þeirri niðurstöðu að brotið hafi verið
á Flugfélagi Vestmannaeyja og hafi
beint þeim tilmælum til samgöngu-
ráðherra að beita jafnræði milli
flugfélaga við veitingu ríkisstyrkja
til flugsamgangna, þá var það
ákvörðun Ríkislögmanns að hafna
bótakröfu FV.
Það var mjög erfið ákvörðun að
hætta flugi á Bakka, en ákvörðunin
stendur þrátt fyrir að margir
viðskiptavina okkar séu ósáttir. Að
lokum vil ég biðja viðskiptavini
okkar afsökunar á þeim óþægindum
sem lokunin kann að hafa í för með
sér, “ sagði Valgeir.
FMI2I
Platan steypt
Framkvæmdir við nýbygginguna,
sem þeir Þórarinn Sigurðsson í
Geisla og Stefán Lúðvíksson í
Eyjablikki eru að reisa við
Hijmisgötu, ganga vel.
Á sunnudaginn var platan steypt
og verður áfram haldið með fyrstu
hæðina en þangað flytur verslun
Geisla sem nú er á Flötunum.
Stefán segir að húsið sé 800 fm.
Sjálf verslunin verður á 500 fm og
lager 300 fm.
Gert er ráð fyrir sex íbúðum á efri
hæðum. „Við höfum ekki sett þær í
sölu ennþá en það verður gert um
leið og við sjáum hvernig gengur
en okkur vantar frekar menn en
hitt,“ sagði Stefán.
Surtsey
45 ára
Á morgun, 14. nóvember, eru 45
ár liðin frá því að Surtseyjar-
gossins varð fyrst vart 18 km
suðvestur af Heimaey.
Líklegt er talið að neðansjávar-
gosið hafi byrjað nokkrum dög-
um fyrr á um 130 metra sjávar-
dýpi og að gossprungan hafi
verið um 500 m á lengd.
Skipverjar á Isleifi II frá Vest-
mannaeyjum urðu fyrst varir við
gosið og tilkynntu það snemma
morguns 14. nóvember 1963.
Gosið magnaðist eftir því sem á
leið og daginn eftir, 15. nóvem-
ber, hafði myndast 10 metra há
eyja eða samtals 140 metra hátt
eldfjall ef miðað er við hæð frá
hafsbotni.
Það sem einkenndi Surtseyjar-
gosið var mikil sprengivirkni
sem varð þegar glóandi hraun- _
kvika snöggkólnaði í sjónum. I
dag eru sprengigos af þessari
gerð nefnd „Surtseyan eruption"
í eldfjallafræðum erlendis.
Neðansjávargos við Island eru
ekki óalgeng og samkvæmt fom-
um annálum hafa myndast a.m.k.
sex eyjar við Island frá árinu
1200. Surtsey er eina eyjan,
mynduð á sögulegum tíma, sem
hefur staðist ágang sjávar og
orðið varanleg.
Bjarni hættur
Bjami Harðarson, þingmaður
Framsóknar í Suðurkjördæmi, er
hættur á þingi. Þetta kemur fram
á bloggsíðu Bjarna þar sem hann
segist hafa tilkynnt formanni
Framsóknarflokksins og skrif-
stofustjóra Alþingis ákvörðun
sína. Ástæðan er rætið bréf um
Valgerði, varaformann flokksins,
sem Bjami sendi óvart til
fjölmiðla.
I tilkynningu til fjölmiðla segir
Bjarni:
„Ágætu lesendur.
I gærkvöldi urðu mér á alvarleg
mistök og vitaskuld hljóp hér
pólitfskur hiti með mig í gönur.
Ég hef af þeirri ástæðu ákveðið
að segja af mér þingmennsku
enda hefur það ævinlega verið
bjargföst sannfæring mín að
menn eigi alltaf að axla ábyrgð á
eigin gerðum.
Um leið og ég kveð stuttan og
viðburðaríkan þingferil óska ég
samstarfsfólki mínu á þingi og í
Framsóknarflokki allra heilla.
Ákvörðun þessa hefi ég tilkynnt
formanni Framsóknarflokksins
og skrifstofustjóra Alþingis.
Virðingarfyllst,
Bjami Harðarson, bóksali."
Fyrsta
skóflustunga
Á mánudaginn, 17. nóvember,
verður fyrsta skóflustunga að
nýju útivistarsvæði við sund-
laugina tekin. Guðný Gunn-
laugsdóttir, íþróttakennari, mun
taka fyrstu skóflustunguna og
henni til aðstoðar verður Þor-
gerður Katrín Gunnarsdóttir,
menntamálaráðherra.
Stefnt er að því að taka fyrstu
skóflustunguna á útivistar-
svæðinu kl. 13.30. Á eftir
verður svo boðið upp á kakó og
vöfflur í anddyri sundlaugarinnar
og framtíðarútlit svæðisins
kynnt.
tltgefandi Eyjasýn elif. 480278-0549 - Vestmannaeyjum. Ritstjóri: Ómar (iarðarsson.
Blaðamenn: (juðbjörg Sigurgeiisdóttir og Júlíus Ingason. fþróttir: Jiilíus Ingason.
Ábyrgðarmenn: Ómar Garðai'sson & Gísli Valtýsson.
Prentvinna: Eyjasýn/ Eyjaprent. Vestmannaeyjum. Aðsetnr ritstjómar: Strandvegi 47.
Símar: 481 1300 & 481 3310. Myndriti: 481-1293. Netfang/rafpóstnr: frettir@eyjafrettir.is.
Veffang: http/Aririr.pyjafrottir.is
ERÉTi'JR koma út alla fimmtudaga. Blaðið er selt i áskrift og einnig í lausasölu á Kletti,
'rvistimun, Toppnum, Vöruval, Herjólfi, Hnghafnarversluninni, Krónunni, Isjakanum,
verslun 11-11 og Skýlinu í Friðar höfu.. FRÉTTTR cru prentaðar i 2000 eiutökum.
FRÉTTiH eru aðilar að Samtökum bæjar- og héraðsfréttablaða. Eftirprentun, hljóðritun,
notkun ljósmynda og annað er óheinnlt uema heimilda sé getið.