Fréttir - Eyjafréttir - 13.11.2008, Blaðsíða 6

6
Fréttir / Fimmtudagur 13. nóvember 2008
Ingólfsstofa opnuð á Bókasafninu á sunnudaginn kemur:
Bókasafn Ingólfs á Odds-
stöðum eitt dýrmætasta
bókasafn landsins í einkaeign
Á sunnudaginn verður Ingólfsstofa
á bókasafninu, tileinkuð Ingólfi
Guðjónssyni frá Oddsstöðum.
Hann var ástríðufullur bókasafnari
og lét eftir sig mikið og dýrmætt
bókasafn sem hann ánafnaði
Vestmannaeyjabæ eftir dauða sinn.
Nú fær safn Ingólfs verðugan sess
á Bókasafni Vestmannaeyja og
verður Ingólfsstofa formlega opnuð
nú á sunnudaginn, 16. nóvember en
þá verða tíu ár frá því Ingólfur lést.
Kári Bjamason, forstöðumaður
Bókasafnsins og Guðjón Hjörleifs-
son, fyrrum bæjarstjóri og ættingi
Ingólfs, hafa haft veg og vanda af
undirbúningi. Kári sagði safn
Ingólfs mjög dýrmætt, það hefðu
Ari Gísli Bragason og Valdimar
Tómasson, sem hér verðmátu
bækur um síðustu helgi, staðfest.
Sögðu þeir safnið eitt dýrmætasta
bókasafn í einkaeigu sem þeir
hefðu séð.
Æviágrip
Ingólfur Guðjónsson var fæddur 7.
febrúar 1917 og lést 16. nóvember
1998. Foreldrar hans voru Guðjón
Jónsson frá Oddsstöðum og
Guðrún Grímsdóttir. Ingólfur var
elstur fjögurra alsystkina. Frá fyrra
hjónabandi föður hans átti hann tólf
hálfsystkini. Auk þess átti hann tvö
uppeldissystkini, Hjörleif Guðna-
son og Jónu Pétursdóttur. Ingólfur
bjó með móður sinni til æviloka
hennar en hún lést árið 1981. Fyrst
bjuggu þau á Oddsstöðum en í
kringum 1970 byggði Ingólfur nýtt
hús í norðanverðu Oddsstaðatúninu.
Það hús fór undir hraun. I miðju
gosinu keypti hann þeim húsið að
Hásteinsvegi 62 og fluttu þau heim
strax að lokinni yftrlýsingu um
goslok. Auk þess reisti hann bú-
stað, nýja Oddsstaði, í Ofanleitis-
hrauni.
Eftir barnaskólanám lauk Ingólfur
námi við Gagnfræðaskólann í
Vestmannaeyjum. Að því loknu hóf
hann prentnám í Prentsmiðjunni
Eyrúnu í Eyjum árið 1935. Hann
lærði hjá Þorvaldi Kolbeins og
starfaði þar um árabil. Síðan fluttist
hann til Reykjavíkur og vann sem
setjari við Prentsmiðju Þjóðviljans
allt til ársins 1960. Þá fluttist hann
aftur til Vestmannaeyja og hóf
fljótlega störf í Utvegsbanka
Islands, síðar íslandsbanka, og
vann þar til ársins 1987. Frá árinu
1989 dvaldist hann í Hraunbúðum,
dvalarheimili aldraðra.
Ingólfur gerðist félagi í Akóges
1943 og var heiðursfélagi þess frá
árinu 1986. Hann sat oft í stjórn
félagsins.
INGÓLFUR hafði mikið gaman
af bókum, eins og atvinna hans
gefur til kynna. Hann safnaði
bókum og átti gott safn bóka.
Ekki var það einungis eign
bókanna sem hreif hann, heldur
einnig lestur þeirra.
Velheppnuð æfing á Bakkaflugvelli
Flugslysaæftng fór fram á Bakka-
flugvelli um síðustu helgi en
Bakkaflugvöllur hefur verið einn af
umferðarmestu flugvöllum landsins
undanfarin ár. í frétt frá Flugstoðum
segir að um 90 manns hafí tekið þátt
í æftngunni.
Undirbúningur og framkvæmd
hennar var að mestu í höndum
heimamanna en tilgangurinn með
æfingunni er að þjálfa fólk á
svæðinu í því að takast á við að-
stæður sem upp koma við raunveru-
legt flugslys eða annars konar hóp-
slys.
Heimamenn sem komu að æftng-
unni voru áhugasamir og jákvæðir
og bjuggu þeir sem eru í viðbragðs-
liði yfir bæði starfsreynslu og getu
til að takast á við vandamál sem geta
komið upp þegar hópslys verður.
Undirbúningur fyrir æftnguna hafði
staðið mánuðum saman enda koma
margir að henni og má þar nefna
Landspítalu háskólasjúkrahús, lög-
regluna í Reykjavík, Landhelgis-
gæsluna, Rannsóknarnefnd flug-
slysa, Rauða Kross Islands, Ríkis-
lögreglustjóra, Slysavarnafélagið
Landsbjörg, Slökkvilið Akureyrar
og Slökkvilið höfuðborgarsvæð-
isins. Flugstoðir höfðu yfirumsjón
með æftngunni.
Ingibergur Einarsson, flugvallar-
stjóri á Vestmannaeyjaflugvelli,
sagði að æftngin hefði heppnast
mjög vel. Miklu skipti að mun
stærri og öflugri slökkviliðsbíll væri
nú kominn í notkun á Bakka-
flugvelli. „Það var mikið af hæfu
fólki sem kom að æfingunni og
greinilegt að það kunni vel til verka.
Fólk sem lék slasaða sýndi mikla
leikhæftleika og tók hlutverk sín
mjög alvarlega. Einn hinna slösuðu
var spurður hvort búið væri að
lækna hann. -Nei ég er dauður, var
svarið," sagði Ingibergur og var
ánægður með hvernig til tókst enda
haft æfingin gengið vel í alla staði..
Fólk sem lék slasaða sýndi mikla
leikhæftleika og tók hlutverk sín
mjög alvarlega.
Jólakortasala, Ægis
íþróttafélags fatlaðra:
Hanna
sín eigin
jólakort
I tilefni 20 ára afmælis hjá Ægi,
íþróttafélagi fatlaðra, ákvað fé-
lagið að hanna sitt eigið jólakort í
ár.
Sigurjón Lýðsson kom með
þessa frábæru hugmynd og var í
framhaldinu ákveðið að hrinda
henni í framkvæmd. Eldri
hópurinn teiknaði myndir en við
fengum Bjartey Gylfadóttur til
liðs við okkur fyrir yngri hópinn í
sérdeildinni og kom hún með
frábæra útfærslu af kortum fyrir
þau að vinna með.
Ut úr þessari vinnu komu þessi
líka fallegu og skemmtilegu
jólakort og ákváðum við að
notast við fjórar týpur til prent-
unar. Við munum að sjálfsögðu
líka selja kortin sem við höfum
áður verið að selja, frá íþrótta-
sambandi fatlaðra.
Kortunum verður pakkað
fímmtudaginn 13. nóvember og
megið þið búast við okkar sölu-
fólki íbeinu framhaldi. Jólakorta-
salan er ein stærsta fjáröflunar-
leið félagsins og hefur haft mikið
að segja fyrir þau mót sem félag-
ið hefur tekið þátt í. Við þökkum
kærlega fyrir veittan stuðning og
velvild í gegnum árin.
Kœr kveðja, íþróttafélagið Ægir
Sjávarútvegsráðherra bregst við tillögum útgerðar:
Geymsluréttur aflamarks úr 20% í 33%
Ómakleg athugasemd:
Gísla Valur fyrirmynd
I bæjarráði á föstudaginn lágu fyrir umsagnir
um endurnýjun umsókna
vegna rekstrarleyfa fyrir
gistiskálann Sunnuhól,
gistiskálann Hótel Mömmu
og fyrir Hótel Hamar.
Bæjarráð samþykkti erindin en þau eru háð
ríkri kröfu um frágang og snyrtimennsku og
áskilur bæjarráð sér rétt til að láta þrífa
umhverfi samkomustaðarins á kostnað
skemmtanahaldara ef þörf krefur.
Skrýtin athugasemd því þetta eru gististaðir
en ekki skemmtistaðir og umgengni í
kringum rekstur Gísla Vals Einarssonar, sem á
og rekur Sunnuhól, Hótel Mömmu og Hótel
Þórshamar, hefur verið til fyrirmyndar.
Fyrsta umræða um frumvarp Einars K.
Guðfmnssonar, sjávarútvegs- og landbúnaðar-
ráðherra, til laga um breytingar á lögum um
stjórn fiskveiða fer fram á Alþingi í dag.
Breytingarfrumvarpið felur í sér að heimilt
verður að flytja 33% aflamarks í botnfiski
milli fiskveiðiára í stað 20%.
Gangi frumvarpið eftir verður heimilt að
veiða 5% umfram aflamark í humri á einu
fiskveiðiári sem dregst frá heimildum næsta
árs á eftir. I greinargerð með frumvarpinu segir
m.a: „I núgildandi ákvæði er heimilt að geyma
þannig milli ára 20% af botnfiskheimildum en
hér er lagt til að sú heimild verði aukin í 33%
eins og áður segir.“
I greinargerð með frumvarpinu segir einnig.
„Beiðni um slíka breytingu hefur borist frá
útgerðarmönnum smærri og stærri skipa sem
m.a. hafa bent á að heppilegt gæti verið að
nýta slíka heimild í ýsu þar sem líklegt megi
telja að leyfilegur ýsuafli dragist saman á
næsta ári. Gæti það komið sér vel að geyma
meira frá þessu fiskveiðiári til þess næsta. Hið
sama gildir um aðrar tegundir. Eru vandfundin
rök sem mæla gegn þessari breytingu."
Sjávarútvegur:
Meiri botnfiskur
Heildarbotnfiskafli íslendinga í október varð
9,3% meiri en í október
2007. Alls var veiðin
rúmlega 41.000 t en var
tæp 38.000 t í sama
mánuði 2007.
Heildaraflinn í nýliðn-
um mánuði var hins
vegar 6,9% minni en í október 2007.
í ár veiddust alls 91.408 t í október en 98.132
í sama mánuði 2007.
Samdráttur í afla liggur m.a. í því að veiðar
íslensku sumargotssíldarinnar fóru hægar af
stað í ár en í fyrra. Einnig veiddist minna af
norsk-íslensku síldinni en í október 2007.
Uppsjávarafli var líka mun minni.