Fréttir - Eyjafréttir - 29.10.2009, Blaðsíða 9

Fréttir / Fimmtudagur 29. október 2009
9
lístöðu Eyjamanna til þess að stjórn lögreglunnar verði aflögð hér og flutt á Selfoss:
parnað af þessum hugmyndum
íkið og það á tímum sparnaðar, segir í mótmælum bæjarstjórnar sem segir emb-
fræðilega sérstöðu Eyjanna - Ein af lykilstöðum samfélagsins þegar vá steðjar að
Reynir mikið á þingmenn okkar Eyjamanna
-Hafa betra aðgengi að löggjafarvaldinu en við bæjarfulltrúarnir, segir Elliði bæjarstjóri
GLAÐBEITTIR, Elliði og Arni: -Við hjá Vestmannaeyjabæ munum náttúrulega fylgja
þessu áfram og hvergi gefa neitt eftir í hagsmunabaráttunni, sagði Elliði.
Elliði Vignisson, bæjarstjóri var spurður út í
fundinn sem dómsmálaráðherra, aðstoðar-
maður hennar og skrifstofustjóri dómsmála-
ráðuneytisins sátu með bæjarstjórn Vest-
mannaeyja.
„Fundurinn með ráðherra var ágætur og
ástæða til að þakka Árna Johnsen sérstaklega
fyrir frumkvæðið. Við fórum yfir þessi mál
og gerðum grein fyrir afstöðu okkar sem
kjörin erum til að gæta hagsmuna sveitar-
félagsins. Við lögðum mikla áherslu á að
útskýra landfræðilega sérstöðu Vestmanna-
eyja svo sem þá staðreynd að hér koma oft
válynd veður og stórsjór sem einangra sam-
félagið sólarhringum saman. Von okkar er sú
að þeim sem þekki til staðhátta detti vart í
hug að lögreglumenn fari milli lands og Eyja
í vinnu sinni eða að yfirmaður þeirra geti
verið staðsettur á stað sem getur tekið tíma
að ferðast til. Við gerðum líka athugasemdir
við að ekki skuli hafa verið lögð fram nein
gögn sem sýni fram á spamað af þessum
tillögum," sagði Elliði.
Telur þú líklegt aðfallið verði frá hugmynd-
um um að fœra lögreglustjóraembœttið frá
Eyjum?
„Seinast í morgun ræddi ég við Hauk Guð-
mundsson skrifstofustjóra í dómsmálaráðu-
neytinu og hann staðfesti við mig að í raun
hefði ekki verið fallið frá neinu heldur á ein-
ungis að gefa sér lengri tíma í þær breytingar
sem ræddar hafa verið. Ekki hefur verið tekin
ákvörðun um að falla frá neinum fyrri hug-
mynda.
Það er líka hollt að rifja upp að fyrir
nokkrum mánuðum áttum við bæjarfulltrúar
sambærilegan fund með Ögmundi Jónassyni
um Heilbrigðisstofnun Vestmannaeyja. Þar
lýsti ráðherra skilningi sínum og einlægum
vilja til að ekkert yrði gert nema í sátt við
heimamenn. Við bæjarfulltrúar stóðum upp
af þeim fundi jákvæðir og þakklátir. Nokkr-
um dögum seinna var skurðstofunni lokað.
Ég veit ekki hvort þetta verður eins núna.
Okkar von er náttúrulega sú að fundurinn hafi
aukið skilning ráðherra og ráðgjafa hennar á
því að staða lögreglustjóra í Vestmannaeyjum
er ein af lykilstöðum samfélagsins þegar vá
steðjar að. Það skiptir náttúrulega miklu að
lögreglustjóri er jafnframt yfirmaður al-
mannavarna. Hann stýrir öllum aðgerðum og
undirbúningi allra öryggismála fyrir
þjóðhátíð, goslokahátíð, þrettándagleði,
Shellmót og fleira. Hann er ábyrgur fyrir
samstarfi allra þeirra aðila sem veita
bráðaaðstoð í margs konar vá allt frá eldgosi
yfir til heimsfaraldurs inflúensu.
Lögreglustjóri fer með ákæruvaldið og hann
stýrir löggæslu í einangruðu nærsamfélagi.
Það er algerlega fráleitt að allt þetta og meira
til sé mögulegt að gera á markvissan máta af
embættismanni á fastalandinu sem ekki
tengist samfélaginu og hefur ekki þekkingu á
staðháttum."
Hver verða nœstu skref?
„Við hjá Vestmannaeyjabæ munum náttúru-
lega fylgja þessu áfram og hvergi gefa neitt
eftir í hagsmunabaráttunni. Það er ástæða til
að hrósa embættismönnum í ráðuneytinu fyrir
viljann til að miðla til okkar upplýsingum en
það er ekki nóg. Ég held að í þessu máli og
mörgum fleiri reyni mikið á þingmenn okkar
Eyjamanna þar sem aðgengi þeirra að lög-
gjafarvaldinu er ólíkt meira heldur en okkar
bæjarfulltrúa."
Öll ákvarðanataka sem skiptir máli flyst í burtu
-segir Karl Gauti sýslumaður um tillögurnar - Allur undirbúningur þjóðhátíðar íjarstýrður
„Ég er ánægður með að ráðherra
kom til að ræða við okkur og það
er stórkostlegt að fá tækifæri til
að ræða við hana milliliðalaust.
Þetta er fyrsti dómsmálaráðherr-
ann sem hefur komið hingað
gagngert til að ræða málefni
lögreglu og skrifstofunnar í öll
þau tólf ár sem ég hef verið hér,“
sagði Karl Gauti Hjaltason,
sýslumaður um heimsókn
ráðherrans.
„Við áttum fund með nokkrum
starfsmönnum embættisins í tvo
tíma og fórum yfir þessar hug-
myndir um fækkun lögreglu- og
sýslumannsembætta. Ég skýrði
mín sjónarmið og ráðherra fór
yfir hvað lægi til grundvallar
þessum áformum. Ég tók það
fram við hana í lok fundar að
það væri langt í frá að ég væri
búinn að úttala mig um þessi mál
og bauð fram mína hjálp við að
ná fram sparnaði í kerfinu. Ég er
að því leytinu ánægður með
KARL GAUTI: Ef þarf að spara verða þær ákvarðanir teknar uppi á
landi og þá er næsta auðvelt að draga saman seglin hér þar sem við
verðum á jaðarsvæði.
fundinn að umræður voru opin-
skáar, en hvað kemur út úr þessu
veit ég ekki,“ sagði Karl Gauti og
var í framhaldinu spurður út í
hvað það virkilega þýddi fyrir
embættið hér ef stjórn
lögreglumála færist frá Eyjum?
„I stuttu máli þýðir þetta að öll
ákvarðanataka um lögreglumál,
sem skiptir einhverju máli, flyst í
burtu frá Eyjum, t.d. hvað
varðar að ráða og reka starfs-
menn, hvaða áherslur skal leggja
í löggæslumálum í Eyjum, t.d.
öllum undirbúningi fyrir þjóð-
hátíð verður fjarstýrt ofan af
landi.
Ef þarf að spara verða þær
ákvarðanir teknar uppi á landi
og þá er næsta auðvelt að draga
saman seglin hér þar sem við
verðum á jaðarsvæði. Þá má líka
nefna stjórn almannavarna sem
er auðvitað ein af grunnstoð-
unum hér á svona afskekktu
svæði og mikilvægt að allir
taumar í sambandi við almanna-
varnir verði hér í bænum en ekki
yfir sjó og land. Ég hef einnig
talið það mjög mikilvægt að
bæjarbúar hafi aðgang að yfir-
manni lögreglunnar hér á
staðnum, ef lögreglustjóri er
staðsettur uppi á landi lengir það
allar boðleiðir og kerfið verður
þyngra í vöfum.“
Eftir fundinn fóru þau og hittu
alla bæjarfulltrúana og áttu fund
með þeim. „Þar kom m.a. fram
að öll yfirstjórn lögreglu er
staðsett í Reykjavík, ráðherra er
æðsti yfirmaður lögreglu og þar
fyrir neðan kemur ríkislögreglu-
stjóri sem fer með stjórn lögreglu
í umboði ráðherra og í þriðja lagi
eru lögreglustjórarnir sem eru
staðsettir vítt og breitt um landið.
Nú á sem sagt að færa þá til
Reykjavíkur Iíka eða a.m.k. í
seilingarfjarlægð,“ sagði Karl
Gauti að lokum.
Eyjakvöld á Kaffi Kró einn fímmtudag
Hópur tónlistarfólks hefur
ákveðið að efna til Eyjakvölda á
Kaffi Kró fyrsta fimmtudag í
mánuði í vetur og byrja 5.
nóvember nk. Tónlistarmennirnir
sem ætla að gera þessa tilraun
vilja ekki að upplýst verði strax
hverjir þeir eru en eru sann-
færðir um að grundvöllur sé
fyrir tónlistarkvöldum þar sem
lögð verður áhersla á Eyjalögin.
Það sé fjársjóður sem þurfi að
rækta og koma til skila milli
kynslóða.
„Ég er búinn að ganga með
þessa hugmynd í nokkurn tíma
og hafði Kaffi Kró í huga frá
upphafi. Þegar ég ræddi þetta við
Simma (Sigurmund Einarsson)
var hann strax til í slaginn.
Staðurinn hentar mjög vel fyrir
tónleika af minni gerðinni og
býður upp á skemmtilega
stemmningu.“
Hugmyndin er að fjórmenn-
ingarnir fái til sín annað listafólk
til að flytja með sér Eyjalögin og
eru allir velkomnir. „Þetta gæti
orðið skemmtileg tilbreyting fyrir
fólk að kikja við hjá okkur. Það
í mánuði
kostar 500 krónur inn sem ætti
að koma sér vel þegar fólk þarf
að horfa meira í aurinn en áður.
Þetta gerum við til að fá sem
flesta til okkar og syngja með.
Þessi lög eru það stór hluti af
tilveru og lífi okkar Eyjamanna
að þau eiga það skilið að vera á
dagskránni allt árið um kring.
Og fyrir gesti er nauðsynlegt að
sjá að við getum tekið lagið oftar
en á þjóðhátíð,“ voru lokaorð
forsprakkans sem í næstu viku
ætlar að opinbera hópinn.