Fréttir - Eyjafréttir - 13.11.2008, Blaðsíða 11

Fréttir / Fimmtudagur 13. nóvember 2008
11
Sigurgeir Jónsson skrifar um styrktarfélagatónleika Lúðrasveitarinnar:
Fimm gæsahúðir á tveimur tímum
ÖFLUG SVEIT Á laugardaginn voru 27 í hljómsveitinni úr LV, studdir af tíu hljóðfæraleikurum ofan af
landi, ýmist gömlum Eyjamönnum eða fólki sem hefur mætt tii leiks á þessum tónleikum um árabii.
Lúðrasveit Vestmannaeyja hélt sína
árlegu styrktarfélagatónleika á
laugardag og voru þeir tónleikar
hluti af Safnahelginni. Þessir tón-
leikar hafa verið fastur liður í starfi
Lúðrasveitarinnar síðan um miðbik
síðustu aldar en þá var bryddað upp
á því nýmæli að fólk gat gerst
styrktarfélagar sveitarinnar gegn
ákveðnu gjaldi og gilti það sem
aðgöngumiði fyrir tvo á tónleikana.
Þetta kerfi hefur reynst vel og er í
raun stærsti tekjupóstur sveitar-
innar.
Á sama tíma og lúðrasveitarstarf á
í vök að verjast víða á landinu,
meira að segja á þéttbýlisstöðum,
stærri en í Vestmannaeyjum, er það
gleðileg staðreynd að ekki þarf að
hafa áhyggjur af því hér. Lúðra-
sveit Vestmannaeyja hefur sjaldan
eða aldrei verið stærri og sennilega
aldrei betri en nú. Á laugardaginn
voru 27 í hljómsveitinni úr LV,
studdir af tíu hljóðfæraleikurum
ofan af landi, ýmist gömlunt Eyja-
mönnum eða fólki sem hefur mætt
til leiks á þessum tónleikum um
árabil. Á það fólk miklar þakkir
skilið fyrir tryggð sína við Lúðra-
sveit Vestmannaeyja. Raunar var
því hvíslað að skrifara að ekki
þyrfti mikið að leggja að þessum
aðilum til að koma, í raun væru
þeir að hlakka til allt árið að koma
til Eyja að leika á þessum tón-
leikum.
Einn helsti vaxtarbroddurinn í LV
er sá hópur af ungu fólki sem er í
sveitinni. Bara það atriði að um
þriðjungur hljófæraleikaranna skuli
vera nemendur úr grunnskólanum,
sýnir og sannar að í Vestmanna-
eyjum er það inn að vera í lúðra-
sveit. Þetta er ekki síst að þakka
þróttmiklu starfi Tónlistarskólans á
undanförnum árum.
Frekar í ætt við engla-
tónlist
Skrifari hefur áður sagt frá því að
fyrir einhverjum áratugum hafi
hann farið á tónleika hjá Lúðra-
sveitinni meira af skyldurækni en
áhuga. Kannski var það lagavalið
sem einkenndist hvað mest af
amerískum og þýskum mörsum og
ættjarðarlögum. Ekki mikið um
spennandi verk, I dag er allt annað
uppi á teningnum og skrifari fer
með tilhlökkun í huga á þessa tón-
leika. Efnisvalið hefur breyst,
reyndar eru marsamir enn á sínunt
stað (annað væri ekki hægt) en nú
er efnisskráin borin uppi af verkum
sem bjóða upp á meiri metnað,
krefjast meira af hljóðfæraleikurum
og eru nær okkur í tíma.
Á laugardag voru fjórtán verk á
dagskrá, mest viðamiklar hljóm-
sveitasyrpur sem hljómuðu nokkuð
kunnuglega í eyrum, svo sem tón-
list úr James Bond myndum,
Simpsons og þeirri vinsælu mynd,
Pirates of the Caribbeans. Eftir hlé
var svo fastur liður á dagskrá, lag
eftir Oddgeir Kristjánsson sem og
eitt þjóðhátíðarlag. Og endahnykk-
urinn var svo fjórar syrpur með
tónlist fjögurra þekktra hljómsveita,
Kiss, Abba, Queen og Doors.
Nú rekur skrifara minni til að tón-
list þeirrar fyrstnefndu, Kiss, hafi á
sínum tíma verið bannfærð af sann-
kristnum hvítasunnumönnum og
plötum þeirra varpað á bálkesti.
Það var því nokkur spenna í skrif-
ara þegar þetta verk var leikið í
sjálfri Hvítasunnukirkjunni sem
einu sinni hét Höllin. En það var
nákvæmlega ekkert ókristilegt við
þessa tónlist sem hljómaði frekar í
ætt við englatónlist enda enginn
sem hreyfði mótmælum, hvorki
þessa heims né annars.
Að setja saman nótur
Fyrir nokkrum árum minntist skrif-
ari á að hann gæfi tónleikum eink-
unn eftir því hve oft hann fengi
gæsahúð af hrifningu á þeim.
Góðir tónleikar þyrftu að framkalla
minnst þrjár gæsahúðir. Á laugar-
dag fékk skrifari fimm sinnum
gæsahúð þannig að þetta hefur ver-
ið mjög gott. Það var í upphafs-
verki tónleikanna, Lincoln Legacy,
syrpu af bandarískum þjóðlögum,
Pirates of the Caribbean, í Abba-
syrpunni, Quennsyrpunni og svo í
þjóðhátíðarlaginu frá síðasta sumri
eftir Hreim Heimisson og heitir
Brim og boðaföll.
Hljómsveitarstjórinn, Jarl, sagði
að hann og Sæþór Vídó hefðu sett
saman nótur við lagið sem þýðir
væntanlega að þeir hafi útsett það.
Sú útsetning þótti skrifara einkar
vel gerð og spurning hvort þeir
félagar ættu ekki að gera meira af
því að setja saman nótur, eins og
þeir orða það á sinn hæverska hátt.
Stjómandi sveitarinnar, Jarl Sig-
urgeirsson, er búinn að vera í því
hlutverki í eitt ár og virðist ekki
ætla að verða neinn eftirbátur fyrir-
rennara síns, Stefáns Sigurjóns-
sonar. Sveitin er vel samhæfð og
umfram allt sést að þetta fólk hefur
gaman af þvf sem það er að gera.
Jarl sá um að kynna verkin á
léttum nótum og fórst það vel úr
hendi þótt ekki hafi hann reyndar
náð sama fiugi og Stefáni stundum
tókst, enda hlýtur að taka tíma að
ná slíkum hæðum. Skrifari verður
að viðurkenna að stundum fór hann
á tónleika jafnt til að hlusta á tón-
list og að hlusta á Stefán reyta af
sér gullkorn á sinn áreynslulausa
hátt.
Tónleikar Lúðrasveitar Vest-
mannaeyja eru með fjölsóttari við-
burðum í Vestmannaeyjum. Salur-
inn í Hvítasunnukirkjunni var nær
fullskipaður, bæði uppi og niðri og
líklega um 400 manns sem þar
mættu. Það er góð aðsókn í 4000
manna samfélagi og sýnir að
Eyjamönnum þykir vænt um
lúðrasveitina sína eins og hún líka á
skilið.
Sigurg.
Svipmyndir frá Safnahelgi
GAUI í Gíslholti færði Sigurdísi Hörpu blómvönd þegar hún opnaði stórskemmtilega sýningu sína í anddyri
Safnahússins á laugardaginn.
SNORRI vakti lukku þegar hann
sagði sjómannasögur hjá Þórði
Rafni.
Erpur flutti athyglisverðan fyrirlestur um vöktun fugla í
Náttúrugripasafninu.
FINNUR og Tobba skemmtu sér vel þegar þau hlýddu á Snorra.
Spurning vikunnar:
Hvernig
leggst
kreppan í
bigP
Þóra
Sigurjóns:
-Komin með
ógeð af
krepputali.
Kristín Sólveig
-Bara vel, hef
engar áhyggjur
af þessu.
Guðmundur
Úskar:
-Það veit ég
ekki.
Sara Rós
-Komin með
nóg af
krepputali
Unnið af
Guðnýju og
Rakel í starfs-
kynningu.
Þrettánda
gleði þann 10.
Komin er dagsetning á Þrett-
ándagleði IBV og verður hún
haldin laugardaginn 10. janúar.
Það verður vel til vandað eins
og áður þar sem álfar, tröll og
jólasveinar munu skemmta fólki,
að því er kemur fram á vef Vest-
mannaeyjabæjar, Vestmanna-
eyjar.is.
Sjálfan þrettándann ber næsta
ár upp á þriðjudag en þarna
hefur stjórn IBV, sem hefur veg
og vanda af framkvæmdinni,
orðið við ósk bæjarins og aðila í
ferðaþjónstu um að hafa þrett-
ándagleðina alltaf á laugardegi.
Ástæðan er að brottfluttir sækja
margir þrettándann og vilja að
börnin fái að njóta þess sama og
þeir gerðu í æsku.