Fréttir - Eyjafréttir - 13.11.2008, Blaðsíða 5

Fréttir / Fimmtudagur 13. nóvember 2008
5
IBV-íþróttafélag fer ekki varhluta af kreppunni:
Stærsti styrktaraðilinn hættur
-Gæti bitnað í fótboltanum - Von á framlagi úr Ferðasjóði íþróttafélaga
íþróttastarf landsins fer ekki var-
hluta af ástandinu í þjóðfélaginu um
þessar mundir. Stórfyrirtæki, sem
mörg hver eyddu mörgum millj-
ónum í íþróttastarfið í landinu, halda
flest að sér höndum í dag og mörg
hver hafa neyðst til að segja upp
styrktarsamningum sínum við
íþróttafélögin. ÍBV-íþróttafélag
hefur nú misst stærsta styrktaraðila
sinn, Toyota, en Friðbjöm Ólafur
Valtýsson, framkvæmdastjóri fé-
lagsins segir að þrátt fyrir það sjái
hann fyrir endann á þeim skuldahala
sem félagið dregur á eftir sér.
„Eg neita því auðvitað ekki að það
er verulega slæmt að missa Toyota
út sem aðalstyrktaraðila. Þessi
samningur var mjög mikilvægur
fyrir starf félagsins og mun auðvitað
bitna á starfinu fyrst og fremst en
ekki niðurgreiðslu lána félagsins.
Við erum hins vegar afar þakklát
Toyota fyrir þann stuðning sem
fyrirtækið hefur veitt ÍBV-
íþróttafélagi. Við skiljum stöðuna
og emm vissulega leið yfir þeim
erfiðleikum sem fyrirtækið er í.
IBV-íþróttafélag skuldar í dag um
60 milljónir en vel flestar skuldir eru
langtímaskuldir. IBV hefur staðið í
skilum og ég tel að eftir 5-7 ár, þá
verði þessar skuldir félagsins að
miklu leyti horfnar. Að því gefnu
auðvitað að við gætum áfram
aðhalds en niðurgreiðsla skulda er
ekki einungis greidd með styrkjum
fyrirtækja heldur einnig eftir öðmm
leiðum."
Nú var ráðist í miklar aðhalds-
aðgerðir í handboltadeild félagsins
fyrir þetta tímabil. Liggur þá ekki
beinast við að fœrri styrkir bitni
fyrst og fremst á knattspyrnudeild-
inni?
„Það er auðvitað ekki alfarið aðal-
stjórnar ÍBV eða mín að ákveða
hvaða leiðir verði famar. Aðstæður
í sumar gerðu það að verkum að
knattspymudeildin var rekin með
talsverðu tapi en það er hins vegar
ekki eingöngu við knattspyrnuráð
að sakast. Strax í sumar fóru stuðn-
ingsaðilar félagsins að draga saman
Úr leik ÍBV og Selfoss frá í haust. Verulega hefur verið skorið niður og eru engir leikmenn á launum í hand-
boltanum, hvorki karla eða kvenna
seglin og niðurstaðan er því þessi.
Ég sé ekki hvemig hægt verður að
reka knattspyrnudeildina án þess að
taka upp leikmannasamninga og
semja upp á nýtt. Skarðið, sem
stærsti stuðningsaðilinn skilur eftir
sig, er einfaldlega of stórt og svo
bætist við tap síðasta sumars.
Það er hins vegar mjög jákvætt að
við skárum verulega niður útgjöld
handboltadeildar fyrir þennan vetur,
losuðum okkur við mjög færan
þjálfara sem einfaldlega var of dýr
og sömuleiðis var ákveðið að vera
ekki með erlenda leikmenn. Þegar
farið var í þessar framkvæmdir var
evran í 90 krónum og okkur fannst
það blóðugt þannig að við þökkum
fyrir í dag að hafa farið í þessar
aðgerðir.“
Hvað með aðra styrktaraðila, hafa
fleiri helst úr lestinni?
„Sem betur fer erum við með
marga öfluga styrktaraðila. Öl-
gerðin, Sparisjóðurinn, Sjóvá og
TM ásamt fleirum hafa stutt félagið
mjög myndarlega síðustu ár og mér
heyrist þeir bera sig vel. Við erum
að vinna í því að endurnýja
samninga við Vinnslustöð og
ísfélag, sem renna út um áramót og
vonandi gengur það eftir. Við
vorum með samning við Glitni og
þeir hafa staðið við sínar skuld-
bindingar það sem af er árs en
auðvitað er erfitt að ráða í stöðuna
gagnvart þeim eins og er. Þar á bæ
eins og víða annars staðar, eigum
við fólk sem leggur mikinn metnað í
stuðning við félagið. Ekki má
gleyma okkar stærsta stuðnings-
aðila, Vestmannaeyjabæ. Margir
halda því fram, að bæjarlelagið
styðji ekki nægjanlega við bakið á
íþróttahreyfingunni, ég vísa því til
föðurhúsanna. Auðvitað viljum við
meira, það er stöðugt verið að vinna
í því. Við erunt hins vegar ekki ein
í heiminum, og getum verið sátt við
framlag Vestmannaeyjabæjar og
ekki öll félög sem fá viðlíka stuðn-
ing,“ sagði Friðbjörn og benti einnig
á að von væri á auknu fjármagni úr
ferðasjóði íþróttafélaga.
Margir vilja smíða fjölnota knattspyrnuhús:
Steini og Olli ehf. með
lægsta aðaltilboðið
-Smíðandi er lægstur en tilboðið er frávikstilboð
Húsið sem Fashion Group/Nova Buildings býður upp á. Á neðri
teikningu sést vel afstaðan miðað við Týsheimilið.
Steini og Olli ehf. voru með með
lægsta aðaltilboðið í smíði á nýju
fjölnota íþróttahúsi sem bærinn
ætlar að reisa á næsta ári. Smíðandi
ehf. var aftur á móti með lægsta
tilboðið í smíðina en tilboðin voru
opnuð á þriðjudaginn.
Smíðandi skilaði inn tveimur
tilboðum, öðru upp á rúmar 373
milljónir sem er nánast eins og
kostnaðaráætlun en hitt tilboð fyrir-
tækisins hljóðaði upp á 340 millj-
ónir, sem er 91,1% af kostnaðar-
áætlun sem var 373.230.000 kr.
Hæsta tilboðið átti Fashion
Group/Nova Buildings, 476 millj-
ónir rúmar en tvö önnur tilboð voru
á svipuðu reki. Alls bárust fimmtán
tilboð í verkið en nú verður farið í
að meta tilboðin þar sem um mis-
munandi útfærslur er að ræða.
Tilboðin má sjá hér að neðan.
Fashion Group/Nova Buildings
476.447.426 kr. 127,66%
Smíðandi ehf. 373.057.731 kr.
99,95%
Tilboð III 340.000.000 kr. 91.10%
ístak hf. 446.470.397 kr. 119,62%
Tilboð II 472.762.648 kr. 126,67%
Steini og Olli ehf. 347.004.338 kr.
92,97%
Tilboð II 363.052.340 kr. 97,27%
Tilboð III 356.068.869 kr. 95,40%
Tilboð IV 355.522.414 kr. 95,26%
SS Verktakar 474.066.000 kr.
127,02%
Húsbygg ehf 447.631.262 kr.
119,93%
Framkvæmd ehf. 420.755.000 kr.
112,73%
Ris ehf. 399.957.500 kr. 107,16%
Al-verk ehf 394.936.844 kr.
105,82%
Tilboð II 419.844.444 kr. 112,49%
Godthaab í Nöf býður heimsendingu á fiski
Bæjarbúum býðst nú kaupa fisk af Godhaab, hvort sem er í áskrift
eða eftir pöntun á netinu. Fiskurinn er sendur heim kaupendum að
kostnaðarlausu. I boði er ýsa, í roði eða roðlaus og beinlaus, reykt ýsa,
harðfiskur og saltfiskur. Eins og fyrr segir geta kaupendur keypt fisk í
áskrift eða pantað eftir þörfum á netinu. Fiskurinn er keyrður út
seinni part mánudags og kaupendur greiða við afhendingu.