Fréttir - Eyjafréttir - 29.10.2009, Blaðsíða 14

14
Fréttir / Fimmtudagur 29. október 2009
Ráðgjafi Starfsorku verður með opið hús 13. og 16. nóvember:
Brotthvarf af vinnumarkaði getur haft
mjög neikvæð áhrif á líf fólks og lífsgæði
Frá stofnfundi Starfsorku í Vestmannaeyjuni fyrr á þessu ári.
Þegar sjúkdómar, slys eða önnur
áföll henda getur farið svo að hæfni
minnkar og fólk þarf að endur-
skoða getu sína á ýmsum sviðum.
Ymislegt sem áður var auðvelt og
jafnvel sjálfsagt getur nú verið
óyfirstíganlegt. Til þess að ná sömu
eða sambærilegri færni á ný er
endurhæfing mikilvæg, en það ferli
miðar að því að gera einstaklinginn
aftur hæfan til þátttöku í þeim
athöfnum sem hæfni hans skertist
til. 1 endurhæfmgunni er mikilvægt
að endurskoða og endurmeta þær
aðferðir sem hann hefur áður beitt
við að leysa verkefnið. Hér í Eyjum
hafa verið fremur fá úrræði til handa
þeim sem hafa orðið óvinnufærir.
Starfsendurhæfmg Vestmannaeyja,
Starfsorka, tók til starfa í byrjun
ágúst sl. og er starfsemin til húsa að
Miðstræti 11, á skrifstofunni á móti
Drífanda og var Hrefna Óskars-
dóttir, iðjuþjálfi ráðin sem ráðgjafi.
Starfsorka er sjálfseignarstofnun og
hefur það að markmiði að veita ein-
staklingum aðstoð við að viðhalda
og efla virkni til vinnu og auka
þannig lífsgæði þeirra og fjölskyld-
na þeirra. Starfsorka var stofnuð í
janúar 2009 en stofnendur eru félög,
stofnanir og fyrirtæki nær öll í
Vestmannaeyjum. Frá miðju ári
2008 hefur verið starfandi starfs-
hópur sem vann að stofnun starfs-
endurhæfingar í Vestmannaeyjum.
Að hópnum komu fulltrúar helstu
hagsmunaaðila: Lífeyrissjóður
Vestmannaeyja, Viska, fræðslu- og
símenntunarmiðstöð, Vestmanna-
eyjabær, Heilbrigðisstofnunin Vest-
mannaeyjum auk fulltrúa stéttar-
félaga og atvinnulífsins í Vest-
mannaeyjum. Stjórn Starfsorku er
nú skipuð þessum aðilum.
Ljóst er að brotthvarf af vinnu-
markaði getur haft mjög neikvæð
áhrif á líf fólks og lífsgæði. Afar
mikilvægt er að mögulegt sé að
grípa fljótt inn í ferlið með starfs-
endurhæfingu, þannig að viðkom-
andi verði ekki að öryrkja fyrir lífs-
tíð vegna þess að úrræði til endur-
hæfmgar skorti. Slfkt er bæði ein-
staklingum og samfélaginu dýr-
keypt. Til að snúa þessari þróun við,
er nú vaxandi áhersla lögð á að efla
fólk og styrkja með starfsendurhæf-
ingu, þar sem unnið verði markvisst
að endurhæfingu þeirra sem hafa
fallið af vinnumarkaði vegna veik-
inda, slysa, eða eru með skerta starf-
sgetu. Markmiðið er að þátttak-
endur fari á vinnumarkað að lokinni
endurhæfingu. Hugmyndafræði
Starfsorku byggir á heildrænni sýn
og því viðhorfi að það sé jákvæðari
nálgun að leggja áherslu á það sem
einstaklingurinn getur gert þrátt
fyrir sjúkdóma eða fötlun, í stað
þess að einblína á það sem einstak-
lingurinn getur ekki gert. Þetta
speglast í því að starfsendurhæfm-
gin byggir á styrkleika viðkomandi
einstaklings og tryggir að þátttak-
endur njóti samhæfðrar þjónustu
allra þeirra aðila sem að endur-
hæfingunni koma.
Starfsorka vinnur f nánu samstarfi
við Virk, starfsendurhæfmgarsjóð,
en hlutverk Sjóðsins er m.a. að
draga markvisst úr líkum á því að
launafólk hverfi af vinnumarkaði.
Það er m.a. gert með því að koma að
málum eins snemma og kostur er til
að stuðla að því að hver einslakling-
ur verði eins virkur á vinnumarkaði
og vinnugeta hans leyfir. Sjóðurinn
hefur m.a. það verkefni að greiða
kostnað við ýmiss úrræði og
endurhæfmgu, sem ekki er veitt af
almennri heilbrigðisþjónustu í land-
inu. Þetta er gert til að auka vinnu-
getu fólks. Hugmynd Starfsendur-
hæfingarsjóðs er að vinna með
atvinnulífinu, virkja trúnaðarmenn í
fyrirtækjum og vinna með stjórn-
endum í að benda fólki á að leita til
ráðgjafa um leið og það sér fram á
að vera fjarverandi um einhvern
tíma frá vinnu. Því fyrr sem aðstoð-
in berst, þeim mun minni líkur eru á
því að einstaklingar lendi í lang-
varandi fjarvistum frá vinnu.
Markhópur Starfsorku eru nú ein-
staklingar sem eru á sjúkrasjóðum
stéttarfélagana, þeir sem eru í hættu
á að detta út af vinnumarkaði vegna
veikinda, slyss eða annarra áfalla.
Fljótlega á næsta ári verður einnig
horft til einstaklinga á örorkulífeyri
eða endurhæfingarlífeyri.
Brotthvarf af vinnumarkaði getur
haft mjög neikvæð áhrif á líf fólks
og er mikilvægt að mögulegt sé að
grípa fljótt inn í ferlið með starfs-
endurhæfingu. Markmið Starfsorku
er m.a. að endurhæfa þátttakendur
til þátttöku á vinnumarkaði og verði
þar með virkir þegnar í samfélaginu
á ný, slíkt er gert í samstarfi við
hagsmunaaðila. I upphafi er
kannaður áhugi, geta, menntun og
starfsreynsla, ásamt því að skoða
færniskerðinguna, þ.e. að skoða tak-
markanir og tækifæri. Endur-
hæfingin felur í sér áherslu á ein-
staklingsbundin úrræði sem miðast
að því, að efla fólk til sjálfshjálpar
eftir þörfum hvers og eins, meðal
annars með menntun og fræðslu,
fjármálaráðgjöf, sálfræðistuðningi,
líkamsþjálfun o.fl. Andleg og
líkamleg færni er metin og
endurhæfmg skipulögð og meðferð
veitt ef á þarf að halda. Þjónustan
mun einnig fela í sér að undirbúa
einstaklinginn fyrir vinnu, greina
atvinnutækifæri hans, aðstoða hann
við atvinnuleit og gerð atvinnu-
umsókna og tímabundinn stuðning á
vinnustað ef með þarf.
Markmið Starfsorku og framtíðar-
sýn er að þátttakendur öðlist það
öryggi og þá hæfni sem þeir þurfa til
að vera virkir þegnar í samfélaginu á
ný. Starfsorka stefnir að því að vera
hornsteinn í samstarfi við hags-
munaaðila um starfsendurhæfingu í
Vestmannaeyjum. Við horfum
björtum augum til framtíðar.
Ráðgjafi Starfsorku verður með
opið hús að Miðstræti 11, dagana
föstudaginn 13. nóvember og
mánudaginn 16. nóvember þar sem
hún kemur til með að svara fyrir-
spurnum og kynna starfsemina.
Umsóknareyðublöð, tilvísanir og
nánari upplýsingar er að finna á
heimasíðu stofnunarinnar:
www.starfsorka.is. Einnig er hægt
að senda fyrirspumir á netfangið
starfsorka@internet.is og í síma 534
3965.
Hrefna Oskarsdóttir,
iðjuþjálfi og ráðgjafi Starfsorku
1. fleilfl kvenna í handbolta
ÍBV - Þróttur
á laugardag kl. 13.30
STAFRÆN
PRENTUN
Boðskort - Veggspjöld
Nafnspjöld - Ársskýrslur
Sönghefti - Félagaskrár
og hvað sem þig vantar prentað.
Stafræn prentun hentar mjög vel í allt
sem þarf að prenta í minni upplögum eða
þarf skjóta og örugga afgreiðslu.
Leitaðu tilboða hjá okkur og fáðu
hugmyndir og ráðgjöf.
FYJASÝIXI
EVJAPRENT • FRÉTTIR • FJÖLSÝN • eyjafréttir.is
Strandvegi 47 | s. 481-1300