Fréttir - Eyjafréttir - 17.12.2009, Page 37

Frcttir / Fimmtudagur 17. desember 2009
37
búið til, til að klekkja á okkur. Ég
man að þeir rétt mörðu okkur. En
þetta var skemmtilegur hópur og
skemmtilegur tími enda voru engar
tölvur eða neitt slíkt að trufla mann
við íþróttimar. Reyndar fór það að
lokum svo að ég hætti í fótbolta ári
síðar. Ég man nú ekki af hverju ég
hætti en eigum við ekki að segja að
ég sé einn fárra sem hafi náð því að
hætta á toppnum, svona áður en ég
fór að dala,“ sagði Pétur.
Pétur segir að hópurinn hafi verið
þéttur. „Ef við vorum ekki saman í
fótbolta, þá vorum við með Bóa á
sendibflnum, sem er einmitt með á
myndinni. Ég man að árið eftir
spiluðum við til úrslita um
íslandsmeistaratitilinn en töpuðum
fyrir Val. Þá vorum við bara fjórir
sem voru úr liðinu frá 1970, ég,
Kalli Sveins, Lási og Bjössi
Svavars. En á þessum tíma var
mikið um efnilega fótboltamenn í
yngri flokkunum hjá IBV enda var
1970 ótrúlegt ár í sögu félagsins,
allir flokkar íslandsmeistarar nema
meistaraflokkur."
Árangurinn Rudolf að
þakka
Varamarkvörður liðsins var Jóhann
Jónsson í Laufási en Jói segir að
hópurinn hafi verið þéttur og góður.
„í minningunni er þessi góði árang-
ur 1970 fyrst og fremst hinum tékk-
neska Rudolf að þakka. Hann kom
hingað 1966 og ég man að ef maður
fór upp á malarvöll með bolta að
leika sér, þá var hann kominn stuttu
síðar að segja manni til. Hann var
vakinn og sofinn yfír þessu og kom
með miklar og góðar breytingar.
Hann kom með nýjar áherslur og
nýjar ælingar og hafði mikil áhrif á
okkur ungu strákana. Síðar þegar
við komumst til vits og ára, þá lang-
aði okkur að búa til svipað umhverfi
og við fengum hinn pólska Gregor
til að koma hingað. Hann var með
svipaðar áherslur og hafði mikil
áhrif.
En þetta var breiður hópur enda
stór árgangur en ég man vel hvað
samstaðan var mikil innan hópsins.
Ég og Hebbi vorum markverðir,
Hebbi spilaði meira þetta sumarið
en ég fékk svo að spila meira það
næsta. Þetta var í raun og veru
þannig að hópurinn var svo stór að
maður var bara ánægður að vera í 16
manna hópi, hvað þá í byrjunar-
liðinu."
Hvenœr hœttirðu svo að spila?
„1975 meiddist ég illa og var hættur
en var kallaður til að aðstoða Palla
Pálma 1977 í meistaraflokki. Ég var
með í einhverja þrjá leiki en hætti
svo. Ég hafði áhugann en var
kannski ekki nógu burðugur,“ sagði
Jói að lokum.
Hætti á toppnum
Tómas Jóhannesson varð líka
Islandsmeistari með liðinu en hann,
eins og Pétur, hætti í fótbolta
skömmu síðar. „Hætti á toppnum
eins og menn segja,“ sagði Tómas
þegar blaðamaður heyrði í honum
hljóðið. „Annars var þetta svakalegt
lið, við vorum langbestir á landinu,
svo einfalt er það. Ég held að við
höfum bara tapað einum leik og það
var á móti úrvalsliði Faxaflóa í úr-
slitaleik íþróttahátíðar ISI í
Reykjavik. En það var mikill upp-
gangur í fótboltanum á þessum tíma
og ég man að margir af þessum
strákum voru svo lykilmenn í meist-
araflokki nokkrum árum seinna.
Þetta var svo einfalt, þú spilaðir bara
fótbolta, það var ekki mikið annað
um að vera. Sjálfur spilaði ég upp í
3. flokk en hætti svo. Þetta gekk
yfirleitt þannig að þegar þú varst á
eldra ári, þá fékkstu að spila en svo
þegar þú varst á yngra ári, þá
fékkstu lítið að spila. Ég hætti lík-
lega á yngra ári í 3. flokki."
Tómas segist þó muna vel eftir
þessu sumri. „Við náðum mjög vel
saman. íslandsmótið var riðlaskipt,
bestu liðin lentu í öðrum riðlinum
og í raun var erfiðara að vinna
riðilinn en sjálfan úrslitaleikinn.
Við unnum ÍA 6:2, minnir mig, í
úrslitaleik og það var langt í frá
erfiðasti leikurinn það sumarið."
Hvernig þjálfari var Bói?
„Mér fannst Bói alltaf fínn þjálfari.
Þarna voru auðvitað allt aðrar
aðstæður og frumstæðari en í dag en
Bói var flottur þjálfari."
Bói var toppþjálfari
Sveinn B. Sveinsson var einn þeirra
úr flokknum sem spilaði hvað lengst
í fótbolta, lék m.a. í Svíþjóð um
tíma og með meistaraflokki ÍBV.
Hann tekur undir með félögum
sínum og nælir þjálfaranum óspart.
„Bói var alveg toppþjálfari og á
ennþá í manni hvert bein, 29 árum
seinna. Viðspjöllumoftumfótbolta
þegar við hittumst og það eru fleiri í
hópnum sem eru duglegir að safna
myndum og halda utan um minn-
ingamar. Þetta var líka alveg ein-
stakur hópur og samheldinn. Þarna
urðu líka til margar skemmtilegar
minningar.“
Attu kannski eina góða sögu frá
sumrinu 1970?
„Ég man alltaf mjög vel eftir því
þegar við áttum að spila við Þór frá
Akureyri. Við áttum að spila við þá
á vellinum við Stýrimannaskólann,
gamla Framvellinum og bæði liðin
komu auðvitað langt að til að spila
leikinn. Við mættum á staðinn
tímanlega og ekkert bólaði á
Þórsurunum. Dómarinn sagði
okkur að klæða okkur í búningana
sem við gerðum auðvitað. Síðan
biðum við örugglega í einar tuttugu
mínútur úti á velli að drepast úr
kulda. Allt í einu kemur einn
strákurinn hlaupandi inn á völlinn
og segir að Þórsarar ætli að gefa
leikinn. Þegar var gengið á hann
kom í Ijós að þeir höfðu skellt sér í
Tónabíó í stað þess að spila
leikinn," sagði Svenni.
Varð tvisvar íslands-
meistari sumarið 1970
Svenni segir að ferðalögin hafi verið
skemmtilegur hluti af því að vera í
fótbolta. „Margir höfðu jafnvel
aldrei ferðast áður en þeir fóru í sína
fyrstu keppnisferð og það var
þannig með mig. Ég ferðaðist í
fyrsta sinn með Þór þegar við fórum
í keppnisferð til Selfoss og ég man
vel eftir þeirri ferð. En þessi ferða-
lög tóku auðvitað lengri tíma en í
dag. Nú er jafnvel skotist í dags-
ferðir en við vorum að lágmarki tvo
eða þrjá daga uppi á landi f einu.
Svo var maður líka að spila upp fyrir
sig og ég spilaði nokkra leiki með 3.
flokki þetta sumar. Það má því
kannski segja að ég hafi tvívegis
orðið íslandsmeistari sumarið
1970.“
ÍSLANDS- OG BIKARMEISTARAR ÍBV 1970. Á myndinni má sjá leikmenn flokkanna sem fögnuðu sigri á íslandsmótinu sumarið 1970,1. 2., 3. og 4. flokkur auk þess sem 2.
flokkur varð bikarmeistari.