Fréttir - Eyjafréttir - 13.11.2008, Blaðsíða 7

Fréttir / Fimmtudagur 13. nóvember 2008
7
Ný ferja: Dráttur gæti orðið á undirskrift vegna ástands í efnahagsmálum:
Landeyjahöfn er á áætlun
STUTT Skemmtileg mynd sem sýnir vel hve stutt sigling verður milli Vestmannaeyja og Landeyjahafnar
eftir rétt rúmt eitt og hálft ár. Myndina tók Guðjón Sc Tryggvason, starfsmaður Siglingastofnunar, og er
hún tekin frá þeim stað þar sem grjótnámið verður.
Stýrihópur um framkvæmdir við
Landeyjahöfn fundaði á fímmtu-
daginn og var upplýst að ekki væri
fyrirhugaður dráttur á fram-
kvæmdinni og er hún á áætlun.
Ferjan er nánast fullhönnuð og sam-
komulag hefur náðst um kostnað.
„Vegna ástandsins í efnahags-
málum hefur hins vegar orðið drátt-
ur á því að hægt væri að skrifa undir
samning um smíði á ferjunni. Is-
lenska ríkið hefur fengið frest til 14.
nóvember og vonandi verður þá
hægt að skrifa undir samning þann
sem er þegar tilbúinn til undirrit-
unar,“ sagði Elliði Vignisson bæjar-
stjóri.
Hann sagði að enn væri ekki
ástæða til að útiloka að skipið geti
haftð siglingar sumarið 2010 þótt
auðvitað aukist hættan á því að
afhendingu á skipinu seinki þegar
það dregst að skrifa undir samning.
„Kreppan í hinum vestræna heimi
hefur hins vegar valdið því að
verkefnastaða í skipaiðnaði hefur
breyst mjög. Minni ásókn er nú í
þjónustu þeirra og slíkt gæti orðið til
þess að FASSMER gæti staðið við
upphaflegan afhendingartíma þrátt
fyrir þær leiðu tafir sem orðið hafa á
undirskrift."
Bæjarráð hefur lýst þungum
áhyggjum af stöðu þessa máls og
bent á hversu lengi samfélagið hér
hefur mátt bíða úrbóta. í afgreiðslu
bæjarráðs á seinasta fundi þess kom
einnig fram skilningur á válegri
stöðu efnahagsmála og mikilvægi
þess að skorið verði niður í ríkisút-
gjöldum. I afgreiðslu ráðsins sagði:
„Sé staðan sú að algert stopp eigi að
ríkja í framkvæmdum ríkisins, mun
Vestmannaeyjabær axla ábyrgð sína
eins og önnur sveitarfélög. Standi
hins vegar til að forgangsraða fram-
kvæmdum gerir bæjarráð það að
kröfu sinni að það bæjarfélag sem
orðið hefur fyrir þyngstu búsifj-
unum af völdum báglegrar stöðu í
samgöngum verði ekki sett aftur
fyrir í forgangsröðinni."
S
Iðunn Dísa og Sigurrós Ulla hjúkrunarfræðingar skrifa:
Alþjóðadagur sykursjúkra 14. nóvember
Alþjóðadagur sykursjúkra er hald-
inn hátíðlegur 14. nóvember ár
hvert. Af því tilefni ákváðum við
að vekja athygli á áhrifum sykur-
sýki (diabetes mellitus) á þróun
kransæðasjúkdóma sem eru einn af
mörgum áhættuþáttum sykursýki.
Fjöldi sykursjúkra í heiminum fer
stöðugt vaxandi. Sjúkdómurinn or-
sakar langvarandi heilsuleysi og
ótímabæran dauða fólks sem rekja
má til fylgikvilla hennar.
Sykursýki er efnaskiptasjúkdóm-
ur sem stafar af ónógri verkun og/
eða framleiðslu á hormóninu insú-
lín í líkamanum. Þetta veldur því
að sykurinn úr fæðunni nýtist ekki
sem skyldi og sykurmagn í blóði
hækkar með ýmsum afleiðingum
bæði til skemmri og lengri tíma
litið.
Til eru tvær aðaltegundir sykur-
sýki: insúlínháð (tegund 1) og insú-
línóháð (tegund 2). Samt sem áður
þurfa sjúklingar með síðarnefndu
tegundina oft insúlínmeðferð á
seinni stigum sjúkdómsins. Tegund
1 kemur yfirleitt fram á barns- og
unglingsárum en tegund 2 á
miðjum aldri eða seinna. U.þ.b. 80
til 90% sykursjúkra eru með tegund
2 og eru um 90% þeirra of feitir.
En offita er aðalafleiðing hreyf-
ingarleysis og slæmra matarvenja.
Því má búast við mikilli aukningu á
tíðni sykursýki á næstu árum.
Þessi tegund sykursýki hefur oft
verið kölluð „fullorðinssykursýki“
en er því miður farin að sjást í
sívaxandi mæli hjá ungu fólki sem
er mikið áhyggjuefni.
Þar sem einkenni sykursýki
tegund 2 eru oft væg í byrjun t.d
slen og blóðsykur oft ekki mjög
hár, greinist sjúkdómurinn oft mjög
seint og stundum ekki fyrr en fylgi- fylgikvilla sjúkdómsins við grein-
kvillarnir eru komnir, t.d er talið ingu. Helstu einkenni sykursýki 1
að 30-50% séu þegar komnir með og 2 eru þorsti, tíð þvaglát, kláði
við þvagrás, syfja, munnþurrkur og
þreyta.
Algengasti fylgikvilli sykursýki
eru kransæðasjúkdómar, sem eru
jafnframt algengasti dánarvaldur
hennar eða í 75% tilfella. Þeir sem
eru með sykursýki af tegund 2 eru í
tvisvar til tjórum sinnum meiri
hættu á að fá kransæðasjúkdóm
heldur en þeir sem eru ekki með
sykursýki.
Konur virðast vera í meiri hættu á
kransæðadauða en karlar, einkum
eftir tíðahvörf. Einstaklingur með
sykursýki er íjafnmikilli hættu og
sá sem er einu sinni er búinn að fá
kransæðastíflu en er ekki tneð
sykursýki. Ástæðan er lfklega sú að
of hár blóðsykur er einn af mörgum
áhættuþáttum kransæðaskjúkdóma.
Aðrir áhættuþættir fyrir kransæða-
sjúkdómum hjá þessum sjúklinga-
hóp eru oft til staðar eins og
óhagstæð blóðfíta, háþrýstingur,
reykingar og offita. Tilvist slíkra
áhættuþátta magnar upp skaðleg
áhrif sykursýkinnar á æðakerfið.
Góð blóðsykurstjórnun er mikil-
væg til að fyrirbyggja og draga úr
tíðni kransæðasjúkdóma og bæta
þannig lífsgæði og langtímahorfur
sykursjúkra, ásamt því að spara
tíma, fé og fyrirhöfn fyrir sam-
félagið og sjúklinginn. Gott og
reglubundið eftirlit er því mikil-
vægt til að ná þessu markmiði.
Hornsteinninn í meðferðinni
verður þó ætið skynsamlegt matar-
æði og reglubundin hreyfing. Oft
þarf þó að beita blóðsykurslækk-
andi lyfjum og jafnvel insúlíni.
Iðunn Dísa Jóhannesdóttir og
Sigurrós Úila Steinþórsdóttir
hjúkrunarfrœðingar.
_!___
Oddný
ánægð
með
Eyjaferð
Oddný Sturludóttir, borgar-
fulltrúi, var ánægð með ferð til
Eyja um síðustu helgi. Hér var
hún með eiginmanni sínum,
Hallgrími Helgasyni, rithöf-
undi sem var einn rithöfunda
sem las upp úr bókum sínum á
Safnahelgi.
Á bloggi sínu segir hún: Við
hjónaleysin dvöldum í Vest-
mannaeyjum um helgina.
Menningarhátíðin „Safnahclgi
á Suðurlandi“ var vel heppnuð
en það var ckki síst merkilegt
fyrir mig og bóndann að heim-
sækja eyjarnar því þangað
höfðum við hvorugt komið
áður.
Nú höfum við margsinnis séð
myndir frá Eyjum, þó það nú
væri. En náttúrufegurð stað-
arins grcip okkur slíkum
hcljartökum að við munum
vart annað eins. Skaparinn var
sannarlega í góðu skapi þegar
Eyjar urðu til þó þá sami
skapari hafi nú oft látið
óþyrmilega fyrir sér linna á
staðnum með tilheyrandi
eldglæringum og hættuspili
hamfara.
Vestmannaeyjagosið, Týrkja-
ránið og þetta einstaka bæjar-
stæði gera Vestmannaeyjar að
sagnfræði- og náttúru-
fræðilegri perlu.
Eyjafjallajökull í seilingar-
fjarlægð, Heimaklettur og
eyjarnar í kring eru sem
vinalegir tröllkarlar og bærinn
sjálfur er snotur.
Kristín Jóhannsdóttir ferða-
málafulltrúi Vestmannaeyja og
fleiri góðir heimamenn gerðu
helgina ógleymanlega, við
þökkum fyrir gestrisnina og
leggjum nú drög að fjölskyldu-
ferð til Eyja næsta sumar.
http://oddny.eyjan.is/
Lögregla:
Ók á ljósastaur
Eitt umferðaróhapp var tilkynnt til lögreglu í
vikunni.
Síðdegis
sl. laugar-
dag var
tilkynnt
um að
bifreið hafi
lent á
ljósastaur.
Stutt var
að fara fyrir lögreglu því ljósastaurinn er við
verslunina Tvistinn. Ekki urðu nein meiðsl á
fólki en bifreiðin er nokkuð skemmd og þá er
ljósastaurinn ónýtur.
í ýmis horn aö líta hjá lögregla:
Ósætti meðal gesta á öldurhúsi
Það var í ýmis hom að líta hjá lögreglunni í
vikunni sem leið. Þurftu bæjarbúar á aðstoð
lögreglu að halda í hinum ýmsu tilvikum. í
tvígang var óskað eftir lögreglu á öldurhús
bæjarins vegna átaka á milli gesta en hins
vegar liggja engar kærur fyrir vegna þeirra
átaka.
Eitt fíkniefnamál kom upp í vikunni en að
morgni sl. sunnudags lagði lögreglan hald á
ætlað kókaín og áhöld til neyslu fíkniefna eftir
húsleit í heimahúsi hér f bæ. Málið telst
upplýst, en sá er þarna á í hlut hefur áður
komist í kast við lögin vegna fíkniefnamis-
ferlis.
Einn þjófnaður var tilkynntur til lögreglu í
vikunni sem leið en um er að ræða þjófnað á
seðlaveski úr fatnaði sem var í búningsklefa
sundlaugarinnar. Ekki er vitað hver þama var
að verki en þeir sem einhverjar upplýsingar
hafa em vinsamlegast beðnir um að hafa sam-
band við lögreglu.
MK borgar 3. hazstu launin:
9,3 m kr. meðallaun
í nýjustu Fiskifréttum er listi yfir fyrirtæki í
sjávarútvegi, sem greiða hæstu launin. I
fyrsta sæti er lítið
fyrirtæki á Patreks-
firði sem gerir út
dragnótabátinn
Þorstein BA, en
þeir greiða 11.2
milljónir fyrir
ársverkið að meðal-
tali. Bergur-Huginn
í Vestmannaeyjum
er í þriðja sæti með 9.3 milljónir fyrir
ársverkið að meðaltali.
í fjórða sæti er útgerð Sæbergs á Olafsfirði
með 8.9 milljónir.